اول يوم دراسى

بالزمة يعنى لو الواحد عندة عربية زى دى مش كان اترحم من زحمة المواصلات ورخامة الشباب وسماع الفاظ السواقين

على ما اظن اه كنا اترحمنا

عموما الحمد لله على ما اعطانا

وانشاء الله قريبا هنوصل للى عايزينة

المهم

اقولكو بقى من بعد ماوصلت للجامعة

اول مادخلت الجامعة اللهم اجعلة خير لاقيت ايه

شحنة عواطف كدة بتهجم عليا واكياس هدايا حمرا وماسورة حجات حمرا انفجرت فى الجامعة

استغربت فى البداية بس افتكرت ان الفلانتين كان امبارح

رحت اسلم على اصحابى طبعا واهنيهم بالترم الجديد

وبدانا الطحن بقىىىىى

اول بطل من ابطال مسرحيتنا

لولى

دكتورنا العزيز

اللى ولله الحمد شايلنا على كفوف الراحة

اول مابيشوفنا بيطلب لنا ديلفرى من مؤمن او كنتاكى

لاء ومش كل مرة زى بعضها يعنى مرة مؤمن مرة كنتاكى مرة جاد

يعنى كارمنا اخر كرم

وبعد الاكل

يطلب الشاى طبعا

ولا بيتعبنا ولا بيحبطنا ولا بنجيب له شغل ويقول مش ده اللى انا اقصده

خالص

تؤ تؤ تؤ ابسولوتلى

الراجل مش بيعمل كدا خالص

ربنا يخليك لينا يالولى يارب مايحرمناش من قعدااااااااااتك

رحنا للدكتور لولى حبيب الملايين نورية الشغل اللى طلع عنينا فية اسبوع

ولاول مرة الدكتور يسكت ولا يتكلم كان بيسمع مننا

وفجأة

نط بجملتة الشهيرة

ماشى بس مش ده اللى انا عايزة

يادكتور يالولى يهديك ربنا يرضيك مافيش فايدة

انتو هتروحو المكان الفلانى وتعملو هناك الحاجة الفلانية

وكالعادة هنروح ونعمل وبرضو

ماشى بس مش ده اللى انا عايزة

عموما خلينا ورا لولى لحد باب الجامعة يا نقتلة يا نتخرج

وسلمولى على لولى سلمولى

لولولولولولولولولولىىىىىىىىىى

ادعولنا ربنا يجعل كلامنا خفيف على لولى