السبت، 31 أكتوبر 2009

عواطلية ولكن....

من ساعة ماتخرجت وانا زهقانة
مفيش شغل مفيش حاجة الواحد يعملها غير انة يتحرق دمة كل يوم والتانى بالاخبار المستفزة اللى بنشوفها فى التليفزيون والجرايد
حادثة القطر
ومعرفش مين سرق مين
ومين صور البنت صور مش كويسة واخوها قتل اللى عمل العملة دى
والاهلى والزمالك
والخبر اللى جننى بقى عمكو الاستاذ المبجل اللى خرب الدنيا جمال باشا مبارك
اللى نشر فى الجرنال كل الشباب هيشغلو كلهم هيقبضو مرتبات حلوة اوى
كلهم هياكلو لحمة كلهم هيركبو عربيات وفى الاخر
كلهم هياخدو بالجزمة القديمة على دماغهم هم واللى جابوهم عشان بيصدقونى
كلام فارغ
انا مش بتكلم عن نفسى اد ما بتكلم عن الشباب الخريجين الجداد
طب احنا اخرتنا هنتجوز ونلاقى واحد يشقا ويتعب واحنا اللى نخرب بيته وبيت ابوة كمان
ايوة امال ايه
ايشى شبكة وعفش بقى
وبعد الجواز العيال والمصاريف
يعنى هيطلع عينة الراجل اللى هيجوز ده
وهنلاقى احنا بقى اللى يصرف علينا
اما هما هيعملو ايه
انا بفكر اتجوز حرامى من الحرمية الكبار دول عشان يبقى قاعد على تل ما يختل
واما يقولى مفيش اقولة نعم
داحنا دافنينة سوا
ايه رايكو بقى فى حال البلد دى
على راى سماعين يس
عال عال عال

هناك 14 تعليقًا:

Ahmed يقول...

وانتي ايه بس اللي يخليكي تسمعي للأخبار ديه

الأيام ديه بالذات ولغاية ما الحزن الوثني يخلص مؤتمره متفتحيش الأخبار خالص

ربنا ينجينا

الحرامي يقول...

اموت في الكآبه

ايه يا بنتي ده

ايه ايه ده كله

ايه الاحباط واليأس والاكتئاب ده

خليتي ايه بقي للي لسه متخرجين من كام شهر

ومش لاقيين شغل وقاعدين في بيوتهم

وما عندهمش نت في البيت

ياشيخه حرام عليكي

دا كلهم كام شهر

بس بجد مبروووك علي الحرامي

هو فيه زي الحراميه

Mohamed يقول...

" طب احنا اخرتنا هنتجوز ونلاقى واحد يشقا ويتعب واحنا اللى نخرب بيته وبيت ابوة "

وبتقوليها في وشنا كدا ، طيب مش تراعي حتى مشاعرنا ههههه

والله فكرة حلوة الجواز من الحرامي ، مش هيبئى عنده حجة زي ماقلتي

بوست جميل

في آمان الله

رادار

الشاعر الحزين يقول...

حمدا لله على السلامه يا موجه

أخيرا ظهرتى على الشاشات العربيه ؟

والله يا موجه نظريتك دى ريحتنى كتير قوى

حسستنى ان لسه فيه بنات فعلا بتحس بقيمة الراجل وبتقدر ظروفه

لكن الواحد يجى يخطب يلاقى طلبات تقطم وسطه

لكن بجد نظريتك عال عال عال

وبعدين من هنا ورايح أنا هشتغل حرامى عشان أليق بمقام أميره زيك كده

ههههههههههههههههه

دمتى بالخير يا قمر

موجة يقول...

احمد ابو العلا
_____________
والله على رايك
انا الايام دى اصلا هبقى لا اسمع لا ارى لا اتكلم
اشكرك يابو العلا

موجة يقول...

الحرامى
_________
ايه ده
عريس يابوووووووووى عريس
انت سمعت انى هتجوز حرامى قولت تسبق ولا اييييييييه؟
نورت ياحرامى
متجيش هنا تانى بقى
اصلى غيرت رايي وهتجوز ظابط ياحرامى

موجة يقول...

mohamed
_________
والله يامحمد مش قصدى احبطك
بس هى دى الحقييقة
الحريم بيجى من وراها ايه غير خراب البيوت ياجدع

موجة يقول...

الشاعر الحزين
_____________
علاء
كيفك ياولد
اتوكل على الله واشتغل حرامى وانا هوافق عليك علطووووووول

momken يقول...

ضحكتينى
من ساعه متخرجتى ايه يا بت امبارح انتى

دانتى تعتبرى لسه فى اجازة اخر السنه يعنى زمايلك الى سقطوا لسه مرجعوش الكليه

هتشتكى من دلوقتى...لسه بدرى على الكلام ده قدامك تلت اربع سنين

وبعدين من اولها هتقوليلى جمال عبدالناصر وابصر ايه ومدرك مين

الاستاذ جمال عبد الناصر هو خير من يمثلكم فى مجلس قياده الثوره
ايون هيشغلكوا
ايون هيلبسكوا
ايون هيظبتكوا

هو انا عندى اغلى من سى الاستاذ جمال عبد الناصر والمحروس اخوة البعيد مش فاكر اسمه

موجه
كلى عيش وعيشى
الى عاوزة تعيش وتعمر بعد ما تتنيل تتخرج ترضى بقليلها وبقليل قليلها كمان
وسكتم بكتم

ولاجمال عبد الناصر ولا جمال السادات

وبعدين ما عندك مولتى امسكى الريموت وهاتى مولتى وفرفشى

تحياتى

موجة يقول...

momken
_____
جرا ايه ياعم الاستاذ انت مالك داخل فيا شمال كدة زى مايكون حد داسلك على طرف
انا ازهق براحتى وبعدين احنا مش ناس فاشلة بتستسلم للياس

Maha Shahen يقول...

متستغربيش ومتكتبيش علي العلنى بدل ما نلاقى سجن ابو غريب جديد عندنا
طول ما فى فساد متستغربيش
طول ما احنا كمان بنساعد علي الخراب بالاهمال والسكوت متستغربيش
طول ما كل واحد بيقول وانا مالى هى بلد ابويا ما تتخرب يبقى ساعتها متستغربيش
من كتر ما اتخنقنا بقى عندنا عدم انتماء ولازم منستغربش
شىء طبيعى
بس انا اعرف ان كتر الكبت يولد الانفجار لكن امتى الله اعلم

جريدة الريماس للأخبار الحصرية يقول...

aldekh
aldekh
aldekh
شركة تخزين عفش بالرياض
شركة عزل خزانات بالرياض
شركة عزل خزانات بالرياض
شركة تنظيف واجهات زجاج بالرياض
شركة تنظيف الاثاث بالرياض
شركة جلي بلاط بالرياض
شركة تنظيف شقق بالرياض
aldekh
شركة نقل عفش بالرياض
شركة تنظيف موكيت بالرياض
شركة تنظيف مجالس بالرياض
شركة تنظيف مسابح بالرياض
شركة تنظيف منازل بالرياض
شركة تنظيف بيارات بالرياض
شركة شفط بيارات بالرياض
شركة مكافحة الفئران بالرياض
شركة مكافحة حشرات بالرياض

جريدة الريماس للأخبار الحصرية يقول...

شركة رش مبيدات بالرياض
شركة عزل اسطح بالرياض
شركة تنظيف فلل بالرياض
شركة تنظيف كنب بالرياض
aldekh
شركة رش الدفان بالرياض
aldekh
https://www.youtube
شركة رش دفان بالرياض
شركة تسليك مجارى بالرياض
شركة تنظيف خزانات بالرياض
شركة تنظيف ستائر بالرياض

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام