الخميس، 26 مارس 2009

اتنين عبط....واتنين بيستعبطو...



اتنين عبط
نعرف قصتهم
خير اللهم اجعلة خير
اختى وصاحبتها هم الابطال
ال ايه العيال خارجين من الجامعة عشان يفطرو
وطلبت معاهم يتمشو ع الكورنيش اللى قدام الجامعة

مش كدة وبس
شوفو العبط

وكمان مش يتمشو لاء ويقعدو ياكلو كمان ع الكورنيش
وعاديكو ع اللى يجرالهم
البنات قاعدين بياكلو فى امان الله وال ايه
اذ فجأتن
يلاقو رجلين سنهم يعنى فى سن والدى مع حفظ المقامات طبعا
ايش جاب لجااااااااااااااب
الرجلين دول بقى يجيو متسندين على بعض ويدور الحوار بقى
احد الرجلين:"ممكن بس استاذنكو يابنات تقعدو الراجل ده جمبكو احسن ده تعبان"
البنات:"اتفضل ياعموو.....الف سلامة عليه ياعموو"
احد الرجلين:"انتو اد بناتى"
البنات:"طبعا ياعموو"
احد الرجلين"احنا اصلا عندنا محل فية حاجات حريمى هتعجبكو اوى.............."
وقعدو يحكو بقى على قصة حياتهم ويتكلمو والبنات بيسمعو
مش بقولكم عبط وبيستعبطووو
البنات عمالين يسمعو ويضحكو فى الخباثة ويتغمزو
طب يابنت ياهبلة انتى وهية
متقومو من جمبهم وامشو روحو فى حتة تانية
وانت ياعم انت وهو
بتحكو لمين وعاوزين منهم ايه
مش هم اد بناتك برضو
طب لما هم اد بناتك يا عم بتحكى معاهم فى قصة حياتك لية هم مالهم
واخرت المتمة ال ايه يقولهم
احد الرجلين"لما تيجو عندنا المحل ليكو عندنا شنطة هدية"
"ولو وافقتو انكو تيجو معانا احنا ممكن نوقف تاكسى دلوقتى ونروح هناك عشان تتفرجو على الحاجات هناك"
هههههههههههههههه
اد بناتة برضو مش كدة
وال بعدها برضو البنات بيردو يقولو ايه"لاء شكرا ياعمو"
مش ياخدوهم المين ولا حتى يشتموهم ولا يقومو ويمشو ويسيبوهم
لاء برضو قاعدين
ااااااااااااااااااااه يانارى منهم
وشوفو اللى جاى استنو متستعجلوش
احد الرجلين"ممكن ارقام تليفوناتكو بقى احنا بقينا اصحاب مش كدة يابنات"
البنات:"ايوة طبعا ياعمو بقينا اصحاب"
احد الرجلين:"لاء بلاش عمو دى انا اسمى دعبس"
الرجل التانى:"وانا اسمى حمبوزو"
طب ياعم حمبوزو مش بيقولو برضو ان عم حمبوزو بيفضل فى كوزو لحد ما نعوزو ايه اللى جابك هنا بقى
البنات "ايوة ايوة....اهلا وسهلا ياعمو"
ويروحو ايه البنات يفتكرو نفسهم ناصحين ويعطوهم رقم تليفون غلط
هههههههههههههههه
فكرة اصلا انكو تديهم رقم التليفون من البداية غلط
وفكرة انكو توافقو تتكلمو مع الناس دول برضو غلط
المهم خالينا معاهم للنهاية
احد الرجلين يكتب رقم التليفون ويرن على الرقم
"تررررن تررررن....الووووووو"
"ايه ده ده مش رقم حد فيكو ده صوت راجل بيرد"
البنات بتضحك بقى وبيقولو:"لاء ياعمو اصلى اتلخبطت"
يالهوتىىىىىىىىىىى ع العبط المستحكم
وتقوم تديلة رقم تانى برضو غلط بس من حسن حظهم ان الرقم كان غير متاح
راحو قايلين"اصل الخط ده مش شغال دلوقتى ياعموو"
يخرب عقولكم
طبعا انا بسمع الحكاية من اختى وعاملة نفسى هااااااااااااادية
عشان اجيب اخر الحكاية واعرف اللى حصل كلة
مجرد ماختى خلصت حكى
عنيكو ماتشوف الا النور
انا"بت انتى....انتى بستهبلى ولا ايه."
"ازاى اصلا تتكلمو معاهم كل ده وازاى توصل بيكم قلة العقل انكو تقعدو وتتسايرو لحد ما يطلب رقم التليفون"
اختى:"وانا اعمل ايه يعنى ... اتنين بيكلمو ... اعمل ايه انا.. بسمع.."
انا:"بسمع؟؟؟.....سمعتو الرعد فى ودانكو انتى وصحبتك"
"انتى يابت اللى حصل ده غلط وميتكررش تانى"
"اى حد يحاول يكلمك وانتى متعرفيهوش حاجة من الاتنين تعمليها"
"يا اما تاخدية بالالم على خلقتة وتصوتى وتلمى الناس عليكى"
"يا اما مترديش وتمشى فى وشك علطول"
" ايه الاستعباط ده بتاعكو انتو الاتنين"
"منك لله انتى وصحبتك.. رفعتولى الضغط"
اختى:"خلاص بقى انتى هتسيحى لى.. اسكتى عشان ماما متسمعش"
وفعلا ماما سمعت وجت تسال فى ايه
رحت قايلالها " ابدا اصلها قطعت الشنطة بتاعتى وشنطتى جديدة ياماما وواخداها هدية من محل حلو اوى ياماما"
ههههههههههههههههههههه
طبعا برمى كلام على العبيطة اختى
شوفتو بقى ياحضرات الدنيا جرا فيها ايه
طبعا ده مثال بسيط اوى اوى من بلاوى الدنيا اللى بتحصل
وطبعا اللى يعيش ياما يشوف واللى يمشى يشوف اكتر
ربنا يسترها على البنات كلهم يارب
وربنا يهد الناس اللى معندهمش ضمير ولا دين
ربنا يمسحهم من على وش الارض عشان الدنيا تنضف بقى

هناك 23 تعليقًا:

فتاه حالمه يقول...

سوري بقي اختك بتهرج في ايامها المنيله دي
ولا مش بتقري جرنال ولا بتتفرج علي التلفزيون ايه التهريج ده
بصي لو قعدنا نتكلم علي الاشكال الضاله الي في الشوارع دي بردو مش في فايده المفروض الغلط علي اختك وصحبتها
مفيش بنت ترد علي اي حد في الشارع حتي ولو كانت ست انتي متعرفيش البلاوي الي بتحصل ولا ايه
ربنا يستر علينا كلنا يا ربقوليلها تخلي بالها من نفسها
سلام يا قمرايه

نـــــور يقول...

لا بقى فى حاجه غلط
حكايات الناس الكبيره دى كترت اوى اليومين دول هو فى ايه؟ !

بس على فكره -ومن غير شتيمه-
انا لو مكان اختك وصحبتها فقعد الراجل واقوله الف سلامه عليك ولو حكمت هروح اشتريله ميه كمان وهتكلم عادى لحد مااحس ان فى حاجه غلط زى حكايه التاكسى دى !

مكانتش هتوصل معايا لدرجه رقم التليفون يعنى
انتى عارفه انى عبيطه اه بس بجد انا كنت هتعامل من باب ان ده عمل خير وذوق وكده
لكن لما الموضوع يكبر بقى معرفش كان هيبقى رد فعلى ايه؟ بس غالبا كنت هسيبهم وامشى وبس

ســـهــــر يقول...

ههههههههههههه
بلاش ندخل قفش واضح ان اختك طيوبة وعلينيها وبردوا يا موجتى لازم تقوليلها وتفهميها الناس بقت وحشة اوى لا وحشة بكتير ومتعرفش ربنا
ربنا يحميها يارب هى وكل بنات المسلمين

احكيلك حاجة يا بت ياموجة حصلتلى من فترة كنت راجعه من الغردقة وقعد جمبى راجل كبير وهتك كلام ومش متجوزة لية وبتاع وال ايييييييييييية بيعرض عليا يتجوزنى
يكنش صعبت علية ولا اية
وكماااااااااااااان بيقولى لو مش عاوزة حد يعرف انا موافق
كل اللى عملتة انى عيطت ورحت للسواق قولتلة ممكن اقعد جمبك
والراجل شهاده لله قعدنى ع السلمة اللى جمبة دى
وكان هاين عليا ارمى الراجل الكبير من الاتوبيس بس خفت :))
هههههههههههههه

المهم بقا وحشانى وبتوحشينى وعاوزة نتكلم مع بعض ااااااااد كدهون اتصرفى بقا ماليش دعوة
والبوسه والحضن دول منى ليكى
مواااااااة وحضونة

أبو العريف يقول...

هههههههههههههه
فيه حاجه اسمها كده
طبعا مش هتوصل لرقم التليفون
بس انا مش كبير قوي يعني
اد جدهم الصغير
ممكن اخد تليفوناتهم عشان اقولهم كده عيب
هههههههههههههههههههههه
تحياتي ليكي

الشاعر الحزين يقول...

ههههههههههههههههه

لا تعليق

لأن أنتى عملتى الصح وكلامك كله صح

والنصيحه اللى أنتى قولتيهالها فعلا صح

ومعلهش اعذريها لسه ياما هتتعلم

تقبلى خالص تحياتى

غير معرف يقول...

مووووووووووووووووجه الله يسامحك لازم تسيحلى كده قدام الكل هههههههههه
عموما ياجماعه انا عادى والله ايزى ايزى
اتنين عبط اعمل ايه كنت عاوزه اضحك وضحكت واحنا الاربعه صيعنا على بعض ان كنت انا ولا صاحبتى وهما وعموما الواحد مابيتعلمش ببلاش ولا ايه ؟؟
مفيش فايده

موجة يقول...

فتاه حالمة
__________
اقولك ايه يا فتاتى ياحبيبتى
عندك حق ربنا يستر بقى
بس برضو انا عاذراها عشان هى لسة صغيرة وعلى نياتها اوى ولسة بقى ياما هتتعلم
_________________________________
habiba
________
حبيبة قلبى ونور عينى
المفروض ان الموضوع لما يكبر منك تاخدى حقك بقى تالت ومتلت
يعنى اقلعى اللى فرجلك واديلة وميهمكيش

_______________________
سهر
______
يالهوتىىىىىىىىىىىىى
ده راجل داخل علطول وقصدة شريف بقى
وداخل على جواز يا سهورة ياحبيبتى مش لسة هيقول بقى محل وتاكسى ورقم تليفون
ده راجل مخلص
________________________________
ابو العريف
________
حتى انت يا ابو العريف
لاء بس طالما قد جدو الصغير ماشى
كدة اوك
هبقى اقولك رقم تليفوناتهم عشان تأدبهم
________________________________
الشاعر الحزين
___________
نورتنى ياعلاء والله
وبتشرف دايما بزيارتك ليا
______________________________
غير معرف
_______
طبعا دى اختى اللى علقت عندى
ماشى يالولو هعديهالك المرة دى
بس يارب تكونى اتعلمتى فعلا ومتتكررش تانى
عشان لو اتكررت تانى مفيش غير الدق على ماغك
انتى وصحبتك بقى

أبو العريف يقول...

ايه دا بقي
ايه الناس اللي جايه تزعل مني عالصبح دي
انت يا ست انت
انا زعلتك في ايه
انا
دانا حتي غلبان ومتبهدل
وبطاطسي محروقة
وقلبي مولع
وحالتي بالبلاء

محمد فارس يقول...

الغاليه صاحبة مدونة
بين السما والارض
هو انت ظالمه الاتنين العواجيزليه
مش جايز كانت نيتهم سليمه
هههههههههه
وعايزين يتعرفوا وبعدين يتقدموا
ولا هما مالهمش نفس زي الشباب
انا بهزر هههههه
عموما ربنا يرحمنا من اصحاب العقول التعبانه
هما بس تلاقيهم ما عاشووش ايام شبابهم
وقالوا فرصه نعوض اللي فاتنا
معلهش ليا عندك طلب
هيا اختك وصاحبتها كانوا قاعدين فين بالضبط علشان ما اعديش من هناك
هذه اول زياره لمدونتك الجميله
وارجوا ان تتقبلي مروري
مع تمنياتي لك ولاختك وصاحبتها بالسعاده
ان شاء الله

Mohamed يقول...

أنا قرأت البوست وبصراحة شدني أوي ...

مش هاخبي عليكي ، موضوع الألمين والصويت دا ماعدتش بشوفه ...

الجرأة دي مش من صفات البنات ، ولازم تحط حاجز دايما بينها وبين أي واحد يكلمها ...

أما موضوع الاتنين العواجيز فدي حاجة تضحك فعلاً ، يعني لو كانوا طلبة لسا في الجامعة ، كنا قلنا شقاوة شباب ، لكن دول شكلهم شاربين حاجة ...

سعيد جداً بزيارة مدونتك وبالراحة على أختك ، دي بردوا مالهاش غيرك

تحياتي

محمد

كيكى عوووووو يقول...

يالهووووووووووووووى كل دة حصل وانا معرفش
***********
بس على فكرة همة شكلهم باين انهم كذا كذا من اول ما اقالو على حكاية المحل وكدة
ربنا يستر على الناس كلها من الكذا كذا
عووووووووووووووووو

life يقول...

معلش يمكن يكون كلامى رزل بس
أختك ياما طيبة أوى وعلى نياتها
يا أما بتستعبط أوى
بس على ما يبدو أنها محتاجة لحد يعقلها
وكويس أنك اختها الكبيرة وعارفة فى النهاية لا يصح الا الصحيح
ربنا يسترها علينا وعلى بنات المسلمين
الاشكال دى كترت اوى
بس فى النهاية محدش بيتعلم ببلاش
بجد ربنا يكملك بعقلك

دومتى بخير عزيزتى

نظره عين يقول...

احب اكتب تعليقى ياموجه عن بوست بولولق الاول والله مانا عارفه انطق الكلمه مش مهم المهم بقى ياانسه موجه انتى زهقتى منى ليه طب وانا مالى انتى بتغرقى اعمل انا ايه يعنى عموما ياستى انا مستعده انقذك بس بلاش تكرهينى انا اختك برضو يامووووووووجتى ماشى ياقمر سلام

نظره عين يقول...

مووووووووووجه هووووووووووجه بوووووووووجه اووووووووجه عوووووووووجه تحياتى وسلاماتى ومراراتى واهاتى يالهوووووواتى بحبك ياموجه
خلى بالك من نفسك سلام ياحبى يوووووووور سيستر سلااااااااامو

موجة يقول...

ابو العريف
___________
خلاص يابو العريف عفونا عنك
وصافى يالبن حليب يا قشطة

محمد فارس
___________
نورتنى اوى يا محمد
ويارب فعلا نترحم بقى من اصحاب العقول التعبانة عشان دول كترو اوى
وملو البلد

Mohamed
_________

والله يامحمد فى بنات جريئة جدا جدا وعن نفسى اعرفهم
وفى الزمن ده البنت ينفع انها تحافظ على نفسها باى شكل
بس انت نورتنى جامد جدا وياريت دايما تبقى تزورنى

كيكى
________
نورتينى يا قمر انتى
وبلاش عووووووووو دى اصلى بتخض
هههههههههههههههه
Life
____
ربنا يكرمك يارب
احب الفت نظرك لحاجة
ان اختى فعلا طيبة اوى
ولسة خبراتها فى الحياه قليلة
وربنا يهديها ويسترها معاها ومع اللى زييها
نورتنى بالزيارة

نظرة عين
_________
اختى الحبيبة لولو
والله ياختى انابدعيلك ربنا يهديكى يارب

ومن ناحية اكرهك
ده عمرة مايحصل
لانك اختى حبيبتى وعمر ما يكون جوايا ليكى الا كل حب وخير
وبعدين ايه الهبل اللى انتى بعتاه ده

أبو العريف يقول...

ايه من ساعة الجماعه العبط دول محدش شافك
عموما انا دبستك في تاج
يارب تجاوبي عليه
جاوبي عليه احسنلك

القمر الساهر يقول...

شلت يدي على الكيبورد (بعد الشر عليا)

بس والله هنجت مش عرفت ارد

اصل البلاوي بقت على قفى من يشيل

وعمالين نقول الشباب جيل مهبب امال دول جيل ايه مطين بستين طينه

الناس دى فين اخلاقها بس

استغفر الله العظيم


ربنا يسترها علينا كلنا

ااااااه نسيت انا اول مرة ازور مدونتك وان شاء الله مش تكون اخر مرة

عمرو وجيه يقول...

مشكلة فعلا


الدنيا مبقاش فيها امان


احب اعلق على حاجة بجد


اسلوبك شدني و خلاني اقري بالعافية


و ده نادرا ما بلقيه فى المدونات



تحياتي لك

دمتي بود

موجة يقول...

القمر الساهر
_____________
شرفتى ونورتى يا قمرايه
وانشالله يارب يدوم بينا المعروف والود
وربنا يستر علينا جميعا

عمرو وجية
__________
شرفت المدونة يا عمرو
وربنا يخليك ميرسى اوى على المجاملة اللطيفة دى
ويارب تفضل تنورنى دايما

جريدة الريماس للأخبار الحصرية يقول...

شركة مكافحة بق الفراش غرب الرياض
شركة مكافحة بق الفراش جنوب الرياض
شركة جلي بلاط بالرياض
شركة جلي بلاط شرق الرياض
شركة جلي بلاط شمال الرياض
شركة جلي بلاط غرب الرياض
شركة جلي بلاط جنوب الرياض
شركة تنظيف مسابح بالرياض
شركة تنظيف مسابح شرق الرياض
شركة تنظيف مسابح شمال الرياض
شركة تنظيف مسابح غرب الرياض
شركة تنظيف مسابح جنوب الرياض
شركة صيانة مسابح بالرياض

جريدة الريماس للأخبار الحصرية يقول...

شركة صيانة مسابح شرق الرياض
شركة صيانة مسابح شمال الرياض
شركة صيانة مسابح غرب الرياض
شركة صيانة مسابح جنوب الرياض
شركة مكافحة النمل الابيض جنوب الرياض
شركة مكافحة النمل الابيض شمال الرياض
شركة مكافحة النمل الابيض وسط الرياض
شركة مكافحة النمل الابيض غرب الرياض
شركة مكافحة النمل الابيض شرق الرياض
شركه مكافحه النمل الابيض بالمدينة المنورة

جريدة الريماس للأخبار الحصرية يقول...

شركة رش مبيدات جنوب الرياض
شركة رش مبيدات شمال الرياض
شركة رش مبيدات وسط الرياض
شركة رش مبيدات غرب الرياض
شركة رش مبيدات شرق الرياض
شركة مكافحة حشرات جنوب الرياض
شركة مكافحة حشرات شمال الرياض

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام