ومـــــــــــــالــــــه

كلمة السر

لما الراجل يرجع من الشغل طهقان زهقان مدايق من رئيسه فى الشغل اللى مطلع عينة ومستعبده فى شغلة ومبعطر كرامتة
تيجى مراتة تطبطب على كتفة وتقوله:
وماله ياراجل كلنا خدامين لقمة العيش واما كنتش تعمل كدة غيرك هيوافق يعمل كدة وياخد مطرحك فى الشغل احنا وعيالك اولى ياخويا استحمل شويه ياراجل انت خرع كده ليه

لما الولد يرجع من المدرسة بيعيط ويجي يشتكى لامة ويقولها الاستاذ ضربنى على ضهر ايدى بحرف المسطرة عشان مدفعتش فلوس المجموعة وطردنى وشتمنى بابويا
امة تقولة:
وماله يابنى مهو بيضربك عشان يعلمك ايوة امال ايه بيعلمك ياحبيبى ومع كدة متزعلش عشان شتمك بابوك ماهو ابوك ياما بيشتم

لما البنت تروح تقعد مع جدتها وتحكيلها على الشباب اللى كانو بيعاكسوها وهى جايه لها و اد ايه كانو سفلة وقلالات الادب
تقولها جدتها:
وماله ياختى يمكن واحد فيهم يعجب بيكى ويجى يخطبك من ابوكى اه ماهو الجواز سترة للبنت وهو ده حلمى انى اشوفك عروسة قبل ما اموت

لما الست ترجع لجوزها من الشغل وتقوله المدير كان بيبصبص لى وانا بالشكل ده هقدم استقالتى انا مش هستحمل قلة ادبه دى يغور الشهد من وش القرد مش هشتغل يا سيدى بقى
جوزها يرد عليها ويقولها:
وماله ياحبيبتى ماهو اكيد معجب بشغلك وعشان كدة يمكن يزود مرتبك ويديكى حوافز وبدلات اوعى تستقيلى انا بقولك اهو المصاريف كتير والعربية مافيهاش بنزين والموبيل لازم نحوله لخط وقسط الشاليه اللى فى الساحل الشمالى لسه ماندفعش

لما عمرو دياب بذات نفسة يحب يرقص سلو مع مزة حلوة لازم طبعا يغريها ويغنيلها وماله

وماله وماله وماله

انا نفسى اعرف فين ماله ده اللى بيخلى ناس كتير تتنازل عن كرامتها وترضى بالاهانه
وكل واحد بيسمع وماله دى كانه اخد حباية كيتوفان بينسى الاهانة وينسى اللى كان بيشتكى منه ويرجع يستسلم للى كان فيه عشان ماله
هل اللى بيسمع وماله دى بيستسلم عشان هو عايز يستسلم ولا بينسى عشان وماله دى هى كلمة السر السحرية؟؟

عواطلية ولكن....

من ساعة ماتخرجت وانا زهقانة

مفيش شغل مفيش حاجة الواحد يعملها غير انة يتحرق دمة كل يوم والتانى بالاخبار المستفزة اللى بنشوفها فى التليفزيون والجرايد

حادثة القطر

ومعرفش مين سرق مين

ومين صور البنت صور مش كويسة واخوها قتل اللى عمل العملة دى

والاهلى والزمالك

والخبر اللى جننى بقى عمكو الاستاذ المبجل اللى خرب الدنيا جمال باشا مبارك

اللى نشر فى الجرنال كل الشباب هيشغلو كلهم هيقبضو مرتبات حلوة اوى

كلهم هياكلو لحمة كلهم هيركبو عربيات وفى الاخر

كلهم هياخدو بالجزمة القديمة على دماغهم هم واللى جابوهم عشان بيصدقونى

كلام فارغ

انا مش بتكلم عن نفسى اد ما بتكلم عن الشباب الخريجين الجداد

طب احنا اخرتنا هنتجوز ونلاقى واحد يشقا ويتعب واحنا اللى نخرب بيته وبيت ابوة كمان

ايوة امال ايه

ايشى شبكة وعفش بقى

وبعد الجواز العيال والمصاريف

يعنى هيطلع عينة الراجل اللى هيجوز ده

وهنلاقى احنا بقى اللى يصرف علينا

اما هما هيعملو ايه

انا بفكر اتجوز حرامى من الحرمية الكبار دول عشان يبقى قاعد على تل ما يختل

واما يقولى مفيش اقولة نعم

داحنا دافنينة سوا

ايه رايكو بقى فى حال البلد دى

على راى سماعين يس

عال عال عال

المشاعر

انما المشاعر قناديل يهتدى بها الانسان
وذكرى عالقة بالبال لاتقبل النسيان
فان اردت معرفتها فسال عنها الوجدان
فليست مسالة رياضية قابلة لشرح والبيان
فهى التى تقودك وكانك فى حالة غثيان
وفى بحرها تتركك لتتعلم العوم باتقان
اذا كنت لا تقوى فاعترف قبل فوات الاوان
قبل ان تغرق ولن تجد من ينقذك ويدفع عنك الهوان
تللك المشاعر مشاعل حملها الفرسان
قدروها فلم تكن دليل ضعف او هوان

اعتراف صريح

اقر واعترف ياجماعة وسامحونى

معلش خدعتكو كل البوستات اللى فاتت دى

بس انا لاقيتنى فاضية ومش بعمل حاجة فقلت اخرج اجندة الزكريات

واقرا اللى فيها فخرجت الاجندة ولاقيت فيها زكريات كانت جميلة فى وقتها

وطبعا قلت بدل ماهى مركونة فى وسط الكتب كدة ومحدش بيقولها انتى فين

والله لاكتب اللى فيها ع المدونة واشوف رد فعل الناس اية

وطبعا ردود افعالكو خلتنى استمر فى نشر الذكريات دى

لكن توصل انى اتدبس فى حب وكلام من ده

نوووووووووو

ابسولوتلى

بس احب ابشركو ان الاجندة مش كلها حب

الاجندة من سنة 2004 لحد سنة 2005 كانت حب

وبعدين من 2005 لحد 2007 بقت ................

ولا بلاش

هتكتشفو دة بنفسكو

وسيبونى بقى باللى انا فية

احسن انا مقهورة

كل ما اقرا الكلام اللى انا كنت كاتباه ده

اقول انا كتبت ده ازاى وكتبتة لمين ما كلهم فى الاخر ميستهلوش

واقعد اندب حظى

اهئ اهئ ااااااااااااااه

اى كلام فاضى معقول

ياضى العين ....... يانور القلب........ ياشمعة فؤادى
لم البعد عنى ..... وقد دابت فيك اجزائى
احببتك من كل قلبى ....... فكيف تحتمل فراقى
ملكتك امرى ونفسى .... فهل انت عليا باقى
عاطشة لحبك وحنانك ......... وانت ليا الساقى

كم انا محتاجة لك ..... ولوجودك بجوارى
ارجوك لاتبعد عنى ..... فقلوبنا ليست من الاحجار
قلبى كان من الحديد قبل لقائك .... بل كان من النار
اما الان وبعد ان عرفتك..... اصبح قلبى مثل الصلصال
سلمتك قلبى فلا تبكية من الدموع انهار
واخفية عن عيون الناس وضعة فى قلبك دارى

احببتك ياعمرى فحبك هو النار
ولكن نارك جنة لى فلن اهم بالفرار
اجعلنى حبيبة قلبك ولن اجعل حبك نار

ويأخذنى الحنين اليك

عندما أسرح فى منظر المغيب وتمتلئ الدنيا باللون الاحمر البهيج
وارى الشمس تذوب فى الارض مثل الحبيب

عندها حبيبى اتذكرك
وياخذنى الحنين اليك

عندما أجلس وحدى واحدث نفسى بنفسى
لماذا أنا هكذا؟ لماذا يمتلئ بالدمع عينى؟
وأسال نفسى هل هذا هو الحب الذى يتمناه قلبى

عندها حبيبى اتذكرك
ويأخذنى الحنين اليك

عندما أرى فى عينى صورتك
وأتذكر بدقة ملامح رسمك
وأشتاق لرؤية ابتسامة وجهك
واتذكر ما حدث حتى احظى بقلبك
وتاخذنى نفسى الى حبك
عندها ينطق لسانى كلمة أحبك

وعندها حبيبى أتذكرك
وياخذنى الحنين اليك

عندما تمتلئ عينى بالدموع
ويدق قلبى بصوت مسموع
وأشعر بالخوف الممنوع
وينطفى النور فى قلبى المهروع
وياتى ضوء من بعيد
يشبة ضوء الشموع
وانظر فى هذا الضوء
فاجدة حبيبى المفزوع

عندها حبيبى اتذكرك
وياخذنى الحنين اليك

عندما اسمع صوتك
واطلب من الله ان يقربنى منك
وتاخذنى نفسى الى حبك
واشتاق عندها الى رؤية عينك
وان اسمع صوت دقات قلبك

عندها حبيبى اتذكرك
وياخذنى الحنين اليك

فقدته

هذا خسرتة وابكى علية

انا لو بكيت عمرى كلة ما اوفية
ومهما ابحث عن مثيلة ما ألاقية
وان جدت له مثيل فى كل شئ فلن اجد من يجعلنى احتفظ بيه

احتفظت به داخل قلبى وبقيت صورتة هى الحالة المثالية التى ابحث عنها فى زمن غير موجود فية

ولو نظرت فى اعين الناس جميعا لن اجد نظرة تشبة نظرة عينية
ولو احبنى الملوك والسلاطين لن اجد من يملك قلبى ويستحوذ علية
ولن اجد من يروض أفكارى لافعال ترضينى وترضية

كان يخشى على قلبى من اى شئ يؤذية
الحزن يملآ قلبى لفقدانى اياه
الذى ملأ قلبى بحب الخير والامل والوفاء

اتمنى لو أراه مجددا امامى يمد لقلبى ولحياتى يدية
ولكنى اتمنى شئ من المستحيب ولكن المستحيل الاكبر هو عدم وجودة فى حياتى
عدم وجودة بجوارى يساندنى ويدعمنى بقلبة الكبير

ماذا أفعل؟؟؟

هل اصدق ما حدث بالفعل؟ انه ماعاد له رجوع ولن يعود مجددا ليملآ حياتى بالبهجة والفرحة
فلياتى ويخبرنى بما يجب عليا فعلة حتى استرده الى من جديد

سيأخذنى الحنين اليه دائما عندما اتذكرة سيأخذنى الحنين اليه