السبت، 18 أبريل 2009

بتحبنى........هههه ضحكتنى

بصراحة كده ده بوست كنت منزلاه من زمان كده يجي تسع عشر عشرين شهر ولما قريته حبيت انى استرجعه تانى ونقراه مع بعض سوا سوا
قالى بحبك ............. قلت لة بامارة ايه
قالى سهران الليل..............قلت له ليه
قالى يابنتى حسى بقى........... قلت له طيب اعمل ايه
قالى فكرى فيا..........قلت له بصفتك ايه
قالى بصفتى حبيبك.............. قلت له ميحكمش عليك
قالى اجى اخطبك.................قلت له تشرف يابية
قالى اقابل باباكى امتة.............. قلت لة ده رقمة واتصل بيه
قالى باباكى لذيذ كدة ومتفاهم.............قلت له روح كلمة واتعرف عليه
قالى هكلمة عشان خطرك.............. قلت لة ورينى هتعمل ايه
قالى هتحمل منة كل حاجة...............قلت له ياريت تقدر تاثر فية
قالى باباكى طلباتة اوامر............... قلت له بابا لو حبك هيشتريك
قالى نفسى ومنى عينى باباكى يرضى عنى...............قلت لة باخلاقك وادبك بابا هيراضيك
قالى هتكونى موجودة يوم ماهقابلة...........قلت له لاء ميصحش ده كدة عيب
قالى اتصلت بيه مردش...............قلت لة متصلتش تانى ليه
قالى الشبكة باينها واقعة...............قلت له كلمة ع تليفون البيت
قالى طب اكلمة وانت معايا...........قلت له طب انا جاية ليك
قالى تعالى ياحبيبتى انا هنا...............قلت لة عشر دقايق واكون قدام عينيك
قالى وحشتينى وبحبك كتير...........قلت له يلا بقى نكلم بابا ونقولة المفيد
قالى ماتيجى نشرب حاجة...............قلت لة عاوزة كنز كبير
قالى عيونى ليكى................قلت لة ربنا يخليك
قالى بحبك اوى.............قلت لة وانا بموت فيك
قالى ممكن امسك ايدك..............قلت لة.... يوة ...... متكسفنيش
قالى عشان خطرى................قلت لة بس بقى يابن الايه
قالى هقولك على حاجة.............قلت له خير
قالى بس توعدينى انك هتسمحينى..............قلت لة خير اللهم اجعلة خير
قالى انا مقدرش استغنى عنك...........قلت له كمل انا بستمع ليك
قالى ماما جايبالى عروسة...............قلت لة طب وانا ابقى ايه
قالى مانا مش عارف اقول لماما عليكى..............قلت له هو انا كوخة ولا ايه
قالى اصل العروسة تبقى بنت صحبتها..........قلت له تشرفنا ياسعت البية
قالى طب انا هروح معاهم بكرة عشان اشوفها.............قلت لة وجيت تقابلنى ليه
قالى انا بحبك.............قلت له
هيههيههيهههههههههىىىىىى
قالى انا هاهودهم واروح معاهم.............قلت لة انسانى وامشى من قدامى
قالى مش هسيبك ابدا................قلت له بقولك ابعد عنى وانسانى
واهجرنى وبلاش تترجانى.............حرام عليك ضيعت احلامى
ولسة جاى تقولى بحبك..................بتحبنى..........ههئئ........ضحكتنى

ملحوظة مهمة جدا جدا
الشاب من دول لما يلاقى البنت مالهاش فى سكة بحبك ووحشتينى يروح قايلها انا هتقدملك عشان اخطبك وتبقى بتاعتى ويكون مالكيش حجة
تروح البنت تفهم انة شاريها بقى ومش هيقدر يعيش غير ليها
لكن الواد اول ما يلاقى الموضوع دخل فى الجد وتعالى كلم بابا ويوم كذا هستناك تكون كلمتة
يروح مخترع لها بدل الحجة ميت الف حجة عشان ياجل الموضوعوالبنت مامنالة بقى عشان الولد غرضة شريف وعاوز يكلم بابا
لكن انا من هذا المزنق احب اقول لكل بنت وكل فيتاه
يا ماامنة للرجال يامامنة للمية فى الغربال
وطبعا هقول للبنات اللى اتخدعو فى الشباب وكانو فاكرين وموهومين ياعينى انهم بيدوبو فى دباديبهم
وفاكرين بقى ان الحياة كدة انتهت لما اكتشفو خداعهم

احب اقولهم
لا ياس مع الحياه ولا حياة لمن تنادى
وسمعنى احلى سلام ياسارق من عينى النوم انت حرامى........................
ويا مفرقين الشموووووووووووووع............ انا ما خدتش
رغى كتير ايه ده

هناك 28 تعليقًا:

Ahmed يقول...

ياجرحين الشباب معاكم وظلمنهم

دا الشباب دول غلابه وأغلب من الغلب

هتبقوا انتوا والأيام عليهم

اللي انتي بتقولي عليهم دول لا هما شباب ولا رجاله أصلا

دول حاجه كده بين البنين, صنف ملوش تاريخ صلاحيه, أصله بيتولد فاسد من يومه

والبنت تقدر من الأول تعرف ده شاب ولا فاسد

بس ايه الشعر العثل ده

Ahmed يقول...

هااااااااااااا انا أول تعليق
والتاني كمااااااان

Mohamed يقول...

كدب ، كدب

دي كلها إشاعات مغرضة ... اطلقها أعداء النجاح ... هههه

أنا عجبتني القصيدة ولو انها باظت في الآخر و انتهت مش زي ما انا كنت متوقع ، بس بردو طلعت حلوة

بوست جميل ولذيذ

في آمان الله

ادم المصرى يقول...

طيب دى حقيقه ولا وانتى اعده مع نفسك





هوا عمتا مش هقول انو مبيحصلش لا بيحصل احياننن وبلله بلله بيحصل اغرب واكتر من كده وهذا يحزننى جدا مش لئجل الشباب لا بحزن على البنات بحس ان هما معندهم عقل ولا قلب ليميزو الحب من الاستغلال او التمسيل عجبنى جدا طرحك لكلامك

وبجد انا سعيد بيكى جدا مش عشان البوست لا عشان سؤالك عنى

ادم المصرى يقول...

على فكره الريدر عند كل الناس مش عارف مالو حولى تمسحينى وضفينى تانى

الشاعر الحزين يقول...

يا مفرقين الشموع أنا ما أخدتش

هههههههههه

القصيده حلوه قوى

بس على فكره مش كل الشباب
اه يا ستى احنا مش كده الحمد لله

بس أقولك على حاجه فى سرك

دمك زى العسل والله

صباح الفل

MaNoOoSh يقول...

عجبنى جدا جدا جدااااااااااااا الحوار اللى مكتوب
واحب اقول معاكى للشيباب الشريرين
هيههيههيهههههههههىىىىىى كبيرة قوى

momken يقول...

دانتى وهو رغيييين اوووووى

ايه ده كله

دانتوا بقيتوا عشره بعد الحوار الطويل العريض ده

هما كلمتين انا مش بتاعه الكلام ده اسرح يابنى وانتهينا


لكن مقاس جزمتك كام.......انا حافيه يا بيه
ومرتب خالت مامتك كام.....ستين تلاف جنيه
وبتدفعى فى الاتوبيس كام....انا عامله ابو نيه

دانتى كده بتتمحكى وبتطولى فى الحوار


على رائى المثل

يتمنعن وهن العايزات


البوست دمه خفيف


تحياتى

موجة يقول...

احمد ابو العلا
_____________

والله انتى اللى عثل عثل يابو العلا
وياسيدى متزعلش ع الشباب اوى كدة
لان ده رايي فيهم ومش هيتغير الا من رحم ربى
يعنى فى شباب زى الورد
وطبعا شفت كتير نماذج كويسة
لكن النماذج الفاسدة اكتر
منوووووووووور
منوووووور ع الاخر

اول تعليق هنا وهناك
ماشى ياحمد حسابنا بعدين



Mohamed
_____________

دي كلها إشاعات مغرضة ... اطلقها أعداء النجاح ... هههه

الا بالحق يعنى ايه مغرضة
ههههههههههه
منورنى يا محمد
ومعلش المرة دى طلعت الخاطرة مش زى مانت عاوز
نألف لك خاطرة وتنتهى زى مانت عاوز
بس انا اللى عاوزة اعرف
انت عاوز ايه
عاوزها تنتهى ازاى
عشان اظبط لك قصيدة على مزاجك

فى حفظ الله يامنورنى

ادم المصرى
___________


لاء يا ادم اطمن
دى مش حقيقة
حقيقة مين
بقى انا لما حد يعرفنى يجرؤ ولا يفكر انة يقلبنى
دانا كنت رحت فية ست شهر

بس زى مانت قلت
دى حقيقة وبتحصل وبيحصل الاغرب واكتر من كدة

اهم حاجة ان البنات تتعلم
وتحاول تحافظ على نفسها
يخربيت الحب اللى مبهدل صحابة كدا


وبعدين يا ادم بتقولى انا سعيد بيكى مش عشان البوست عشان سؤالك عليا
طيب يا ادم انا مش هنزل بوستات وهقعد اكتب بوستات
عشان تبقى سعيد
معنى كدة ان البوست معجبكش
بتلكك يا ادم
اصلهم بيقولو عليا نكدية

الشاعر الحزين
_________________

شكلك فاهم يانوصة
ايوة شكلك متابع كوميك شو معايا

يامفرقين الشموع انا مخدتش ولا هو

متخفش ياعلاء انت مش منهم الحمد لله
وربنا يحمى كل الشباب المحترم
ويحافظ ع الشوية الباقيين بقى
احسن دول هينقرضو

وميرسى ع المجاملة الجميلة دى
انت اللى زى العسل

MaNoOoSh
_____________

وكمان هيهيييهييههىىىىىىىىى
اكبر
عشان متزعليش ياحبيبتى
متشكرة على مرورك عندى وياريت تتابعينى

موجة يقول...

momken
________

ايه ده ياممكن كدة برضو
بتقول تماحيك
ماشى ماشى
عموما اصل البت كانت بتحبة فكانت عاوزاة يكمل معاها بطريقة شرعية ورسمية
مش تماحيك
وبعدين الشاب من دول هم اللى بيتمحكو
مش البنات

وبعدين ازاى تقول انا وهو
انا مين وهو مين
انا يحصل معايا كدة والواد هيطلع منها سليم
نووووووووو
دانتو مش عارفينى بقى

رئـيس التحـرير يقول...

طبعا مش كل الناس كده
مش كل الولاد يعني
دمك شربات على فكرة والله
ربنا يكرمك ويوفقك وبابن الحلال الي يصونك ويقدرك يرزقك

ضحكت قوي وأنا بقرأ البوست ده يا موجه

رائع أسلوبك العامي وجذاب

مودتي

blue-wave يقول...

منقدرش نعمم
فيه شباب بيتسلوا
بس برضه فيه بنات كتير بيتسلوا
المهم
بجد نحافظ على نفسنا ومشاعرنا بدون اندفاع
ونخلينا دايما مع ربنا
وهوا عمرة ماهايسيبنا نمشى فى سكة غلط
بس بغض النظر عن كل دا
كلماتك تحفه بجد:))

نـــــور يقول...

لا جامده

وده بيجيلك من ايه ده؟؟!!
ماهى الى غلطانه من الاول انها نزلت للبرص ده كلمته

فى اللى انتى بتقولى عليه ده فعلا
بس كمان فى ناس محترمه

وكمان فى بنات بايظه وبتتسلى
يعنى العيب مش عيب بنت او ولد هو عيب سلوك واخلاق
بس حلو الحوار وحلوة لعبة بحبك وشاريكى وعايزك بالحلال دى
بتحصل والله :)

شاب كــ طخين ـــــا يقول...

الحوار جامد اوى
___________
وفى الاخير طلع الوالد هو البرص لاعايز ياخد على دمغة
طيب البنت دى نزلت قابلته ليه طالما هو كده ومتكسفنيش والحوار ده
العيب فينا كلنا مش فى الولااد بس

العيب عيب انسان شخصيته مظبوطه سواء كان بنت او ولد


_____________

لما كتبتى وقالها تشربى ايه ههههههههههههه
الأفكار الشريرة دخلت دماغى وقلت انا بشوف فيلم (انا حرة )هههههههههه

assafo anaroze يقول...

موجة
تعيشي و تاخدي غيرها
اكيد في ناس من النوعية اللي اتحدثتي عليها وبيدوروا للبنت اسطوانة الجواز علشان يتسلوا على راحتهم بس حبيت اقول لك حاجة ان الشباب مش كلهم كده و مش كلهم بيخدعوا
زي ما بنات وحشة و خداعة كمان في شباب بيخدع
وكمان في بنات قمورة و حلوة في اخلاقها كمان في شباب قمورة و محترمة و عندها ضمير
كل سنة و انت طيبة
مودتي

ادم المصرى يقول...

انتى مش نكديه انتى ذى العسل والله البوست عجبنى ميعجبنيش اذاى وانا واقعى

rona يقول...

كلام كله جد وانا واقعيه وكلامك صح والعيب على اللى مدتوش على دماغه من الاول عرفته هى مين وكلام احمد ابو العلا جامد وعنده حق
هذا النوع الجديد ينتمى الى عالم جديد ويعيش على الهبل ويتغذى بالعبط ربنا يرحمنا منهم

صمت المشاعر يقول...

احب اقولهم
لا ياس مع الحياه ولا حياة لمن تنادى
وسمعنى احلى سلام ياسارق من عينى النوم انت حرامى........................

ههههههههه جميل اوي تعبيرك

جبتي المفيد بكلمات بسيطه اووي فعلا هو دا اللي بيحصل

بس طبعا كما تدين تدان

جزاكي الله كل خيراك علي تنبيهك

موجة يقول...

اشكركو كلكو على تعليقاتكو بس مش هقدر ارد عل كل تعليق لوحدة لان عندى مشكلة جامدة فى النت وانا بكتب الرد ده من مكان ما فى بلدنا
وادعولى يقى ان النت يتصلح ةعشان ارد عليكو كلكو
انا قريت تعليقاتكو كلكو
وبشكر كل المهتمين بالتعليق عندى وربنا يقوم النت بتاعى بالسلامة قولوا امين

mahasen saber يقول...

موجه لكل قاعده شواذ ومش كل البنات كده ولاا كل الشياي كده برضه


اتبسطت جدا بمعرفتك ومن اجمل الحاجات اليى حبيبه عملتهالى انها كانت سبب فى معرفتى بيكى

ساعات البت دى بتعمل حاجات عدله برضه
انا بقول ادبسها فى الواد

mahasen saber يقول...

موجه لكل قاعده شواذ ومش كل البنات كده ولاا كل الشياي كده برضه


اتبسطت جدا بمعرفتك ومن اجمل الحاجات اليى حبيبه عملتهالى انها كانت سبب فى معرفتى بيكى

ساعات البت دى بتعمل حاجات عدله برضه
انا بقول ادبسها فى الواد

ادم المصرى يقول...

وحشتينا

أبو العريف يقول...

موجه

علي فكره زي ما فيه رجاله كده
اكيد فيه بنات كده
ومافيش كده احسمن من كده
بس ايه علاقة الحرامي بالموضوع
هه
ممكن افهم

momken يقول...

انتى فين من زمان

ها؟ انطقى
انتى فين

تحياتى

موجة يقول...

محاسن
_______
والله انا مبسوطة اوى عشان شوفتك واتعرفت عليكى
واتمنى اللى بينا يدوم يارب

ادم المصرى
____________
ميرسى اوى يا ادم على سؤالك عليا
ربنا يخليك يارب

ابو العريف
______________
فينك ياراجل من زمان
وبعدين يابو العريف انت بتسال ايه علاقة الحرامى بالموضوع
الحرامى لة علاقة وطيدة جدا بالموضوع ده
بس انا معرفش ازاى انت اللى بتسال
ياحرامى
انت نسيت نفسك ياحرامى
"صاحب مدونة الحرامى"

momken
_________-
انا هنا اهو ياممكن
بس بالراحة اصلى بخاف
بالراحة ومتزعقش
انت جاى فى مدونتى تزعق

جريدة الريماس للأخبار الحصرية يقول...

شركة تنظيف مساجد بالرياض
شركة كشف تسربات المياه بالرياض
تنظيف أنابيب الصرف الصحي
شركة تنظيف بالبخار
شركة تنظيف رخام بالرياض
شركة تنظيف زجاج الابراج

شركة تنظيف بيوت الشعر بالرياض



شركة الصفوة للاعمال المنزلية

ديكورات غرف نوم
تنظيف خزانات بالدمام
تنظيف خزانات بجدة
تنظيف خزانات بمكة
تنظيف شقق بالدمام

جريدة الريماس للأخبار الحصرية يقول...

تنظيف منازل بالدمام
تسليك مجاري بالدمام
رش مبيدات بالدمام
كشف تسربات المياه بالدمام





شركة تنظيف مسابح بالرياض
شركة تنظيف موكيت بالرياض
شركة تنظيف مجالس شرق الرياض
شركة رش مبيدات بالرياض
شركة تنظيف خزانات شرق الرياض
شركة الصفرات لمكافحة الحشرات بالرياض
شركة تنظيف شقق شرق الرياض
شركة نقل اثاث شرق الرياض
شركة تنظيف بيوت بالرياض
شركة تنظيف منازل شرق الرياض
شركة الصفرات لتنظيف الفلل
شركة نقل عفش بالرياض
شركة تنظيف منازل بالرياض
شركة مكافحة النمل الابيض بالرياض
شركة تنظيف موكيت بالخرج
شركة عزل خزانات بالرياض
شركة تنظيف خزانات بالمدينة المنورة

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام