الأربعاء، 21 يوليو، 2010

الفشل الناااااااجح

رب ضااااارة نافعة
فعلا المقولة دى صحيحة
بجد
اوقات كتير الانسان بيتأذى من الناس اللى حواليه وبيفتكر ان الاذية دى هتضره فعلا ومش هيقدر يخرج نفسة م اللى هو فيه
مثااااااااااااااااااااااال
واحد بيشتغل فى مجال معين فى الحياه العمليه وكان بيبذل اقصى ما عنده وكل ما فى وسعة عشان يثبت انه اد المسئولية وعشان يثبت انه فعلا يستاهل ثقة الناس فى شغلة ويستاهل انه يكبر فى المجال ده
وفجأة ييجى واحد ابن حراااااام يدمر كل ده فى ثوانى ويدمر حلم كان عايش فيه البنى ادم ده ويحول حياتة لمجرى تانى خالص
وطبعا المشاكل بتجرر مشاكل وكل يوم مشاكل الشغل وعبءة بيزيد عليه لدرجة انة وصل لقرار انه هيسيب الشغل والقرار ده عمرة ما اخده خااااااااالص
يعنى لما ياخده معنى كده انه وصل للحلقووووووم
اوم ايه
قبل ما يمضى استقالته بدقايق يجى شعاع امل ونور من بعيييييييييييييد اوووى ويستناه ويسعى انه يوصل للنور اللى شافه من بعيد ده
وسبحان مغير الاحوال
الشعاع ده فيه امل حياتة وفيه حلمه الوظيفى اللى كان بيتمناه وكان بيدور عليه بأبرة
فعلا رب ضارة نافعة
الحكاية دى حكايتى انا
كنت بشتغل فى غير مجالى وكان نفسى اثبت نفسى فى غير مجالى
لكن الحمد لله الاسفنة اللى جت لى اللى حكيت لكو عنها دى فى البوست اللى فات هى السبب فى تحقيق حلمى الوظيفى اللى كنت بجاهد انى اوصله
والحمد لله اتنقلت من ادارة لادارة تانية
والله وبقيتى مهندسة تخطيط ياموجة
لولوولولولولولووللوىىىىىىىى
الف مبرووووووووك

هناك 28 تعليقًا:

Ramy يقول...

عارفة يا موجة انا فرحن ليكى جدا جدا جدا

لية يا عم رامى دة انت تعرفنى من ما فيش يعنى

لالا بس اولا الف مبروك على الوظيفة

يا بشمهندزة (:

ثانيا انا فرحان علشان المنطق اللى بتكلمى بية

منطق بص لنص كوب المية المليان

لسة صدقينى قايل لمدون صديقى كدة

لما قبلته اول مرة

ان ربنا عمرة ما يحطك فى حاجة مش قد كدة لا هو مخطط لك حاجة كويسة و هتبان لك فى وقتها

و انت مع الوقت هتفهمها

اللى هى حكمت ربنا

مبرووووووووووووووووووك

(:

بالتوفيق دايما و ربنا معاكى فى اللى جى

موجة يقول...

RAMY
_______
مش عارفة اقولك ايه يا رامى بس
بجد انت حد كلامة كويس اوووووى
ثانيا عندى استفسار عاوزة ترد عليه
اشمعنى بقى كوبايه مايه
ليه ماتكونش كوباية شاااااى ولا حتى عصير مانجة
اى كوباية وخلاص لازم ميه يعنى
ربنا يخليك يارب بجد فرحانة انى شفت تعليقك

الحب الجميل يقول...

مبررووووووووك يا موجه بجد فرحتلك
وادى زغروطه مع انى مش بعرف
هههههه

لوووووووووووووووووووووووووووولى
وصلت عندك ؟ سمعتيها ؟

مبسوطاتلك كتير كتير كتيررررررررر

وربنا مش بيضيع تعب ولا مجهود انسان بيشتغل بجد
واتمنالك انك تكبررررررررررى فى شغلك يا قمر

أتنين حبيبين يقول...

رب ضااااارة نافعة

أتنين حبيبين يقول...

صدقتى لما اتكلمنا وقولتك اصبرى وهتشوفى حقك هيخلص وقريب اوووى

اللهم لك الحمد والشكر يارب
فرحت ليكى والله
من قلبى ربنا بيرد المظالم وانتى طيبه ونيتك خير ربنا عوضك خير يا عمرى

الف مليون مبروك

أتنين حبيبين يقول...

مليييييييييييييييون مبرووووووووووووك

لولولولووووووووووووووووووووووووووووى
من قلبى وخالصه وانتى تعرفى انتى ايه بالنسبه ليا

معلهش مش بدخل عند حد بس انتى اختى حبيبتى مش اقدر مش ادخلك وابارك وافرح لفرحك يا غاليه
بتمنالك التوفيق والستر والسعاده والهنا وكل شىء جميل ليكى يا قلبى



أأأه
نسيت وحشتينى كتير
وبحبك اووووى
بالله عليكى دعواتك لان امى مريضه اووووى

موجة يقول...

الحب الجميل
_____________
حبيبه قلبى
ربنا يارب يخليكى ليا
وزغرودك سمعتها ياقلبى

موجة يقول...

اتنين حبيبين
____________
خير الكلام ما قل ودل؟؟؟؟

عصـــــــــــام الــــديــن يقول...

بنت بلدى يامشرفانى ورافعه راسى بين المهندسين
بصى بقى ياباشمهندزه كدى صح بالزال

الحياه الوظيفيه كلها مشاكل واكبر مجال فيه اسفنه هو مجال الهندسه والمقاولات انا مش هحكيلك عن مشاكلى فى الشغل لكن اهم شئ فى الهندسه الصبر والاهم من الصبر الرغبه فى التعلم واكتساب خبرات جديده
صحيح الخبرات العمليه والهندسيه مهمه جدا جدا لكن الاهم منها خبرات التعامل مع الاخرين
ازى اتعامل مع الاخر؟
الاخر دى 3 اصناف
صنف عايز ينجح وهو مفتقد اسباب النجاح وبالتالى بيحاول يسرق مجهود الاخرين او انه يقلل من نجاحاتهم.

الصنف التانى ناس ولاد حلال بيحبوا يساعدوا الشباب ويمدوهم بخبرات او تقدرى تقولى يتبنوهم هندسيا وعمليا ويحاولوا يقللوا من اخطائهم والناس دول كنوز لو قابلتيهم هيغيروا مجرى حياتك العمليه.

والصنف الاخير والعياذ بالله ناس مالهمشى فيها ودخلوا المجال غلط لا منهم ولا كفاية شرهم متعتهم فى الكلام ونقله بين الناس . غرضهم الافساد والاستمتاع بالام الاخرين . ربنا يحفظك منهم مع انهم بيشكلوا نسبه كبيره جدا . تقريبا كل مؤسسه اوشركه فيها 2 او 3 منهم؟

دى هو مجال العمل الهندسى
الذكاء هنا فى الشخص اللى يقدر يتجنب استعداء الصنف الاول ويكسب الصنف التانى . ويتعامل مع الصنف الاخير بالجزمه اه والله بالجزمه لان دى صنف يخاف مايختشى

تحياتى باشمهندزه عبير
الباشمهندز .....؟ انا اسمى ايه؟
اه عصام الدين

موجة يقول...

اتنين حبيبن
___________
ايوة كده
الله يبارك فيكى يارب
عقبال ما كل مظلوم يترد له حقة ياارب
وسلمى على حسام نصك التانى

موجة يقول...

عصام الدين
____________
صدقت والله فى كل كلامك
بس انا اغلب الناس اللى كنت بشتغل معاهم كانو عاوزين التعامل بالجزمة
وكان 2 او 3 هم الصنف التانى
وباقى الشركة جزم
افادكم الله يا عصام
الله يبارك فيك
بالمناسبة القسم بتاعى اسمة
هندسة صناعية

عصـــــــــــام الــــديــن يقول...

موجه
الهندسه هندسه سواء مدنى او كهربا او هندسه صناعيه فى النهايه الهدف واحد والغايه ثابته
ربنا ميزنا بمميزات لو عرفها غيرنا يامهندسين هيحاربونا عليها

احنا بنعمر الارض
وهدفنا خدمة المجتمع بالتصميم الاصح والاقتصادى والآمن
ودى اساس اى محال للهندسه
تحياتى
ربنا يوفقك

موجة يقول...

عصام الدين
___________
فعلا
المهندسين دوووول هما اللى بيعمروووها
واوقات بيخربوووها برضوووو
منورنى

عصـــــــــــام الــــديــن يقول...

صح لسانك

اللى يقدر يعمر اكتر واحد يقدر يخرب
وباقل مجهود ممكن
دى اعلان للمهندسون المخربون
منوره

موجة يقول...

اى مخرب يبعد عننا بخرابة واى انسان مؤذى يبعد عننا باذيتة
ورووووح منك لله
ياللى بتخرب وماتعمر
والهى تخرب وما تعمررررررررر

mrmr يقول...

لولولوووووووووووووووووووووووووووووووووووووووووووووووووووووووووووى
دى ذعروته صعيدى قوووووووووووى
مش بتطلع كده بالساهل ومش لاى حد
الف مبروووووووووك
فعلا رب ضاره نافعه
محدش بيعرف ترتبات ربنا ايه لكن احب اقول
كل الاشياء تعمل معا للخير للذين يحبون الله
انت انسانه كويسه علشان كده ربنا كرمك اخر كرم
تمنياتى اليكِ بالسعاده

نـــــــــــــور يقول...

مبروووووك ياعسل
مش بتضيق الا لما بتفرج زى مابيقولوا بالبلدى
وانتى شفتى كتير فى الشركة العجيبة بتاعتك دى واهو الحمد لله بعد كاااام شهر شغل وصلتى للى انتى عايزاه

وبعدين رب ضارة نافعة ده كلام الدين قايلة من زمان وعسى ان تكرهوا شيئا وهو خير لكم

الله يوفقك فى مهمتك الجديدة والراجل بتاع الاسافين مايجيش وراكى تانى :))

نـــــــــــــور يقول...

مبروووووك ياعسل
مش بتضيق الا لما بتفرج زى مابيقولوا بالبلدى
وانتى شفتى كتير فى الشركة العجيبة بتاعتك دى واهو الحمد لله بعد كاااام شهر شغل وصلتى للى انتى عايزاه

وبعدين رب ضارة نافعة ده كلام الدين قايلة من زمان وعسى ان تكرهوا شيئا وهو خير لكم

الله يوفقك فى مهمتك الجديدة والراجل بتاع الاسافين مايجيش وراكى تانى :))

(ست* جنى* الحسن) يقول...

سلامو عليكو..
الف مبروووك يا قمر
يا احلى بشمهندسة
فى جمهورية مصر العالمية
وبالتوفيق ان شاء الله فى حياتك العلمية والعملية
انى احبك فى الله

فتافيت يقول...

طيب الف مبروووووووووووك يا ستي
شوفت لك كومنت عند ابو العوريف بصراحة عجبني
جيت اشوف مدونتك
وقولت بالمرة اقولك مبروك واطخ لك عيارين عشان بقيتي مهندسة تخطيط قد الدنيا :)

موجة يقول...

MRMR
_______
عقبال ما ازغردلك يوم فرحك يا حبيبتى
واهلا بالصعيد وزغاريد الصعيد
ربنا يفرحك وينولك اللى فى بالك

موجة يقول...

نور
______
الله يبارك فيكى يانور
الحمد لله ربنا كان شايف ومطلع اد ايه انا كنت تعبانة فى شغلى ومش مقصرة فحب يكافئنى
الحمد لله على كل شئ

موجة يقول...

ست*جنى*الحسن
_____________
الله يبارك فيكى وفى جنى ويارب تفرحى بكل اللى تحبيهم
وحشتنى كلمة احبك فى الله اللى بتكتبيهالى دايما

موجة يقول...

فتافيت
___________
هلا فيكى يافتافيت
بس احب اعرف فتافيت ايه؟؟؟؟؟؟؟؟
سكر ولا عيش
وربنا يبارك فيكى بس بلاش ضرب نار اصلى بتخضضضضضضض
منورة مدونتى المتواضعة ياريت تتابعينى

amirelhob يقول...

"عسى ان تكرهوا شيئا وهو خيرا لكم"

لو كلنا فكرنا بجد فى الجمله دى هنلاقى انها بتفرق كتير ولو فكرتى كمان شويه مش هتلاقى دى اول حاجه هتلاقى كتير بس مكنتش واخده بالك منو

مبروك على انك بقيتى فى المكان اللى بتتمنيه ومبروك عليكى كلمه مهندسه بجد مش عشان بس الشهاده يلا ورينا همتك بقى واحذرى بردو من الاسفين اللى جايه ما هو بردو فى مثل بيقولك عدوك ابن كارك

ربنا يوفقك يا رب فى اللى جاى ويبقى احسن بكتير من اللى فات ويعدى بسهوله ويبقى اريح من اللى كان صعب

ربنا يكرمك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

موجة يقول...

Amirelhob
___________
فعلا
وعسى ان تكرهو شيئا وهو خير لكم
صدق الله العظيم
وفعلا
لو علمتم الغيب لاخترتم الواقع
ربنا بيقدر كل شئ لحكمة لا يعلمها الا هو
سبحانة
اشكرك على مشاركتك الجميله دى

Shaimaa يقول...

مبرووووووووووووووووووك
ربنا ده كبييييييييييييييير

شركة تنظيف بالدمام شركة تاج يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام