الجمعة، 3 أبريل 2009

انا انثى.....فهل انت رجل؟؟؟؟



تريدها جميلة.....ذكية....رشيقة.....متدينة.....على خلق...من عائلة محترمة....بنت ناس طيبين....
ولكن لم ارى من قبل من يطلب الزوجة المثقفة

وعندما يقابل فتاه مثقفة يبهر بثقافتها ويعجب جدا بذكائها وينجذب الى قوة شخصيتها ويحب كثرة الحديث معها
ويلجألها فى بعض المشكلات التى تواجهه وياخذ برايها فى بعض المواقف والامور التى يتعرض لها

ولكن.........

اذا قابل الرجل امراه بهذه الصفات
يكتفى فقط بكونها صديقة او شخص يتباهى بمعرفته ولكن عندما يقترب الموضوع من الزواج

يفر الرجل من الزواج من المراه المثقفة

السؤال هو:
لماذا يخاف الرجل من الزواج من المراه المثقفة؟

الكلام ده اتقال فى موضوع حلقة من حلقات برنامج البيوت اسرار اللى بيتذاع على قناة الايه ار تى عين(ART) واحنا كنا من ضيوف هذا البرنامج وكنا بناقش هذة القضية

واثارنى الموضوع جدا وحبيت انى اعرضة على مدونتى عشان نتشارك سوا فى الراى
فى اكتر من نقطة بصراحة استفذتنى للمناقشة فى موضوع البرنامج وفى الكلام اللى اتقال

اولا
فى بداية الموضوع اتكلمو مع الضيوف الرجالة فى نقطة وهى ايه؟

هى انت تحب زوجتك تكون ايه
مثقفة ولا جميلة

وكانو بيخيرو الرجالة بين الامرين
بصراحة الموضوع ضايقنى من نقطتين

النقطة الاولى انهم اكتفو بسؤال الرجل انت عاوز زوجتك تكون ايه؟؟؟؟؟
ومهتموش ابدا الست عاوزة ايه

طبعا اغلب الردود كانت بتوحى الى ان تكون الزوجة
جميلة....من عيلة طيبة .....مؤدبة.....ومقربوش ابدا الى نقطة الثقافة
يعنى عاوزها انثى
انثى...........

اوك متفقين

انا انثى...

جميلة مؤدبة من عيلة كويسة متدينة اهتم بنفسى اعرف واجباتى
يعنى انا زى مانت عاوز

انا انثى

انت بقى......ايه؟
انت رجل؟؟؟؟؟؟؟؟؟

اذا كنت انا انثى وفيا كل الصفات اللى بتتمناها
انت ياللى انت عامال تتشرط وتتامر توصف فى شريكة احلامك
وتقول عاوز كذا ومش عاوز كذا

انت متاكد بقى ان انت هتنول اعجاب الزوجة اللى انت رسمتها دى
انت فيك الصفات اللى هى بتدور عليها هى كمان

من الاخر انت راااجل؟

زى مانت بتطلب انثى؟؟؟
من حقها تلاقى راجل

تانى نقطة وهى ان مش شرط ابدا الانثى تكون حاجة من الاتنين
ياما مثقفة يا ما جميلة

ممكن اوى الصفتين يجتمعو فى انثى واحدة
ممكن تكون مثقفة وفى نفس الوقت جميلة

ولكن

اذا كانت الزوجة مثقفة وتتعامل معاك من منطلق مستوى ثقافتها
انت هتعاملها ازاى
هتستقبل ارائها دى ازاى
هل هتحترم رايها
ولو رايها هو اللى صح يبقى رايها يمشى
ولا انت راجل وهى ست ولازم فى الاخر كلامك هو اللى يتنفذ؟؟؟؟

تانى حاجة فى موضوع البرنامج اتكلمو فيها وبصراحة ضايقتنى اوى

كانو عاملين مقارنة بين الرجل الشرقى والرجل الغربى

الرجل الغربى بيقول لزوجتة بحبك كل ساعة مرة او مرتين

اما الرجل الشرقى بيقولها بحبك مرتين اتنين طول عمرها
مرة قبل الجواز ومرة بعد الجواز ويقعد يذلها ويقولها افتكرى لما قلت لك بحبك يوم كذا كذا فى الشهر اللى فات

الرجل الغربى لما بيسوق العربية بيمشى بالراحة عشان ما يزعجكش زوجتة
اما الرجل الشرقى بيمشى بسرعة وبيبقى نفسة يلبس بالعربية فى سور عشان يخلص منها

الرجل الغربى لما بيزعل زوجتة بيروح يشتريلها ورد ويلاطفها ويداعبها

اما الرجل الشرقى يروح واخدها وش خشب ويقولها انتى ايه غاوية نكد وغاوية غم ايه العيشة اللى تقصف العمر دى

الرجل الغربى لما بيرجع يلاقى زوجتة بتنضف البيت ومخلصتش بيساعدها ويبوس راسها ويقولها تعبتى معانا النهاردة

الرجل الشرقى يرجع يلاقيها مخلصتش يروح يقولها اتنى لسة مخلصتيش لحد دلوقتى
انا نازل لحد ما تخلصى ايه الارف ده

يعنى كانت المذيعة بتحاول تعمل مقارنة بين الرجل الشرقى والرجل الغربى

بس انا بقى معترضة على حاجة

اى نعم اغلب الكلام الموجود ده بيحصل بس مش معنى كدة ان 100% من الرجالة الشرقيين كدة
مين رسم صورة الرجل الشرقى الوحشة دى
مين قال ان الرجالة الشرقيين كلهم كدة
وكلهم مش بيدو بس بياخدو

فى اى مكان فى الدنيا فى الكويس وفى الوحش
يعنى فى الغرب برضو فى الرجالة اللى مش بتعرف تتعامل مع زوجاتهم صح
واكبر دليل على كدة ان نسبة الطلاق فى الغرب تقريبا تصل الى50%
نسبة كبيرة جدا

انا مش بدافع عن الرجالة

لان برضو انا متغاظة منهم لكن الواحد يقول اللى لية واللى علية
عن نفسى انا شفت نماذج من الرجالة كتير اوى بتتعامل بمنتهى الرقة والحنان مع زوجاتهم حتى بعد ماكبرو فى السن

لكن لو بصينا للموضوع اصلا من زاوية تانية
نلاقى الموضوع كلة بيتلخص فى نقطتين اتنين

الراجل لو حط الحديث الشريف اللى قالة الرسول (ص) فى دماغة وهو بيختار زوجتة وشريكة حياتة
اكيد عمرة ما هيندم على اختيارة ابدا

قال الرسول (ص)
تنكح المرأة لاربع لمالها وجمالها وحسبها ودينها
فاظفر بذات الدين تربت يداك
صدق رسول الله

يعنى المفروض الرجل يختار زوجتة مش عشان هى مثقفة ولا جميلة ولا ولا
اهم ثقافة واهم حاجة هى الثقافة الدينية
لو وجدت النقطة دى عند المراه
اذا فيا حظ الرجل ده
امه دعيالة وهيعيش عيشة فل الفل

لكن خدها عشان هى جميلة ولا عشان عيلتها كويسة ولا عشان مالها فاعتقد ان كل ده زااااااااائل ولا يدوم الا الدين والاخلاق الحميدة
واذا اختارت المراة زوجها كما اشار النبى فى حديثة ايضا

اذا جاءكم من ترضون دينة وخلقة فزوجوة
صدق رسول الله

فدة اكيد هيكون سبب كبير من اسباب نجاح العلاقة بين الزوجين

لكن هتقعد تتامر وتتشرط على ايه
ما قبل ما تتشرط وتطلب شوف انت الاول فيك كل الصفات وكل الشروط اللى بتتمناها الانثى
يعنى من الاخر

بص لنفسك وبعدين ابقى اتكلم

اخر كلمة بقى لانى غلست وطولت اوى اوى
انا مش بهاجم الرجالة ولا بدافع عنهم
انا بس بقول كلمة حق من وجهة نظرى

وعلى فكرة مفيش حد غلط علطول ومفيش حد صح علطول

وتقبلو منى فائق تحياتى
وارجو ان اسمع مشاركتكو معايا فى الموضوع ده

هناك 23 تعليقًا:

فتاه حالمه يقول...

انا اول تعليييييييييييييييييييييق
هيييييييييييييييييييييييييييه
كنتي فين غايبه كل ده
ماشي ماشي
تصدقي كل البوست تمام وصحيح جدا
فعلا هما مش بيشوفو احنا عايزين ايه محتاجين ايه ليه هما يتشرطو واحنا لا
ليه يعني يلا بقي ربنا يهدينا للخير باذن الله
موضوع شيق يا كوكو

أبو العريف يقول...

اولا مبروك علي البرنامج
ثانيا
للاسف انا مش هشوفه
القناه مش بتيجي عندي
ثالثا
اجمل حاجه عجبتني المقارنهبين الراجل الشرقي والغربي
رجاله اولادك يا بلدنا

منــار فايد يقول...

انتي عامله برنامج بجد؟؟ظ
يعني اعرف حد بيطلع على التلفزيون؟؟
هههههههههههههههههه

للاسف ماعنديش القناه
بس الحوار عجبني بشده

ممكن تنزلي فيديو للبرنامج لو عندك على المدونه

تقبلي مروري

Meme يقول...

مش عارفه ليه اول حاجه جت ببالي هي جمله عادل امام في مسرحيه شاهد ماشافش حاجه
"ينصر دينك" يا موجه
و الله كلامك زينه العقل و صح ميه ميه
مرسي عالموضوع حلو
سلام

عمرو وجيه يقول...

احب اولا اشكرك على انتقاء الموضوع



بصراحة لقيت هجوم غير مبرر على الرجل الشرقي



انا مش بدافع لاني راجل


بس المنطق بيقول حاجة

الرجال هو راجل في اي حتة


طبعا بتأثر عليه البيئة والثقافة اللي حواليه


بس الراجل برده راجل


يعني زي ما فيه راجل شرقي متوحش فيه راجل شرقي رقيق الحس و ذواق و يقدر الجمال و الحس


و كذلك هناك رجل غربي متوحش



بس بالنسبة لنفسي


انا مش هتجوز غير اللي بحبها


لا هختار واحدة مثقفة ولا جميلة ولا الحاجات دي


لان التوصيفات دي بتحسسني

ان انا واقف فى سوق الرقيق

بختار جارية


فطبعا ده لا يليق بالمرأة عامة


لان الحب يغيم على العيوب




شكرا ليك جدا جزيت خيرا

محمد فارس يقول...

الاخت الغاليه
اللي بين السما والارض
اوجه المقارنه بين الرجل الشرقي والغربي غير عادله لعدة اسباب
اولا مجتماعتهم غير مجتماعتنا
يعني اراهنك لو تزوجت الشرقيه
من رجل غربي ان تستمر هذه الزيجه
ولو لبعض الوقت
وكدلك الرجل الشرقي لا يمكن ان يتحمل
تصرفات الغربيه
بسبب العادات والتقاليد والدين
وبعدين انت ذكرتي عيوب الرجال
لماذا لم تذكري عيوب النساء؟
مع تمنياتي لك بحياه سعيده
مع شريك حياتك

موجة يقول...

فتاه حالمة
________
نورتينى يا روح قلبى وانتى عارفة انى مشغولة لشوشتى والله اعذرينى ياقلبى

ابو العريف
_________
اولا الله يبارك فيك
ثانيا للاسفغ وانا كمان مش هشوفة لان انا كمان معنديش القناه
ثالثا
المقارنة دى انا هاجمتا لانى مقتنعة تماما انها غير صحيحة
رابعا بقى ودى كرم من عندى
نورتنى ياللى شربت من نيلها وشربت من كيعانها انت

شباك موارب
_____________
اهلا بيكى فى مدونتى والله شرفتينى جدا
وهحاول اخد الفيديو من القناه بس ده ممكن ماينحققش لانة طلب هيكون صعب
لما يتذاع ممكن اخدة منهم وانشرة انشاء الله

meme
_____
والله ياميمى انا بشكرك جدا على تواجدك عندى فى مدونتى واتمنى الوجود الدايم ليكى

عمرو وجية
_________
ربنا يكرمك ياعمرو انشالله يارب
وفعلا تتجوز اللى تحبها وتكون جميلة ومثقفة وترضى جميع متطلباتك واحلامك
وبالنسبة للمقارنة بين الرجل الشرقى والغربى انا رديت بالنيابة عنكم

محمد فارس
_________
انا لم اهتم بالذكر فى عيوب النساء لسبب واحد فقط
انهم كانو فى البرنامج مبيتكلموش الا فى عيوب النساء وكان الرجل بقى هو اللى ايه مالوش زى
عشان كدة اهتميت بالرد عليهم بس
مش اكتر
مش معنى كدة ان النساء مفيهومش عيوب
لالالالالا
دول فيهم بلاوى
وانا معترفة
لكن الموضوع مش بيناقش الرجل
ده بيرد على الرجل
اوك
ارجو متضايقش وهنزل بوست فية عيوب النساء
شرفت يامحمد تابعنى دايما

نـــــور يقول...

ازيك

انتى عارفه انا قد ايه مرارتىمفقوعه من الموضوع ده بس اكتر حاجه بتغيظنى بعد رايى اللى انتى سمعتيه بوضوح وكتير ان الراجل يبقى اساسا واخدها وعارف انليها شخصيه وبعدين يقولها اتخلى عنها
او يبقى واخدها بتشتغل ويقولها اقعدى فى البيت طيب من الاول ماتختارها كده

ولا اخوانا الاجانب اللى الجماعه بقولوا عليهم متحضرين لورجعنا لدينا هنلاقى التحضراللى بيقولوا عليه هو تعاليم الاسلام بعينها!!

سيبك انتى
الكومنت مكتوب بقاله قرن
ربنا يسامح اللى كان السبب:)

الشاعر الحزين يقول...

كلام جميل وكلام معقول مقدرش أقول حاجه عنه

بجد والله موضوع مميز لأنه مختلف

واتكلمتى فى حاجه ناس كتير مش واخده بالها منها

ربنا يكرمك يارب كده ودايما تذكرينا بمواضيعك الجميله والمميزه دى

د. محمد رضا يقول...

اريدها مثقفه

وجميله

وعاقله

ومجنونه

وخالصه لي

ومخلصه


على خط سواء

رئـيس التحـرير يقول...

السلام عليكم
ياريت تقبلي دعوتي للمشاركة معانا في مجلة رؤية مصرية والكتابة في أعدادها وكمان الإنضمام لفريق تحريرها
ياريت تردي عليا في أقرب فرصة
بريد المجلة
ibrahemaladawy@gmail.com
واللينك بتاع المجلة أهو
http://roayahmg.blogspot.com/
مودتي

momken يقول...

تسلم ايدك يا موجه

ايه العقل والحمه البليغه دى

البوست بتاعك روعه ماشاء الله عليكى

اه لو كل البنات والرجاله تفهم كده

الواحد ميخفش من الجواز خاااالص

قوليلى بابا بيكون فى البيت متى؟؟؟

:)

تحياتى

موجة يقول...

نووووووووووووووووور
_______________________
اهلا يانور
مبروك الاسم ده
مش كان اسمك حبيبة
مالة بقى حبيبة
غضبتى علية لية
وبعدين انتى مدونتك اسمها قصاقيص حبيبة
دلوقتى هيكون اسمة قصاقيص نور بقى
اما بالنسبة للرجالة يا ختى
اللى بيخادو الست عندها شخصية وبعدين يقولولها اتخلى عنها
ده من البداية الغلط عند الست
لانها لازم تقولة ان اللى اولة شرط اخرة نور
مش انتى
نور يعنى كهربا
المهم
تقولة اننا نتفق على التفاهم والراى الصح فى النهاية سوائ ليا او ليك يمشى
واظن ان ده مايقللش من رجولة الرجل شئ
بس نقول لمين بقى

الشاعر الحزين
_____________
ربنا يخليك ياعلاء
انت اللى بترفع معنوياتى فى البلد دى
ورد عليا فى الموضوع اللى انا قولتهولك عندك فى تعليقى على اخر بوست
لو موافق عرفنى
اوك؟

د/محمد رضا..هل ترانى؟؟
__________________________
اهلا بيك يا دوكتور فى مدونتى
وياريت تفضل منورنى دايما
ويارب بقى تلاقيها زى مانت عاوز
وابقى عرفنى عشان اباركلك
اقولك هباركلك من دلوقتى عشان مننساش
الف مبروك مقدما

رئيس التحرير
________________
وعليكم السلام يا فندم
حضرتك شرفتنى يافندم
وده شئ اكيد يسعدنى جدا
بس ياريت افهم تفاصيل الموضوع بشكل اوضح من كدة
تحياتى

momken
_________
ربنا يخليك يا مستحيل
شرفتنى فى المدونة
ونورتنى بتعليقك
ومتخافش من الجواز خالص
الموضوع بسيط
بس اهم حاجة ان انت تختار على اسس معينة
من بعدها مش هتندم ولا هتحس انك غلطت
فى اختيارك
وربنا يوفقك
اما بالنسبة لموضوع بابا فى البيت امتة
احم احم
وش احمر ومكسوف
هههههههههههههههه
تحياتى

الشاعر الحزين يقول...

أنا فعلا رديت عليك

روحى هناك وأنتى تشوفى الرد

akeed يقول...

البوست جميل والموضوع رائع وطبعاً المراة المثقفة هى افضل بالنسبة للرجل حيث ان جمال المرأة ليس فقط فى الشكل ولاكن فى اسلوبها وثقافتها ومعرفتها وذلك يولد حوار دائم بين الزوجين لا يحدث من خلاله الملل الذى يعانى منه معظم الازواج .

تحياتى

أكيـــــــــــــد

نظره عين يقول...

موووووووووووووجتى
جميل اوى الموضوع ده بجد هو ده اللى احنا عاوزين نقراه بس ياريت نعمل بيه
يارب اشوف منك على طول كل الجديد
سلامى ليكى وتحياتى اليكى

موجة يقول...

الشاعر الحزين
______________
متشكرة لزوقك يا علاء

akeed
________
ميرسى لزيارتك مدونتى
وميرسى على ابداء الراى فى الموضوع
وبجد ياريت تخلى مدونتى دايما منورة بزيارتك وبتعليقاتك

تحياتى

نظرةعين
________
اختى حبيبتى
رغم انك معايا ليل نهار
الا انى فعلا مبسوطة لوجودك معانا فى عالم التدوين
ومبسوطة لوجودك كمدونة وبتعلقى عندى على بوستاتى

نـــــور يقول...

ازيك ياهبله

لا طبعا مااستغناش عنك حتى لو انتى استغنيتى

تفتكرى اصلا ينفع؟
ولو ينفع هتقدرى ولا هقدر؟
والله كنت اولع فيكى واقول دى قضيه رد شرف :)

Mohamed يقول...

هو فعلا بيطلبوا كل حاجة إلا الثقافة ، بس مش علشان هم مش عاوزينها مثقفة بل لأنه وببساطة تفكيرنا دا مش سبب علشان يرفض العروسة ...
في الوقت الحاضر كلنا بنروح مدارس وبندخل جامعات سواء شباب أو بنات ، صحيح هو مش معيار للثقافة ، لكن المجتمع بيعترف بيه ...

الرجل الشرقي والغربي ، في رأي انها مقارنة مش صحيحة وغير عادلة في حاجات كتير ، حتى ولو كانت صحيحة ، فعلى الأقل احنا بنعترف بمفهوم الأسرة أكتر منهم و حريصين عليها ، في حين هم الولد عندهم بينسى عيلته أول مايكبر ...

"انا انثى.....فهل انت رجل؟؟؟؟"
بصي ، العبارة دي مع إنها شديدة شوية إلا إنها عجبتني جداً وبتلخص كلام كتير بيتقال ، وحاجات كتير احنا بنطلبها وبننسى نفسنا ...

بوست جميل جداً ، وانا سعيد جداً بزيارة مدونتك

تحياتي

Dr Ahmed Said@Black Armor يقول...

اول مرور وان شاء الله ليس الاخير
بجد عجبنى الموضوع ...وتذكرت المقولة الشهيرة "اذا اردت ان تنكح فاطمة فلتكن على" والمقصود طبعا فاطمة الزهراء ابنة الرسول صلى الله عليه وسلم وسيدنا على رضى الله عنه
يعنى زى ما انتى قلتى لو عايز ست بجد لازم تكون راجل بجد
يعنى ماينفعش تتطلب ذات دين وانت مش بتصلى مثلا او ملتزم بدينك وهكذا
اما بالنسبة لموضوع الثقافة ففعلا كتير من الرجالة بيخافو من الست المثقفة يمكن علشان خايف انه يحس بنقص قدامها وقدام رأيها وعقلها
انا شايف طبعا ان دى عدم ثقة بالنفس عموما انت عندما تبحث عن زوجة تبحث عن شريك لحياتك يعنى حد يكون ند ليك يشاركك احلامك وطموحاتك ويشاركك برأيه وخبرته فالنساء شقائق الرجال كما قال صلى الله عليه وسلم
دمتى بكل الود

جريدة الريماس للأخبار الحصرية يقول...

شركة تنظيف قصور جنوب الرياض
مستودعات لتخزين وحفظ الأثاث بالرياض
شركة ديكورات فلل بالرياض
شركة تشطيبات فلل بالرياض
شركة تصاميم فلل بالرياض
شركة تنظيف عمائر بالرياض
شركة نقل وتغليف عفش بالرياض
شركات تنظيف الستائر بالرياض
شركة تنظيف مدارس بالرياض
حل ارتفاع فاتورة المياه بالرياض
شركات العزل الحراري بالرياض
شركات عزل مائي بالرياض
شركة تنظيف انتريهات بالرياض
ارخص نقل عفش بالرياض فك وتركيب

جريدة الريماس للأخبار الحصرية يقول...

شركة تنظيف مساجد بالمدينة المنورة
شركة تنظيف واجهات حجر بالمدينة المنورة
شركة تنظيف واجهات زجاج بالمدينة المنورة
شركة تنظيف قصور بالمدينة المنورة
شركة جلي بلاط بالمدينة المنورة
شركة صيانة مسابح بالمدينة المنورة
شركة تنظيف ستائر بالمدينة المنورة
شركة تنظيف اثاث بالمدينة المنورة

شركة عزل اسطح بالمدينة المنورة
شركة عزل خزانات بالمدينة المنورة
شركة نقل عفش بالمدينة المنورة
شركة تخزين عفش بالمدينة المنورة
شركة مكافحة الفئران جنوب الرياض

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام