الأحد، 26 ديسمبر 2010

هــــــــى.....كــــــــــــــــــــــــانت....وهــــــــو


هى ....
عرفت معاه الحب والحنان وملا عليها الدنيا حب وسعاده .

أحبت رقته وشوقة وحنيته وجنانه وتخاريفة وخوفه على حبيبه

وتقديسة لبيته واسرته .

رضيت بحبه واتمنت قربه وزهقت من بعده .

خلاها هى كل دنيته وناره وجنته وامه وصحبته

كان قبلها حد مش عارف حاجة
 بعد كده جتله موجه جنان من دنيته وعرف كل حاجة لدرجة انه من كتر ما عرف بقى ابو العريف بقدرتة

بس ليه بسرعة اتحولت الدنيا واتغيرت وماحافظش هو على هديته
هى...
 كانت هديته
وكانت نارة وجنته
كانت بتمنى ضحكته وتبخاف من دمعته
دى وعدته واستنته 
ياترى هى جننته؟ وخلته يضيع ضحكتها وضحكته
ياترى الدنيا عاندته؟ ومرضيتش تسيبه يستمتع بدنيته
رسمت دنيا ليها وليه وسعت انها تحقق له امنيته
لكن رجع تانى حد مش عارف حاجة وضيع من ايده كل دنيته



هناك 17 تعليقًا:

Mona space يقول...

جميله اوى عجبتنى فكرتها :)

momken يقول...

عجيب امر النساء

اذا احبت رجلا نصبته ملكاً
واصبح احكم الحكما
واكرم الكرماء
واعلم العلماء

واذا بغضت رجلاً عزلته فوراً
وسار اجهل الجهلاء
وابخل البخلاء
واحقر الحقراء

يالا المراءه تستطيع بمنتهى القوة ان تفعل ما تشاء
ــــــــــ

البوست مفعم بالحاسيس
لكنه يخلو من الموضوعيه

ما اعرفه ان كل قصه يبدائها اثنان كل طرف منهم ينسب الفضل فى البدايه لنفسه
ونفس القصه ينهيها اثنان كل طرف منهم يكيل التهم على الاخر
هكذا الحال وسيبقى

بس البوست جميل


تحياتى

موجة يقول...

شخابيط
__________
مرسى على مرورك الجميل
واشكرك

موجة يقول...

MOMKEN
_________
هو تعليق مميز ونقد بناء
ووصف حقيقى لامر النساء
ولكنى ارى موضوعيه البوست تكمن فى الحزن على ماكانت هى وما كان هو والحزن على ما صارا كليهما اليه
تحياتى

سندباد يقول...

عجيب امر الدنيا
كلما اعطتنا لحظات جميلة نظن فيها اننا حصلنا علي كل ما نتمناه منها اخذت منا كل شئ وبقسوة
وعجيب امر الحب كلما ظننا اننا ملكناه تملكنا هو بفراقه وهجره واحزانه
بوست جميل وفكرة حلوة
تحياتي ليكي ولمرورك الدائم لسفينة
تقديري واحترامي

Ramy يقول...

أزيك يا بشمهندزة

(:

دة نعتبره موجه من موجاتك الحقيقية و لا مُجرد خاطرة جميلة

معلش للغياب

أٌحاول العودة

eng_semsem يقول...

انا حاسس اني فاهم حاجه تانيه خالص غير اللي هما بيعلقوا عليها بس بصراحه مش عارف اقول ايه

sony2000 يقول...

بجد بوست رائع
وكلنا فينا كدا
مين من اللي بيحبوا
مش بيرفعوا
ووقت مابيسيبوا بعض
كل حاجه بتروح

غير معرف يقول...

دا اسمه ايه دا يا موجه
ومين حد مش عارف حاجه دى ؟؟
على ما اعتقد انى فهمت البوست صح
!!!!

Banota يقول...

انا لو منها تسيبه بقى على الحاله اللى وصلها مؤخرا
مادام رجع ميعرفش حاجه تانى
تسيبه بقى كده و خلاص
و ده يبقى احلى انتقام
لانه يستاهل
و هيا برضه لا نعفيها من ذنب
حتى لو كانت مقالتش ده
مفيش حاجه بتحصل من العدم
اكيد كل حاله و ليها اسبابها

موجة يقول...

سندباد
________
فعلا ياسندباد نتعجب جميعا لامر الدنيا
وكما قال الشاعر:
على سهوة ليه الدنيا بعد ما عشمتنا وعيشتنا شويه رجعت موتتنا
والدنيا من يوميها ياقلبى عودتنا لما بتدى حاجات اوام تاخد حاجات

تحياتى ليك

موجة يقول...

Ramy
________
ازيك يارامى
فينك يا راجل الغياب الطويل ده
وحشتنا بجد
هى ممكن نعتبرها موجه وخلاص
:)

موجة يقول...

eng_semsem
_____________
:">
انت بقى بالذات يا بشمهندس اتكسفت لما قريت تعليقه
وع العموم خلى اللى انت فاهمة فى السكرته كده
بينك وبين ....
تحياتى لمرورك

موجة يقول...

sony2000
_____________
معرفش ليه احنا بنربط حياتنا سواء ننجح او نتعب بوجودنا مع اشخاص تانيين بنسميهم مهمين فى حياتنا
لكن
!!!!!!
هى كده

موجة يقول...

الحــب الجميـــل
________________
ايوة يا حب
انتى فهمتى صح يا جميل
وحشتينى

موجة يقول...

Banota
_________
والله انتى برضو ممكن يكون عندك حق
بحب انا الشخصيات القوية دى

taag company يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام