الأحد، 26 سبتمبر، 2010

عذرا.....انا استحى .. !!!

عندما اسرح فى بريق عينيك ..... واترنم لهمس الكلمات بشفتيك
عندما ارى تعبيرات وجهك وانت تدقق بالنظر الى
عندما تهتم لحالى ..... وتحب سؤالى ..... وتحاسبنى على غيابى
وتتألم لفراقى ... حتى ولو لثوانى 
عندما ارى لهفتك على رؤيتى ... واشتياقك لسماع اخباريتى
وتسألنى دوما .... ماذا فعلتى فى غيبتى ؟؟ ....

وأجيبك بعينى ودقات قلبى وهمسى لنفسى ... اقول لك : ان عنى لم تغيب
ولم تترك قلبى بدونك وحيد .....  ولم تتخلف عن موعدى فى كل ليله
وفى كل مساء جديد

أقضى معك اجمل الساعات ... واحلى ليالى السهر .... تحت ضوء القمر
افكر فيك... وأناديك .... وأرسل لك سلامى وأشواقى وحيرتى
هل كما يظهر لى .... أتحبنى ؟!

ترد عليا النجوم ... واصوات أوراق الشجر ... وصوت المطر الساقط على النهر
والضى الذى يصنعه القمر .... فيجعل من الماء فضة تتلألأ كحبات الدرر مطمئنة قلبى لحبك

وتزود لى الرغبة فى قضاء عمرى بقربك ..... وأن امنح حياتى لأجلك
وعمل من كل ليله أعيشها معك كتاب اسرد فيه ماذا فعلنا فى ليالى السهر
استمتعت بالهمس فى أذنيك ... والنظر الى بريق عينيك
ورؤية حركة شفتيك .... تهمس قائلة " أحبك حتى اخر العمر "

ما ادفأ لمسة حنان من يديك !! دافئــــــه .... تجعل قلبى يرتعد من شوقى اليك
لم أجد حنان كالذى وجدته بين احضانك..... دفئنى !!!! فانى بدونك.....
كالليل بلا قمر ...... كالبستان بلا شجر ... ك ليله قضيتها بدونك ... دون سهر

الى متى انتظارنا ....؟؟ الى اين سيقودنا صمتنا .....؟؟
الى هلاك حبنا ...!!!

تكلم ....
قولها ....
قولها واريحنى من عذاب الصمت
قولها حتى ارتاح ... ويرتاح قلبى ويدفأ
قولها حتى اكمل عمرى معك

لو مـــــــــــــا لام عليا الخجل
ومـــــــــا لامت عليا النفس
لكنت ارحت قلبى ونفسى .... وقلتها انا اولا

حياء منى .... انتظر سماعها منك
أدبا لا تكبرا..... خجلا لا تعنتا
فلا تكسر حيائى
واعذر خجل عذراء اتعبتها ظروف الحياه
لا تجعلنى اكره هذا الخجل وهذا الحياء الذى سيحرمنى منك وسيطيل انتظارى لك

هيـــــــــــــــــا
تشجع فأنا لك ... اذا اردت !!
تشجع فسوف اكون فى سعادة قربى لك
تشجــــــــع
وقولــــــــها ...... أتحبنى ؟؟!
فى انتظار اجابتك " نعم احبك جدا"

هناك 39 تعليقًا:

أحمد الصعيدي يقول...

السلام عليكم

سيدي يا سيدي

ايه ياموجة

thiking you did love

ههههههههههه


مينفعش غير انجلش معلش


عموما ربنا يسعدك ويهنيكي علي طول

احساس اكثر من رائع


اسعدك الله

mena يقول...

موجه .....

لا يسعنى سوا ان اقول انتى رائعه بكل

ما تحتويه الكلمه من معانى ايه يا

بنتى الاحساس ده الكلام حلو اوى وحساس

مرهف ورقيق جدا وموضوع كمان رائع

ومميز بجد تسلم ايديك على البوست ده

ربنا يوفقك ودمتى بخير .....منه

الحب الجميل يقول...

يا خراااااابى يا موجتى
ايوة بحبك طبعااااا
هههههههههههههه
وهو يسمع الكلام الجامد دا وميقولهاش
يبقه مش بيفهممممممممم
تسلم ايدك
حلوة اوى
جميله جداااااا

sweet angel يقول...

خلاص يا ستي لو هو مش رضا يقول ولو اني اشك في كده
اقولك انا
انفع؟؟؟؟؟؟؟؟؟؟

Ramy يقول...

يا خرابى يا جدعان

اية الكلام دة

مش معقول المشاعر دى كلها يا موجة

http://www.youtube.com/watch?v=3P9MyDtxhaY&feature=search

الأغنية دى هتمشى موت مع البوست

بس لو مقلش دة يبقى مش من هنا

مش ملاحظة مقلتش يا بشمهندزة (:

تسلم ايدك بجد

تحياتى (:

محمود(باحث عن حب) يقول...

رائعه
ايوة
كده\

عودى يا موجه\
الى الابد\اعيارب يبارك ليكى
تعالى زورينى بقه

sony2000 يقول...

بجد روووووووووووووووووووعه
دا اللي اقدر اقولو

غير معرف يقول...

نعم أحبك

موجة يقول...

احمد الصعيدى
_____________
وكمان اول تعليق
ههههههههههه
ترتيبى
اشكرك يا احمد
ربنا يوفقك

موجة يقول...

mena
________
منورانى يامنة بتعليقك
واشكرك على المجاملة الرقيقة اللى زيك دى
ماتقطعيش زيارى
على ما ربنا يهدى كمبيوترى واعرف ازور الناس برحتى

موجة يقول...

الحب الجميل
______________
انا كمان بحبك يا اجمل حب عرفة التدوين
ربنا ما يحرمنى من قربك
وانتى تكفينى ويكفينى سماعها منك ومن كل اللى بحبهم ويحبونى وما يبخلو عليا بيها
اما اللى يبخل
يروح ببخله بعيد عنى بقى
وكما قال الشاعر:
وان ماكنتش انت تدلعنى مين هيدلعنى

موجة يقول...

sweet angel
_____________
والله يا ملاكى تنفعى ونص
قوليها انتى بس
مانتى كمان بخلتى بيها عليا
ايه الناس اتعلمت البخل ده فين

موجة يقول...

Ramy
_______
ايه يا عم رامى
ماقلتش يابشمهندزة صحيح
مش بعاده
ماشى
كلة مقبول منك
بس للاسف مش عارفة اخش اسمع الاغنية
لان كمبيوترى بده الحرق
بس عموما ادينى ملخص عن الاغنية عشان اقولك رايي فيها بصراحة

موجة يقول...

محمود(باحث عن حب
__________________
معلشى يا محمود
والله غصب عنى
ياناااااااااااس
كمبيوترى عايز الحرق
مش بعرف اخد راحتى ف تصفح الجديد فى التدوين
عذرا اخى .... فالعيب ليس معى
انه جهازى الملعون
انشاء الله هولع فيه

موجة يقول...

sony2000
____________
اشكرك بشده
انتى زوق يا قمر
منورانى

موجة يقول...

غير معرف
_________
:">

amiralcafe يقول...

لماذا تستحي الحب الطاهر اجمل ما في الوجود به نعيش وبه نحيا ما اجمل ما دونتي .ذكرتني باغنية تونسية *تحت تاليسمينة في الليل*
رؤوف

عمرو يسرى يقول...

الله الله الله
احساس اكثر من رائع تتوجه الكلمات والتعبيرات الرائعه
تسلم ايدك

أبو العريف يقول...

وبحبك كيف ما خبرش

وعلي فراجك ما جدرش

من كتر الشوج خسيت

واني كنت تخين وبكرش

دا الحب يا بوي بهدلني

مرمطني جوي وخرشمني

وغرامك بيغرمني

وماعدش معاي ولا جرش

شومة حبك بطحتني

وجاموسة الشوج نطحتني

والهوي جحشته رفصتني

ولجتني يا بوي ماصبرش


((( ده لو صعيدي هيرد عليكي هع هع هع هااااااااااااااااع )))

ادم المصرى يقول...

الله يموجه بجد الله الله الله على اجمل كلام واجمل احساس والله على اجمل صدق والله على المشاعر والله على الى بختو حلو ويحب انسانه زيك والله لو انتى فكرتى تحبيه اصلا
ههههههههههههه

المجهول يقول...

أحاسيس جميلة وصراع داخلي انتهى نهاية سعيدة .. سلمت الأنامل.

mrmr يقول...

أهئ .. أهئ
انا ببكى علشان جايه متاخره
ومش لقيه كلام اقوله اكثر من اللى سبقونى ولا لقيه كلام اوصف مدى الاحساس الجميل المرهف المشاعر ده

مش تغيجبى عننا تانى يا اجمل موجه
بحبك يا مجرمه

ربنا يسعدك ويفرح قلبك

شخابيط يقول...

الى متى انتظارنا ....؟؟ الى اين سيقودنا صمتنا .....؟؟
الى هلاك حبنا ...!!!
كلاماتك رقيقه اوى واحساسها عالى جداا
تحياتى :)

موجة يقول...

Amiralcafe
__________
منور يا رؤوف فى مدونتى
ولكن الحياء شعبة من شعب الايمان
والبنات فى طبعها الحياء
فلماذا لم استحى؟؟؟؟
حق من حقوقى وانا استخدمة
الحياء

موجة يقول...

عمرو يسرى
__________
شكرا يا عمرو على المجاملة اللطيفة دى
نورتنى طبعا

موجة يقول...

أبو العريف
______________
ياخرابىىىىىىى يا جدعاااااااان
ابو العريف وصل
فينك يابو العريف
وايه الشعر الصعيدى الجامد ده
نورت كالمعتاد

موجة يقول...

ادم المصرى
_______________
الله الله عليك يا ادم
وعلى تعليقك الجميل
منورنى دايما

موجة يقول...

المجهول
__________
اشكرك لتعليقك
تحياتى

موجة يقول...

mrmr
_______
لا يا كوكو ما تعيطيش
انتى تيجى فى الاول تيجى فى الاخر
انت فى القلب ياولا متبت وساكن
ربنا يخليكى ويديم عليكى السعادة

موجة يقول...

شخابيط
____________
ربنا يخليكى يا سكر
ابقى تعالى شخبطى كتير عندى هنا

داليـ ـ ـ ـ ـ ـ ــــا يقول...

أه بحبـــــــــــــك
يصرخ كل ما بداخلى ويقول
بحبك حب مالوش حد
عذرا ياسيدتى لقد طال انتظارك لسماع هذا

ايه ده يابت هههههههههه
كل ده حب

طيب كنتى قوليلى ياختى وانا اقولهالك من زمان

sendbad يقول...

احسنتي
ما اجمل حياء الانثي الراغب والطامع للحب
ما اجمل حياء الانثي الذي يدفع الرجل الي تحدي الصعاب
ومااجمل كلماتك الرقيقة
ورومانسيتك الجميلة
لا ابالغ اذا قلت لك اني بتعلم من اسلوبك السهل السلس
تحياتي لقلمك

محمود(باحث عن حب) يقول...

صلى على النبى
ما احلى حياء
البنت
جميل
جدا
تشبيهاتك
وتلميحاتك
بجد
انا حاسس بالبوست ده
فعلا
جميل جدا
يارب
ينولك ما تتمنينه من خير
ولعتى
فى الجهاز
ولا لسه

mena يقول...

موجه....

ازيك ياقمر جيت اسال عليك يارب تكونى بخير ابقى طمنينى عليكى ......منه

موجة يقول...

داليـ ـ ـ ـ ـ ـ ــــا
__________________________
وانا كمان
:)
معلشى بقى
ما كنتش اعرف ان كل دووول بيحبونى ومنتظرين البوست ده عشان يقولولى
كويس والله
وحشانى يابت

موجة يقول...

sendbad
___________
تحياتى ليك
مجاملاتك كترت يا سندباد
وانا كده بقى بتكسف
منورنى بتعليقك يا سندباد

موجة يقول...

محمود(باحث عن حب)
___________________
الف صلاه عليك يانبى
عليه الصلاة والسلام
شكرا يا محمود على رقتك فى التعليق
اخجلتم تواضعنا
الجهاز ولع فينا كلنا ولسة زى ما هو

موجة يقول...

mena
_______
سالت عليكى العافية يا حبيبتى
ميرسى لزوقك يا قمر

mahmoud elsayed يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام