الاثنين، 13 سبتمبر 2010

فراق الاحباب




كان لها كل الحياه


وكان يملؤ عليها الدنا


كانا هائمين فى بحر العشق لمنتهاه


وكانا يتصرفان على انهما جسدين لروح واحد


فلا ياكلان الطعام ولا يتجولان فى الاسواق الا معا


وفجاة



تغيرت القلوب


وتبدلت المشاعر


لا تكرهه ولا يكرهها


لا تحب ان تراه بعيدا ولا يحب ان يهجرها


لكن تبدل الحب الى الروتين


تبدلت القوة الجبرية الكامنة فى قلبيهما الى مرض يريدا ان يشفيا منه


مرض لا احب ولا اقدر على بعد


كلما قررت ان تبعد عنه اصتدمت بروحها معه تذهب اليه دون ان تستاذن


كلما قرر ان يقسو عليها وجد الحنان الذى يغلب عليه معها


يبقيان ابد الابدين مع بعض وفى داخلهما غصة؟


ام يقدرا على روحيهما ويفرقا الروحين والقلبين؟


وكما قال الشاعر:


واهو بكرة نقول كانت زكرى وعشنا لنا يومين


طول عمرنا عايشين روح واحده وبقينا روحين




هناك 27 تعليقًا:

أتنين حبيبين يقول...

السلام عليكم

خاطره حزينه كلها ألم ووجع

أتمنا من الله ان يزيلها عى اى مجروح

ربنا يسترك يارب ويكتب ليكى السعاده

ومحدش عارف الخير فين

همسات وبحــ الحياه ــر يقول...

ليه الوجع دا
انا اصلا مكتأبه واكتأبت زياده
واه من بكرة وعمايله واه من اللى الزمن شايله

عمرو يسرى يقول...

خاطره جميله جدا رغم انها حزينه
لكى دعوه فى فضفضه

mrmr يقول...

بصى من الاخر كفايه حزن
انا قلبى موجوع وقايد نار
تتعبى قلبى معاكى ليه يا غاليتى

بس خاطره جميله

تسلمى يا اجمل موجه

غير معرف يقول...

صباحك عثل يا موجتى
جميله ما شاء الله عليكى
تسلم أيدك بجد
بحب النوع دا
الحزينى
أوووووووى
وكما قال الشاعر ............
كملى أنتى بقا
ههههههه
أيوة كدا أضحكى

ادم المصرى يقول...

الله كلامك جميل وحزين جدا فى بدايتها سعت بما قرأتها وفى المنتصف اندهشت وفى النهايه حزن من المؤلوف اننا نراه دائما ما يحدث

ابدعتى

Ramy يقول...

ليييه يا بشمهندزة أكده

ربنا يبعد عنك الحاجات الوحشة دى

ويكا يقول...

حياه وبنعيشها .....
وفيه من دا كتييير .....
احلام .... ايام ..... وسنين ....
بيمروا وكانهم لحظه او اتنين.


.............

واقعيه .... حالمه .... جميله ... احسنتى

سندباد يقول...

محدش مننا بيعرف قيمة اللي في ايده وحلاوته الا بعد ما يضيع منه
وعشان احنا بنستسهل ومش بناحفظ علي اللي بنملكه فسهل جدا يضيع مننا
انا راي ان الحفاظ علي الحب اصعب من الحب نفسه
ده طفل لازم نهتم بيه ونكبره ونرعاه
تحياتي
اسف علي الاطالة

Kiara يقول...

مش فاهمه .

هما بيحبو بعض

ايه سبب الغصة؟؟

فشكووول يقول...

السلام عليك موجه
الدنيا كدا من شوق وحنين الى عاده ومسئوليات والتزام
تحياتى ورمضان كريم وعيد سعيد وعمر مديد اعاده الله عليك بالخير واليمن والبركات
كل عام وانتم بخير

موجة يقول...

تنين حبيبن
___________
يارب امين
ونعم بالله
الخيرة فيما اختارة الله

موجة يقول...

همسات وبحــ الحياه ــر
_________________________
ومين فينا مش موجووووع
كما قال الشاعر:
كلنا مجاريح
ايه ده
اغنية سارة كمان
واه من بكرة وعميلة واه م اللى الزمن شايلة

موجة يقول...

عمرو يسرى
_____________
ميرسى ليك
منورنى

موجة يقول...

mrmr
___________
اه يامرمر يا حبيبتى
وكم من وجع بالقلب
وجعت قلبك بقى
يسلم لى قلبك
بحبك والله ونفسى اوصلك
بس ميلك نحس زى ميلى مش رضى يضاف
انشالله اعملك ميل مخصوص
هو انا عندى كم مرمر

موجة يقول...

الحب الجميل
____________
صبح صبح ياعم الحاج
صباحك عثل ياكوجتى
ماشى ياطحينة حبى
هع هع هع
الشاعر قال:
اجى اقول اقولك فبسكت ما اقولش اخاف مد ايدى ع القمر وماطولش
يلااااا

ضحكت
بس احب اعرف البلوجر اننا نموت فى الغم والعياط احنا ياستات

موجة يقول...

ادم المصرى
____________
اشكرك يا ادم
انت كمان مبدع
تحياتى

موجة يقول...

Ramy
__________
معلش بقى ياعم رامى
حبه كده وحبه كده
شوية نضحك وشية نبكى
ووادى حال الدنيا

موجة يقول...

ويكا
__________
ايه ياهندسة
انت هتقطع علينا ولا ايه
تشكر
على زوقك

موجة يقول...

sendbad
____________
ومين سمعك
االحاجة لما تضيع
بتحلى
معرفش ليه
مش زى ماقال الشاعر:
كل ما تكبر تحلى
لاء هنا كل ما تضيع تغلى
تحياتى

موجة يقول...

كيــــــــــــارا
________________________
مش فاهمة ليه ياكوكو
كانو بيحبو بعض
وتقلبت حياتهم لروتين
وهم مش واخدين ع الروتين
بس
ادى القصة
وادى الغصة
منورانى

موجة يقول...

فشكووول
__________
صدقت واحسنت القول ياسيدى
ولكن
ما ابغضها الحياه الروتينية
تحياتى

Noha Saleh يقول...

ايه الحزن ده كله
بس تعرفى هى حلوة اوى رغم حزنها ده كله
دى اول زيارة ليا هنا ومش هتكون الاخيرة ان شاء الله

موجة يقول...

Noha Saleh
_______________
نورتينى يانها
واتمنى فعلا ماتكونش الاخيرة
ميرسى ليكى ياقمر

باحث عن حب يقول...

السلام عليكم
الروتين
يقتل الحب
وان كان لا يوجد تجديد
الحب هيموت
وبالعشره والكلام الطيب
هيكوناو اقى العمر زى الاخوات
وايه الفايده
لازم
تغيير مستمر
لكسر
الجمود
ولا هو
ده الواقع \
المنيل بستوميت نيله
عارف والله
بس انا
بخدع نفسى
بنفسى
كل سنه
وانتى بخير

موجة يقول...

محمود(باحث عن حب)
_____________________
اه يا خويا ومن سمعك
هو ده الواقع المنيل بستميت نيلة بس احنا بنخدع نفسنا بنفسنا
كل سنة وانت طيب

taag company يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام