الثلاثاء، 22 سبتمبر 2009

ويأخذنى الحنين اليك




عندما أسرح فى منظر المغيب وتمتلئ الدنيا باللون الاحمر البهيج
وارى الشمس تذوب فى الارض مثل الحبيب



عندها حبيبى اتذكرك
وياخذنى الحنين اليك



عندما أجلس وحدى واحدث نفسى بنفسى
لماذا أنا هكذا؟ لماذا يمتلئ بالدمع عينى؟
وأسال نفسى هل هذا هو الحب الذى يتمناه قلبى



عندها حبيبى اتذكرك
ويأخذنى الحنين اليك



عندما أرى فى عينى صورتك
وأتذكر بدقة ملامح رسمك
وأشتاق لرؤية ابتسامة وجهك
واتذكر ما حدث حتى احظى بقلبك
وتاخذنى نفسى الى حبك
عندها ينطق لسانى كلمة أحبك



وعندها حبيبى أتذكرك
وياخذنى الحنين اليك



عندما تمتلئ عينى بالدموع
ويدق قلبى بصوت مسموع
وأشعر بالخوف الممنوع
وينطفى النور فى قلبى المهروع
وياتى ضوء من بعيد
يشبة ضوء الشموع
وانظر فى هذا الضوء
فاجدة حبيبى المفزوع



عندها حبيبى اتذكرك
وياخذنى الحنين اليك



عندما اسمع صوتك
واطلب من الله ان يقربنى منك
وتاخذنى نفسى الى حبك
واشتاق عندها الى رؤية عينك
وان اسمع صوت دقات قلبك



عندها حبيبى اتذكرك
وياخذنى الحنين اليك




هناك 17 تعليقًا:

نظره عين يقول...

هههاااااااااااااااااا
الاووووووووولااااااااااااااااا
موجه
هى الشمس بتدوب فى الارض ازاااااااااى
ممكن توضحى
وبعدين البوست اللى فات فقدتيه
البوست ده بتشتاقى اليه
انتى عاوزه ايه بالضبط
سلاااااااااااام

نـــــور يقول...

بقيتى بتقولى شعر؟
والله ده راجل بيفهم اللى عمل فيكى كده D:

ادم المصرى يقول...

كل عام وانتى بخير

كلامك جميل

والحب اجمل بس يدوم

Ahmed يقول...

جميل اوي الحب
جمييييييييييييييييل بجد

والأجمل لما الحنين والشوق يتحول لحب واستقرار
لما الحزن يتحول لفرح
لما الحلم يبقى حقيقه والدنيا تنور من حولينا

جمييييييييييييييييل

موجة يقول...

نظرة عين
_________
والله يالولا يا اختى انا شفت الشمس بتدوب فى الارض ساعت الغروب
لما ابقى اخدك معايا فوق السطح بتاعنا هوريهالك هتلاقى الشمس الارض يتبلعها ساعت الغروب
اما البوست اللى فات انا قلت انى فقدتة وفى نهاية البوست اللى فات لو كنتى ركزتى كنتى لاقيتى اخر سطر بيقولك سياخذنى الحنين الية
اما من جهة انا عايزة ايه
فاللى انا عايزاة مش موجود اصلا فهعتبر نفسى مش عاوزة حاجة

موجة يقول...

نور
_________
يابنتى انا بكتب شعر من زمااااااااااان
بس ده مش شعر اساسا
المهم انى عندى اجندة مكتوب فيها خواطر كتير واما بحس بموقف معين انا كاتبة فية شعر بروح قرياه تانى ومنزلاة ع المدونة
وبعدين راجل اية بس
مانتى عارفى رايي فى الرجالة

موجة يقول...

ادم المصرى
_________
كل عام وانت بخير
اه الحب حلو
بس اللى يعرفة

موجة يقول...

احمد ابو العلا
_________________
سانك يوو
الحب حلو حلو اوى اوى
على راى حماده هلال

الشاعر الحزين يقول...

مووووووووووووووووووووووووجه

أنا جيت

أنا هنا

أيون أنا هنا

حمدا لله على سلامتى طبعا

ونورت عالم التدوين من جديد

صح ؟؟؟؟؟؟؟؟؟؟

هههههههههههههههههههه

صباحك زى الفل يا ست الكل

مستنى زيارتك عندى بقى بسرعه ياللا على هناك بسرعه

سلالالالالالالالالالالالالالالالالام

الحــ ــزين يقول...

الحــ ــزين
بجد انتى مشعرك حساسة جدا وكلماتك فوق الوصف وسعيد جدا انى دخلت مدونتك .,واتمنى منك الزيارة

momken يقول...

مشاعر حلوة اوى وكلام جميل


تقبلى تحياتى
وكل سنه وانتى طيبه


تحياتى

momken يقول...

قوليلى صحيح هى ( مهروع ) دى كلمه عربى

والله اول مره اشوفها

تحياتى

موجة يقول...

الشاعر الحزين
_____________
نورتنى والله ياعلاء
وحمدالله ع السلامة

موجة يقول...

الحزين
_______
اهلا بيك فى مدونتى ونورتنى طبعا ومتشكرة اوى على زوقك ده
طبعا هتابع مدونتك اكيد

موجة يقول...

momken
__________
اهلان
ازيك
فينك
عموما شكرا على زوقك يامستحيل
اما كلمة مهروع دى فهى كلمة من وحى خيالى معرفش اصلها

Maha Shahen يقول...

ما شاء الله
مدونتك جميله جدا علي فكره
وبجد من اجمل الحاجات اللي قريتها كانت دى بس اكتر جزء عجبنى كانت البدايه

عندما أسرح فى منظر المغيب وتمتلئ الدنيا باللون الاحمر البهيج
وارى الشمس تذوب فى الارض مثل الحبيب


يمكن البدايه دايما اللي بتشجعنا نكمل علشان نعرف ان فى جمال اكتر من البدايه

بتمنالك التوفيق واستمرى

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام