السبت، 12 سبتمبر 2009

يا نصير المظلومين




السلام عليكم ورحمة الله وبركاتة




وحشتونى جدا لدرجة كبيرة مش هتتخيلوها


بس للاسف غصب عنى


النت مش عندى فى البيت


ودى طبعا مشكلة


المهم


حسيت انى لازم نحكى فى موضوع سوا


والموضوع ده هو الظلم


احساس الانسان المظلوم


اد ايه بيكون تعبان وخصوصا لما يكون شخص متكتف الايدين


مش قادر ياخد حقة


عشان ميخسرش شخص بيعز علية


ازاى الانسان يكون قاعد فى حاله كدة


واذ فجأتن


يلاقى حد تانى عمال بيجيب فى سيرتة وبالباطل


واذ فجاتن كمان مرة


مش عارف ياخد حقة


ياااااااااااااخراااااااااابى


الظلم ربنا حرمة على نفسة


فمابالك الناس اللى بتظلم بعضها


والناس اللى بتظلم نفسها


كل اللى اقدر اقول


حكمة عظيمة وخالدة


من ايام جدتى


كانت بتقول يابخت من بات مظلووووووووووم ولا باتش ظااااااااااااااااالم


وبس كدة


خلاص بقى


ايه النكد ده


د انا حتى نسيت اقوووووووول كل سنة وانتو طيبين


بمناسبة العيد اللى قرب


ورمضان كريم بعد ما رمضان قرب يمشى


وادعو معايا وقولو امين


ربنا ينتقم من كل ظااااااااالم
اه صحيح نسيت اقول
والله يازمن لا بأدينا زرعنا الشوووك ولا روينا يازمن
وممكن كمان الواحد يقول
لو صدر العيب من اهل العيب ما يبقاش عيب
وبرضو ممكن
ياسلام عليك يازمن ياللى خليت لهوهة الكلاب تمن
واخيرا وليس اخرا
عجبت لك يازمن
ههههههههههههه
وعجبى
وسلام بقى


هناك 20 تعليقًا:

موجة يقول...

هيه هيه هيه
انا اول تعليق عندىىىىىىىىى
اخيرا دخلت مدونتى
والله ياموجة انا عاوزة اقولى
اقولى انا
انا هقول لانا
ان الموضوع ده صعب
بس محلول انشاء الله
ومتزعلينيش منى بقى
عشان احبنى
واجيبلى شيكولاتة بالفسدق
امضاء
موجة

assafo anaroze يقول...

اخرجي من هنا يا موجة
انا اول تعليق

assafo anaroze يقول...

و الثاني كمان

assafo anaroze يقول...

و الثالث عشان المحتلين الجدد
و اجدعها سلام
اسافوا اكتسح الساحة

assafo anaroze يقول...

كل الدفاعات اندثرت امام قوة المحتل الكبير
اسافو

assafo anaroze يقول...

موجة
يسعد مساك يا رب
رمضان كريم
يا رب تكوني بالف خير
قال رب العزة :يا عبادي اني حرمت الظلم على نفسي و جعلته بينكم محرما فلا تظالموا
الظلم ظلمات يوم القيامة
و لا تقولي ابدا ان اللي اتظلم مش قادر ياخد حقه علشان هناك من لا تخفى عليه خافية و من عينه لا تنام
هو اللي راح ياخد له حقه
يقول المصطفى دعوة المظلم ليس بينها و بين الله حجاب
مودتي

**sad smile** يقول...

السلام عليكم

تدوين رائع ومميز جدا

بووووست جميل جدا وفعلا أووي

الظلم ده ....... لا تعليق

أتمنى لكي كل التقدم والنجاح والتدوين

دمتي بكل السعادة

تحياااااااتي لكي

dark angel

Ahmed يقول...

نقول الووووووووووو

كل سنه وانتي طيبه

الظلم شعور وحش جدا مهما كانت اسبابه
في الليالي الجميله ديه خلينا احسن ندعي وتقول ربنا يهدي كل ظالم ويرفع الظلم عن كل مظلوم

أبو العريف يقول...

موجه

ازيك يا يا بنتي

كفااااااااااااااااااره

انت فين من زمان

حمدالله عالسلامه

ولا هيه مره وخلاص

شكلها مره وخلاص


عموما

ربنا ينصرك عاللي ظلمك

ودعوة المظلوم لا ترد

وحشتينا علي فكره

------ يقول...

يكل سنة وانت طيبة حبيبتى

حمدلله على سلامتك

هنيالو اللى يبات مظلوم ولا يبات ظالم

اكيد الظلم حاجة صعبة
يمكن انا حسيت كلامك لانى اتظلمت مرة
مكنتش قادرة اتكلم ولا ادافع عن نفسى مش ضعف لكن
محدش ادانى فرصة
قلبى كان بيتحرق فى الدقيقة الف مرة
بس مكنش قدامى غير ربنا
هو اللى نصرنى

تحياتى لكى

نـــــور يقول...

معلش يابيرو:(

انا مش عارفه ارد بس انتى عارفه انا حاسه بايه
كفايه انى زى ماقلتلك فى التليفون
معرفتش انام امبارح

ادعى ربنا وانتى ساجده يحلها من عنده
انا بحبك على فكره ومش هينفع اخسرك صدقينى

منــار فايد يقول...

انا اول مره ادخل مدونتك
سعيده اني عرفتها
اقبليني زائره
ربنا يكفينا شر الظلم والظالمين


ورمضان كريم وكل سنه وانتي طيبه

موجة يقول...

assafo anaroze
_________________

ازيك يااااااا
برضو مبعرفش اقول اسمك
المهم انك نورتنى ووحشنى تعليقاتك
ودعواتكو بقى ان ربنا يرفع الظلم ويبط الظالم

مودتى
اشمعنى انت يعنى اللى بتكتبها

موجة يقول...

very sad
_________
عارف بقى يا فرررى ساااد
انت لو فررى سااد مرة
انا فرى فرى فرى فرى........... ساد
المهم نبقى نشوف انت فرى ساد لية
فى مدونتك
انت نورتنى
وياريت متحرمناش من النور ده
بس الكهربا هتيجى غاليه بقى
ابقى ادفعها انت بقى
دمت بخير

موجة يقول...

احمد ابو العلا
______________

يااااااااااه
احمد ابو العلا بذات نفسة هنا
يادى الهنا يادى الهنا
ميرسى يا احمد ع الدعوة
استمر استمر
منور اوووووى

موجة يقول...

ابو العريف
_________

انت اوحش يابو العريف
ايه اخبار البطاطس والشيكولاتة وروان والدنيا دى كلها

على راى ام بلية
منصووووور يابنى باذن الله
وسلام مربع لابو العريف ياردالة

موجة يقول...

دموع القمر
____________
منورانى ياقمر
ادعو للمظلوووم
وبجد انا حاسة نفس احساسك وانتى مظلومة
ادعيلى بقى

موجة يقول...

نور
_____
نفسى يانور يحصل اللى فى دماغى
وساعتها هتلاقينى مرتاحة
وهشيلك فوق راسى بقيت العمر
بس ياريت تحسى باللى انا عاوزاكى تعملية ويارب تفهمى الناس صح

موجة يقول...

شباك موارب
___________
منار
اكيد اسم على مسمى
اهلا اهلا بيكى هنا عندى
وبجد حاجة مؤسفة انك تيجى تزورينى وانا مدونتى نكد كدة البوست ده
كنتى تعالى فى بوست وصية الريس مثلا
ولا اى بوست كوميدى
عموما انتى منورانى طبعا

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام