السبت، 11 أبريل، 2009

خيانة المشاعر


فى حد سمع قبل كدة عن نوع من انواع الخيانة اسمة خيانة المشاعر؟

انا بصراحة كنت عارفة ان فى انواع كتير من الخيانة
ومش المقصود بكلمة خيانة انها الخيانة الجنسية فقط

لالالالالا ابسولوتلى

الخيانة ليها معانى كتير وليها مفاهيم كتير

يعنى فى ست تقول على جوزها انة خانها لو عرفت بس انه كلم واحدة غيرها
رغم ان ده هبل يعنى
انا مش بحب التدقيق اوى كدة

لان بالشكل ده الراجل هيحرم يحكى للست حاجة من هذا القبيل لانها هتبدا تعتبرها خيانة وتبدا تتعامل معاه من منطلق انة خاين
وتطين عيشتة بقى وتضرب له بوزها شبرين ومتكلموش ولا تعملة اى شئ وده طبعا غلط
بس فى ستات بيعتبرو ان ده نوع من انواع الخيانة

وفى نوع تانى بيعتبر الخيانة انه مجرد التفكير بس

التفكير فى حد تانى

يعنى الرجل يفكر فى وحدة تانية غير مراتة
او الست تفكر فى واحد تانى غير جوزها
وده بقى ابشع انواع الخيانة وبيؤدى لخساير جامدة جدا

اولا مجرد ان الراجل يفكر فى وحدة غير مراتة معنى كدة ان الست مراتة مش مكفياة وفى نواقص فيها
وطبعا مفيش انسان كامل

المفروض الرجل التمام يتصرف ازاى لو ده حصل؟

لان طبعا موضوع المشاعر دى مش بايد اى حد فينا دى حاجة كدة بتاعت ربنا
لكن بيبقى فى حلول بديلة

يعنى لو فى وحدة جذبت انتباه الرجل لدرجة انه فكر فيها واخدت مساحة من عقلة للتفكير فيها باى شكل من الاشكال
المفروض ان الراجل يبدا يقارن بين الست دى والست اللى معاه
ويشوف النواقص دى موجودة فين بالضبط
ويبدا يخلى الست بتاعتة تاخد بالها من النواقص دى

وتحاول على اد ماتقدر تكملها عشان الراجل ميبصش برة
ومتاخدش الموضوع بحساسية وتقولة هو انا اعمل ايه ولا ايه
هيبقى انت والعيال وامك
يعنى انا هلاحق على ايه ولا ايه

لاء

الست الذكية اللى ترضى جوزها قبل اى حد تانى
لانها لو ارضت جوزها خلاص الدنيا كلها هتبقى سهل رضاها

لكن تعالو بقى للمشكلة الاكبر

لو الست هى اللى حست بخيانة المشاعر دى
يعنى الست حست ان جوزها منفضلها ومش بيديها حب ولا حنان

وفجأة واحد جذب انتباهها
تعمل ايه بقى الست دى

انا قلت فى البداية ان مسالة المشاعر دى بتاعت ربنا مش بايد حد فينا
عشان كدة مش عاوزة الاقى هجوم عليا من الرجالة
دى مشاعر والست ممكن برضو مشاعرها تتحول من ناحية زوجها

ساعتها الست دى تعمل ايه

انا من رايي انها تعمل زى الرجل وتحاول تحسسة هى نفسها تشوف ايه منة
ولو نفضلها زى العادة
يبقى تنفصل عنة
ده رايي
لانها مش هتقدر تعيش وهى جسديا مع واحد وعقلها ومشاعرها بتتدفق ناحية صورة واحد تانى

وبقول صورة واحد تانى

يعنى يمكن تكون مشاعرها دى متدفقة ناحية صورة مثالية فى خيالها
مش اكتر

يبقى تنفصل عنة لانها لو فضلت عايشة معاه هتفضل طول عمرها خاينة
ومش هتقدر تحافظ على بيتها مهما طالت مده جوازها

وطبعا النواع التالت من الخيانة وهو الخيانة الجنسية
وطبعا انا مش هتكلم فى النوع ده لانة اقبح واوحش صورة بيتحط فيها الشخص ادام نفسة وادام ربنا
ولازم فى كل الحالات نفكر فى ربنا قبل اى شئ
وفى النهاية ربنا يحفظنا يارب احنا وكل المسلمين
وتقبلو منى فائق الاحترام والتحية

هناك 27 تعليقًا:

أحمـــــــــــــد أبو العلا يقول...

صعب اني اتخيل اننا بالنضج الكافي عشان نتقبل الفكره ديه

مسألة الكرامه والكبرياء بين الزوجين بالشكل المبالغ فيه بتدفعهم لعدم تقبل أي نقد من الطرف الآخر وبتعتبر ده اهانه

الموضوع عشان يتعالج محتاج حكمه عاليه جدا

يعني من وجهة نظر الرجل, أي محاوله للمرأه للتعديل أو النقد هيا اهانه واضحه وانتقاص لرجولته. ولو حس للحظه أنها بتشوف في غيره اللي مش موجود فيه, بتكون مشكله كبييييره وكارثه

انا مش بقول أن ده صح

لكن الموضوع محتاج حكمه من الطرف اللي بينقد وحكمه وتقبل من الطرف اللي تحت النقد

وده لازم يتحل عند مرحلة الاختيار من الأول

أحمـــــــــــــد أبو العلا يقول...

طولت في التعليق لكن بما أني أول تعليق يبأه هاااااااااااا

الشاعر الحزين يقول...

موجه

عايزانى أقولك ايه بس ؟

يعنى أنتى لسه خارجه دلوقتى من مدونتى وشايفه المدونه مليانه حب ورمانسيه

تقومى أنتى تنزلى موضوع خيانه كده

خيانه مره واحده ؟

ماشى يا ستى
أنا بقى زعلان وهعيط كمان
ومش هسكت الا لو جبتيلى شيكولاته

أنا مستنى الشيكولاته
أوعى مش تجيبى

وسلام بقى هه

محمد فارس يقول...

الابنه الغاليه (موجه)
ايه الكلام الكبير ده
الخيانه هي الخيانه واقبح نوع والعياذ بالله ما ذكرتيه في اخر الموضوع
بس انا رأي من رأي
الاستاذ احمد ابو العلا **

اي شخص بيقدم علي الخيانه

علي طول تلاقي الشخص التاني حس بتغيير
في تصرفات الطرف الاخر وتبدأ المشاكل
وياسلام لو الست حاولت تلفت
نظر الراجل ان فيه حاجه مش عجباها فيه
طيب ما هو طول عمره معاها كده
علي طول يبقي فيه جديد والعياذ بالله
ويبدأ الظن حتي لو لم تصل لحد الخيانه
هو صحيح المشاعر مش بايدينا
زي ما بتقولي يعني لو حتي الراجل
عمل المستحيل بعد تحولها للتفكير في شخص اخر علشان يرضيها برضه مشاعرها
مش باديها زي ما قلتي حتي لو بقه
نسخه لا ينقصها سوي منظر الاخر
وبعدين من الاخر ياموجه
ما فيش حد بيحس بقيمة اللي معاه
الا لما يروح منه
اسف طولت عليكي
مع خالص تحياتي لك واحترامي
وتمنياتي لك بالسعاده

أمبارح كان عمرى عشرين يقول...

السلام عليكم
مش شايف اى عيب فى ان حد يوقللى على حاجه ناقصه او مش مظبوطه فى واصلحها

وموضوع ان الراجل مش بيقبل حاجه زى كده ده حقيقى بس هو ده الابنتربى عليه من الاخر

الصحابي الجليل عبدالله بن عباس بيقول( إني لأتزين لزوجتي كما تتزين لي)
يعنى لو شوفنها انه كان بيعمل كده ارضاء لزوجته
او شوفنها على اى حاجه تانيه

وفى الاخير الخيانة هى الخيانه بأى شكل وتحت اى ظروف

بوست جميل جدا
دمتى بكل خير

momken يقول...
أزال المؤلف هذا التعليق.
momken يقول...

الله

حلو اوى الموضوع ده

شوفى ياستى قال تعالى

بسم الله الرحمن الرحيم

(يا ايها الذين امنو لا تخنوا الله والرسول وتخونوا امانتكم)
صدق الله العظيم

انا الخيانه الجسديه فهى منتهى الخيانه
لان من خان يخون بنظره ثم بسمعه ثم بانفه ثم بعقله ثم باحساسه ثم يسلم جسده

فالخيانه الجسديه هى مجموعه خيانات اجتمعت لهذه الدرجه لذلك لا يقوم بها شريف ايداً بل يقوم بها من هم بلا شرف


اما الخيانه العقليه او الفكريه او التطلع فلها وجهان
ايما ان تكون تذكر الماضى وهذا جزىء من تاريخ وحياه الفرد لايمكن التخلى عنه وخارج عن ارادته كأن يتذكر الفرد حبه اولا..او خطيبه السابق....او حتى زميله فى الدراسه
ويكون الموضوع مجرد تذكر او استرجاع مواقف
هذا اسميه خيانه مشروعه واتكلمت عنه فى بوست عندى وده اللينك بتاعه

http://moomken.blogspot.com/2008/12/blog-post.html


اما ان يخون الشخص بفكره ايضا ولكن فى الحاضر يعنى مثلا وحده تفكر فى جارهم او جوز صحبتها او صديق جوزها او حتى ابن عمها فهذه مقدمات الخيانه
لان الخيانه يا سيدتى تبداء بهفوة او شرز بسيط يتبعه الخيانه الخامله
والشخص الخائن ابداً لا يشبع من الخيانه
تماما كالص لا يشبع ابداً من الحرام



البوست رائع
وافكار حضرتك بتعجبنى جداً

اسف على التطويل


تحياتى

ســـهــــر يقول...

يسلملى عقلك ونضجك يا موجة

اقولك حاجة يا موجتى
ليا صديقتى اتجوزت وكانت بتحب حد تانى
عاشت فترة كارهه كل حاجة لمجرد انها بتفتكر الشخص اللى كانت بتحبة

اتغلبت على احساساها دة بالصلاة
كانت بتركع وتدعى لربنا انها تنساه وينور بصيرتها ويقربها اكتر من جوزها

لحد م الحمد لله نسيته تماما


ع الهامش كدة يا موجة حكاية ان لو واحد انجذب لواحدة غير مراته
وحطها فى مقارنة مع مراتة دى بردوا مؤلمه جدا

مجرد المقارنة يبقا فى نواقص فى مشاعره مع مراته ودة الى حد ما مرفوض

مش عارفة اقولك اية ولا اية
غير انك جميلة وبوست تحفة

تحياتى يا قلبى أنا

assafo anaroze يقول...

سيدتي
ابشع شيء في الوجود الخيانة و انا من كل قلبي مبحبش الخاينين
و خيانة المشاعر اصعب شيء انك تكون مع حد و تعيش معاه و تفكر في غيره
انا حقول للراجل اللي يعمل كده حط نفسك في موقع المراة و حسيت انها بتفكر في غيرك ايه احساسك انذاك ؟؟؟؟؟؟؟؟
و العكس صحيح
سيدتي لو حسينا في يوم سواء النساء و الرجال اننا مستحيل حنكمل مع بعض و ان احاسسنا تتغير و تتجه اتجاه ثاني لازم نوضع حد للعلاقة ده احسن من الخيانة
مودتي

نظره عين يقول...

موووووووووجه تسلم ايديكى يااختى ياحبيبتى اللى كتبت الموضوع
ربنا يحفظنا من الخيانه دى سواء من زوج او من صديق او من اى شخص
سلامى ليكى

blue-wave يقول...

خيانه المشاعر
اصعب انواع الخيانه
واصعبها فى الإكتشاف ايضا

عمرو يقول...

الله ينور عليكى ..
أوافقك على كل كلمه قولتيها ..
و شعرت و أنا أقرأ البوست و كأنى أنا اللى كاتبه ..
أحييكى على مدونتك الرائعه و تقبلى خالص تقديرى ..

أبو العريف يقول...

اعتقد لو الزوجين وصله لدرجه معقوله من التفاهم قبل كل شئ يقدر كل واحد يوجه التانيه لتغيير عيوبه
من غير ما يحسسه بكده

موجة يقول...

احمد ابو العلا
________________
اعتقد يا احمد الزوجين مابيكون بينهم موضوع الكرامة والكبرياء ده
كل من الزوجين بيتنازل عن كرامتة وكبريائة فى سبيل ان الطرف الاخر يقدر هذا التنازل ويقدم لة البديل

وانا طبعا معاك فى رايك بالنسبة للرجل انى بيعتبر ان زوجتة لو قالتلة على شئ فيه مش عاجبها بيعتبرة اهانة
وعموما ربنا يحفظنا يارب من اى نوع من انواع الخيانة

وبعدين انت تطول براحتك يا فندم ولا يهمك

الشاعر الحزين
_______________
والله ياعلاء اعذرنى انا مكنتش اعرف انك كاتب البوست الجميل اللى كلة حب ورومنسية ده الا اما كتبت البوست بتاعى
وعموما ياسيدى ماتزعلش حقك عليا
وبالنسبة لموضوع الشيكولاتة ابقى شوف حد يجيب لنا احنا الاتنين

محمد فارس
_____________
طبعا المسالة فى الاول وفى الاخر بترجع لان الواحد يكون حاطط ربنا علطول قدامة وقبل مايخون اللى معاه يعرف انة بيغضب ربنا ويحاول من نفسة يقلع عن ده من غير ما يلفت الانتباه ولا يحتاج توجية من حد
منورنى يا محمد دايما

امبارح كان عمرى عشرين
__________________________
والله انا اتشرفت بتعليقك عندى
وشرفنى رايك الجميل انة طبعا مافيش اى خجل ان الواحد يعرف اى احطاء مترضيش زوجة ويغيرها ده شئ ميضايقش هو بس محتاج شوية ليونة فى الفكر
يارب تفضل منورنى بتعليقاتك

momken
_________
الله الله يامستحيل على تعليقك
بداية موفقة
بذكر ايه من القران الحكيم
وكلامك جميل اوى اوى يامستحيل
ومقنع
وبالنسبة للبوست بتاع خيانة مشروعة فانا تقريبا قريتة بالفعل قبل كدة بس انا هقراه تانى
نورتنى يامستحيل
وابقى طول على مزاجك
هبقى اقولهم انك تبعى:)

نـــــــــــــور يقول...

بصى ياقمر
انا متفقهمعاكى فى كل حاجه بس انتى بتتكلمى بلسان ست هتحكم عقلها فى علاقتها اوى لما قلتلى انها مش مفروض تدقق اوى لانها كده كده بتكون انفعالاتها غصب عنها لما تتعب او تغير -الا اذا كان فى ناس جبلات مابيحسوش ومابيغيروش p: -

لكن انا رايى انهم لو قدروا فعلا يكونوا على قدر من الحكمه والعقل وكمان التفاهم وبينهم مساحه كافيه من الثقه والصداقه هيقدروا يوصلوا صح لتصحيح اى غلط

خيانه المشاعر صعبه جدا مش لاى سبب غير انها خيانه للقلب

شاطره ياموجتى ياحبيبتى
فكرينى اجيبلك مصاصه بكره
ولا مش هتيجى؟

ايوشة يقول...

وفى النهاية ربنا يحفظنا يارب احنا وكل المسلمين .امين يارب العالمين
الموضوع كله مسالة مراعاة لحقوق التانى مش هتخلى فرصة للخيانة تترب بينهم لو كل واحد فيهم بيدى التانى حقه كويس مش يفكروا فى الحيانة ابدا حتى لو بالتفكير
مرسيى للمرورك على المدونة

ادم المصرى يقول...

انى اضم صوتى لصوت الاستاذ المعلق momken

وهوا التعليق المثالى جدا والعقلى جدا فى هذا البوست

نـــــــــــــور يقول...

احسن
مبسوطة فيكى فى عزلتك
الهى يارب تدوم بس تظهرى يومين وتختفى تانى
الله مبسوطه فيكى اوى
ياكلبه ياللى مش افتكرتينى ههههههه
شريره أنــــــــــا-ضحكات شريره متقطعه-

momken يقول...

انتى فين من زمان

ارجعى متخفيش محدش هيعملك حاجه


تحياتى

موجة يقول...

سهر
_________
ميرسى ياسهر على المجاملة الرقيقة دى
واحب اقولك ان اللى يشغل بالة بحب الله ورسولة وحب زويها مش هيلاقى مكان فاضى يحط فية اى حد مالوش مكان
يعنى مش هيكون فى معنى ولا وجود للخيانة من الاساس
نورتينى وياريت تفضل علطول منورانى

assafo anaroze
_________________
شرفتنى يا assafo anaroze ونورتنى
معلش مش عارفة انطق الاسم
المهم ان كلام حضرتك صح جدا
يعنى لو كل واحد حط نفسة مكان اللى هيوجعة مكنش فى حد اتوجع ابدا
ولا كان اتوجد الشئ اللى اسمة الخيانة
دمت بالخير

نظرة عين
_________
ربنا يخليكى يالولو ياحبيبتى
وافضلى انتى ادعيلى كدة ادام الناس لكن بينى ويبنك اهرينى دعا عليا
ماشى يالولو والله انا هوريكى

blue wave
____________
منور يادكتور
فينك كدة من زمان
واحب اقولك انك اضفت جديد للموضوع
ان خيانة المشاعر اصعب الانواع اكتشافا
تحياتى يادكتور

عمرو
________
ميرسى يا استاذ عمرو
ونورتنى ويارب تفضل منورنى وكم يسعدنى ويشرفنى انك تشعر انك انت كاتب هذا البوست
معنى ده ان فى براين ستورم بينا
دمت بود

ابو العريف
___________
فعلا يابو العريف
بالتفاهم نقدر نحل اى نوع من انواع المشاكل بس نقول لمين بقى

نور
____
حبيبتى
فين المصاصة اللى انتى وعدتينى بيها

ايوشة
_________
منورانى والله يا ايوشة
وفعلا لو كل واحد فكر انة يدى حقوق التانى زى ماهى ماينقصش منها شئ
افتكر ان الموضوع هيبقى كدة اتحل

ادم المصرى
__________
ياااااااااااه
هو انت لسة هنا
فينك يادم من زمان
انشالله الغيبة تكون سببها خير

نور
_____
كدة برضو يانور تفرحى فيا
نظرة صعبنة بتاعت عكرمة
ههههههههههه

momken
________
انا هاجى يامستحيل بس على ضمنتك
ماليش دعوة
انا فى جوارك
ميرسى على سؤالك يامستحيل

غير معرف يقول...

يا جماعه انا بحب واحدة ومش مقصر معاها فى حاجة بس هى كانت بتحب واحد وسابو بعض علشان مش كان كويس وهى بتقولى انت فيكى كل حاجة كنت عاوزها فى حبيبى او شريك حياتى بس فى حاجة.
انها بتفكر كتير فى الماضى ودة بحسة اوى واما بيجيلى الاحساس دة ببقا حاسس انى ميت ومش بنادم عايش انا تعبان اوى والله .واما اكلمها تقولى انا مش بفكر فى حاجة وهى بتفكر القلب هو اللى بيشوف الحقيقة

safae يقول...

ana bashkorik gidan 3ala lmado3 gamil ra2i3 bas ana liya tala bardo momkin inik tidini 3inanik 3al feesbook ok plzase.

safae يقول...

allh ykhlik lina ya moga .rabina yahfadk mn lkhiyana ya rab yis3idk fi 7ayatk

Jojo Ayman يقول...

شركة تنظيف واجهات زجاج بالرياض
شركة مكافحة الخنافس بالرياض
شركة مكافحة السحالي بالرياض
شركة مكافحة الجنادب بالرياض
شركة مكافحة المن بالرياض
شركة مكافحة الديدان بالرياض
شركة مكافحة الباعوض بالرياض
شركة مكافحة الحيات بالرياض
شركة مكافحة اليراسيع بالرياض
شركة مكافحة الجراد بالرياض
شركة مكافحة العنكبوت بالرياض
شركة مكافحة الدبور بالرياض

Jojo Ayman يقول...

شركة مكافحة السناجب بالرياض
شركة مكافحة النمل الاسود بالرياض
شركة تنظيف مكاتب بالرياض
شركة تنظيف مطابخ بالرياض
شركة تنظيف بيارات بالرياض
شركة تنظيف بيارات شرق الرياض
شركة تنظيف بيارات شمال الرياض
شركة تنظيف بيارات غرب الرياض
شركة تنظيف بيارات جنوب الرياض
شركة شفط بيارات بالرياض
شركة شفط بيارات شرق الرياض

Jojo Ayman يقول...

شركة شفط بيارات شمال الرياض
شركة شفط بيارات غرب الرياض
شركة شفط بيارات جنوب الرياض
شركة تنظيف قصور بالرياض
شركة تنظيف قصور شرق الرياض
شركة تنظيف قصور شمال الرياض
شركة تنظيف قصور غرب الرياض

شركة تنظيف بالدمام شركة تاج يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام