الثلاثاء، 18 مايو 2010

تاج

بناء على طلب الجماهير والناس اللى الحوووو واحرجونى وبعتولى التاج
وانا معرفتش اهرب منهم ومن طلبهم واتدبست فى وعد عشان اجاوب ع التاج ده
احب اقولكو الاول
قولولى رايكو فى التاج اللى انا لبسته
شكله حلوووو؟
ميرسى طبعا شكله جميل عشان على زوقى
نبدا نخش فى الجد بقى
مش هكتب قوانين التاج لانى مكنتش اعرفها وعرفتها عن طريق صحباتى الحلوين لما لبسو التاج
بس الامورة داليا هى اللى اصرت على انى اجاوب ع التاج وبعتتهولى هديه
وبصراحة هديه مقبولة بس محرجة اوووى
نبدا نتكلم عن الست حاجات لا يكتشفها من يقابلنى للمره الأولى
اشمعنى سته يعنى ليه مش تلاته كفايه اوووى
1- اللى يقابلنى لاول مرة ميعرفش انى ممكن امسكه امسح بيه الارض لو ضايقنى
بيفتكر بقى انى رقيقة ومنكسرة وكده
2-اللى يشوفنى لاول مرة يشوف معايا الفرحة والبسمة اللى ما بتفارقش وشى
لكن ما يعرفش ان قلبى ماليه الحزن وانى بهرب من حزنى بضحى
3-بيقولو عليا انى جدعه اووووى وعمرى ماكنت ندله بس مايعرفوش ان دى اسوأ صفة فيا
لانها بتجيبنى لورا دايما ودايما باجى على نفسى عشان ال ايه جدعة ونفسى بصراحة ابطل جدعنة عشان اعرف اخد حقى بقى
مش لاقيه حاجة تانى بس ممكن اكمل بحاجات موجودة فيا مش عارفة بتبان عليا ولا لاء
4- ال ايه انا رومانسية وبتكسف مع ان اللى يشوفنى يقول عليا جريئة جدا
5- انى متسامحه جدا جدا جدا وممكن اسامح فى اى حاجة واصعب حاجة حتى الخيانة الا حاجة واحدة بس
هى الكدب
6- قلبى ابيض م اللبن الحليب وزى مابيقولو قلبى قلب خسايه
بزعل بسرعة وبروووق بسرعة اكبر
يلا بقى ادينى قلت كل حاجة اهوو بقى
حد نفسة فى اى حاجة تانى

هناك 21 تعليقًا:

داليـ ـ ـ ـ ـ ـ ــــا يقول...

أحلا تاج لأحلا عروسه
موووووووووووووجتى

ضحكتينى
والله عندك صفات جميله اوى
احيكى على صراحتك الجميله دى

تحياتى ياقمر وميرسى على قبولك الهديه

وعقبال المره الجايه يبقا التاج مش منى من العريس ههههههههههههه

تحياااااااااااااااتى

باحث عن حب يقول...

جميله الصفات
ربنا يعطيكى
كل ما تتمنينه من
خير

غير معرف يقول...

مبروووك التاج

تاج من ورد فى منتهى الروعه يدل على رقتك.

ربنا يحفظك

بدعوكى لزيارة مدونتى

كل تاج وانتى طيبه

تحياتى

مهموهة أحمد يقول...

يا حلاوة التاج عليكي يا قمرايا
مبروك عليكي يا قلبي التاج و عقبال ما نبارك لك على الفرح يا رب

صفاتك تدل على انك عسولة اوي
ربنا يهنيكي و يسعدك يا رب

خالص حبي و تقديري
على فكرة انا ضيفتك و يا ريت نتكلم قريب

(ست* جنى* الحسن) يقول...

سلامو عليكو موجة..
شخصيتك جميلة ومليانة مفاجات وانسانة تتحب.
انى احبك فالله.
برجاء قبولى صديقة للمدونة

Tarkieb يقول...

- اللى يقابلنى لاول مرة ميعرفش انى ممكن امسكه امسح بيه الارض لو ضايقنى

طيب ليه حكاية الافلام الهندي دي وطفيت الشمع ورميت الورد دي في الثريد اللي قبله.بصراحة ليه حق يعمل كدة مش معقولة كل مرة تلمي عليه الجيران وتجرسيه كدة..شوفتي بقى لا العيب طلع من الخواجاية ولا من الجدع اللي ظلمتيه وبصراحة كنت مصدقك وح ابعطلك خلاص ازازة براندي عشان تنسي ونخلص منك بالمرة

موجة يقول...

دليــــــــا
______________
ميرسى انتى اللى احلى بنوته يا قمر انتى
وبعدين صراحتى دى حاجة زى جدعنتى كده جايبانى لورا
وبعدين سيبك انتى من حكايه العريس دى احسن ازعل منك
اصلى ماشيه فى نظام تطفيش العرسان وعايزة اتهد عشان اتلم بقى وافرح اهلى
منورانى دايما

موجة يقول...

محمود (باحث عن حب)
_________________
اشكرك ع الدعوة اللطيفة دى
ونورت مدونتى المتواضعة
داوم الزيارة

موجة يقول...

الحب الجميل
____________
اشكرك على زوقك الرقيق ده وده من رقتك انتى مش من رقتى انا
وكمان انا زورت مدونتك وشفت فيها الحب الجميل اللى ما اتلوثش
حب الام لبنتها
احييكى ودايما تشرفينى انشاء الله

موجة يقول...

مهموهة
_______
حبيت قلبى ودلوعة عمرى
على فكرة بقى انتى اللى عسوله
ويارب تدعونى بقى ع الرفح اصلى نفسى احضر فرح
بس مش فرحى........
وبالمناسبة مفيش اى اضافة جت لى
اتاكدى تانى من الميل
وانا هكتبهولك تانى عندك فى تعليق

موجة يقول...

(ست*جنى*الحسن*)
________________
يالف اهلا وسهلا ومليون مرحبا بالست جنى الحسن
نورتى مدونتى ويسعدنى تشريفك الدايم ليا
واشكرك على المجاملة الرقيقة دى

موجة يقول...

tarkieb
__________
فى ايه بس يا استاذ تركيب
هو يعنى هى الصفة الاولى اللى عجبتك ومسكت فيها ومش راضى تبص ع اللى بعدها
ليييييييييييه
ماهو كده
كما قال الشاعر:

حبيبك يبلعلك الظلط وعدوك يتمنالك الغلط
وايـــــــــــه
عموما انا هكون اجدع منك
واقولك شرفت مدونتى حتى وانت داخل م الشمال

Tarkieb يقول...

انا والله كنت باهرق معاكى قلت مش معقولة كل الدنيا تبقى عليكي ...يالا ميهمكيش ...على راي نفس الشاعر بتاعك ماينوب المخلص الا تقطيع هدومه......الظاهر هزارى تلم ....حقك على وتوبة والنبي توبة اعلق....والنبي وانت بتكسري القلة وراى ماتتنرفزي ..حلفتك بالنبي

موجة يقول...

تركيب
_______
لاء والنبى
مكش قصدى اكسر قله ولا زير
وبعدين كده ازعل
وربنا مايوريك زعلى
انت متجيش عندى وتعلق تانى
لالالالالالالالالا
دانا اشرب جون ووكر
وخلاص بقى خلاص خلاص

فاروق سحير ( فاروق بن النيل ) يقول...

موجة ....
أول مرة ليا عندك وادخل فى الموضوع على طول :
1- إن شاء الله تتخرجى وتبقى مهندسة بس إوعى تبقى زيى مهندس على المعاش عاش حياته يعمل بإخلاص ودون نفاق ودون كذب وماعرفش ياخد حقه كويس عشان كده ولكن ربنا عوضه كتير
2-البند 5 يختلف أو عكس البند الأول 1
ربما هذا رأى خاطئ ولكن مما فهمته من كلامك .شكرا لك
farouksam.blogspot.com(عصفور الجنة)

موجة يقول...

فاروق ابن النيل
________________
ولو انى اتخرجت من زمان وشغالة طحن اليوين دووول
بس شكرا ليك
وثانيا
مش حاجة غريبة ان الانسان يتواجد فيه الشئ ونقيضة
انا عارفة انى متناقضة
بس عادى يعنى
اشكرك

♥♥ شذا ♥ الروح ♥♥ يقول...

طبعآ التاج لايق عليكى وامور اوووووووووى
يا خلاثى على الرقه
ربنا يسعدك

***************

التاج جالى انا كمان وبينى وبينك مش احكى عن نفسى بس جاوبت عليه بطرقيتى الخاصه يارب يعجبك

منتظراكى عندى غاليتى

صفاتك جميله اووى تحملى انسانه نادره بالوجود المهم تفضلى كده والزمن ده مش يغيرك

دمتى اختى بكل الخير

مودتى

الشاعر الحزين يقول...

هى مين اللى أنتى كنتى بتتكلمى عنها فى التاج دى ؟؟؟


أنا بيتهيألى انها واحده غيرك لكن مش أنتى خالص بصراحه

أيوه مش أنتى ايه مش مصدقه ولا ايه ؟؟ أمال ايه حكايه اللى يضايقنى أمسح بيه الأرض وأدبحه وأعلقه على باب الحاره والكلام ده ؟

بقى الرقه دى برده تعمل كده ؟؟

أنتى أخرك لو حد ضايقك تحطى وشك فى الأرض وتعيطى وخلاص صح ؟؟

وبعدين بتقولى مبتحبيش الكذب وأنتى عماله تكدبى علينا أهو قال ايه أسوء صفه فيكى هى انك جدعه ؟ بقى بالذمه دى صفه سيئه يا بنتى اعملى الخير وارميه البحر

بس أقولك كلمه فى سرك كده وعلى انفراد عجبنى قوى أسلوبك المرح فى الاجابه وأنا أصلا عاف من زمان ان دمك زى العسل

معلش اتأخرت فى التعليق ومعلش تانى عشان رغيت كتير ياللا كفايه بقى عشان ميتمسح بيا الأرض

دمتى بكل الخير

موجة يقول...

شذا الروح
____________
اسمك جميل
وسعدت جدا بزيارتك ليا ولمدونتى بجد نورتينى
وكمان تعليقك فى منتهى الرقة ووعد عليا ازورك واعلق على تاجك
اهلا بيكى صديقة ليا

موجة يقول...

الشاعر الحزين
______________
ههههههههه
ايه ياعلاء
يابنى انت واخد فيا الم ع الفاشى صدقنى
واللى كنت بتكلم عنها دى هى انا
ايوة انا
صدق او لا تصدق
برضو انا
من الاخر انا شريرة
نياااااهاهاهاها
وبعدين مين ده اللى يخلينى اعيط
ده لسة امة متجوزتش ابوة عشان يخلفوة اللى يخلينى ادمع ولا اعيط
انا حتى دموعى جفت من كتر ما قلبى اسى
اصل قلبى ااااسى
وبعدين عيب عليك ياعلاء
انت تكتب زى مانت عاوز وتطول زى مانت عاوز
المدونة مدونتك والمكان مكانك
ومتخفش مش هعمل حاجة
انت متعرفش معزتك عندى كبيرة اد ايه
هدبحها ع العيد بقى
ابقى طمنا عليك
بليز

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام