الأربعاء، 11 أغسطس 2010

الساعة كام؟


الساعة فى ايدك كم؟
ياعم
الساعة كم؟
هى الساعة 6 ولا الساعة 7
اتغيرت
امتى ده
ياسلااااام
يعنى لسه ساعة كمان عشان معاد عربية الشغل
حلوووو اووى اما الحق انام شوية بقى
هههههههههههههع
لما الحكايه بسيطة كده وسهلة وعرفو يخلو المغرب بدل ما ياذن على 8 ياذن على 7
طب ما يخلو الفجر ياذن على تلاتة الا ربع بدل اربعه الا ربع ويخلو المغرب بقى ياذن على ستة
ياااااااااااااه
ايه الاستخفاف ده
هم يعنى كده خلو ساعات الصيام ااقل ساعة
ولا ايه
بيثبتو لنفسهم انهم بيعرفو يتحكمو بالوقت والزمن
وبدل الشمس ما تطلع سبعة هنخليها تطلع سته وكله بادينا
ماحنا الحكوووووومة
مافيش دولة بتعمل الكلام ده الا مصر
معرفش ايه الحكمة فى كده يعنى
بيوفرو كهربا مثلا
طب مانتو بتقطعو الكهربا كل يوم ساعتين او تلاتة ودى طريقة مفقوسة ومكشوفة لتوفير الكهربا بس سكتنا يعنى وماتكلمناش
اصل انتو الحكومة بقى
وبعدين ناقص ايه تانى
الميه وهى كمان بتتقطع
وشوية شوية وهتعملو لكل فرد حصة من المية
بحيث انه ياكل ويشرب ويستحمة ويغسل هدومة بالحصة دى
واللى هيدلق منه شوية ميه هو المسئوووول
ايوة اللى يفرط فى الحصة بتاعته من المية انا مش مسئوووول
فاضل ايه تانى ياربىىىىىىىى
اه اللى جاى انشاء الله انهم
يعبو الهوا فى ازايز
وكل واحد ماشى فى ايده ازازة وطالع منها خرطوم متوصل على مراخيره
ولا على بوءه وماشى عمال يشم يشم فى الهوا
وبكده محدش يطلب من بابا انه يخرج
يابابا عاوزة اخرج اشم شويه هوا
لاء
ازازتك معاك وخرطومك على بؤءك او فى مراخيرك يبقى كده كله تمام
وبعدين تلاقى الشعب المصرى كله بيغنى بدون حرج
هات الازازة واقعد لااااعبنى الهوا طازة والخرطوم فى وووودنى
اهو بقى
اى كلام والسلام
بس من النهاردة ما فيش حكومة
انا الحكومة
انا الحكووومة
مش هشم هوا
ولا هشرب ميه
ولا هاخر الساعة
وطظ بقى واللى عندهم يعملوة

هناك 24 تعليقًا:

mrmr يقول...

ما دام انت الحكومه بقى اقدر اطلب اللى انا عاوزاه براحتى
بما اننا اصحاب وزملاء بلوجر واحد
1- زياده حصتى فى الميه
2- عدم انقطاع الكهرباء عنى وخصوصا فتره الظهر علشان الجو بيبقى ناااااار
3- زياده فى المرتبات لحسن الاسعار بقيه نااااااار
4- توفير المواصلات الكافيه علشان الزحمه الكتيره
وكفايه كده انهارده بكره اكمل باقى الطلبات

كل سنه وانتى طيبه يا اجمل موجه
رمضان كريم

موجة يقول...

كل ده يامرمر
ليها حق الحكومة تمنع المية والهوا والكهربا
كل دى طلبات
بيقولك
ان كان حبيبك عسل ما تلحيسهوش كله
انتى كده
شفطيه كله
ارحمى شوية
ارحميى
كل سنة وانتى بخير

باحث عن حب يقول...

كل عام انتى بكل خير
انتى هتتكلمى فى السياسه ولا ايه
دى سياسه عليا
احنا ملناش فيها
هيأخروا الساعه
هيلغوا الساعه
احنا مالنا احنا مستسلمسن ليهم
حتى مفيش احترام لينا
حتى يستفتونا فى الموضوع
د\ه كوم والميه كوم تانى
وكمان الميه بالماتور يعنى لما الكهرباء تنقطع يعنى مفيش ميه ولما الميه تنقطع يعنى الكهرباء مش هتجيب الميه
مش عارف اقول ايه
حاجه تفطر على رأى
ابراهيم عيسى
كل سنه وانتى طيبه

غير معرف يقول...

ايه يا موجتى أحنا هندخل فى شغلهم ولا ايه؟؟!!!!!!
يقدموا الساعه
يأخروا الساعه
يخفوها خالص
!!!!!!!!!!!!!

يابنتى هما يقرروا وأحنا ننفذ غصب عن الطخين

شكلهم هيجوا يسحبوكى ويسحبونا معاكى
ههههههههههههههههه

ونبى طالما فى طلبات وبما انك الحكومه وانا كمان بطالب زى مرمر بالحاجات البسيطه دى
ههههههههههه

حلوه فكرة يعبوا الهوا فى ازايز وكل واحد ماشى فى ايده ازازة وطالع منها خرطوم متوصل على مراخيره على بوءه وماشى عمال يشمشم فى الهوا

هههههههههه يخرب عقلك
ضحكتينى
موجه كل سنه وانتى طيبه
رمضان كريم

أتنين حبيبين يقول...

للاسف هترجع تانى بعض رمضان ولا كأن شىء حصل

أحنا عاملين زى عرايس الماريونت بيحركونا وبيلعبوا بينا زى ما يحبو
بقا كل شىء متاح فى مصر
اياكى تنسى المقوله الشهيره
أبتسم أنت الأن فى مصر
وهى دى مصر يا عبله وهى دى حكومتنا الجميله
ولسه ياما هنشوف

هع هع هع هع
وعجبى

داليـ ـ ـ ـ ـ ـ ــــا يقول...
أزال المؤلف هذا التعليق.
داليـ ـ ـ ـ ـ ـ ــــا يقول...

هههههههههههه
انتى مجنونه وربنا
وكمان مرمر جايه تزودها ههههههههه

تعرفى ياموجه
طبعا رمضان بنعرفه ازاى بالاثبات الفلكى
احنا بقه وانا فى الكليه كنا كنا بنستخدم الاثبات الاحصائى

احصائيا وليس فلكيا

زى ما قلتى كل حاجه بقت بايد الحكومه

والساعه عندى الوقتى
5.17 بالظبط

Tamer Moghazy يقول...

عارفة ليه بيحصل كل ده..؟؟
عشان البيه الموظف (الكسول) مش يحس بعناء الصيام ويتاخر ساعة في النزول للشغل..
حاجة كده وكأن الموظفين دول بيشتغلوا بجد..!!
امال لو كان المرتب بالانتاج بقى كانوا عملوا ايه..؟

متهيالي كل موظف كان دفع للبلد مرتب مش ياخد..!!

كل سنة وانت طيبة

موجة يقول...

محمود باحث عن حب
_______________
سياسه مين يابابا
احنا مبنخافش
ولا بيهمنا
هى من ناحية حاجة تفطر
فانا فطرت خلاص
وبعدين مين ابراهيم عيسى ده
كل سنة وانت طيب

موجة يقول...

الحب الجميل
____________
لا تقلقى يا حبيبتى
انا ليا سوابق فى المواضيع دى وواخده ع المرمطة
وبعدين طلبات ايه تانى
ارحمونى بقى
عجبك موضوع الازايز
طيب هبقى اديكى ازازة زياده
بخرطومين خرطوم ليكى وخرطوم ل لولو
وابقى سلمى ابو على بقى

موجة يقول...

اتنين حبيبن
__________
اه والله ياتوته
هنرجع الساعة تانى بعد رمضان
ويخلو الشمس تطلع الساعة 6 بدل سبعة وكلام كبير
ايوة
يبقى انت اكيد اكيد فى مصر

موجة يقول...

داليــــــــا
_________________
نورتنى بتعليقاتك من جديد ياقمر
وكله بايد الحكوووووووومة
وحشتنى ضحكتك
بزمتك ما وحشكيش الشاعر بتاع خالتك موجه
كما قال الشاعر
لو سالتك انت مصرى تقولى ايه
قولى مصرى وابن ....... تيت

موجة يقول...

TIMO
_______
من ناحيه اللى بيشتغلو بالانتاج
فاحب اقولك ان كل القطاع الخاص شغال بالانتاجيه
لكن ده عشان يضحكو على نفسهم ويضحكو علينا
يلا بقى
نورتنى

باحث عن حب يقول...

ابراهيم عيسى ده
رئيس تحرير الدستور
وكمان بيقدم برنامج على ON TV
باسم حاجه تفطر
وكمان برامج كتيره
منها برنامج حمرا
على موجه كوميدى
انا متابع جيد ليه
بس
معلش بقه دوشتك

كل سنه وانتى طيبه

غير معرف يقول...

هههههههههههه
ضحكتينى يا موجتى
بس أيه الكرم دا كله

ادم المصرى يقول...

دى مشاكل انا ممكن اقول عليها بسيطه جدا

لكن المشاكل بجد فى الى لسه هييجى

اكيد متبعا السيول الى اجتاحت العالم كلو

واخرها كان فى اسوان والسودان

ومشاكلنا مع دول حوض النيل الى فى يوم من الايام بعد 30 سنه هتكون حصه كل فرد من شعب مصر هتوصل لنصف حصته دلوقتى يعنى مجاعه

وكدا كدا اصلا احنا فى مصر عندنا قرى مبيجلهاش مياه بشهور

اما مشكلها النور دى عندنا من زمان

اتعودنا عليها

اعرف اصدقاء عراقيين وأردنيين وفلسطنيين

مصاحب منهم كتير عشان مجال شغلى

كانو بيقولو ليا احنا لما بنرجع بلدنا ونعرف ان فى فرد من العيله نازل مصر كنا بنقوله لما تنزل وتشوف حاجه مش تستغرب عشان هيا دى مصر

ــــــــــــــــــ

فا محدش يتعب نفسو وتوجعو قلبكم عشان امور احنا بنام عليها كل يوم


واخر كلامى عاوز اوجه رساله لكل المدونيين لأنى انقطعت كتير عنكم انتو وحشنى كتيييير بجد وكل عام وانتم بخير

عمرو يسرى يقول...

كل سنه وانتى طيبه
كل واحد ياخد باله من ساعته هما يقدموا الساعه ياخروها براحتهم بس اوعوا ياخدوها منكم اللى تاخده الحكومه مابيرجعش هههههههه

موجة يقول...

محمود(باحث عن حب
_____________________
ممممممممممممم
قولت لى بقى مين يطلع ابراهيم عيسى
هى فعلا حاجة تفطر
هو برامج حمرا ده اسم برنامج ولا لون برنامج
ماشى ماشى
ادوشنى برحتك يا محمود
المدونة مدونتك وخد راحتك ع الاخر

موجة يقول...

الحب الجميل
____________
ربنا يفرحك
عدى الجمايل ادينى بضحكك اهو
سلمى لى على ابو علي بقى وقلى له ما يزعلش
هبقى اديله هو لوحده نص خرطوم

موجة يقول...

ادم المصرى
__________
حمد الله ع السلامة يا ادم
عود احمد يا ادم
ويارب ما تغيب تانى كده بدون سابق انذار

موجة يقول...

عمرو يسرى
___________
كل سنة وانت بالف صحة
وانت ساعتك عامله ايه دلوقت

خابت بك ظنوني يقول...

االسلام عليكم ورحمة الله وبركاته

الحتة دي بجد تحفة "
يعبو الهوا فى ازايز
وكل واحد ماشى فى ايده ازازة وطالع منها خرطوم متوصل على مراخيره
ولا على بوءه وماشى عمال يشم يشم فى الهوا
وبكده محدش يطلب من بابا انه يخرج
يابابا عاوزة اخرج اشم شويه هوا
لاء
ازازتك معاك وخرطومك على بؤءك او فى مراخيرك يبقى كده كله تمام
وبعدين تلاقى الشعب المصرى كله بيغنى بدون حرج
هات الازازة واقعد لااااعبنى الهوا طازة والخرطوم فى وووودنى
"
ههههههههههههههههههههههههههههههههههههه ههههههههههههههههههههههههههه

بجد بجد ضحكتيني جدااااااااااااا عليها


مدونة جميلة جداً موجة

وردة الحياه يقول...

كل سنة والكل بخير يا جماعه رمضن كريم

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام