يوم من عمرى

امبارح كان يوم التلات الموافق 3/3/2009

كان يوم من عمرى

طقت فى دماغ وحدة مجنونة اننا نروح حفل توقيع الكتاب فى الدقى

واللى بيتكلم مجنون واللى بيستمع"اللى هى انا" اجن منها

قلت يلا نروح

خلصنا يوم شاق فى الجامعة وبدانا رحلة الذهاب الى المركز الثقافى الدولى

وروحنا الحفلة

احلى حاجة حصلت

انى شوفت ناس كتير كنت اسمع بس عنهم من غير ماشوفهم

زى مثلا استاذى الموقر" وميض ابتسامة" وزى كمان" حبيبة الروح" و"كيارا" و"دكتور عمرو فاروق" و"كيكى "

و......................ناس كتير بقى مش فاكرة مين تانى

بس انا كان عندى اقتراح صغير ومكنتش عارفة اعرضة على مين

قلت بقى مفيش غيركو اقوله ليكو وانتو تقولولى رأيكو ايه

لما رحنا الحفلة محدش طبعا كان بيعرف حد الا بالصفة او لما يسمع الاسم يتذكر قدامة

وكان ممكن يكون فى فرصة احسن تخلى كل الناس تعرف بعضها بطريقة افضل من كدة

انا كنت بقول يعنى

بس يعنى

لو ممكن يعنى

انه يتعمل لكل مدون كارنية باسمة واسم مدونتة وتاريخ بداية التدوين له

ويكون كل واحد حاطط الكرنية ده على اليونيفورم بتاعة

بيتهيقلى ان كدة كل حد هيعرف التانى ويروح يتعرف علية

وطبعا موضوع الكرنية ده مش هييجى الا اذا اتعمل حاجة كدة زى نقابة للمدونين

مش نقابة نقابة يعنى

بس حاجة تشبهها كدة

وكل مدون يكون ليه كارنية طالع من النقابة دى

ده اقتراحى معرفش بقى

ممكن يكون اقتراح عبيط

مستنية رددكو

وسعيدة اوى باليوم الى شفتكو فيه ياحبيبى كلكو