يااااااااااااااااااه
فين ايام البلوجر وايام التدوين
المدونات دى بتفكرنى بايام البراءة والابداع والابتكار
طبعا كلنا انشغلنا فى الفيس بوك والتويتر والحاجات الجديدة دى
بس المفروض اننا مننساش اول حاجة عرفتنا على انفسنا بالاول
مش ممكن انسى لما نزلنا احنا ومجموعة من البلوجرز اسكندرية وقضينا يوم جميل جدا هنا
مش ممكن انسى اليوم اللى حضرنا فيه الاحتفال باول اصدار لكتاب انا انثى
ومش ممكن انسى برضو ان انا ومجموعة من البلوجرز حضرنا تصوير برنامج البيوت اسرار على قناة ايه ار تى عين
عارفين ان العلاقات انقطعت باغلب الناس اللى كنت عارفاهم
وبصراحة حزينة جدا لانى مكنتش احب ان العلاقات تتقطع بالشكل ده لانهم كانوا جزء حلو وكبير فى حياتنا
بس للاسف الدنيا مشاغل
رجعت لكو بخبر هو قديم بس جديد :)
انا اتجوزت الحمد لله وبقالى 10 شهور فى الخدمة
ربنا يكرمنا بقى ونجيب بلوجر صغنن كده عشان يبقى اصغر بلوجر فى الدنيا
وحشتونى كلكوا
موجة