اخر الناس الطيبين ماتت
اخر حد حنين عليا مات
احلى حاجة فى دنيتى واللى كنت ماشية ببركة دعاها
ماتت
راحت وسابتنى مابقاش حد يدعيلى ولا يستنانى على ما ارجع م الشغل
امى اللى ربتنى من غير ما تولدنى
جدتى
حبيبتى
حبيبة قلبى
راحت ومشيت حتى من غير ما اشوفها
هى كانت زعلانة منى عشان كده مشيت من غير ما اشوفها
طب اشوفها ازاى
اذا كان كلهم حرمونى شوفتها لاخر مرة
يارب انت ما تحرمنيش شوفتها
انت يارب اللى هتحقق لى طلبى وتخلينى اشوفها حتى فى المنام
يا حبيبتى يامــــــــــامــــــــــــــا
هتوحشينى اوووووى وهيوحشنى سؤالك عليا ودعواتك ليا
مستنياكى يا روح قلبى تيجى لى فى اقرب وقت عشان اشوفك واشبع منك برحتى لوحدى
من غير ما حد يمنعنى ولا يشاركنى
حزنك هيفضل جوا قلبى لحد اخر يوم فى عمرى
لحد ما اجيلك يا حبيبتى
وفى النهاية البقاء والدوام لله رب العالمين
11 التعليقات:
البقاء لله
ربنا يرحمها
و يصبرك على فرقها
البقاء لله
ربنا يرحمها برحمته الواسعة ويغفر لها ذنوبها ويلهمكم الصبر والسلوان آمين
البقاء لله
حبيبتى أطلبها
الرحمة واطلب الصبر
من الله ربنا يصبرك يارب
البقاء لله عز و جل
اللهم إرحمها و إغفر لها و إسكنها فسيح جناتك يا رب العالمين
ربنا يلهمكم الصبر و السلوان
و إنا لله و إنا إليه راجعون
البقاء لله لله ما اخذ ولله ما اعطي
ربنا يتجاوز عنها ويدخلها فسيح جناته
البقاء لله وربنا يرحمه برحمته ويدخلها فسيح جناته ف الفردوس الاعلى باذن الله
متزعليش نفسك وربنا يجعلها اخر احزانك
ربنا يرحمها ويصبرك على فارقها
البقاء لله
ربنا يرحمها
اقدم لكم أجمل التهاني والتبريكات بمناسبة ذكرى رأس السنة الهجرية الجديدة فعــام مــــبارك ســـــعيد ، علينا وعليكم شـهيد ، وكل عام وأنتم ونحن بألف ألف خير ،
اللهم اغفر لها اللهم ارحمها يارب
اتمني انك تكوني بخير
كل سنة وانتي طيبة
إرسال تعليق