الثلاثاء، 28 أبريل، 2009

ممنوع الدخول الا لطلبة بكالريوس

من يوم 25/4/2009

عملت حاجة حلوة اوى


ال ايه بقى بستعد للامتحانات

ونفسية الواحد ال يعنى مدمرة ومش متحملة حد يفتح بقة معايا


قووم ايه


رحت جايبة ورقة خضرا من الورق بتاع اللوح ده

والورقة دى كانت عندى من بواقى شغل فى الكلية

خنصرتها وقلت استغلها فى حاجة مفيدة


ورحت جايبة قلم اسود سبورة

وقلت اكتب فى اللوحة دى حاجة تخلى اللى يشوفنى ميتكلمش

رحت كاتبة


ممنوع الدخول لغير طلبة بكالريوس لمدة لاتقل عن ثلاثة شهور من تاريخ اليوم


ورحت معلقاها على باب الاوضة بتاعتى

وقلت بس كدة

تلكيكة حلوة

عشان اللى يدخل

افش غلى فية بقى

والحجة موجودة

انا معلقة يافطة


وفعلا


اللوحة دى عملت احلى شغل

بقيت اقفل باب الاوضة بتاعتى

ومحدش هيقدر يهوب ناحيتها

بس هو لمدة يومين اتنين بس


وبعدها


راح بابا شايل اللوحة

وقالى

ايه ياختى اللى انتى حاطاه ده

رحت ردة علية قايلالة

يابابا بقى

متسيبها

قال طيب

ماشى انا مش هكسر بخاطرك

بس ابقى شوفى مين هينفذ اللى فيها

قلت لة يابابا ده مكتوب لكل الناس

الا انت ياحبيبى

قالى ماشى

ان كان كدة ماشى


ورحت معلقاها تانى

تيجى ماماا

يدور نفس الحوار

ياماما كلة الا انتى ياحبيبتى

ده الكلام ده مش ليكى


وتتعلق اللوحة

على باب الاوضة

ويتبدل حالها


بدل ممنوع الدخول الا لطلبة بكالريوس


بقى ممنوع دخول طلبة بكالريوس

وخصوصا انا


ودى بقى حكايتى مع اللوحة

وارجوكو ياجماعة

ادعولى بشدة انا واللى زيي

عشان الايام دى

بجد ربنا يعلم بحالنا

ميرسى ليكو كلكو متشكرة على دعواتكو مقدما

هناك 28 تعليقًا:

ســـهــــر يقول...

هههههههههههههههههههههه
بحجز وبضحك وهاجى ارد

ســـهــــر يقول...

بصى يا موجة ربنا يخليلك بابا وماما يارب مكنش لازم لوحة يا اوختى منى منك كنت اعلقها جوة الأودة مش من برة
هههههههههههههه
والله انتوا عيلة زى السكر

لسة زعلولة منى بقا :$

خلاص ميبقاش قلب بولكة سودة

ســـهــــر يقول...

وادى الميل يا بنوتى

crazy_girl_2026@yahoo.com

أبو العريف يقول...

واحد صاحبي كان كاتب علي اوضته
قسم العماره

assafo anaroze يقول...

موجة
اتمنى لك التوفيق و يا رب تنجحي
بس النجاح لا يأتي من دون استذكار و مراجعة شدي حيلك و خلي توكلك على الله
مودتي

أمبارح كان عمرى عشرين يقول...

ربنا معاكى وان شاء الله خير
اعملى الاعليكى وربنا هيكرمك ان شاء الله

مدحت محمد يقول...

ربنا يقف جنبك يابنتى

شباك موارب يقول...

ههههههههههههههههههههههه
ضحكتيني اوي
بتتلككي عشان ماتذاكريش
ربنا يوفقك ان شاء الله ياقمر وتبقي باشمهندسه قد الدنيا

الشاعر الحزين يقول...

موجه

بوست جميل قوى والله يا موجه وجاى فى وقته

لأنى والله فى حاله بتخلينى أتلكك على أى حاجه عشان أضحك نفسى أضحك قوى عشان أنسى

وبجد البوست بتاعك ضحكنى قوى

وفى نفس الوقت بدعيلك والله

ربنا يوفقك يارب ويكرمك وتحققى كل اللى بتحلمى بيه

لكى كل تحياتى

MaNoOoSh يقول...

ربنا معاكى يا قمر

نـــــــــــــور يقول...

طيب انا لو جيت هدخل بجد ولا بنصب زى مانصبتى عليهم؟
بس انا رأيى امنعى اى حاجه من ريحتنا
مش اى حاجه بعيدعننا !!
بلا هم انا اعصابى اتدمرت

ادم المصرى يقول...

ان شاء الله احلامك كلها هتتحقق بأذن الله

بس نفسى ألومك على حاجه انتى كنتى جيه مدونتى وانتى قرفانه اصلك علقتى تعليق لو مكنتيش علقتى كان افضل ليا ليا كدا يبنتى عملتلك ايه انا

momken يقول...

محسيسانى انك دخله حرب

فى ايه يا بشمهندسه دى مجرد امتحان عادى زى كل السنين وبعد ما تتخرجى هتندمى على الخروج الى اطقع والجامعه والشله والمواصلات والحركات

حتى لما تشتغلى هتلاقى ان جو الشغل مختلف خالص عن جو الجامعه

وبعدين موضوع اللوحه دى يرجع للشخصيه
وواضح انهم كلهم كلهم فى البيت شخصيتهم قويه الا واحده
وكلنا عارفينها

انتى كان فاضل تقولى لعم متولى بتاع العرقوس اللوحه دى للناس كلها الا انت ياعم متولى علشان اكل عيشك

وبعدين تعالى هنا
انتى بتقولى فى التعليق الى عندى قول الكلام ده ليها
انا معنديش ليها
حياتى بلا ليها

مع خالص التمنيات بالنجاح والتوفيق

تحياتى

أحمـــــــــــــد أبو العلا يقول...

ههههههه
لوحه جميله أوي

ربنا يكرمك ان شاء الله وييسر الصعب

موجة يقول...

سهر
________
حبيبة قلبى انا فرحانة اوى عشان عرفت ميلك واخيرا هعرف ايه اللى مضايقك

وانا ضيفتك عندى خلاص
ايقى اقبلى الاضافة بقى
ماشى

امووووووووووة


ابو العريف
_______________
والله فكرة برضو
اكتب على اوضتى
قسم هندسة صناعية
عشان اللى يقرا يفهم اللى جوة دى شكلها ايه


assafo anaroze
___________________
ميرسى على الدعوات الجميلة دى
وع النصيحة الغالية دى
بس ليا عندك طلب ونفسى تحققهولى
نفسى اعرف اكتب اسمك بنفسى
ممكن تترجمه ليا
او تقولهولى حرف حرف

والله بتكلم جد ياريت تلبيلى الطلب ده

امبارح كان عمرى عشرين
__________________________
ربنا يخليك يارب
وانشاء الله ربنا يعينى ويعين كل اللى زيي
بس انت كمان اعمل اللى عليك وادعيلى

مدحت محمد
________
نورتنى يافندم
وميرسى ع الدعوة ياباباتى

شباك موارب
___________
ههههههههههههه
يصراحة اه بتلكك
وربنا يخليكى يارب
وتفضل الضحكة منورة وشك كدة دايما

الشاعر الحزين
_____________
تنسى ايه بس ياعلاء
تعالى احضر معانا يوم واحد ف الكلية وانت تنسى اسمك
جرب انت بس ومش هتندم

ربنا يهديك للخير ويريح بالك


MaNoOoSh
____________
ميرسى اوى
وبجد منورانى


نـــــــــــــور
____________________
عيب عليكى يانور
دى اللوحة دى معمولة للناس كلها الا انت ياحبيبتى
دانتى حبيبتى يابت
انتى
لاء لالاء
مش معقول
انتى بتشكى فى كدة يانور
:)


ادم المصرى
__________

انا يشكرك يادم على الدعوة
بس متزعلش منى يادم
ياريت بجد متزعلش انا مقصدش


momken
____________
جرى ايه يامستحيل
هو فى ايه
مالك قارش ملحتى ليه
كل ما جى اعمل حاجة تتريق عليها
لاء بقولك ايه
دانت متعرفنيش بقى
وعمووما مش هتكلم معاك هنا فى مدونتى
استنى عليا اما تنزل يوست ولا حاجة
وانا هحرمك تتريق على الخلق تانى

وبعدين جاى تقول انت عايش من غير ليها
امال الشحتفة اللى فى البوست دى ايه

احمد ابو العلا
_________________
ربنا يخليك يا احمد يارب

د. ياسر عمر عبد الفتاح يقول...

أه من بكالريوس
نفسي أغمض وأفتح ألاقي بين إيديا شهادة التخرج
وفعلاً أنا مش عاوز حد يفتح بقي معايا خااااااالص
بس من غير ورق همه بيحترموا نفسيهم ومحدش بيقرب لأوضة المجنون ..

كاتب مصري يقول...

ربنا يوفقك يارب ياموجة وتجيبي حاجة حلوة كده وتتخرجي وترتاحي باه
شكلك شقيانة يا عيني
ربنا معاكي
مودتي

ايوشة يقول...

هههههه ربنا معاكى ويوفقك يارب

Meme يقول...

ههههههههه ضحكتيني بس حلوه الفكره
عموما ربنا يوفقك يارب و تتخرجي

assafo anaroze يقول...

موجة
على عيني :
اسافو اناروز كلمة امازيغية تعني " مشعل الامل "
مودتي

موجة يقول...

د/ياسر عبد الفتاح
___________________
انا عارفةان الحال من بعضة
بس ربنا يوفقنا جميعا وننتهى على خير
يارب


كاتب مصرى
____________
اه والله شقيانة شقيانة وطلعان عينى وروحى
دعواتكو لينا
ربنا يخليكو
يارب تنجحو كلكو يارب

ايوشة
____
ميرسى ليكى ياقمر

meme
________
هههههههههه
هم يهأهأ
وهم يهئ هئ

ربنا ينور وشك دايما بالضحك
دعواتكو باستمرار

assafo anaroze
_________________
اسافو اناروز
مممم
شكرا يااااااااا
برضو الاسم صعب اوى
اشمعنى بقى الاسم الصعب ده
الا صحيح
هو كلمة "امازيغية " دى يعنى ايه؟؟؟

معتز شاهين - باحث تربوي يقول...

والله مجرب كل تلك الألعيب ومحتنفع غير المذاكرة
شدي حيلك هانت

ويبقى التواصل

assafo anaroze يقول...

موجة
الامازيغية لغة زيها زي العربية و الفرنسية و الهيروغليفية و السيريانية و الانجليزية
لو عاوزة تتعرفي شيئا على هذه اللغة في بوست عندي في المدونة وهو اول بوست يتحدث عن اللغة الامازيغية
مودتي

فتاه حالمه يقول...

ربنا معاكي يا لوزة ويوفقك

Jojo Ayman يقول...

شركة تنظيف كنب بنجران
شركة تنظيف مساجد بنجران
شركة تنظيف سجاد بنجران
شركة كشف تسربات المياه بنجران
شركة تخزين عفش بنجران
شركة عزل خزانات بنجران
شركة تعقيم خزانات بنجران
شركة صيانة خزانات بنجران
شركة غسيل خزانات بنجران
شركة صيانة مسابح بنجران
شركة تنظيف الاثاث بنجران
شركة جلي بلاط بنجران
شركة تنظيف شقق بنجران

Jojo Ayman يقول...

شركة نقل عفش بنجران
شركة تنظيف موكيت بنجران
شركة تنظيف مجالس بنجران
شركة تنظيف مسابح بنجران
شركة تنظيف منازل بنجران
شركة تنظيف ستائر بنجران
شركة مكافحة حشرات بنجران
شركة رش مبيدات بنجران
شركة عزل اسطح بنجران
شركة تنظيف فلل بنجران
شركة رش الدفان بنجران
شركة مكافحة النمل الابيض بنجران
شركة مكافحة بق الفراش بنجران

Jojo Ayman يقول...

شركة مكافحة الصراصير بنجران
شركة مكافحة الناموس بنجران
شركة مكافحة الباعوض بنجران
شركة تسليك مجارى بنجران
شركة تنظيف خزانات بنجران

شركة تنظيف بالدمام شركة تاج يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام