الخميس، 29 يوليو 2010

الاجابات النموذجية للامتحان

اجابة السؤالات كلها على بعضها بدوووون تنويه.......
برحتى بقى مش انا اللى بصحح
؟؟؟؟؟؟؟؟؟؟؟؟
-بالنسبالى اقرب اسم واحب اسم لقلبى وممكن يكون بالنسبة لناس تانيه هو اسم "...محمد..."
وده عشان حاجات كتير اوووى اولها طبعا انه اسم الرسول عليه افضل الصلاة والسلام
وممكن يكون عشان اسم اخويا برضو..محمد...
بس برضو بحب اسم"... يوسف..." عشان اسم ابنى انشاء الله لما يبقى ييجى
الله اعلم
-بالنسبة لموضوع الاصدقاء ده
فده عاوز له بوست خااااااااااااااااااااااااص لانى فعلا كنت فاكرة ان ليا اصدقاء بس للاسف لاقيت ان الصداقة غالبا بتكون فترة مؤقتة
الفترة اللى بتقدر تشوف فيها صديقك بحرية وتقدر تقضى معاه وقت مفروض عليك زى مثلا الدراسة او الشغل او ماشابه ذلك
بس افتكر بالخير بنوتين اصدقائى فعلا
عمرووو معايا
ومهما بيحصل بينا مشاكل بنرجع لبعض وممكن نسيب بعض بالشهر والاتنين وممكن سنة واتنين بس القلوب متحابة وبتحن لبعضها
ليا صحبتى من خماااااااشر سنة اسمها "...علياء..." دى اتجوزت قريب ربنا يبخت لها يارب ويخلف عليها بالخلف الصالح ويهنيها
قولو امين
كانى بشحت عليها
والتانية "...نسمة..." ودى بقى اصغر منى بسنة بس برضو انا بحبها بقالنا ييجى كده تمن سنين ولا حاجة
عمروووو عمرووو يعنى
دووول مش عمرو دوول خللو
فى بقى صداقة جديدة كده بس حاسة انها ممكن تكون وقتية
بس بجد شخصية من الشخصيات اللذيذه اللمحترمة الامينة اللى عرفتها
حد معايا فى الشغل اسمة "...H..." مش هقدر اقول اسمة لان العلاقة بينا ما تسمحش انى استاذن فى استعمال الاسم هنا
اما المقاطيع التانيين دووول لو اتكلمو افتح لهم ارنهم بطوبة ولا حتة حديدة
-اكره من احببت طبعا واكرة اليوم اللى عرفته فيه واكره الحب نفسة
لو اللى انا حبيته مكنش يستاهل الحب ده ولو معرفش يحافظ ع الحب ده انه يقل
اكرهه
طبعا اكرهه
ال اكرهه ال
-حبيبى اللى جرحنى؟؟؟؟؟؟؟؟؟؟
لو شفته؟؟؟؟؟؟؟؟؟؟
مش عارفة هو انا ممكن اعمل ايه
انا بفكر فى السؤال ده من سنتين فاتو بس موصلتش لاجابة
بس اللى ممكن اعمله انى اهرب منه واحاول ما اخليهوش يشوفنى لانى مش هقدر ع المواجهة
حاجة صعبة وهحس طبعا بالخوووف لان جرحة هيبقى الشبح اللى انا شفته وقابلته لما قابلته صدفة
ولا حد فاهم حاجة
-القلب الذى انجرح
اعتقد انه لو قابل قلب تانى عرف يحتويه وعرف يطبطب عليه وعرف كمان يوصل لمكان الحرج ويحطله عليه ميكركرووووم وشاش وقطن وبتاع هيبقى ميت فل وعشرة
وممكن كمان يستخدم الحقن عشان السرعة يديله حقنة عضللللللللللل ويبقى كده الف سلامة عليكوووو
-الانسان دايما مش بيحس بقيمة اللى معاه الا اما يضيع منه ويبعد عنة
عشان هو بنى ادم
ودى من صفات البنى ادمين
بيتبطروو على اللى معاهم
وييجى بعد كده يعدد ويولوول ويقوووول اتاااااااارى "...متعرفش قيمة امك....الا اما تشوف مرات ابوووك...ياحبيبتى يامااا"
-الخيانة طبعا اصعب اصعب اصعب
بس انا عن نفسى ممكن اسامح فى الخيانة لو تم الاعتراف بيها مش اكتشفتها انا
لو اكتشفتها انا مستحيل اسامح ابدا ابدا
اما البعد بيكون صعب جدا جدا طالما تم من غير رضايا وبيتعب جدا
-اكتر حاجة ممكن تخلينى حزينة اوووووى
هى احساسى انى مكتوفة الايدى
مش قادرة اعمل حاجة
وخصوصا بقى لما اكون شايفة ان ليا حق ومش قادرة امد ايدى واخده
يااااااااااه ببقى فى قمة الحزن بجد
-واسعد لحظة فى حياتى
هى لحظة النجاح
لما احس انى كنت بعمل حاجة ونجحت فيها وانجزتها بالشكل اللى بتمناه بتكون اسعد لحظات حياتى
ولما بسمع كلمة شكر او تقدير من حد كبير
_.._.._بالشكل ده تكون تمت بحمد الله اجابات الامتحانات النموذجية
وطبعا الاجابات طولت اووى
بس ده عشان نموذجية بقى وبعدين
برحتىىىىىىىى
مش انا اللى بصحح
منورنى
بشكر كل اللى جاوبو واهتمو ويارب اكون اسعدتكو

هناك 14 تعليقًا:

mrmr يقول...

اجابتك نموذجيه جدااااااااااا
يعطيكى العافيه

ربنا يسعدك ويبارك فيكى

sony2000 يقول...

يعني كدا هاخد جيد جدا موش امتياذ
اهئئئئئئئئئئئئئئئ

غير معرف يقول...

يا سلام على اجاباتك النموذجيه
ان كداباين عليا منجحتش
هههههههه
طيب كنتى غششتينى يا موجه دا انا غلبانه
اجابتك جميله
دمتى فى حفظ الرحمن
جمعه مباركه

BNT ELISLAM يقول...

انا طبعا لسه جديده ومحرضتش الامتحان بس ممكن اقول انه كان بوست لذيذوان الاسئله اكترها بيختلف من شخص لاخر

لك احترامى
وتقبلى مرورى

موجة يقول...

MRMR
________
ميرسى ليكى ياقمر
نورتينى طبعا فى الامتحان وفى الاجابة

موجة يقول...

SONY2000
____________
جيد جدا .. امتياز .. مقبول
المهم انك نجحتىىىىى
فين الحاجة الساقعة بقى

موجة يقول...

الحب الجميل
__________
ميرسى ليكى ياحب
منورانى دايما والله

موجة يقول...

BENT ELSHAMS
_____________
حبوبى محبوبىىىىىى
وحشانى موووووت يا قمر
كيف احوالك
لاء متستغليش فرصة انك محضرتيش الامتحان
ممكن اعيدلك الامتحان مخصوص

عمرو يسرى يقول...

للاسف لسه جديد ماحضرتش الامتحان بس الحمد لله انى عرفت الاجابات النموذجية الجميلة جدا
بوست لذيذ جدا

Ramy يقول...

يا سلام و طب نتايجنا احنا فين ):

بس بجد بوست جميل عامل زى التاج (:

يا رب دايما بخير و سلام

استمتعت بقرائة البوست بصراحة

موجة يقول...

عمرو يسرى
____________
نورت المدونة يا عمرو
وكل سنة وانت طيب
تابعنى

موجة يقول...

RAMY
______
انتو تاخدووو عشرين على عشرة
برافو عليكو عملتو كويس فى الامتحان
منور زى عادتك يا رامى

gogo!sf يقول...

اولا اجابات جميله جدا ودمك خفيف مووووت فى الردود

اما بقى للخيانه فأنا مش معاكى فيه
عشان سواء هو اعترف بيها او اكتشفتيها انتى بنفسك فهى فى الاخر خيانه
يعنى جرح ما بعدو جرح والم وندم على حبى ليه ووقتها بتقولى خساره فيك الحب والاخلاص
والسعاده اللى وفرتهالك

صدقينى هى دى معنى الخيانه واللى يحس كلامى ده اللى متجوز
عارفه ليه عشان الحياه بتكون مختلفه تماما مع اللى بيحبو بعض ومش متجوزين
واللى بيموتو فى بعض ومتجوزين .......... الست دايما بتترعب من الخيانه الزوجيه
وبتفكر الف مرة لو لقدر الله ده حصل ايه اللى ممكن يحصل .... وعارفه الاجابه عند معظمهم ايه
انها تقتله وتروح فيه فى داهيه مستوعبه ممكن الخيانه تعمل ايه
وربنا يبعد عنا كل شر يا رب
اللهم احفاظنا يا رب العالمين من وساوس الشياطيين

استمتعت كتير بالاسئله الجميله دى رغم انه امتحان صعب جدا
واستمتعت اكتر باجاباتك

**************
ولو بعتى المحشى ارديحى مش قادرة اقولك هعمل ايه هههههههه
وبعدين انا بحبه بالفراخ اكتر وتكون فى الفرن هههههههههههههههه وبالف هنا وشفاء على قلبك يا قمر

تسلميلى يا موجه وان شاء الله يدوم التواصل

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام