الخميس، 17 يونيو 2010

عندى حاله ملل


معلش ع الغياب بس بجد احساس بالملل فظيع

مسيطر عليا جدا

ومش حاسة انى عاوزة اعمل اى حاجة فى حياتى ولا اتقدم اى خطوة لاى اتجاه

بجد مش عاوزة حاجة ولا عاوزة حد ولا عاوزة غير انى ابعد عن الناس وعن نفسى وعن الكل وابعد بعيد بعيد لحد ما افوق

حاسة انى فى غيبوبة بجد

بس طبعا لان كتير سالووو عليا واستغربو غيابى قلت اطمن الناس بقى انى لسة عايشة الحمد لله وكمان خلصت نفسى م الورطة الاخرانية "الخطوبه"

ال اتخطب ال

هع هع هعع هع هع هع هع هع هع

بس فى مشكلة متمشكلة بستين الف مشكله

كل ما اخلص من حد يجى اللى بعده كاننا فى طابور عيش مثلا

ماعلينا

كل واحد هياخد اللى فيه النصيب ويتقلب زى اللى قبلة

نياااااهاهاهاهاها شريررررررررررة

طبعا فى ناس الفضول ماليها عايزين يعرفو طفشت المحروس ازااااااااااى

عادى جدا جدا قابلتة مرة وعرفت اللى بيفكر فيه وعملت عكسه وبقى لما يجى اروح داخلة نايمة عشان عندى شغل وبتاع وبدات اتنك على امة واخواتة وحركات ارعة من دى

وفى شويه مواقف كوميديه هقولكو عليها

بس مش وقتة بقى

انا جيت اطمن الناس

ومتزعلوش انى مردتش على تعليقات فى البوست اللى فات

بس بجد مش قصدى حد

هى ظروووووف

هناك 25 تعليقًا:

باحث عن حب يقول...

السلام عليكم
باشمهندسه موجه
اولا حمدا لله على السلامه
ثانيا
ربنا يقدر ليكى الخير حيث كان

ويديكى الصحه
ثالثا
عاوزين نعرف التفاصيل علشان
نطمان عليكى

عصـــــــــــام الــــديــن يقول...

السلام عليكم
بنت بلدى موجه الشريره

ياموجه الجواز ستره

شكلك مش ناويه على الجواز

هو كدا دايما احنا يامهندسين بيبقى عندنا برج او برجين اساساتهم غلط وبيطيروا

انا سعيد جدا بمدونتك وسعيد جدا بيك
اشكرك جدا على تشريف مدونتى البسيطه المتواضعه

وربنا يرزقك بابن الحلال الحمش
تحياتى

غير معرف يقول...

موجه
ازيك ياحبيبتى ...... مش عارفه اقولك ايه والله اقولك مبروك عشان انتى عايزه كدا ولا اقولك ليه ياموجه اللى عملتيه دا ؟

وبما انى معرفش ايه النظام بالضبط فكل اللى احب اقولهولك يارب يسعدك وتختارى اللى يحبه قلبك وتقبليه زوج صالح ان شاء الله

بس بجد شريــــــــــريره شريره
هههه
وحشتنى ياأحلى موجهويارب يسعدك ويسعد كل بنوته يارب العالمين
دمتى بحب وخير

أحمد الصعيدي يقول...

ههههههههه

كان قلبي حاسس انها هتبوظ

عموما الناس دول كلهم ابنائي

ههههههههه



بصي بقا يا ستي موجة
بما ان اي شوية هوا توديكي وتجيبك لأنك موجة وده أحلا ما فيكي يبقا تخلصي علي حالة الملل دي ازاي



أه
تروحي تقفي قصاد البحر وتقولي

يا بحر يا أبو البحور
خد اللي مش عايزاه
وهاتلي محبة ونور

وترمي الشلن بقا في عين موسي

هههههههههههههههه

أنا أساسا مش عارف انتي من اسكندرية ولا منين


اقعدت بعافية


السلام عليكم يا موجة

أحمد الصعيدي يقول...

علي فكرة


انتي ما سألتيش تفسك ايه اللي خلا غير معرف يعتذر


يا موجة إدرء بالحسنة السيئة تمحها

خلي قلبك أبيض واعرفي ازاي تملكي الناس بمحبتك


الراجل اعتذر علشان ذوقي معاه


كدة بقا احسن ولا اشتمه ويشتمني ونفضل نقطع في بعض


مستني ردك

داليـ ـ ـ ـ ـ ـ ــــا يقول...

شرررررررررررررريره

مش عارفه أقلك إيه هو نصيب فى الأول وفى الأخر يعنى مش باللى عملتيه

لو مكتوب ليكى نصيب معاه هياخدك لو فى بطن أمك
سورى بطن أمك دى هههههههههههه

وووحشتينى جدا

وكما قال الشاعر مالوش فى الطيب نصيب
ههههههههههه

كما قال الشاعر واخده بالك ههههههههه

تحياتى ياموجتى

ســـهــــر يقول...

ههههههههههههه
يافتاح يا عليم يارزاق ياكريم
لية كدة يا بنتى ؟ استفدتى اية؟
ليييييييييييييية كدة بجد
لا اله الا الله
انتى بتهرجى مثلا ولا اية فى يومك دة
أزاااااااااااااااااااااى متقوليش التفاصيل كلها
ههههههههههههههههههههههههه
طبعا قلبك وقع مش كدة
مجنونة يا بنتى وحياتك مجنونة

يلا يا ست الكل ربنا يعوضك باللى يقدرك ويستتك كدة يا بت ويهنيكى ويهننك هههههه كفاية كدة هدعى اية تانى بطلى طمع
وحشانى اوحش وحشة فى الوحوش يا بت يا حلوة

♥♥ شذا ♥ الروح ♥♥ يقول...

صباح الحب

حبيبتى وحشتينى أنتى كمان

مبسوطه اووى بالاوف لاين بتاعك
معلهش الحمد لله وربنا هيقدر ليكى الخير واللى مكتوبلك هتشوفيه

بالنسبه ليا مش تقلقى عليا هى حالة ملل مش اكتر وشوية مشاكل عائليه وشوية ظلم من شوية كلاب
ميعرفوش يعنى ايه لا دين ولا اسلام ولا عندهم رحمه فى قلوبهم تحسى كده انهم ملايكه وهما كلالالالالالالالالالالاب لاء يمكن الكلب أوفى منهم
دول زى الشيطان كده
الكدب هو أساس حياتهم ومش لايق عليهم دور والبراءة والطهاره

مش هقول غير حسبى الله ونعمه الوكيل فى الشخص اللى ظالمنى وأساء ليا
حسبى الله ونعمه الوكيل
حسبى الله ونعمه الوكيل
***************

معلهش خرجت عن شعورى بس بجد مش لوحدك اللى مخنوقه وعندك حالة الملل انا اكتر منك والله
ربنا يزيح عننا احنا الاتنين يارب
ويحفظنا من ولاد الحرام حبيبتى

انا جيت اطمنك ومش اقدر اشوف منك رساله ليا ومش ارد
منتظره ترنى عليا واول ما ادخل ميل هتصل اعرفك

خلى بالك من نفسك
بحبك كتير

موجة يقول...

محمود(باحث عن حب)
___________________
وعليكم السلام بشمهندس
هو ايه الحكاية
مهندسة موجة وبتاع وبيصيت لى فى مدونتى
المهندس راح المهندس جه شغل جامد يعنى مش اى كلام
ما علينا بقى
حمد الله على السلامة ليا انا ؟؟؟؟؟؟ ليه هو انا كنت فى اجازةى وضععععععععع ولا ايه؟؟؟؟؟
ههههههههههههه
ربنا يكرمك يارب ويقدر ليك ولينا ولجميع المسلمين الخير حيث كان
اما التفاصيل فانتو هتعرفوها من باب الكوميديا
لكن اطمنو عليا انا بجد كويسة
ولسة امة متجوزتش ابوة عشان يخلفوة اللى يضايقنى
وسمعنى سلام ياناسى عينى ياناسى روحى امنتك حبيبى تروح ومتجيش
والسلام عليكم ورحمة الله وبركاتة

موجة يقول...

عصام الدين
___________
لالالالالا ما اتفقناش على كده
اه انت ابن بلدى وكل حاجة بس لااء والف مليون لااااااااء
مش عارفة بقول لاء على ايه
بس اهو لاء بقى وخلاص
انا كمان اتشرفت بيك جدا جدا وفرحت اوووى لما شذا قالت لى انك ابن بلدى بقى وكده وبتاع
انت عارف ان شذا دى ليها كرامات حلوة معايا اوى من ضمنهم انها عرفتنى بيك بجد
دايما تنورنى كده عشان بفرح بزيارتك
اتفقنا؟؟؟؟؟؟؟

موجة يقول...

الحب الجميل
____________
مش عارف ليه بتونس بيكى وكانك من دمى
بحب تعليقك اوووى بحس بتفاؤل
المهم
انتى طبعا تباركيلى على انى خلصت من حاجة مش على مزاجى
هو فى حد بيبلع لقمة مش على مزاجة
لاء طبعا هتلاقية بيشرق ويموووووووت
فانتى تباركيلى وانتى مطمنى
اما انا عملت كده ليه
عشان مش بحب اتغصب على حاجة
بس كل اللى صعبان عليا ان الولا مالوش ذنب غير انة اتقدم لى
بس وخلاص
مشرشرة
متربية ع الشرارة كل يوم كنت باكل شرارة واشرب شرارة لحد بقيت من الاشرار
نياهاهاهاهاها

موجة يقول...

احمد الصعيدى
_______________
ههههههههههههه
باظت يا احمد خلاص
المهم
انا مش من الاسكندرية خالص
ولا بلدى فيها بحر
انا اخرى ترعة الاسماعيليه اللى ما بشوفهاش الا وانا راحة الشغل
عموما حالة الملل دى انشاء الله هتخلص بس محتاجة دعواتكو ليا
وانشاء الله هتنور الظلمة اللى انا فيها دى
انشاء الله
دمت بخير ومحبة

موجة يقول...

احمد الصعيدى
_____________
معاك ياريس
انك تقابل السيئة بالحسنة والكلام ده
ومعاك انك كمان تكسفة من نفسة
وبرافو عليك انك قدرت تعمل ده والحمد لله ان ربنا وفقك فى ده
لكن انا مش معترضة على حاجة الا على كلمة انكو تبقو صحاب دى
ايه
هو انت هتمشى بالمثل اللى بيقول
ما محبة الا بعد عداوة ولا ايه
عارف المثل ده ممكن اصدقة بس لو فاس ت فاس
يعنى حد اعرفة شخصيا وحد شايفة بعنيا
مش حد كل اللى اعرفة عنه انه شتمنى وهزأنى وبعدين اعتذرلى
لاء يابو حميد
مش كده
يارب تكون وصلك قصدى
وتكون فهمتة وادركت معناه
اشكرك

موجة يقول...

داليـــــــــــا
_________________
روح قلبى انا
ايوة لازم طبعا ابقى شريرة وبعض وبخوف كمان
امال ايه
واللى يقرب منى يغرق
دانا موجة موجة موووووووجة
وحلوة اوى منك كما قال الشاعر دى
ايوة كده اتلموها بقى
بس تقوليها ازاى
كما قال الشاعر
الله يعوض علينا الله يعوض علينا باللى يفرح عينينا بالل يفرح عنينا وكده بقى
متخافيش هييجى منك

موجة يقول...

سهر
____
وحيات مامتك _بلاش تمثيل_ وحيات امك يا سهر لاهوريكى
ال انتى بتهرجى ولا ايه
انتى يابت
التفاصيل طبعا هقولهالك ياروح قلبى انا
بس انتى طمنينى وبلاش الاختفاء المفاجئ ده
كل شوية كل شوية
ولا ايه
الحشيش شاحح فى السوق بقى
انتى كمان وحشانى مووووت
يا احلى سهر فى السهرايات

موجة يقول...

شذا الروح
____________
انتى حبيبتى ونور عينى
متحملش هم حاجة ابدا
ربنا هيفرجها باذن الله " ان مع العسر يسر" ومتقنطيش من رحمة الله
رحمته وسعت كل شئ
وبالنسبة للظلمة ولاد الذين دووول
متخافيش ربنا هينتقم منهم اشد انتقام
لان ربنا حرم الظلم على نفسة وجعلة بيننا محرم
فما بالك بقى باللى يظلم بنى ادم
حسبى ربى
وربنا يريحك يارب ويطمنك

غير معرف يقول...

موجه بتقوليلى انى رفضت التواصل معا ليه ؟
مش فاهمه؟

موجة يقول...

الحب الجميل
____________
انتى نفضتى ليه اننا نتواصل بقى
هو ده اللى انا قلتة
نفضتى
ينفض
تنفيض
مش رفضتى
هناك فرق اختى العزيزة
وبعدين انا بهزر معاكى
ايه ياقمر هتزعلى ولا ايه

غير معرف يقول...

لا ياموجه مش زعلانه بس بحسب انك انتى اللى زعلانه
وانا انفضك برضوا يااحلى موجه
هههههههه
دا انتى حبيبة قلبى ربنا مايحرمنيش منك
دمتى بخير

أحمد الصعيدي يقول...

شوفي يا موجة


الاول بشكر وجودك عندي

شوفي يا ستي طبعا قريت التعليق وعجبني ومقتنع بيه

بس الحوار ممكن يطول جدا وطبعا مش هينفع أتكام علي غير معرف في المدونات سواء بمدح أو ذم إحتراما لشخصه


لكن اللي أقدرأقوله ان كلامك صح
بس في ناس غاوية تجبر اللي مش محترم انه يكون من أحلي الناس

معادلة صعية صح؟


عموما انتي موجة خدي كلامك وارميه علي الشط

وبلاش تتخضي تاني

شكرا للحوار يا موجة كنت مبسوط جدا بيه

موجة يقول...

الحب الجميل
__________
طب يا روحى طالما مش زعلانة
يبقى هرخم برحتىىىىىىىى
وش بيطلع لسانة
وش بيبووووووس
بحبك ياقمر

موجة يقول...

احمد الصعيدى
_________________
بحترم طبعا فيك انك مش عاوز تطول فى الحوار على حد غير معرف فى المدونة
وده شئ يرجع لك
بس بجد زلانة
ايه خدى كلامك وارمية فى البحر ده
ماشى يا صعيدى
هرميه

أحمد الصعيدي يقول...

علي فكرة انا كنت بهزر


وذكاءك كان المفروض انه يدلك علي كدة


مش تزعل

Humman being يقول...

موجة

متزعليش لا على حاجة ولا على حد مفيش حاجة تستاهل
خليكى زى أختك شيماء كل يوم تطفش عريس بس والله مش عشان حاجة غير انهم فعلا يستاهلوا التطفيش
أكيد نصيبك لسة مجاش

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام