الأحد، 15 أغسطس 2010

ترن ترن

تررن ترررن
*الووووووو
-سلامو عليكوووو
*وعليكو السلام ..... مين معايا؟؟
-احمد نبيل معايا؟
* مين يافندم؟
- احمد نبيل... انا عاوز احمد نبيل
* لاء يافندم ... النمرة غلط
- بس ده رقم احمد نبيل.... متسجل عندى احمد نبيل
* بقولك يافندم النمرة غلط
- طيب طيب.... انا اسف
* حصل خير ..... مع السلامة
*************************************************************************************
تررن ترررن
*الووووووو
- ايوة
*ايوة ... مين معايا؟
- هو حضرتك لسه شاريه الخط ده جديد؟
* نعم يا فندم؟..... مين معايا؟
- انا احمد نبيل
* .............. ( // اهلا انت شرفت يا سعت البيه )
- بصى الواد دعبس صحبى اتصل بيا وقالى ان نمرتك بترد عليها بنت صوتها حلووو اوووى وبتقولى النمرة غلط وما فيش احمد نبيل
* ايوة يافندم فى حد اتصل وسال على الاسم ده بس الحقيقة انا لسه شاريه الخط ده من يومين
- طاااايب ... بوصى لو حد اتصل يسال عليا بقى ابقى قوليله القصة دى..... ماشى
* ؟؟؟؟؟؟؟؟؟؟!!!!!!!!!!!
*مع السلامة
وحيات امك عاوز تشغلنى سوكورتيرة لتليفونات سعدتك روح ياشيخ منك للى هتاكل زمارة رقبه جوزها
************************************************************************************
تررن ترررن
*الوووووووووو
- حبيب قلبى يامعللللللللللللللللللم (// مين اللى سكران فى نهار رمضان ده)
*الوووووووووووووو
-ولا يا احمد انت صوتك نسون كده ليه؟
*نعم يافندم ؟
- ايه ده ......... لو سمحتى عاوز اكلم احمد (// يادى احمد على ابو اللى جاب ابووووه)
* مين احمد ؟
- احمد ابراهيم
* نعم ؟
- احمد ابراهيم
- احمد ابراهيم كشك
* اسفة جدا ..... النمرة غلط
- طب انا اسف ....... كل سنة وانت طيبه ........ رمضان كريم
* وانت طيب ...... مع السلامة
ايه هو ده !!!!!!!!!!
خلصت انا من ابن نبيل عشان يجينى ابن براااهيم
يالهوووووووى
*************************************************************************************
وهكذا دواليك
تتوالى المكالمات الغلسة
مع انى والله لسه شاريه الخط من يومين وشارياه بعقد متسجل باسمى
فى ايه بقى؟؟؟؟؟؟؟
بس حلوة
اهو بنضحك شويه
****************************************************************************
فك شفرة البوست
اللون البمبى ده انا
اللون البورتوقااانى ده المتحدث الرخم ع المحمووووول

هناك 39 تعليقًا:

أتنين حبيبين يقول...

طب حجززززززززززززززز

تعليق بسرعه

ونقول ألوووووووووووووووو
تررن ترررن

أتنين حبيبين يقول...

هييييييييييييييييييه

تررررررررررن
ترررررررررررررررررررن


أنا الحكومه
ومعانا أتصال
ونقول ألوووووووووووووووووووووو


وأخدنا أول تعليق

أتنين حبيبين يقول...

وحششششششششتينى حبيبتى أوووووووووى
يارب تكونى بخير ويارب يطمنى عليكى
اخباراتك ايه

أروح أشووف البوست وأرجع تانى

باحث عن حب يقول...

ههههههههههههههه
انا والدموع وهواك
هو كده
اللى يعدى تلات شهور ميشحنش ولا يتكلم يقوموا يسحبوا الخط ويعيدوا تصنيعه وينزلوه
وكده والاسم متسجل ياباشا
عند الناس وعادى
هههههههههه
عيش

كلنا هنشتغل عند بعد

والخط يرن طيب اقولك بلاش تردى على ارقام غريبه
وردى على اللى متسجل عندك
طيب لو الشغل طلبنى او المدير
او واحده صحبتى وقعت فى ورطه واتصلت من كشك سجاير مثلا
مش هتردى عليها
طيب هتعرفيها منين علشان الغلاسه دى
مش عارف اقولك ايه
شغلى البريد الصوتى الاول
طيب وبعدين هتاخدى دعوات واحنا فى رمضان كمان
ملهاش حل
ربنا يكون فى عونك
من ابن نبيل وابن ابراهيم
كل سنه وانتى طيبه
ومبروك على الخط التحفه ده

أتنين حبيبين يقول...

ههههههههههههههه

وربنا حصلت معايا مش أنتى لوحدك

هما كده الشباب لما بيلاقوا بنت صوتها حلو يتقفو مع بعضهم ويعملو فيلم على كذا اسم

معلهشى قلبى معاكى
وعامة الخطوط رخيصه الايام دى
يعنى ممكن نضحى برقم عشان أنتى تعيشى يا كبيره

هع هع هع هع

Ramy يقول...

(:

كل سنة و انتِ طيبة يا بشمهندزة

طبعا هى تضحك

بس هما رخمين برضة

أتنين حبيبين يقول...

تعرفى ياعبير
فكرتينى بالحوار ده بنكته جامده اوووووووووووووى

يارب تعجبك وهتضحكى بجد من قلبك

************************************




تعمل إية لو انتا اللى مكاان الشخص دة

شوف المكالمة حصل فيها اية
*********
الرخم: الو
صاحب التليفون: الو
الرخم: السلام عليكم
اللى بترخم علية : وعليكم السلام مين
الرخم : لو سمحت الاستاذ سيد مقص موجود
الى بترخم علية : لا والله النمرة غلط
الرخم :طب لما يجى قولو سوستا الترزى سأل عليك
الى بترخم علية: قلتلك ان النمرة غلط
الرخم: طب شكرا باى
الى بترخم علية: طب ياسيدى
السماعة اتقفلت


تيت تيت تيت تيت تيت تيت تيت تيت تيت تيت
تانى مرة
الرخم: الو

الى بترخم علية: الو مين
الرخم :السلام عليكم
الى بترخم علية: وعليك السلام
الرخم :لو سمحت الاستاذ سيد مقص موجود
الى بيترخم علية: انا قلت لحضرتك انو مش موجود والنمرة غلط
الرخم : طب ادهونى لو سمحت

الى بيترخم علية: ياعم والمصحف النمرة غلط وربنا انتا مش مصدقني لية
الرخم :طب شكرا باى

اللى بيترخم علية : باى ياعم
السماعة اتقلت تانى
تيت تيت تيت تيت تيت تيت تيت تيت تيت

تالت مرة

الرخم: الو

الى بترخم علية : الو مين

الرخم :لو سمحت الاستاذ سيد مقص موجود

اللى بيترخم علية:


ياعم والله والمصحف وربنا النمرة غلط غلط غلط غلط يلهوى انت اية

الرخم: طب لما يجى قولو سوستا الترزى سال عليك
الى بترخم علية : ياعم انتا بتفهمش قلتلك انى النمرة غلط
الرخم : طب باى

السماعة اتقفلت


تيت تيت تيت تيت تيت تيت تيت تيت تيت تيت تيت

رابع مرة هههههههههههههههههههههه

الرخم: الو
الى بترخم علية : إنتا تانى ياعم غلط كفاية كدة بقى إنتا عبيط ولا إية

الرخم : أنا سيد مقص حد سأل عليا

اللي بترخم عليه : يا قليل الأدب لو ما قفلتش هاتصل بالبوليس

الرخم : طيب باي

تووت توووت توووت

الرخم : ألو
اللي بترخم عليه : ألو مين معايا

الرخم :أنا البوليس مالكش دعوة بسيد مقص


هههههههههههههههه


جامده صح

Ramy يقول...

جامدة يا توتا

هههههه

(:


سوررى يا بشمهندزة (:

أتنين حبيبين يقول...

شكرآ يا رامى
كله من زوقك


تحياتى ليك

mrmr يقول...

موجه قلبى
اهلا يا قمر وحشتينى خالص مالص
خدى من ده كتير
انا بعانى ليا كام يوم من الموضوع ده
بس الحمد لله النمره كانت لبنت مش ولد
بس للاسف باين عليها البنت كانت بتلعب بزيلها مع الولاد
كل شويه
- الوووووووو حنان
* لا يا فندم النمره غلط
- طيب سورى
ترن ترن
- الوووووووو امانى
* لالا يا فندم ما فيش حد بالاسم ده
- طيب اسف
ترن ترن
- الووووو رحاب
* بااااااادى حنان ولا امانى ولا رحاب ذهقت يا فندم بقولك لسعاتك الخط ده جديد لسه مالهوش ايام
حضرتك مش عارف ان الخط لو قعد فتره بدون استعمال بتعيد تشغيله الشركه
- اه عارف اسف للازعاج
وخلاص
شى مستفز حقا
هههههههههههه

كل سنه وانتى طيبه
رمضان كريم

غير معرف يقول...

المشكله ان الارقام القديمه اللى كانت مستعمله من قبل واترمت رجعوها وشغلوها تانى

حصلت معايا ومن زهقى غيرته تانى

سردك للبوست جميل ولذيذ
ربنا معاكى بقى فى الخط الجديد
وابقى رنيلى يا قمر
دمتى بخير

تيمور يقول...

كل عام وانتى بخير


المعاكسة لن تنتهى طول ما احنا عايشين لازم نجد حاجة رخمة كدة


تحياتى

sony2000 يقول...

يختااااااااااااااااااااي
البتاع اللي بيذهق دا
بجد ناس رخمه وفاضيه
احسن حاجه بيقل علطوووووول
لانهم بيسحبو كلام كتير اوي

موجة يقول...

اتنين حبيبن
_____________
ايه هو داااااااااه
احنا مش اوتوبيييييييييس
عموما ياستى برحتك
احجزى زى مانتى عاوزة
الوووووووو

موجة يقول...

اتنين حبيبن
____________
اه ياهبلوله
ايه يابنتى التسييح ده
بس تعرفى دمك شربااااااااات يا توتا

موجة يقول...

اتنين حبيبن
_________
انتى كمان وحشتينى ياتوتا
كل سنة وانتى طيبه
روحى اقرى بقى
زهقتيينى

موجة يقول...

محمود (باحث عن حب)
___________________
لاء وانت الصادق
مش انا والدموع وهواك
انا والناموس وافااااااااك
والله اقولك على حاجة
بالنسبة لى مش فارقة
اهو بضحك ع التحف شويه بدل ما بقيتش لاقيه حاجة اضحك عليها
منور يابو حميد

موجة يقول...

اتنين حبيبن
_________
هو ده اللى ربنا قدرك عليه
روحى ياشيخة
........
وتعالى بسرعة

موجة يقول...

RAMY
______
كل سنة وانت طيب يارامى
من ناحيه رخمين
فانا مش عاوزة اغلط عشان الواحد صايم وكده
بس هم فعلا رخمين رخمين

موجة يقول...

اتنين حبيبن
______________
ههههههههههههههه
لاء حلوة بجد
منك نستفيد يا توتا
نكته هايله

موجة يقول...

MRMR
_______
ههههههههه
حتى انتى يا مرمر بتعانى من نفس الموضوع
باينها موضة ولا ايه
كل سنة وانتى طيبه

موجة يقول...

الحب الجميل
__________
منورااانى دايما يا جميل فى مدونتى
عادى بقى هم اللى هيزهقو انا مابزهقش

موجة يقول...

انسان ممتنع عن الزواج
_______________________
ياااااااه
كل ده اسم
ممتنع عن الزواج ليه بقى
ماعلينا هخش المدونة ونشوف الموضوع ده
بس انا اتشرفت بتعليقك
وكل سنة وانت/انتى طيب

موجة يقول...

SONY2000
___________
يختااااااااااااى
ياخرااااااااابىىىىىىى
بالضبط كده
اهو احنا بنعمل اللى علينا برضو
هنقط روحنا يعنى
بحييكى على الاكشن الجميل ده للموضوع

ع نوتة يقول...

ههههههههههههههههههههههههههههههههههههههههههههههههههههههه



جامدة




تحياتى

موجة يقول...

ع نوته
__________
تحياتى ليك

باحث عن حب يقول...

http://elbanany.blogspot.com/2010/08/blog-post_18.html

دعوه خاصه

عمرو يسرى يقول...
أزال المؤلف هذا التعليق.
عمرو يسرى يقول...

فعلا المعاكسات شئ سخيف بصى لما يتصل بيكى رقم غريب خلى حد تانى يرد فى الاول اخوكى مثلا او جوزك ولو واحد بيعاكس لما يسمع صوت خشن هيدور على رقم تانى

أحمد الصعيدي يقول...

ترررررن تررررررررررررن


أحمد نبيل موجود



هههههههههه


السلام عليكم

ALHBALABADY يقول...

دى ظاهره منتشره بكثره

المهم محدش يضايق حد بكلمات خارجه عن اللياقه

كل سنه وانتى طيبه

داليـ ـ ـ ـ ـ ـ ــــا يقول...

والله ياموجه بيحصلى أكتر من كده
رخامات لا تتخيلها
لدرجة ان فى واحد قلى بصى الخط ده بتاعى
وانا والله شارياه ومعايا علبته فى ايه مش عارفه

ربنا يهدى الجميع

بس على فكره فى ناس بتبقا قاصده حاجات زى كده

موجة يقول...

محمود(باحث عن حب)
__________________
روحت والله يا محمود
ومش عارفة اباركلك على:
شكل المدونة الجديد بتاعتك
ولا المدونة بتاعت قلبىىىىىىى
مشكلة بجد
بس تاكد انى متابعه كتاباتك كلها

موجة يقول...

عمرو يسرى
__________
ممممممممممم
طب واللى مالهاش اخ ولا جووووز
تعمل ايه
يقع رقمها فريسة للذئاب التليفونية
اشكرك لمشاركتك

موجة يقول...

احمد الصعيدى
_____________
قطيعة احمد نبيل على احمد براهييييم
عموما اه موجود مين عاوزة بقى؟؟؟؟؟
منور

موجة يقول...

ALHBALABADY
_______________
ممممممممممممم
المهم محدش يقول الفاظ ممنوعه م الصرف
لا تقلقى
مودتى

موجة يقول...

داليـــــــــا
__________________
عادى بقى
قاصده مش قاصده
انا مش غرمانة حاجة
وحشانى يا دودو

Tamer Moghazy يقول...

ايه يا موجة الخط العجيب ده..؟؟
يكونش ده خط المفاجآت..؟؟

انا بقى عندي عقددددة نفسية من كل الناس اللي اعرفها قبل اللي مش اعرفها لو حد كلمني من رقم غريب وبدأ المكالمة بالسؤال السخيف (انت فين)..

نفسي يعملوا برنامج Filter في شركات الموبايل زي المنتديات يكتب نقط مكان السؤال ده وكانه كلمات (قبيحة) :)

صحيح بما انك مهندسة يا موجة ما تيجي نعمل البرنامج ده..؟؟ (';' )

taag company يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام