لسة بتخاف م الفراق
ولا بقيت بتتمناه
فاكر زمان لما كان بيحكم علينا الزمان بالفراق لايام
كانت بتعدى علينا اصعب ايام
كانت ايام وبتفوت وفى كل لحظة تعدى كنا بنموت
لكن دلوقتى الفراق وانت معايا بقيت حاساه
قولى صحيح انت دلوقتى بتتمناه؟
هقولك انا
حبيتك من كل قلبى
وقلت هكمل عمرى وانت جمبى
وهعمل عشانك كل اللى ربنا يقدرنى
وقلت حياتى من غيرك ده شئ يزعلنى
وعمرى ما اتخيلنى وانا فى حياتى غيرك جمبى
لكن مع كل الحب اللى ليك فى قلبى
انا مش هكمل عمرى وانت جمبى
انا اللى بقولها قبل ما منك اسمعها
انا اللى هحكم بيها قبل ما يتحكم عليا بيها
ع الاقل لو هتعذب يبقى عذابى من نفسى على نفسى
مش عذابى منك لقلبى
صدقنى علاقة صداقة بينا كانت احسن من دلوقتى
ع الاقل كنت بعرف اخبارك وبعرف اشاركك برأيي
معلشى
اعذرنى
مش هقدر اكمل معاك بقيت عمرى
هناك 26 تعليقًا:
عذابي في فراقك قسوة والم
لكن تجاهلك وجمودك
نار وسعير
سبحان الله البوستين اللي في مدونتي واللي في مدونتك بيتكلموا عن فكرة واحدة
ايه توارد الخواطر ده
موجه يا قمر ايه الحزن ده كلو الخاطره حلوة اوى بس حزينه ليه
يسلم قلمك على الكلام الرائع ده وربنا يريح قلبك ويصبرك على الفرقه عشان هى نار لاتحتمل
وحشانى مووووووووت اخبارك ايه يا رب تكونى كويسه وبخير ويارب يطمنى عليكى
اصعب مشاعر الحياة الفراق
ربنا يلهمك بالخير و يسدد خطاكي
و يسعدك
تحياتي لك
كميه عذاب والم وقسوه على نفس ليس لها حدود
برغم هذا كله الا ان كلكات واحساس غايه فى روعه
تسلمى ياقمرايه
ودمتى مبدعه
http://h-fawzy.blogspot.com/
إعفينى حبيبى ألم الفراق
دعنا نودع لحظات الاشتياق
طبعا ده ميجيش جزء من نبض حرفك
دمتى مبدعه غاليتى
مودتى
أزيك يا بشمهندزة
ليك كدة الناس كتبه عن الرحيل و البُعد
الجملة اللى جاية دى رهيبة
صدقنى علاقة صداقة بينا كانت احسن من دلوقتى
ع الاقل كنت بعرف اخبارك وبعرف اشاركك برأيي
كلام يوجع بجد
سندباد
_______
سبحان الله بجد توارد افكار
بس طبعا كلماتك ارقى
وكلها كلمات تعبر عن لوعة الفراق
mena
_____
انا كويسة واطمنى عليا
دا احنا جامدين اوووى
بس متشكره على تواصلك معايا دايما
الحزن ده جزء من حياتى
اخبار مصر لحظة بلحظة
______________________
شكرا على تواجدك معايا
الشاعر الفنان أحمد فتحى فؤاد
____________________________
اجمل دعوة شوفتها مكتوبالى
متشكرة لاهتمامك وتواجدك المستمر معايا
BNT ELISLAM
___________
متشكرة اوووى على التعليق الجميل ده
دايما معايا ومشرفانى
انــــــــ حياتى ــــــــت
___________________________
عفينى حبيبى ألم الفراق
دعنا نودع لحظات الاشتياق
جميل جداا
ويعتبر مكمل للبوست عندى
متشكره اوووى على التعليق المتميز ده
Ramy
_____
يااااااااااااااه
فينك يارامى
تصدق بقالك كتير ما زورتنيش
عموما سماح المرة دى
لكن المره الجاية
مش ممكن ابدا
الكلام بيوجع اللى بيحسه
وتلاقى فين قلوب بتحس دلوقتى يارامى
منورنى
الفراق شئ صعب جدا لكن احيانا بيكون الفراق هو الحل الوحيد نعلم جميعا أن القلب سُيجرح لكن أن يجرح من نار الفراق خير من أن يُجرح من عذاب الحبيب
________
خاطرة جميلة بس حزينة اوي
خالص تحياتي
بجد
بجد
احساسها رائع:)
جميلة اوى يا موجة
بس جزينة جدااااا
ربنا يبعد عنك الحزن دايما حبيبتى
ويسعدك يارب
لك كل التقدير والاحترام
كلام جميل وحزين اوى تسلم ايديك
فَشل الحُبْ ..
يِمكن مَهواش فشل قد ما هو تضحيه
يمكن مش سهل زي ما فاكريين
لَكنه الحَلْ الأفضَل .. :)
..
بُوست جمِيل يا مُوجه . .:)
ما اصعب الغربة مع من نحب و هو معنا
اذا شعرنا بالغربة مع محبينا فماذا يكوت شعورنا مع الاخرين
تحياتى لكلماتك الجميلة
Casper
________
عندك حق يا كاسبر
الفراق صعب
بس غربتى وانا مع حبيبى اصعب
وكمان ما فيش حزن بيدوم
اشكرك على تعليقك
نورتنى
sony2000
_________
متشكرة ليكى اوووى
وردة الجنة
__________
دعوتك جميلة ليااا اوووى واد ايه محتاجاها
شكرا ليك يا ورده
منورانى دايما
Malooka Yousef
_______________
ميرسى ع المجاملة اللطيفة دى
ونورتنى
حَـبآيـۃْ.بـטּـدۉڷ
______________
لاء هو فشل
واختيار غلط
بحب كلمة فشل دى جدا
بحب اضحك عليها كمان
شكرا ليكى منورانى
ابراهيم رزق
______________
تحياتى ليك ولكلمتك اللى جت فى الصميم
الغربة مع الحبيب
نورتنى
شركة رش مبيدات بالدمام
شركة مكافحة حشرات بالدمام
شركة تنظيف شقق بالدمام
شركة تنظيف فلل بالدمام
شركة مكافحة حشرات بالخبر
شركة تنظيف شقق بالخبر
شركة تسليك مجارى بالدمام
شركة تنظيف بالدمام
شركة تنظيف سجاد بالدمام
شركة مكافحة حشرات بالاحساء
شركة مكافحة النمل الابيض بالاحساء
شركة مكافحة حشرات بالجبيل
شركة مكافحة النمل الابيض بالجبيل
شركة تنظيف منازل بالجبيل
شركة تنظيف شقق بالجبيل
شركة مكافحة النمل الابيض بالدمام
شركة تنظيف مجالس بالدمام
إرسال تعليق