الأربعاء، 13 أبريل 2011

حان الان موعد ...................الفراق


لسة بتخاف م الفراق
ولا بقيت بتتمناه
فاكر زمان لما كان بيحكم علينا الزمان بالفراق لايام
كانت بتعدى  علينا اصعب ايام
كانت ايام  وبتفوت وفى كل لحظة تعدى كنا بنموت


لكن دلوقتى الفراق وانت معايا بقيت حاساه
قولى صحيح انت دلوقتى بتتمناه؟


هقولك انا




حبيتك من كل قلبى
وقلت هكمل عمرى وانت جمبى
وهعمل عشانك كل اللى ربنا يقدرنى
وقلت حياتى من غيرك ده شئ يزعلنى
وعمرى ما اتخيلنى وانا فى حياتى غيرك جمبى


لكن مع كل الحب اللى ليك فى قلبى
 
انا مش هكمل عمرى وانت جمبى
انا اللى بقولها قبل ما  منك اسمعها
انا اللى هحكم بيها قبل ما يتحكم عليا بيها
ع الاقل لو هتعذب يبقى عذابى من نفسى على نفسى
مش عذابى منك لقلبى


صدقنى علاقة صداقة بينا كانت احسن من دلوقتى
ع الاقل كنت بعرف اخبارك وبعرف اشاركك برأيي


معلشى
اعذرنى

مش هقدر اكمل معاك بقيت عمرى

هناك 26 تعليقًا:

سندباد يقول...

عذابي في فراقك قسوة والم
لكن تجاهلك وجمودك
نار وسعير
سبحان الله البوستين اللي في مدونتي واللي في مدونتك بيتكلموا عن فكرة واحدة
ايه توارد الخواطر ده

Unknown يقول...

موجه يا قمر ايه الحزن ده كلو الخاطره حلوة اوى بس حزينه ليه

يسلم قلمك على الكلام الرائع ده وربنا يريح قلبك ويصبرك على الفرقه عشان هى نار لاتحتمل

وحشانى مووووووووت اخبارك ايه يا رب تكونى كويسه وبخير ويارب يطمنى عليكى

الشاعر الفنان أحمد فتحى فؤاد يقول...

اصعب مشاعر الحياة الفراق

ربنا يلهمك بالخير و يسدد خطاكي

و يسعدك

تحياتي لك 

BNT ELISLAM يقول...

كميه عذاب والم وقسوه على نفس ليس لها حدود



برغم هذا كله الا ان كلكات واحساس غايه فى روعه
تسلمى ياقمرايه
ودمتى مبدعه
http://h-fawzy.blogspot.com/

انــــــــ حياتى ــــــــت يقول...

إعفينى حبيبى ألم الفراق
دعنا نودع لحظات الاشتياق

طبعا ده ميجيش جزء من نبض حرفك
دمتى مبدعه غاليتى
مودتى

Ramy يقول...

أزيك يا بشمهندزة

ليك كدة الناس كتبه عن الرحيل و البُعد

الجملة اللى جاية دى رهيبة

صدقنى علاقة صداقة بينا كانت احسن من دلوقتى
ع الاقل كنت بعرف اخبارك وبعرف اشاركك برأيي

كلام يوجع بجد

موجة يقول...

سندباد
_______
سبحان الله بجد توارد افكار
بس طبعا كلماتك ارقى
وكلها كلمات تعبر عن لوعة الفراق

موجة يقول...

mena
_____
انا كويسة واطمنى عليا
دا احنا جامدين اوووى
بس متشكره على تواصلك معايا دايما
الحزن ده جزء من حياتى

موجة يقول...

اخبار مصر لحظة بلحظة
______________________
شكرا على تواجدك معايا

موجة يقول...

الشاعر الفنان أحمد فتحى فؤاد
____________________________
اجمل دعوة شوفتها مكتوبالى
متشكرة لاهتمامك وتواجدك المستمر معايا

موجة يقول...

BNT ELISLAM
___________

متشكرة اوووى على التعليق الجميل ده
دايما معايا ومشرفانى

موجة يقول...

انــــــــ حياتى ــــــــت
___________________________
عفينى حبيبى ألم الفراق
دعنا نودع لحظات الاشتياق
جميل جداا
ويعتبر مكمل للبوست عندى
متشكره اوووى على التعليق المتميز ده

موجة يقول...

Ramy
_____
يااااااااااااااه
فينك يارامى
تصدق بقالك كتير ما زورتنيش
عموما سماح المرة دى
لكن المره الجاية
مش ممكن ابدا

الكلام بيوجع اللى بيحسه
وتلاقى فين قلوب بتحس دلوقتى يارامى
منورنى

Casper يقول...

الفراق شئ صعب جدا لكن احيانا بيكون الفراق هو الحل الوحيد نعلم جميعا أن القلب سُيجرح لكن أن يجرح من نار الفراق خير من أن يُجرح من عذاب الحبيب

________

خاطرة جميلة بس حزينة اوي
خالص تحياتي

sony2000 يقول...

بجد
بجد
احساسها رائع:)

وردة الجنة يقول...

جميلة اوى يا موجة

بس جزينة جدااااا

ربنا يبعد عنك الحزن دايما حبيبتى

ويسعدك يارب

لك كل التقدير والاحترام

Malooka Yousef يقول...

كلام جميل وحزين اوى تسلم ايديك

سَارةٌ يقول...

فَشل الحُبْ ..

يِمكن مَهواش فشل قد ما هو تضحيه
يمكن مش سهل زي ما فاكريين
لَكنه الحَلْ الأفضَل .. :)
..
بُوست جمِيل يا مُوجه . .:)

ابراهيم رزق يقول...

ما اصعب الغربة مع من نحب و هو معنا

اذا شعرنا بالغربة مع محبينا فماذا يكوت شعورنا مع الاخرين

تحياتى لكلماتك الجميلة

موجة يقول...

Casper
________
عندك حق يا كاسبر
الفراق صعب
بس غربتى وانا مع حبيبى اصعب
وكمان ما فيش حزن بيدوم
اشكرك على تعليقك
نورتنى

موجة يقول...

sony2000
_________

متشكرة ليكى اوووى

موجة يقول...

وردة الجنة
__________
دعوتك جميلة ليااا اوووى واد ايه محتاجاها
شكرا ليك يا ورده
منورانى دايما

موجة يقول...

Malooka Yousef
_______________
ميرسى ع المجاملة اللطيفة دى
ونورتنى

موجة يقول...

حَـبآيـۃْ.بـטּـدۉڷ
______________
لاء هو فشل
واختيار غلط
بحب كلمة فشل دى جدا
بحب اضحك عليها كمان

شكرا ليكى منورانى

موجة يقول...

ابراهيم رزق
______________
تحياتى ليك ولكلمتك اللى جت فى الصميم
الغربة مع الحبيب
نورتنى

التميز المثالي للخدمات المنزلية يقول...

شركة رش مبيدات بالدمام


شركة مكافحة حشرات بالدمام


شركة تنظيف شقق بالدمام


شركة تنظيف فلل بالدمام



شركة مكافحة حشرات بالخبر



شركة تنظيف شقق بالخبر


شركة تسليك مجارى بالدمام


شركة تنظيف بالدمام


شركة تنظيف سجاد بالدمام


شركة مكافحة حشرات بالاحساء


شركة مكافحة النمل الابيض بالاحساء


شركة مكافحة حشرات بالجبيل


شركة مكافحة النمل الابيض بالجبيل


شركة تنظيف منازل بالجبيل


شركة تنظيف شقق بالجبيل


شركة مكافحة النمل الابيض بالدمام


شركة تنظيف مجالس بالدمام