الجمعة، 16 أبريل 2010

قولها باعلى صوت



قولها باعلى صوت واطربنى بها

كم عشت ايام وليالى طوال فى انتظارها

فى انتظار ان تهزنى بقوة عند سماعها

كلمة احبك ها انا الان اريدها

ومنك انت فلولاك ما كنت عشقتها

ولقد رأيتها فى عينيك فبها يزداد بريقها

لا تسألنى عن حاجتى الان وطلبى لها

فلقد قاومت نفسى كثيرا وحاولت منعها

لكنى بت الان عاجزة امام اعصارها

اعصار شوقى لها وقلبك يريد لقلبى ايصالها

احبك...........ضمنى بشدة لكى يكتمل عندى احساسها

فيدفئ حضنك وحنانك وشوقك يتم اكتمالها

فلو قالها لى كل رجال الارض دونك لكرهتها

فانت الذى خلقت لك ولاجلك لتقولها

ولو استعارها غيرك لاختفى سر جمالها

فمنك انت لابد ان تختلف معاييرها

لا تنعتنى بالجنون لطلبى لها وانى اريد سماعها

انى باعلى صوت اريدك ان تقولها

ليملاء كل مافى الكون صدى احساسها

ومن جديد انا وانت سويا سنقولها

نعلنها لتتزين بها الارض من شدة جمالها
طبعا انا اسفة على موتى المفاجئ ده بس غصب عنى عشان مكنش عندى نت فى البيت
بس بجد وحشتوووونى


هناك 12 تعليقًا:

Kiara يقول...

موجة وحشتينى جداااااااا

عامله ايه ياقمررر
اما اقرا وارجع

Kiara يقول...

ومنك انت فلولاك ما كنت عشقتها

ولقد رأيتها فى عينيك فبها يزداد بريقها

لا تسألنى عن حاجتى الان وطلبى لها

فلقد قاومت نفسى كثيرا وحاولت منعها

لكنى بت الان عاجزة امام اعصارها

اعصار شوقى لها وقلبك يريد لقلبى ايصالها

الله الله هزتني من جوايا والله ياتوتا

جامده:)

موجة يقول...

كيارا
________
فينك من زمان
وحشانى انتى كمان
ايه الاخبار طمنينى الدنيا عاملة معاكى ايه

Kiara يقول...

الحمد لله تومام ياقمر :)

وانتى ؟؟

ســـهــــر يقول...

قطتى الصغيورة أعمل فيكى اية بقا قوليلى ؟
قينك يابنتى وحشتينى اوى ياموجة والله العظيم بجد افتقدت شقاوتك فوق متتخيلى
انا كمان غبت شوية مكنش فى نت فى البيت واليواس بى بتاع فودافون خراب بيوت يااختى
ههههههههههههههههه

المهم هتغيبى تانى ولا اية ؟

وحشتينى بقا وخدى البوسة والحضن دة

سلام ياقطتى

الشاعر الحزين يقول...

أيوه كده أيوه كده

هو ده الكلام حمدا لله على السلامه يا موجه

نورتى ماكنك من تانى والله بجد متعرفيش فرحد قد ايه برجوعك ده بس يارب يدوم وميقطعش تانى ها ؟؟

أوعى تغيبى تانى

شوفتى بقى كلماتك حلوه ازاى ليه بس تحرمينا من الرومانسيات الهاديه الجميله دى اللى احنا بجد مفتقدنها

بجد والله خاطره فى منتهى الجمال

تسلم ايدك

ويارب دايما تمتعينى بكلماتك الجميله

دمتى بكل الخير

مجرد بنت يقول...

جميلة اوى تسلم ايدك

موجة يقول...

سهر
_________
حببتى والله انا اللى مفتقداكى جدا
ومن كتر ما بفكر فيكى ليا وحدة صحبتى الميل بتاعها ساسو
اول ما فتحت وانا موجودة قلت لها: ساسو كافية؟
قالت لة انا اسماء صحبتك ياهطله
شوفتى بقى
ياريت لو عندك ميلى تبعتى لى دعوة

موجة يقول...

الشاعر الحزين
________________
ميرسى ليك ياعلاء
بجد وحشنى عالم التدوين من تانى
بس للاسف انا هبقى موجودة بس مش بصفة دايمة عشان ظروف الشغل
بس على اد ما اقدر انا معاكو

موجة يقول...

مجرد بنت
________
نورتى مدونتى يا قمر
وشكرا لتعليقك

new-one يقول...

الف حمدالله على السلامه\
وبجد عودة فى منتهى القوة
تحياتى

موجة يقول...

الله يسلمك واتمنى ان الرجوع يكون فعلا مجدى
مش مجدى واحد لا مجدى يعنى بفايدة
واتمنى انك تكون نيووو وان فعلا