الأحد، 25 أبريل 2010

متخانقة

طبعا كان نفسى احط صورة اتنين بيتخانقو ولا بيشدو فى شعر بعض ولا رافعين السنج والمطاوى على بعض
بس انا بقى كسلت ادور على صور مناسبة
فقلت احلى حاجة احط صوة البروفيل بتاعى
صورتى انا يعنى
موجة العسولة
المهم بقى
المفروض الناس المتخانقين دوووول بيكونو زعلانين ومش طايقين حد وكدة يعنى الافشخنات دى
بس انا بقى
اصلا مش بتكلم مع حد عشان اطلع زهقى فيه مفيش غير الناس اللى معايا فى الشغل اللى بطلع عينهم وبطلع ارفى م الشغل وم الدنيا فيهم
بالذااااااات بقى
العيال اللى من بنجلاديش
اما بعمل فيهم عمايل
اقرب حاجة
مسكت واحد من ودانه وجرجرته وقعدت اشتم فى اللى خلفوة وهو مش فاهم حاجة خااالص
كل اللى على لسانة: بابا بابا بابا خلاص ياماما خلاص والله
يلا بقى
امال اعمل ايه اطق ولا اموووت
الناس اللى بتزعلنى دى واللى بتتخانق معايا دى بسبب ومن غير سبب والناس اللى بتقصد الغم بعينة المفروض اعمل فيهم ايه
اقولكو حاجة انا مش هعرف حد تانى عشان ما ازعلش تانى
وكفاية عليا العيال البنجلاديش بقى

هناك 25 تعليقًا:

داليـ ـ ـ ـ ـ ـ ــــا يقول...

هههههههههههههههههه

مين العيال البنجلادش دول

عسوله ياموجه وربنا

داليـ ـ ـ ـ ـ ـ ــــا يقول...

ههههههههههههههه

انا طلعت اول تعليق

ههههههههههه

داليـ ـ ـ ـ ـ ـ ــــا يقول...

على فكره مبحبش اكون فى الوجهه كده خبط لزق

بس يالا حظى بقه وانا مبسوطه انى عندك اول تعليق

على فكره ياموجه انا زيك بالظبط بتنرفز من اقل حاجه بس والله بنزل على مافيش وبردوا لما بتنرفز اول حد ادامى بحط غلى فيه

بس بردوا لازم تقولى مين العيال البنجلاديش دول

ده بقه تالت تعليق
عشان التالته تبته
ههههههههههه

أبو العريف يقول...

مين ده اللي يقدر يزعلك يا عم الحج

قوليلي عليه وانا اجيبه من قفاه زي البنجلاديشي كده

( مين ده اللي يقدر يجرحك
هي الملايكه بتنجرح
دانا لو بايدي افرح
اتعب سنين واسقيك فرح )

كفايه عليكي كده احسن تتغري
هههههههههههههههههههههههههههه

موجة يقول...

داليا
_________
انا كمان مبسوطة انك اول تعليق
بس ياستى العيال البنجلاديش دول عيال رخمه كدة سووود وقصيرين
دوله بنجلاديش جمب الهند كدة
بس ايه بنستعبدهم فى الشغل والله

موجة يقول...

ابو العريف
_________
ياسلام
بقى انت مش عارف مين اللى مزعلنى
انت يابو العريف اللى مزعلنى عشان اكتر من حاجة اولا مش بتدخل عندى المدونة بقالك كتير
ومش بتكتب تعليقات
ثانيا انت مهنتش نفسك على رجوعى للتدوين
وكدة يعنى
ثالثا بقى وده الاهم عشان انت رخم

أبو العريف يقول...

انا اللي مزعلك

بقي انا جاي وجايب معايا 2 كيلو برتقان

هع هع هع هااااااااااااااااع

وبكتب ف شعر

وبعلق ومعرفش ايه

وانت زعلانه

طب من اللنهارده مفيش رخامه

انا الرخامه

ســـهــــر يقول...

ههههههههههههههههه
اة يا مجنونة
على فكرة يا موجتى انا كنت زيك كدة واكتر والله كان معايا كام واحد فى الشغل كنت بأرفهم فى عيشتهم ومرة اضحك فى وشهم ومرة انكد عليهم لحد م العيال جالها حمى منى

وبعدين اية يختى العيال البنجلاديشيين دول جيبنهم منين ؟

انتوا عندكم سخره تانى ولا اية ؟
ههههههههههههه

بحبك يا بت يا حلوة يا ام دم شربات

ويخربيت اللى يزعلك

قوليلى اسيبلك الميل بتاعى فين بقا

داليـ ـ ـ ـ ـ ـ ــــا يقول...

الله انا بردوا معرفش العيال البنجلاديش دول بردوا
وكمان سهر بتقول تعرفهم
يمكن العيال دول عندكم وعندنا لاءه
بس ياولاد حرام عليكم خفوا عليهم شويه

مهموهة أحمد يقول...

موجـــــــــة ................
موجة يا عسولة بجد مدونتك رائعة اوي اوي و بجد مليانة تعبيرات و كلام رقيق اوي اوي

كلامك جميل اوي و وبوست عسول اوي
و بيضحك جدا جدا و الله
شكلك دمك زي العسل يا قلبي

بجد سعيدة اني اتابعك
و اكيد هضيف مدونتك عندي في القايمة المهمة لانها تستاهل بجد
تقبلي مروري الاول و ان شاء الله مش الاخير

خالص تحياتي و تقديري

الشاعر الحزين يقول...

أيوه أيوه طلعى همك فى البنجلاديشيين ماهم غلابه وطيبين

لكن تقدرى تعملى كده فى حد مصرى ؟؟

عموما طبعا أنتى ليكى كل الصلاحيات معاهم لأن مصر أساسا مش ناقصه بطاله عشان يجوا يشتغلوا فيها وأهلها وشبابها قاعدين ع القهاوى

يبقى من حقك تطفشيهم من هنا

احنا هنتكل عليك فى الحكايه دى بقى ياللا شدى حيلك مستقبل شباب مصر بين ايديك

هههههههههههههههه

دمتى بالخير يا موووووجه

well يقول...

تؤ تؤ تؤ ..مش كدة قلبك ابيض

عجبنى اسم مدونتك بين السما والارض ياريت لو تزورى البوست ده ..اسمه شباك بين السما والارض

http://kashkol100.blogspot.com/2010/04/blog-post_14.html

تحياتى

باحث عن حب يقول...

IIIIIIIIIIII
ههههههههههههههههههه
المهم تطلعى زهقك
مش المهم
فقى مين
مدونه جميله

موجة يقول...

ابو العريف
_____________
اشمعنه برتقان يعنى
ها ها؟؟؟
ما علينا بقى
خلاص خلاص مش زعلانة ياسيدى طالما فيها رخامة وكدة

موجة يقول...

سهر
_______
روحى انا وعمرى كمان
تصدقى انا كمان بحبك اوووووى
وشكلنا كدة كتا زمايل فى مستشفى صفرا وحدة واحنا مش وخدين بالنا
مجانين زى بعض
اه اصل انا عن نفسى ماشية حاليا بربع عقل بس
المهم
سيبيلى ميلك هنا ياقمررررررررررررر

موجة يقول...

داليا
______
يابنتى العيال البنجلاديش دوووول حلال فيهم اى حاجة حتى لو دبحناهم بسكينه تلمة
دوووول عيال سيس خالص

موجة يقول...

مهمومة
__________
انتى والله نورتينى واسعدتينى بزيارتك وانتى كمان مدونتك فوق الرائعة وانا حبيت اتابعك وربنا يديم الود

موجة يقول...

الشاعر الحزين
________________
هههههههههه
كدة برضو ياعلاء
لاء متخفش عليا بنجلاديش ومصريين بطلع عنهم
مبخفش اصلا انا

موجة يقول...

well
______
شرفت مدونتى والله
وعموما ميرسى على تشجيعك لزوقى فى اختيار اسم المدونة
وعلى فكرة انا زورت شباك بين السما والارض وسيبت لك تعليق هناك

موجة يقول...

باحث عن حب
______________
نورتنى وشرفتنى وكترتنى(يعنى كترت عدد تعليقات عندى)
ههههههههههه
تابعنى بقى

bumedian يقول...

السلام عليكم ...

بالعكس تعرفي على اكثر ناس عشان يتوزع الهم الي عندك على اكبر عدد ممكن و يكون خفيف على كل واحد ...

و الاحسن ان الواحد ما يشيلش هم حاجة


شكرا لك

موجة يقول...

Bumedian
____________
شكرا لتعليقك وتشريفك مدونتى وشكرا كمان ع النصيحة الغاليه دى
دمت بخير

Unknown يقول...

انا بسجل أعجابي بهذه المدونة واتمنى لكي كل سعادة
دمت بكل خير

hossam khalifa يقول...

يعنى انا اسيب الهنود هنا والبنجاله يتطلعولى هنا كمان على فكره انا مش بحب ريحتهم خالص

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام