الخميس، 6 مايو، 2010

مغامرات مهندسه مهسهسه


بدايه احب اقولوكو شيلو كلمة مهندسه وخالينا فى اللى بعدها اللى هى كلمة مهسهسه والكلمة دى جايه من فيرب ( ال يعنى ثقافتى بقى انكليزى وكدة) هسهس يهسهس هساهيس نحب نمسك الموضوع من اوله:

سبب الهسهسه اللى هى مش جديدة عليا سببها وحدة بنت (.........) شغاله معايا اسمها " اوكسانا" الست دى من اوكرانيا البلد متربيه ع التوت والنبوت ست قادرة ومفتريه الوليه دى مابتعرفش تعمل اى حاجة فى الدنيا الا انها ترفض الشغل

ومعندهاش اى كلمة فى الدنيا غير"This what i reject go & repair it & come to check again"
قادرة قادرة

تخيلو بقى لما اسمع الجملة دى 8 ساعات فى اليوم 6 ايام فى الاسبوع والرخامة بقى لما تيجى ترفض الشغل فى معاد شحن
تقول ايه:"I'll stop the shipment,do what u can"
يعنى ياعبيد اشتغلو وانا هرفض الشغل ومش هتشحنو الشغل وخبطو دماغكو فى اتخن حيطة

نداء عاجل

ياست اوكسانا ياللى دايما وكسانا ارجوكى متخنقيش اهلى عشان اجيب لك لبانه الست دى بقى مش شاطرة الا انها تيجى كل يوم لابسة حلق شكل وعاملة شعرها شكل وحاطة توكة صؤنونة فى الجنب وبس
فى الاخر
"i can help u but do what i say only" وانا مستحييييييييييل ابسولوتلى الغى دماغى وامشى بدماغ واحدة لامؤاخذة يعنى بس فى النهاية بقيت اعمل ايه

بقيت اضحك عليها اى شغل تقبلة وده قليل جدا اروح واخداه ولافة بيه فى المصنع وموادياه تانى ليها على اساس انه شغل جديد وتقبلة تانى واحط بدالة شغل هى ماشافتووووش اصلا

نياااااااهاهاهاهاها

ماهو انا مبحبش تلاكيك الحريم دى وبعدين دانا اللى بدعت ام الحوارات وام التلاكيك بس اتقفشت النهاردة وانا بستغفلها وبضربها على افاها

رحت طلعه م المزنق ده ازاااااااااى قلت لها الشغل ده انا لسة هفحصة وبعدين اجيبهولك وبعدين ياوليه خفى شويه عليا احسن اأكلك تقليه وشربت المقلب

بس اللى فهم لعبتى المدير رحت غامزاله بمعنى اسكت خاااااااااالص عشان الشحنة دى هتطلع يعنى هتطلع حتى لو على جثتى راح ساااااكت ومشى وتوتة توتة خلصت الحدوتة

ومن هذا المزنق سميت البوست هسهسه لانى مش فهمة انا بقول ايه وطول اليوم بتكلم مش فهمة بقول ايه منها لله اوكسانا

هناك 17 تعليقًا:

غروب يقول...

ههههههههههههه

هسهسه فعلا

فكرتينى بدكتور كنت رايحه اساله عن حاجه في مسرحية اسمها

macbeth

وانا قولتها ماكبس وليس ماكبث

ازاى وازاى ؟؟؟؟؟؟؟

بقت حريقه

وسابنى من غير ميرد حتى على سؤالى

عالم تشل

ســـهــــر يقول...

ههههههههههههههههه
اة يا قلبى يا مكنونة

بصى مبكرهش فى حيييييييييياتى غير ان مديرتى تبقا واحدة ست مهما كان عمرها
وجنسيتها صدقينى بتكون حاجة متعبه جدا
الست ست يا ست الكل كلها غيرة وارف ونكد واديها مترحميهاش احنا مبيهمناش يروح شغل ييجى شغل
دة تبقى تقابلينى طبعا لو لاقيتى شغل ههههههههه
بهوء معاكى ان شاء الله تنجحى فى شغلك وفى حياتك يا ارق واحلى موجة

بحبك يا بت

داليـ ـ ـ ـ ـ ـ ــــا يقول...

ههههههههه

كنتى سميه يوميات مهندسه مهيسه

هو انتى شغاله فين ياموجه ؟؟

تحيه لخفة دمك ياقمر

مهموهـــــــة يقول...

هههههههههههههههههه
يا نهاري يا موجة
ايه يا بنتي اللي انتي عاملاه ده ؟؟
رهيبة و الله
ايوة كده
دول ناس ما يجوش الا بالضرب على دماغهم

اذا كانت هي فاضية و عاملالنا قاضية

لالالالالالالالالالالالالالالالالالالالالالالالالا

ده احنا نديها القاضية

هههههههههههههههههههههههههههههههه

ربنا يوفقك و يسعدك يا رب يا روحي

خالص حبي و تقديري

الشاعر الحزين يقول...

أنا جيت أرمى السلام بس وأطمن على الناس المهسهسه اللى هتخلينا نهسهس معاها أكتر ما احنا مهسهسين وبما ان الموضوع هسهس منى ع الاخر يبقى أنا بقول أخلينى بعيد أحسن ما أعدى حد

عموما كنت جاى أسلم عليك وأقولك انى الحمد لله موجود وبخير

ويارب انتى كمان دايما تكونى بخير

well يقول...

اروح واخداه ولافة بيه فى المصنع وموادياه تانى ليها على اساس انه شغل جديد
..هههههههههه
ايوة كدة شغلى دماغك ...
الحركة دى حصلت قبل كدة فى مصنع ملابس كنت شغال فيه ...بس كانت واحدة ايطالية علمت على كرتونة واحدة صح ..والملابس اللى فى الكرتونة بقت تتنقل كل شوية لكرتونة شكل

شكلك فاهم يا نصه

تحياتى

Tarkieb يقول...

هههههه صباح الهسهسة يا بشمهسسة....بس اكيد الشغل تعبان عشان كدة بترفضة فكرتيني بواحد الماني بيستورد شنط سفر من الصيين ...قال انه تقريبا بيين كل عشريين شنطة واحدة متطابقة لشروطه وبيخدها والباقى المصنع بيصدره لدول تبلع الظلط

موجة يقول...

غروب
_______
نورتينى يا غروب ونورتى مدونتى المتواضعة
وبجد فعلا عالم تشل
معرفش ايه لازمتها تلاكيك الناس دى

موجة يقول...

سهر
______
حبيبت قلبى ونور عينى سهووووورة
الستا فعلا بيغيرو من بعض وبالذات لو اكنت مديرة لكن الست اوكسانا دى مش مديرتى دى بتفحص ورايا الشغل وبترفضه او تقبله يعنى شغلى متوقف على كلمة رضا منها الست بنت الورمة دى
احم احم
سورى ياجماعة على الالفاظ
ام حكايه انى اسيب الشغل دى فده مش هيحصل عشان انا يتفاتلى بلاااااااااد مش انا اللى اسيب المكان لوحدة ....
بحبك يابت انتى بجد

موجة يقول...

داليــــــــــا
___________________
منوراااانى يا دولى يا قمر
انا ياستى شغاله فى شركة ملابس للتصدير فقط
وميرسى ع المجاملة انا دمى خفيف؟؟؟؟؟
هع
اتمنى ذلك

موجة يقول...

مهمومه
________
ياقهلا ياقهلا
مين
مها الجميله عندى
منوراااانى يا روحى
وبعدين متقلقيش عليا مبغلبش ابدااا
وروحى طويله جدا ومش بستسلم
والله لمستعان
تحياتى ليكى يا حبيبتى

موجة يقول...

الشاعر الحزين
_______________
انت تنور فى اى وقت ياعلاء
بس برضو لازم نعرف ايه سبب الغيبة دى
ياترى مشغول ولا ايه
طمنا بس مش اكتر

موجة يقول...

WELL
______
ماهو ده نتيجة تشغيل دماغى
تفتكر انى مبسوطة من كدة
لاء طبعا
انا لو شغلى فيه حاجة غلط عمرى ما همشيه لانى المفروض انى مهندسه جودة
لكن هى تلاكيك حريم والله
وزى مانت عارف فى ناس بتعشق تكون مغفله
بس اهو بقى اقول ايه
حسبى ربى
تحياتى ومودتى

موجة يقول...

tarkieb
_________
اهلا اهلا بالناس اللى جايه تهاجم شغلى دى
لاء يا بشمهندس الشغل بتاعى مفيهوش حاجة وعشان كدة بترفضة
لان لو فى حاجة هيرجع لى من انجلترا
لكن الحمد لله
كل فترة بيجيلى جواب شكر ع الشغل
ده معناه
انها تلاكيك اجانب
والناس دى جايين يحتلونا وياخدو ارضنا ويشتغلو شغلنا ويقرفونا كلنا
ولا ايييييييييه
منورنى
تابعنى دايما بقى

الشاعر الحزين يقول...

لو كنتى دخلتى مدونتى وشوفتى ردى على تعليقك كنتى عرفتى السبب

ادخلى اقرأى ردى على تعليقك عندى وأنتى تعرفى السبب

سلالالالالالالالالام

أع ـقل مـ ج ـنـونــة يقول...

هههههههههههههههههه

يا حســـــــن " دا الهسهس بتاع مبروك جالك قلق فكراه ؟؟ "

بجد انتي دماااااااغ

لا الله معــــــك

مستنية هسهسات جديدة :D

تقبلي مروري

اوعي متجيش تشربي شاي معايا :d

شركة تنظيف بالدمام شركة تاج يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام