بين السماء والارض

فراق

2011-10-19T23:55:00.000-07:00

اخر الناس الطيبين ماتت

اخر حد حنين عليا مات

احلى حاجة فى دنيتى واللى كنت ماشية ببركة دعاها

ماتت

راحت وسابتنى مابقاش حد يدعيلى ولا يستنانى على ما ارجع م الشغل

امى اللى ربتنى من غير ما تولدنى

جدتى

حبيبتى

حبيبة قلبى

راحت ومشيت حتى من غير ما اشوفها

هى كانت زعلانة منى عشان كده مشيت من غير ما اشوفها

طب اشوفها ازاى

اذا كان كلهم حرمونى شوفتها لاخر مرة

يارب انت ما تحرمنيش شوفتها

انت يارب اللى هتحقق لى طلبى وتخلينى اشوفها حتى فى المنام

يا حبيبتى يامــــــــــامــــــــــــــا

هتوحشينى اوووووى وهيوحشنى سؤالك عليا ودعواتك ليا

مستنياكى يا روح قلبى تيجى لى فى اقرب وقت عشان اشوفك واشبع منك برحتى لوحدى

من غير ما حد يمنعنى ولا يشاركنى

حزنك هيفضل جوا قلبى لحد اخر يوم فى عمرى

لحد ما اجيلك يا حبيبتى

وفى النهاية البقاء والدوام لله رب العالمين

كفاية بقى ....... مصر ضاعت!!!

2011-10-10T04:30:00.000-07:00

كفاية

فجعنا جميعا مساء أمس بأحداث ماسبيرو وعدد الضحايا الغير مسبوق منذ أحداث ثورة يناير

وقبل أن أتحدث

أجمع لكم لقطات سريعة قد تساعدنا جميعا في التشخيص السليم .. ومن ثم العلاج الناجع

- الفيديو الذي تم تداوله بكثافةعلى الفيس بوك وفيه رجل الدين المسيحي يهدد بالقتل الصريح منذ يومين وما زال بثه مستمرا حتى الآن

- الجندي المصاب على الهواءمباشرة وهو يصرخ من الألم ويتعجب ويقول منذ الصباح ونحن نحميهم ونتحدث معهم بل ونشرب مياة منهم !!

الصحفي الذي تحدث على الهواءمباشرة عقب وفاة أول ضحية وقال رأيت بأم عيني الرصاصة وهي تخترق رقبة الجندي ليقع مضجرا في دمه الكثيف في مشهد مذهل

- ابراهيم عيسى وأتباعه من اليساريين والليبراليين والعلمانيين وقد تحولو لأتباع الكنيسة المخلصين في دفاعهم المستميت عن المسيحيين وتلمسهم لكل أعذار الدنيا لهم بشكل غير مسبوق
ونشرهم لكل الصور التي تظهر المسيحين على أنهم ضحايا الهجوم الوحشي للجيش المصري.

- وأخيرا جملة عابرة لأحد المتصلين على الهواءمباشرة والتي يقول فيها .. (( لا يمكن إجراء الانتخابات وسط هذه الأجواء أبدا ))

بعض المعطيات التي قد تساعدنا كذلك في التشخيص

بعد أحداث السفارة المصرية التي بدأت سلمية تماما وانقلبت إلى دامية بما يشابه تماما ما حدث بالأمس مع الفارق في كمية العنف
تبين لنا أن التجمعات الكبيرة والمظاهرات المصرية الآن من السهل جدا بث الفوضى فيها وتحويل مسارها
كلما اقترب موعد الانتخابات وتسليم السطلة بالفعل يحدث شيئا يكون فتحا كبير للغط والجدل الذي يجيده من يسمون أنفسهم بالنخبة

فبعد أحداث السفارة الاسرائيلية .. وعودة قانون الطواريء ارتفعت نغمة أن هذا أكبر دليل على عدم نية الجيش لتسليم السلطة لمدنيين وما اعقبه من موقعة البدلة وحسن اصطياد المواقف

وقبيل فتح باب الترشح لإنتخابات مجلس الشعب وتسليم نصف السلطة للشعب متمثلا في السلطة التشريعية والتي ستأتي الانتخابات بمستحقيها بالفعل .. تقع موقعة ماسبيرو
......
هل أنا مريض بالبارانويا ونظرية المؤامرة مسيطرة علي .. افترض ذلك
ولنبدأ في التشخيص :
كان أهم سلاح بيد الثورة المضادة هو قضية الفتنة الطائفية والتي نجح المجلس العسكري في إخمادها في أكثر من موقف وكان أشهرها حادث كنيسة صول والتي بناها الجيشعلى نفقته الخاص وبجهد أبنائه

كان المخطط المرسوم الذي اتفق عليه الجميع أن تسليم السلطة سيتم في خلال ستة أشهر هي مدة الفترة الانتقالية
ولكن ما إن ظهرت نتيجة الاستفتاء والتي صعقت من يسمون أنفسهم النخبة فقد كانو ينتشون ويظنون بأنهم متربعون في قلوب وبين ثنايا وخلايا عقول الشعب
فوجئو بأنهم لا يوجد أي رصيد شعبي لهم
وبالتالي .. تسليم السلطة في الظرف الحالي يعني غيابهم التام عن المشهد .. وتخوفهم الذي جعلهم يظنون بأنهم إن لم ينجحوا الآن فقد أفلتت منهم الفرصة للأبد
جعلهم يبتكرون كل المعارك التي تسببت ونجحت بالفعل في العبث وتعثر الفترة الانتقالية .. والتي ظنوا بأنها كلما طالت كلما كان هذا مناسبا جدا لهم لكسب مواقف واكتساب شعبية يفتقدونها

الفلول ومنظمي الثورة المضادة أجادو تنظيم صفوفهم في فترة التعثر هذه ووسط تشرذم وتصارع القوى السياسية المتواجدةعلى الساحة كانت لهم صولات وجولات ناجحة كذلك

القوى الخارجية أيضا بدأت تسترد أنفاسها من هول صدمة الثورة التي أفقدتهم كنزهم الاستراتيجي كما صرحوا ..

المجلس العسكري كذلك الذي أراد ترضية الجميع ففقد تأييد الجميع .. بعد الاستفتاء والاعلان الدستوري لو كان التزم بهذا المخطط ولم يسع لحل وسط يرضى جميع الأطراف لكفانا الكثير من اللغط والعبث
اذا نقول بأن سبب كل هذه الأحداث والمرض الذي نعاني منه يتلخص في كلمة واحدة
الفوضى
فوضى سياسية وإعلامية وشعبية
فوضى سياسية جعلت البلد بلا سلطة تشريعية ولا تنفيذيه لفترة كبيرة لا تتحملها البلد وسط شعب متنوع المشارب والاتجاهات والانتماءات والديانات
فوضى إعلامية جعلت المواطن البسيط حيرانا .. فهو يرىعلى إحدي القنوات رأيا مقنعا جدا وبمجرد الذهاب لقناة أخرى يجد رأيا مناقضا تماما والعجيب أنه مقنع جدا أيضا
فوضى شعبية تمثلت في المظاهرات والمطالب الفئوية التي أشبه بثقوب متكاثرة كلما سددت أحدها تضاعفت هي في أمكان أخرى

اذا ما الحل ؟
الحل هو التخلص سريعا من هذه الفترة الانتقالية والمجيء بحكومة لها خطط ورؤية استراتيجية ويمكننا محاسبتها بالفعل
الحل هو رؤية المخطط الفعلي وإفشاله بكل السبل وعدم الاندفاع الانفعالي خلف حدث أو أحداث مقصود بها تماما اثارة كل مشاعر الغضب والخوف والارتباك لديك ليعمي عينيك عن الهدف الحقيقي
الحل هو التخلص من المشاعر الآنية ونحكم عقولنا

فالقوى الخارجية تريد التدخل بحجة الحماية للأقليات الدينية
والفلول يناسبهم جدا هذه الأجواء للعمل المنظم في إفشال الثورة
والليبراليون والعلمانيون واليساريون يناسبهم جدا هذه الأجواء التي تؤخر اختفائهم ولكسب مواقف وأرض جديدة بين الشباب

وبصراحة انا حاسة ان التفكير بالطريقة دى منطقى جدا

كلنا خسرانين يا مصريين

كلنا خسرانين

جمال اللغة العربية

2011-10-09T01:16:00.000-07:00

من جمال اللغة العربية وفلسفتها

أنها تحترم أذهان سامعيها وتحول القبح في الأشياء إلى جمال كنوع من التفاؤل بالخير..

فالعرب قديماً كانوا ينادون الأعمى بـ"البصير" ويسمون الأرض المهلكة بـ"المفازة".

أما العرب في العصر الحديث فتفننوا وتوسعوا في هذا الفن الجميل..

فالشؤم عند أهل مصر "مبارك"

والفاسد عند أهل اليمن "صالح"

والمخرب في ليبيا "معمر"

والمكروه عند أهل موريتانيا "عزيز"

أما في سوريا فإن من يتهرب من جبهة المواجهة مع العدو

ويواجه العزَّل من الأطفال والنساء والتلاميذ بالدبابات، فهو "الأسد" ذاته

أما اللبنانيون فحولوا نحس التقسيم الطائفي وشبح الحرب الأهلية إلى "سعد"

وفي السودان يسمون نذير الحرب والإبادة والتقسيم بـ"البشير"

أما معطل دور العبادة في تونس فليس بعابد فقط، وإنما هو "زين العابدين"

اللهو الخفى

2011-09-26T00:32:00.000-07:00

فى الاول اعذرونى وسامحونى عن الانقطاع عنكم جميعا

بشكر كل اللى سال عليا وبشكر اكتر كل اللى ما سالوش برضو دووول صحابى وحبايبى

النهاردة هنتكلم عن موضوع اسمه اللهو الخفى

والمقصود منه مش واحد اسمه لهو وما بيظهرش فيبقى اللهو الخفى

لاء المقصود بالكلمة دى هو ان كل واحد مننا جواه اللهو الخفى ده وغالبا بيتحكم فى اغلب تصرفاتنا

اللهو الخفى ده عبارة عن " الامراض النفسية الخفية "

مش بس الناس اللى موجودين فى المصحات النفسية هما اللى فيهم امراض نفسية او حتى عصبية

كل واحد مننا جواه حاجة اثرت عليه فى حياته ولسة بتاثر على تصرفاته

زى مثلا واحد عضه كلب وهو صغير

هيفضل طول عمره بيخاف من الكلاب

واحد اخنه مستخبياله فى الضلمة علشان تخضة وتقوله "بــــــــــــــــــــــخ"

هيفضل برضو طول عمرة بيخاف م الضلمة وهكذا

تعالو نشوف الاسباب الحقيقية للامراض الخفية دى

ولا : أسباب حيوية مثل :
الوراثة والبنية والإصابات والعاهات والتشوهات الخلقية.

ثانيا : أسباب نفسية :
الحرمان والصراع والإحباط والعدوان والخبرات السيئة الصادمة.

ثالثا : أسباب إجتماعية مثل :

1- نوع التربية والضغوط والمطالب التى تسود فى البيئة الإجتماعية التى يعيش فيها الفرد.
2- تدنى المستوى الإجتماعى الإقتصادى وإنخفاض مستوى التعليم.
3- الثقافة المريضة حيث التعقيد الثقافى ورفض الثقافة التى يعيش فيها الفرد.
4- اضطرابات التنشئة الإجتماعية مثل :
( سوء التوافق الأسرى )
** حيث تضطرب العلاقات بين أفراد الأسرة **
( سوء التوافق المدرسى ) ** ( سوء التوافق الإجتماعى )
** حيث المجتمع الذى يسود فيه الحرمان والفراغ وعدم الأمن وصراع الأدوار والتسيب **
(سوء الأحوال الإقتصادية )
** الصحبة السيئة ورفاق السوء : حيث هؤلاء قد يورطون الفرد فى السلوك المنحرف **
( الضلال )
** ويتضمن ضعف الإيمان والإنهيار الخلقى **

هناك أعراض نفسية وأخرى إجتماعية
الاعراض النفسية :
تتمثل فى إضطرابات الإدراك واضطرابات الأنفعال واضطرابات
الذاكرة واضطرابات الكلام واضطرابات الإرادة واضطرابات
الانتباه واضطراب المظهر العام .
الاعراض الإجتماعية :
فتتمثل فى قصور النضج وسوء التوافق الإجتماعى وعدم القدرة على
مقابلة مطالب البيئة والشعور بالرفض والحرمان وعدم الأمن وسوء فهم الآخرين .
لذا بعد أن عرفنا نبذة مختصرة عن أسباب الأمراض النفسية الإجتماعية
ومدى تأثير الأسرة بصفة خاصة على نفسية الطفل وتأثير المدرسة
والعمل الغير مناسب والرفاق ...
هناك بعض النصائح للوقاية من الأمراض النفسية الإجتماعية وهـى :
1- فهم طاقات الفرد وتنمية قدراته النفسية والإجتماعية وتقبل أوجه قصورة .
2- عدم استخدام وسائل العقاب الخاطئة التى تسبب تجريح للطفل
وتكوين مفهوم سالب لذاته مثل العقاب البدنى واللفظى .
3- إمداد الفرد بالخبرات التى تكفل تحقيق ذاته , وترشيد وقت فراغه .
4 - إعداد برامج إرشادية تتناول عملية التنشئة الإجتماعية وأساليب الرعاية الوالدية السليمة .
5- توفير فرص العمل وضمان التوافق المهنى .
ملحوظة : لم يولد المجرم مجرم بالفطرة ولم يولد المغترب مغترب
ولم يرغب يوما ان يكون العدوانى عدوانى إنما فعلوا به ذلك والداه
فى تربيتهم الخاطئه له وعدم اعطائه مشاعر القبول الحب والأمن
أو خبره صادمه لم يتحملها فقرر أن يتغير فى مواجهه الدنيا ...
لذا علينا أن نسارع بإرشاد الأباء بالطرق السليمة فى تنشأة أبنائهم .
ومن لم يتطلع أن يربى ويعطى الأفضل
ألا ينجب ويعذب أبناءه

2011-06-27T23:58:00.000-07:00

نمر بحالات متغيرة في حياتنا فتنقلب رأساً على عقب
نفقد القدرة على التواصل مع الأخرين ،

نفقد القدرة على التمتع بما حولنانفقد القدرة على إصلاح وضعنا

ربما لأننا ندور في حلقه مغلقة‬

مدرسة الحياة

2011-06-07T01:57:00.000-07:00

تعلمت ان الحياة بها اكثر من لون فيجب التعامل مع كل لون

واننا احيانا لانرى المميزات التى نمتلكها فليتأمل كل شخص ما بداخله

وان نقرأ كل شخصية حتى نتقن التعامل معها

واننا احيانا ننزلق وراء الاهواء فلنتعقل قبل البدء‬

أكبر خطأ

2011-06-01T23:44:00.000-07:00

إن الخطأ الأكبر أن تنظم الحياة من حولك وتترك الفوضى في قلبك‬

من يتجاهلك ويتكبر عليك لا تنفعل من اجله .. واستخدم القاعده المكتوبه على <<مرايا السياره>>...
(الاشياء التي تشاهدها اصغر مما تبدو عليه في الواقع)

امراة تقطع عضو رجل

2011-05-31T23:34:00.000-07:00

قالت مصادر الشرطة في جنوبي بنغلادش إن امرأة قامت بقطع عضو رجل تقول إنه
حاول الاعتداء عليها، وأخذته معها الى مركز للشرطة كدليل إدانة.
ووقع الحادث في قرية "ميرزابور"

على بعد 200 كم جنوبي العاصمة داكار.

وقالت مونجو بيغوم، وهي سيدة متزوجة في الأربعين من عمرها، إن جارها

، مزمل حق مازي، اقتحم كوخها وحاول الاعتداء عليها.

وقد نقل مازي الذي ينفي التهمة الى أحد المستشفيات.

وقال المتحدث باسم الشرطة، أبو الخير، لبي بي سي "سوف نعتقله فور تحسن حالته الصحية"، وأضاف "تقول إنه حاول اغتصابها، وأحضرت عضوه الى مركز الشرطة لإثبات ادعائها، وقدمت شكوى ضده".

ومضى المتحدث قائلا "هذه حادثة غير مألوفة، وهي المرة الأولى التي نتعامل فيها مع حالة كهذه".

"انتقام"

وقال المتهم انه كان على علاقة بالمرأة، وإنها طلبت منه مؤخرا الانتقال الى العاصمة "دكا" والاستقرار هناك.

ويضيف مازي أنه رفض وقال لها انه لا يستطيع أن ينفصل عن زوجته وأطفاله، وإن المرأة لجأت إلى قطع عضوه انتقاما منه.

وقال بروفيسور شرف الزمان وهو جراح في أحد المستشفيات في بلدة "باريزال" لبي بي سي إنه لم تكن هناك إمكانية لإعادة العضو الى مكانه، وأضاف "أحضرت الشرطة العضو بعد ساعات من قطعه، ونحن الآن نعالجه حتى يتمكن من التبول دون الحاجة الى عضوه".

امانة الفتايات

2011-05-20T12:28:00.000-07:00

الاول باركولى على ايه

مش عارفة

باركولى على حاجة مش فاهماها اصلا

باركولى انى هبقى مسئول الامانة العامة للفتايات للحزب " العلم والعدالة "

وما حدش يسالنى يعنى ايه

هو كل اللى انا اعرفة انى بقيت بتاعت الامانة للفتايات فى الحزب ده

هعمل ايه بقى ولا ايه مسئولياتى

ولا اى حاجة

انا صفرررررررررررر فى السياسة

وكل ثقافتى بطبيعة شغلى ودراستى بتعتمد على حسابات 1 + 1 = 2

اى حاجة عندى تتحول لارقام

عشان اعرف اتكلم

لكن النظرى والنحوى والكلام الكبير اللى انا اتفاجئت بيه ده

لا افقه فيه شئ

بس نتعلم

هحكيلو القصة

راحة اوصل امانه " ظرف مغلق " يحتوى على طلب يريد صاحبه ان يوقع عليه المحافظ " محافظ الشرقية "

هوصل الامانة للدكتورة سحر عتمان اللى هى بسم الله ما شاء الله واصلة اوووى فى المحافظة ومرشحة فى الانتخابات وحاجات كبيرة كده انا ماعرفش فيها

بس انا على علاقة طيبة بيها

بديها الظرف

لاقيتها مسكتنى ومش سايبانى

تعالى يابشمهندسة انتى جيتى فى وقتك اعملى لينا لوجو يمثل الحزب بتاعنا

حزب ايه بس يادكتورة انا ماعرفش اى احزاب ولا ليا فى السياسة

لاء ابتكرى لوجو وشعار

طبعا كان معاهم مهندس تانى ساهم فى ابتكار اللوجو وانا بقى قلت لكمة وطلعت فى الجوووون

وبقى شعار الحزب

والكلمة هى

مصر دائما افضل

ياااااه

مجرد ما قلتها

انتى هتمسكى معانا فى الحزب امانة

بس احضرى معانا اجتماع الحزب

امانة ايه دى

امانة الفتايات

بتعمل ايه انا مش فاهمة

بس افكر

وقد كااااااااااااااااااان

حد بقى يفهمنى ايه امامة دى

وباركولى لانى برضو يعتبر بقيت سياسية وكده يعنى وعقبال عندكو كلكووووو

عجبى على البشر

2011-05-16T00:59:00.000-07:00

مـن ڪــــــۈآرَث ٱلبــــــشّر . . . !
شخــــــص تضعه في عيــــــنيڪَ فيعميــــــك . . . !
وشخــــــص تضــــعه تحــــــت قدميــــــك فيرفعك

عجبى

قبل الجواز وبعده

2011-04-18T04:24:00.000-07:00

قبل الجواز

هو : يااااه أخيرا الحلم هايتحقق ..

هي : عاوزني أبعد عنك .... ؟؟

هو : لأ.. و إوعي تفكري في كده

هي : إنت ... بتحبني ؟؟

هو : أكييييييييييييد

هي : طاب عمرك خنتني قبل كده ؟

هو : لأ طبعا .. بتسألي ليه ؟

هي : طيب ممكن تديني بوسة ؟

هو : طبعا.. و على خدك كمان

هي : طيب تفتكر إنك ممكن تضربني في يوم من الأيام ؟

هو :لأ طبعا ... انا مش النوع ده من الرجالة .

هي : ممكن أثق فيك ؟

هو : أيوه...
*************************************

لو عاوز تعرف اللي بيحصل

بــــــــــــعد الجـــواز

اقراها من تحت لفوق
وعجبى !!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!

حان الان موعد ...................الفراق

2011-04-13T05:58:00.000-07:00

لسة بتخاف م الفراق

ولا بقيت بتتمناه

فاكر زمان لما كان بيحكم علينا الزمان بالفراق لايام

كانت بتعدى علينا اصعب ايام

كانت ايام وبتفوت وفى كل لحظة تعدى كنا بنموت

لكن دلوقتى الفراق وانت معايا بقيت حاساه

قولى صحيح انت دلوقتى بتتمناه؟

هقولك انا

حبيتك من كل قلبى

وقلت هكمل عمرى وانت جمبى

وهعمل عشانك كل اللى ربنا يقدرنى

وقلت حياتى من غيرك ده شئ يزعلنى

وعمرى ما اتخيلنى وانا فى حياتى غيرك جمبى

لكن مع كل الحب اللى ليك فى قلبى

انا مش هكمل عمرى وانت جمبى

انا اللى بقولها قبل ما منك اسمعها

انا اللى هحكم بيها قبل ما يتحكم عليا بيها

ع الاقل لو هتعذب يبقى عذابى من نفسى على نفسى

مش عذابى منك لقلبى

صدقنى علاقة صداقة بينا كانت احسن من دلوقتى

ع الاقل كنت بعرف اخبارك وبعرف اشاركك برأيي

معلشى

اعذرنى

مش هقدر اكمل معاك بقيت عمرى

رسالة صبر ( كوبى وباست)

2011-04-10T05:46:00.000-07:00

لا تعتمد علي سعة صدري وقوة تحملي وتُفرط في جرحي فكل شئ في هذه الدنيا قابل للنضوب حتي الصبر.

منقول من صاحب السفينة الرائعة

سندباد التدوين

بطحته بلاش قتلته

2011-03-30T04:02:00.000-07:00

لكل المعلقين على الموضوع اللى فات

بس بجد

بجد هو اللى استفذنى اووووى

الموضوع مكنش واضح بالنسبالكم

وانا قصدت عدم التوضيح عشان اشوف ردود الافعال بتاعت اصدقاءى المدونين

الموضوع وما فيه

انى كنت ماشية فى يوم فى الشارع راجعة م الشغل زى كل يوم وواحد صايع فضل ماشى ورايا بيعاكسنى

رحت منفضاله

لاقيته وقف جمبى

رحت باصة الناحية التانية

لاقيته بيعاكس بقى ويقول كلام مش لطيف

رحت ماسكة قالب طوب كبييييييييييييييييييييير كبير اوووى

ورحت مدياه فى وش امه

فاتعور

شفت انا منظر الدم اتخضيت

رحت شاتماه وقايلاله ابقى احترم نفسك احسن

راح غار فى داهيه

فقررت بقى انى بعد كده اى حد هيستفزنى هناوله باى حاجة فى وشة

او ممكن بعد كده امشى بمطوه فى جمبى

او اشترى جهاز مانع التحرش

او اعمل اى حاجة فى اخرها اشوف منظر دم اللى بيعمل كده

بجد كانت متعة وانا شايفة منظر الدم على وش الراجل ده

عشان كده انا قتلت جوايا براءة وقتلت جوايا طيبة وقتلت جوايا كسوف واحراج

واتولد جوايا حب انتقام

وبقيت بحب اللون الاحمر اووووى عشان لون الدم

وبقيت اكره اللون الابيض

عشان بيدل على النقاء اللى انا حاليا بسميه هبل

معلش لو فهمتو غلط بكلماتى فى البوست القديم

ومعلشى على موجه اللى بقيت وسطكو وهى جواها كده

بس كده احسن

قتلته.....

2011-03-27T23:33:00.000-07:00

هو اللى جابه لنفسه

هو اللى يستاهل

واكتر من كده كمان

ولو رجع بيا الوقت

كنت اتفننت فى رسم دمه وتوزيع لحمه

واى حد يبقى زيه هيبقى جزاءه اسود منه

الانسان والكوباية

2011-03-24T01:20:00.000-07:00

النسبة بين الانسان والكوباية

احنا بنشرب فى كوباية بمكن لو كانت كبيره هتبقى طولها 15 سم وقطرها 7 سم

يعنى نسبة حجمها لحجمنا تقريبا فى حجم كفة الايد

طيب

عمر حد تخيل ولا فكر لو فى عملاق جه دخل البلاد هيبقى شكل الحياه ازاى

ولا حد تخيل ايام زمان كان الانسان عملاق اكتر وكان بنيان جسمه اقوى

طب العمالقة دووول بيعيشو ازاى

ده اللى انا تخيلته

العمالقة محتاجين يشربو فى ايه

حله غسالة عادية مثلا

او ممكن برميل من اللى بيعملو فيه الخرسانة

النسبة بين حجم الكوباية والبنى ادم ممكن تساوى النسبة بين ماسورة قطرها 10 متر وطولها 25 متر "زى مواسير المجارى بس مقلوبة لفوق) وبين طول العملاق

وياسلام لما تشوف نفسك جمب الماسورة دى اد الفار

وفجأة

تلاقى الماسورة الضخمة دى حد شايلها زى ماحنا بنشيل الكوباية

طب احنا هنبقى اد ايه بالنسبة ليهم

هنبقى اد النمله مثلا

؟؟؟؟؟؟؟؟

والطيارات بقى الكبيرة اوووى دى تبقى زى الناموسة العملاق يهشها من على وشه هش زى الناموس

ياااااااااااااه

واحنا بقى هنكون خدامين وعبيد عند العمالقة بنطبخ لهم فى حلل كبيرة زى حلة المية بتاعت شركة مياه الشرب كده

ويجى العملاق ينام بقى ياسلام لما ييجى ينام

يمدد رجله من بولاق لحد المنوفيه

تعالو بقى لو حب العملاق يستحمى

ده ممكن يغطس فى البحر الابيض بتاعنا كانة بيغطس فى بيسين عمقه 3 متر

الحياه هتبقى صعبة اوووى

هنمووووت اكيد عشان مش هنلاقى كوبايات على ادنا

هتبقى كوبايات كبيرة اوووى نيجى نشرب نغرق فيها ومانقبش

يلا بقى

الخيال ده جالى بسبب السندباد

كنت بتفرج ع كرتون السندباد وشوفت العملاق شايلة من القميص بتاعة زى ما يكون شايل فار مسلوخ والسندباد عمال يرفص ويصوت

والعملاق ولا سامعة اصلا

معذرة لسندباد التدوين القصد مش عليك خالص

ده تهييس

ياتهيس معانا يا تهييسس لوحدك

المهم انك هتهيس

عادى تخاريف موجه

شوفووو الفرق

2011-03-18T10:28:00.000-07:00

البنت .... رقة ..... وعذوبة ..... وجمال ..... واتيكيت ..... وحنان

شوفو الفرق بين كده وبين

الولد ..... خشونة ..... تكشير .... عجرفة ..... وقسوة

الفرق ده بيظهر حتى فى طريقة الاكل

هو صحيح الاكل عورة لابد ان تستر وده عن حديث نبوى شريف

" الاكل والنوم عورتان فاسترهما "

بس البنت تحب تبص لها وهى بتاكل اما الولد ............... يععععععععععع

نشوف ازاى بتأكل البنت

1-تغسل ايديها بصابون لوكس.. وتنشف بكلينكس...ده قبل الأكل طبعاً.

2-تمشي بخطوات هادئه لحد ما توصل للسفرة .

3- تزحزح الكرسي ورا بكل رقه وتقعد عليه بحنان ... وإذا كانت قعده عربي..تقعد على السفرة كالحورية..

يعني تثني رجليها لليسار وكنها بتطيح على جنبها...

4-تمسك الملعقة بهدوء... تبص ليها كويس عشان تتأكد أنها... بتبرق بتلمع .

5- تقول بصوت ناعم "بسم الله"

6-تبدأ بأكل السلطة حتى تفتح شهيتها.

7-تغرف الرز بالملعقه بحيث لايتجاوز عدد الرزات التي شالتها المعلقة 17حبة بس .

ما تسالونيش اشمعنى 17

عديتيهم يعنى يا عبير

اه طبعا مش بنت وباكل زى البنات

نكمل

8-تمضغ الاكل كويس من غير أي صوت.

9- لما تخلص اكل تحط الملعقة جانباً... وتقول " الحمد لله "

10-تقوم بنفس الهدوء الذي قعدت بيه ... وتروح تغسل فمها وتتعطر علشان

تروح ريحة الزفاره...

نشوف دلوقتى بقى الشباب

1-يصحى من النوم رايح فى وشه علطول ع السفرة مباشرة وهو مشمر دراعينه .

2-يقعد على السفره وكأنه وقع من السماء " زى نيزك".

3-يدخل ايده كلها في طبق الرز وسايب بين كل صباع والثاني

مسافة 2سم.

4-يخرج ايده بعنف من الطبق.....إنتم عارفين بقى ازاى يطلعها.

5-يرمي باللقمة الى بقه المفتوح 15سم.

6-يمضغ الرز بطريقة تجعلك تقول................يع.....

7-يأكل السلطة بعدما يقضي على الرز واللحمة.

8-يقوم بسرعة الصاروخ وفي ايده علبة سفن أب أو بيبسي " أهم شئ يشرب"

9-يظهر صوتاً بشعاَ جداً .

10- يمسح يده في ثوبه..مخلفاً ورائه دمار شامل..

.........................

لكم الحكم فى الفرق

الزواج عام 2020

2011-03-09T23:47:00.000-08:00

تقدر تتخيل الجواز بعد 10 سنين او اكتر هيكون ازاى

كل واحد فينا هيتخيّل حاجة مختلفة عن التاني،

وبصراحة كده ده تخيل واحد ضحكنى وقلت انقلهولكو

تخيّل الزواج عام 2020.. يمكن يكون كده ويمكن لأ..

بيرن جرس الباب يروح صاحب البيت يفتح يلاقي الجماعة جايين على الموعد بالظبط،

الجماعة اللي همّ الشاب واسمه “سمير” وإمه وأبوه، جايين يخطبوا البنت واسمها “سارة”

… بيرحّب بيهم أبو سارة، وبعد السلام والكلام ومرحبا فيكم وكيف الحال، وبدور الحوار التالي:

**************************************************************

أبو سارة: ها يا سمير، بتشتغل ايه يابنى ؟
سمير: انا بشتغل في مجال الانترنت.

أبو سارة: مُبرمج يعني؟ ما شاء الله.. ممتاز.
سمير: لا يا عمّي انا مش مبرمج.

أبو سارة: أكيد مُصمّم غرافيك بقى .. المجال ده له مستقبل كبير.
سمير: لا عمّي انا حاليا مشرف منتدى الأغاني في موقع “كراكيب دوت كوم” وقريباً هأمسك إشراف منتدى المسلسلات التركية في موقع “سلامتك من الهسهس دوت نت”.

أبو سارة: مشرف ازاى يعني؟
سمير: يعني انا بضيف مواضيع وبحط أغاني وبعمل اشتراكات بأسماء وهمية عشان أحرّك المنتدى وكده يعني.

أبو سارة: والله منا فاهم حاجة .. يعني بيدفعولك اد ايه فى الشهر في الشغل ده ؟
سمير: لا يا عمّي أنا اللي بدفع لصاحب المنتدى عشان اكون مشرف.. بس قريباً هافتتح المنتدى الخاص بتاعي.

أبو سارة: ومنتداك الخاص هيكون مكتبه فين ؟
سمير: حالياً من البيت ولما الله يفتحها علينا بستأجرله مكتب.

أبو سارة: المنتدى ده هتستفيد منّه فى ايه ؟
سمير: ازاى هأستفيد منّه ؟ ده سؤال ياعمى..؟!.. انا هأفتح المنتدى وأحط فيه برامج ومسلسلات وألعاب والأعضاء هيشتركوا فيه ويبقى منتدى مشهور جداً.

أبو سارة: يعني العضو هيدفع كم اشتراك؟
سمير: لا يا عمّي.. العضو مش هيدفع اشتراك.. أنا هدفعله عشان يشترك.

أبو سارة: لا حول ولا قوة إلا بالله.. يعني مصدر رزقك منين يا بنى ؟
سمير: لمّا يكبر المنتدى وأنشره على فيس بوك راح تيجيني إعلانات بالهبل.

أبو سارة: والله منا فاهم حاجة .. طيب انتا محوّش كم؟
سمير: أنا يا عمّي ومش عايز أخبّي عليك، عندي حاليا 99 دولار في Google Adsense ووعدوني يبعتولي الشيك بعد شهرين وده هيكون وضعي المادي ممتاز، حتى اذا عايز بجيبلك براءة ذمة من Paypal.عشان تتاكد

أبو سارة: يارب عدى الليلة دى على خير بس.. طيب انتا عرفت سارة بنتي منين ؟
سمير: تعرفت على سوسو بالـ Facebook، وكنا نبعت مسجات ونعمل لبعض poke أحيانا..

أبو سارة: ويعني معرفة النت بتكفي انك تيجي تخطبها؟
سمير: آآآه يا عمّي.. ما انتا مش عارف.. انا جبت 80% في الـ quiz بتاع سوسو.

أبو سارة: وايه هو الـ كويز ده ؟
سمير: معقول يا عمي ما تعرفش كويز Do you know me? على Facebook؟

أبو سارة: لا معرفوش.. وبعدين مين سوسو دى ؟
سمير: يا الله يا عمي.. معقول كمان ما تعرفش ان سارة اسمها سوسو على Facebook؟

أبو سارة: لا معرفش انو سارة اسمها زفت.
سمير (بكل بُرود): انتا زعلت يا عمي؟

أبو سارة (بعصبية): تعرف لو فضلت قدامي كمان 10 ثواني انا هعمل فيك ايه ؟
سمير (بإبتسامة غبية): أكيد هتضيفني على facebook وتكتبلي على الـ wall بتاعي، صح؟
أبو سارة: براااااااااااااااا.

طبعا أبو سمير وإمّه اتكسفو من ابنهم ومشيو بعد أول سؤالين

3عادات سيئة للنساء

2011-03-07T00:57:00.000-08:00

الإلحاح الدائم.

وهى دى أول عادة سيئة بيصوت منها  كل الرجاله.

 مافيش مشكلة أنك تفكريه بحاجة مهمة أو عمل 

ولكن 

لا تكونى مزعجة طوال  اليوم، لأنه اكيد سمعك أول مرة ولكن ممكن ماجاش  الوقت المناسب للرد او لعمل الشئ .

 الرجاله ما بيحبوش أن يتابعهم حد بالطلبات وخاصة بأسلوب الالحاح  اللي  بتتبعه الكثير من السيدات. 

لتستعيدي حبه واحترامه وثقته بك توقفي عن عادة اللالحاح  الدائم.

محاولة التغير.

احسن طريقة للمحبة الصادقة هي قبول  الشخص كما هو وليس كما تحبينه أن يكون.

 عادى ممكن  تقدمى النصائح أو  توجهيه لحاجات معينة،

 لكن 

ما تحاوليش انك  تحطيه فى قالب خاص وتعملى منه نسخة منك أو نسخة من رؤيتك المثالية.

محاصرته.

ممكن تكونى متعلقة بيه لدرجة أنك مابتقدريش تسيبيه يروح بعيد عن عينيك

 أو دايما تحاولى  حشر نفسك في  خططه،

 اكيد هيشعر بالانزعاج.

 سيبيله مساحة من الحرية الشخصية لتبقى العلاقة صحية. 

المحاصرة  في المنزل وخارج المنزل ممكن تسبب لك مشاكل في علاقتك به.

اذا لكل السيدات

ابتعدو عن

الالحاح 

محاولة التغيير

المحاصرة

خد بالك

2011-02-17T05:58:00.000-08:00

الدنيا بتخرب مش بتتصلح

الوقت مش فى صالحنا

العرب كلهم انشغلو داخليا

وسابو حدود بلدهم للاغراب

نشر فى صحيفة اسرائيلية

" اسرائيل تسمح ل 700 جندى مصرى بالتواجد داخل سيناء"

" اسرائيل لا توافق على زياده عدد الجنود المصريين فى سيناء"

هنفووووق امتى

لما نبص نلاقى ناس اغراب هم اللى فى البلد

وهم اللى بيتحكمو فينا

لما ناخد على دماغنا من الاجانب الامريكان وغيرهم وغيرهم

هنشتغل امتى

وهنشتغل فين

فى ملكنا وارضنا

ولا فى ملكنا وارضنا بتحكمات غيرنا

بلاش نعيش ايام ماجربنهاش

وهى ايام الاحتلال

كل واحد مابقاش يعرف يعمل حاجة غير انه يتبطر على رئيسة

ويعمل مظاهرات

هى دى المرجله يارجاله

هى دى مظاهر الحضارة اللى حاربنا عشانها

هو ده الاصلاح اللى مات كتير عشانه

انك تعلى صوتك وتتكلم بهمجيه وتوقف اقتصاد بلد كاملة

دوله بحالها

دى البلد بقيت سايبة

مبقاش ليها كبير

هنكبر لمين وهنسمع كلام مين

اضراب السواقين

اضراب العمال

اضراب موظفين

اغلاق البنوك

ايه هنقف امتىىى

حد يجاوبنى اخرتها ايه؟؟

اشمعنى الكلام ده مش موجود الا فى الدول العربية فقط

ليه ماسمعناش عن الحاجات دى فى اى دولة اجنبية

اقولكو ليه؟

عشان الفتنة مستهدفة البلاد المسلمة فقط

بما فيهم ايران

حتى لو مش عرب

بس فيهم مسلمين 

حتى لو شيعة

الامريكان واسرائيل ماتعرفش غير ان ملتهم الاسلام

الفتنة دى منظمة ومرتبه ولها هدف

ياريت نفوق

وزى ما كنا شباب 25 يناير اللى ابهرنا العالم بصمودنا وبقوتنا

لازم نكون رجالة وجدعان كمان فى اننا نتصدى للخراب ونقف فى وشه

ونقوله الدول العربية مش هتخرب

مصر مش هتخرب

بس نقف وقفة رجالة شباب واعى فاهم عارف عدوه اللى بره زى ماعرف عدوه اللى جوه

يلا يا شباب ايدينا فى ايدين بعض

ونبدا بالتغيير

يلا كلنا يبقى لينا دوووور

كل واحد يبدا بنفسة

ويقول للى يعرفه

اشتغل واتعب وانتج واعلا واسبق كل خطوة بالف ميل

عشان اللى عاش فى الايام دى يعلم اولاده اللى جايين اننا رجاله فى 73 ورجاله فى 2011

............ .... .. ؟ امى

2011-02-12T01:38:00.000-08:00

ما حدث لا يصيبنى الا بنوبه كبيرة من الصمت المدهش

وما سيحدث لا اعلم الى اين سيذهب بنا

سيذهب الى مستقبل مشرق ومضئ بسواعد ابناء مصر الشرفاء

وبعقليه شباب 25 يناير الابرياء

ام سيبدأ بنا التاريخ من جديد ليعيد نفسه مرة اخرى

هذه المقولة احسستها فى هذه ايام الا وهى

التاريخ يعيد نفسه

الى اين ستذهبين يا امى ؟

من ينتظر ان يجنى منك حنانك وحبك وامانك وثمار ابناءك

اتمنى ان تذهبى الى الجنه المنتظرة ولا تشردى بنا بعيدا

يا امى

يا اغلى ما عندى

يامن املك ولا املك سواكى

انتى الوطن وانتى الاهل

من لى سواكى يحتضنى فى ازماتى

فاذا اصابك مكروه

اين اجد لى اما اخرى تحتضننى مثلما احتضتنى وكبرتنى وعلمتنى وحافظتى عليا

عودى لنا سالمه غانمة امنه مطمئنة

يا مصر

يا حبيبتى

يا أمى

مصدووومه

2011-01-12T11:05:00.001-08:00

اعز اصحاب

اصحاب ولا بيزنس

بيزنس مع اليهود

فلوس مع التيوس

تيوس ملت البلد

البلد نايمة نوم العوافى

عافيه زيت خالى من الكوليسترووول

كوليسترول مضر بالصحة

صحتك امانة فى ايديك

الامانة ضاعت

اذا ضاعت الامانه ابشروووووو

القيامه حق والموت حق

حق انا بقول ايه

انا مش بقول الشاعر هو اللى بيقول

انا شارب سيجارة بنى

كتاكيتى بنى بنى ماتو كلهم

وكما قالت المصدومة:

مصدومة بجد ومش بنطق ولا عارفة ارد

وكما قال عم وسوووف الخمرجى:

يفيد بايه الندم القلب ياما انظلم

يلا بقى

هى ايه الصورة اللى فوق دى

ولا ليها اى مكان هنا

بس مكانها فى قلبى

تخاريف موجه

اكيد مش ده الحل

2011-01-08T06:57:00.000-08:00

يوم 3/1/2011

الاتنين اللى فات

واليوم اللى بعده

القاهرة ولعت

حد سمع حاجة

ما اعتقدش

انا بقى سمعت وشوفت كمان

مش معنى انى غضبان اتصرف بهمجية

ومش معنى ان ليا حق اضيعه باديا وبالعصبية

مش بالهتاف هيرجع حقى اللى انهدر

ولا بالزعيق هقدر اسيطر على كل اللى اتظلم

اكيد مش ده الحل

مش بالمظاهرات اللى عطلت مصالح الناس يوميها

ومش بالاعتداء على ناس مالهمش ذنب غير انهم كانو فى الشارع ده فى الوقت ده

ذنبه ايه واحد مروح من شغله تتهجمو عليه فى عربيته وتكسرو زجاج سيارته وتضربوه

عملكو ايه

يكونش هو اللى ولع فى الكنيسة فى اسكندرية

ذنبه ايه اب رايح يجيب بنته من الكليه يلاقى بنته بتعيط له فى التليفون وتقوله انا خايفة يابابا

ده مولعين فى كل حته هنا وبيتهجمو ع الناس

ذنبها ايه الست الحامل راجعة من شغلها عاوزة توصل بيتها بدرى تلاقى طريقها مقفول ومافيش مواصلات ع الطريق لان البهوات قافلينه ومولعين فيه

ذنبها ايه وهى حامل تمشى سبعة كيلو على رجليها

مافيش حتى موتسيكل ولا بسكلته توصلها

وتوصل لبيتها الساعة 11 بالليل

حرام ده ولا حلال

اقولكو

حلال

عارفين ليه

لاننا شعب همجى صوته عالى وبس

مابيعرفش غير يتكلم ويهلل لكن يعمل حاجة لاء

عارفين

احنا اللى بيحصلنا ده شويه علينا لاننا شعب اتسم بالتخلف

ماهو اللى يولع فى عربيات ناس ويكسرها ويقفل طريق عمومى يومين ورا بعض ومايبصش ان فى الشارع ناس مالهمش ذنب

اللى يعمل كده يبقى متخلف

ياترى بعد ما اتظاهرتو

وهتفتو

وولعتو فى الدائرى ومدينة نصر وصلاح سالم

ياترى بعد كل ده

جبتو الجانى عرفتو مين حرق الكنيسة رجعتو الكنيسة اللى اتحرقت

حكمة اتقالتى زمان

الصوت العالى من ضعف الموقف

وماتجيش تقولى

الحق صوته عالى

دى كناية عن قوة الحق يعنى اطلب حقك

مش تقفل الدائرى وتوولع فيه

بس فى النهاية

يبقى انت اكيد المصرى

زهايمر

2010-12-28T04:49:00.000-08:00

طبعا مش قصدى فيلم زهايمر لعادل امام

لكن انا اقصد مرض الزهيمر

الزهايمر يعتبر من أمراض العصر اللى هيكبر على مستوى العالم وهينتشر انتشار النار ع العلم

وده خلا أطباء الامراض النفسية والعقلية يعملو ثورة للاسراع بوضع خطة لمواجهة زحف المرض ده قبل أن يتسبب فى كارثة لايمكن السيطرة عليها

اسباب المرض وكيفية الوقاية منه:

حتى لاتصاب فى سن مبكرة بمرض " خرف الشيخوخة " أو " الزهايمر".

يتوقع أطباء الامراض النفسية والعقلية ان السبب فى انتشار الزهايمر هى الكثافة السكانية العالية التى تسود معظم الدول على مستوى العالم وبالاخص الدول النامية

زيينا كده

مصر دوله نايمة

بالاضافة الى ارتفاع نسبة الاشخاص المعمرين (العمر الطويل ليكو) يعانى معظمهم من أمراض متعلقة بالمخ.. أو أمراض نفسية أو عصبية أو وراثية..

يقول د. سعيد عبد العظيم أستاذ الطب النفسى بجامعة القاهرة و رئيس الجمعية المصرية للطب النفسى أن " الزهايمر" يصيب الانسان فى السن المتقدمة ويبدأ من 60 الى 70 عاما وأحيانا يصيب بعض الاشخاص فى سن مبكرة عن ذلك .

تظهر أعراض الزهايمر بتدهور فى الذاكرة القريبة المباشرة وليست الذاكرة البعيدة

, كمثال : شخص يصاب بالنسيان بسرعة عندما يتم مقاطعته أو تشتتيته فى أشياء أخرى فيحدث خلل فى المواضيع القريبة ولايحدث نسيان للمواضيع البعيدة زى عمنا اللى فى الصورد ده .

الزهايمر يصيب الخلايا بالمخ أى يحدث ضمورا أو موتا للخلايا ويكون بسبب ترسيب بروتينات زيادة فى المخ تؤدى الى موت الخلايا..

وتتطور الحالة بفقدان التمييز وعدم معرفة الاماكن وزيادة الوساوس و الهلوسة فتجد أن بعض كبار السن يقولو " دول سرقونى" أو يخرجو من البيت ومش فاكرين العنوان بسبب حدوث خلل فى الذاكرة..

ومن أشهر المصابين بمرض الزهايمر الرئيس الامريكى " رونالد ريجان " وأثير جدال كبير فى الاوساط الطبية بأمريكا بسبب عدم القدرة على علاج الرئيس الامريكى .

كم ان الاصابة بالمرض تختلف باختلاف نسبة زيادة المعمرين ففى الدول الاوروبية 25% من المجتمع

أما فى الدول النامية لاتزيد نسبة المعمرين على 7 أو 8 % لان متوسط العمر لايزيد على 65 عاما بسبب أن الدول النامية يكون فيها الانجاب كثيرا والموت يكون مبكرا

الزهايمر له أسباب كثيرة منها الوراثية, ويزداد الزهايمر عندما يكون المصاب به مصابا بأمراض أخرى مثل السكر والضغط المرتفع وأمراض القلب والبول السكرى أو أرتفاع نسبة الكوليسترول فى الدم والبدانة أو السمنة المفرطة فيحدث نزيف فى المخ لان شرايين المخ يحدث بها جلطات تؤدى الى عدم وصول الدم الى المخ وأحيانا يحدث نزيف متكرر بسبب الضغوط والامراض الاخرى سابقة الذكر.

ينصح بالامتناع عن التدخين وعلاج الامراض الاخرى وأهمها ارتفاع ضغط الدم والسكر والسكر البولى والقلب.. والبعد عن المأكولات " المحمرة " أو المحملة بالدهون ويرى أن الذى يساعد فى تقوية الذاكرة محاولة الحفظ والتجويد وعملية التدريب العقلى المستمرة.

او يستسلم بقى ويعمل فيلم جديد بدل فيلم عادل امام

نصيحه مهمة

اعذرو الناس اللى عندهم زهايمر زى حالاتى كده

هــــــــى.....كــــــــــــــــــــــــانت....وهــــــــو

2010-12-26T00:03:00.000-08:00

هى ....

عرفت معاه الحب والحنان وملا عليها الدنيا حب وسعاده .

أحبت رقته وشوقة وحنيته وجنانه وتخاريفة وخوفه على حبيبه

وتقديسة لبيته واسرته .

رضيت بحبه واتمنت قربه وزهقت من بعده .

خلاها هى كل دنيته وناره وجنته وامه وصحبته

كان قبلها حد مش عارف حاجة

بعد كده جتله موجه جنان من دنيته وعرف كل حاجة لدرجة انه من كتر ما عرف بقى ابو العريف بقدرتة

بس ليه بسرعة اتحولت الدنيا واتغيرت وماحافظش هو على هديته

هى...

كانت هديته

وكانت نارة وجنته

كانت بتمنى ضحكته وتبخاف من دمعته

دى وعدته واستنته

ياترى هى جننته؟ وخلته يضيع ضحكتها وضحكته

ياترى الدنيا عاندته؟ ومرضيتش تسيبه يستمتع بدنيته

رسمت دنيا ليها وليه وسعت انها تحقق له امنيته

لكن رجع تانى حد مش عارف حاجة وضيع من ايده كل دنيته

ماذا لو ..........؟؟

2010-12-07T04:15:00.000-08:00

ماذا لو قضيت يومك مع الحبيب تلهو وتلعب وتبكى وتفرح

ماذا لو اصبحت تعيش كل ايامك فى انتظار اليوم الذى سيجتمع فيه عصفورة قلبك بعصفورة قلبه

ماذا لو امضيت ليلتك مغمورا بالحب وحنان الذى لا يماثلة حنان اخر عشته من قبل

ماذا لو اقتنعت انك له كل الحياه وانه يعطيك حق التصرف فى كل الاشياء

لو قال ان البسمة والفرحة والحنان والامال والاحلام هى انت

لو اعترف لك ان الحلم الذى لا توجد به صورتك لا مجال للتفكير به

لو اعطاك كل الحق فى التدخل فى احلامة وتغيير مجرى حياتة وتحديد اتجاه مسار طموحاته

ماذا لو اتجهت لغرفة نومك وذهبت لتضاجع فراشك وتحتضن وسادتك وتكلم دميتك وتفكر فى اقوى المشاعر التى تعيشها فى حياتك

واعتقدت انك تصل لقمة الاحساس وانك تمتلك كل مفاتيح الدنيا وانك فى هذه الحياه فارس بلا جواد

راودت نفسك احساس العصفور الحر الطليق وهو يطير

شغل تفكيرك الذهاب الى مدن الاساطير

لتصنع يومك وترتشف من كاس الانطلاق الكثير والكثير

ماذا لو فجاة
اصبحت
بلا
حبيب
؟؟؟؟؟؟؟؟؟؟؟؟؟؟؟

وحشتووووووونى

2010-12-05T23:52:00.000-08:00

ماتزعلوش ياللى سالتو وياللى انتو ماسالتوش

غيابى مش بيدى والنت قاطع من عندى

بس حظى جميل اكيد لانى لاقيت نت فى جهازى اللى فى شغلى الجديد

وحشتينى _ المدونه بتاعتى _ غيابك كان صعب وعلى عينى

بأى حق

2010-10-12T11:04:00.000-07:00

مــــــــــــــــــــاذا تمتــــــــــــــــلك فيـــــــــــــــا ؟!

ومـــــــــــــــــن ملـكــك أمـــــــــــــرى ؟!

أى حق أعطيته ايــــــــــــــــــاك ؟!

أى حق هو لك حتى تتصرف فى حلمى ؟!

وطريقتك هذه ...... لا تعجبنى ....... ولا تروق لنفسى

بأى صفة تصف بها نفسك فى حياتى

بأى طريقة تتخذنى فى احلامك

أتتخذنى الصديقة ...... أم الحبيبة ..... ام كنت انا هى..." العشيقة "

أفـــــــى الـــــــظـــلام تبتــغيـــنــى ؟!

أفــــــى غموض تريـــــــدنى ؟!

أم فـــى أحلامك تمتــلــكـــــنــى ؟!

أعطيتك حق واحد ليس بيديا ان أسلبك اياه

حقك الذى اعطيته اياك...... هو الحلم .... فقط وليس سواه

من حقك ان تحلم .... فالاحلام ليست بيدى .. ولن احاسبك عليها

ولكن !!!!

ليس من حقك اقتحام حياتى ...... او دخول احلامى ...... وتدمير طموحاتى

الحب بنــــــــــــاااء وعطاء ...... وليس هدم وامتــــــــلاك

الحب رضـــــــاااء بحالى كما هو .... وليس تفصيلا لمــــا تريد كما تبغى او تريد

احــلــــم

وابحث فى احلامك عن دمـــــيه تصنعها لنفسك ..... وتفصلها كما تريد لتحقيق حلمك

أنــــــت ..... نعم ....... انه أنــــــــت !!!

أسلبك أى حق استحقته نفسك دوون اذن

أسلبك أى حلم تريدنى أن أشاركك إياه اعتداء وغصب

إخـــــــرج من حيـــــــاتى ..... وإبتعــــــد عن تدميــــــــر أحلامى

فــأنــــــــت .... لـســــت أنــــــت !! .. كما تخيلت وكما رسمت

ويبقى بيننا دائما وابدا ..... سلام فرضته أمتى علينا وفرضه علينا دينـــنا

فعليك السلام ومنك السلام ..... شـئـت ام ابــيــت !!!!

انا فى انتظارك

2010-10-01T06:41:00.000-07:00

تغيرت معك مبادئ إتخذتها لنفسى .... ومشيت على نهجها سنين طويلة من عمرى

تأثرت بكلامك .. وأسكرنى حمسك وإلحاحك .. وترقبت معك نفسى تحيا حياه جميله

إنه احساس لم أحسه من قبل ... ولا خطر ببالى للحظة انى سأكون ذات يوم إمرأه ضعيفة

ضعفى ... هو ضعف أنثى أحبت وهامت فى بحور عشق الحبيب

هذا الضعف كنت دوما أستنكره وأقول انه شئ عجيب

وطغت قوتى عليا حتى نسيت أن بداخلى ضعف الانثى عندما تجد الحبيب

جئت أنت لتظهر ذلك الضعف الغريب ... الذى جعلنى أحس إحساس مريب

فهذا لم يحدث لقلبى من قبل ... ولم تضعف نفسى يوما لأحد من البشر

كنت دائما أفرض على قلبى جـبـــروت ..... جبروت امرأه قلبها كان من الحجر

أغويتنى لحبك ... واستدرجت قلبى حتى ملكه عشقك

كيف فعلت بى كل هذا وحدك ؟! ... من كان يساعدك على أسر قلبى وإمتلاكه ؟!

أم كانت قوتى قوة وهمية ... أوهمت بها نفسى حتى تغطى على ضعفى ؟!

ما أجمل لحظات العشق التى تدوب لها نفسى ويرق لها قلبى

ويالها من كلمات تستهين بها قوتى وتهنأ بها مشاعرى

هذه اللحظات ... هذه الكلمات ... هى غذاء روحى ... غذاء مشاعرى

بها ينمو حبى لك

بها يزيد اشتياقى اليك ولهفتى عليك

يكبر ويزدان حبى لك نتيجه زياده وسرعة دقات القلب

أكره الانتظــــار .... وأبغض الغربة والرحيل .... العن فراق الحبيب عن بلادى

متى تجمعنا الايام وتأخذنا للقاء .... متى تقرب قلبينا حتى يسعدا بحب هادئ

قلبينا _قلبى وقلبك_ سيعيشان أجمل ايام العمر

تخيل معى ......................

عند الـلقـاء ...............................

من منا سيبادر بأخذ الاخر بين أحضانه

عند اللــقـاء ..............................

من منا سيبدأ أولا فى أظهار حبه وحنانه

عند اللــقـاء ..............................

من منا سيدفئ الاخر بنااار بااارده أحرقتها أيام الفراق وطفئتها لحظة لقاء

تصور ..................

ان عيني تدمع ........ تدمع حين أتذكر انك لست أمامى

عندما يرانى من ليس لهم الحق فى رؤيتى

ويكلمنى من لا اريد كلامه

والتقى بهم كل يوم .... كل صباح .... اراهم فى كل ايامى

عينى تدمع عندما أعرف أن بيننا مسافات طويلة ..... يجب لتخطيها مرور أيام حزينة

أقترب

وهلم

وهيا تعالى

فأنا فى إنتظارك

ولكن لا تغيب فإنما صبرى محدود

واتمنى ان يكون ممدود

خســـــــرت قلبــــــــى

2010-09-28T09:11:00.000-07:00

لن اعترف لك بانك كنت هوايا وانك كنت لى حلم

وان حبك كان يمثل ليا الحياه

واشتياقك كان بمثابة سراب يحسبه الظماان مااء
عند أول مرة رأيتك .... أحسست فى قلبى حبك ..... وزاد تقديرى واحترامى لشخصك

وقررت ان اقود لهوايا قلبك .... وأجعله فى لوعة واشتياق قربك ... حبى لحبك

وبدأت فى كل طريق يؤدى الى لفت نظرك

فعلت ما استطعت حتى احظى باهتمامك ... او احس بدفئك وحنانك

ولكن ما فعلت .... كان لا يكفى ليجعلك تنتبه ان هناك قلب يحبك

ويتمنى قربك ... ليته احس انه فى يوم سيرقص عند سماع كلمة منك

كلمة تحييه ... تجعلة باقى ... قادر على مواجهة كل شئ صعب ومؤلم

كلمة تخرج من قلبى كل الحنان .... كل الامااال ... كل الالام

فهذا كله قد وهبه قلبى لقلبك ... عقلى لشخصك .... احساسى لحبك

ترقبت من بعيد لآجدك تحطم قلبى !!!

ترقبتك وانت تقتله وتكسره

تــــــــــــراجــــــــع

انه قلبــى

تــــــــــــراجــــــــع

انه حبــى

تــــــــــــراجــــــــع

انه لــك

لا تحطم شيئا وهبته لك

لا تكسر قلبا احبك فى صمت

تــــــــــــراجــــــــع

ارجــــــــــــــوك

ولم تتراجع .... بل استمريت فى تحطيم الامال

وتكسير الاحلام .... وفقدت ما هو لك

وخـســـــــرت قلب احبك وههبك كل ما يملك

وخـســـــــرت قلب صمت حتى تحطم .. حتى تكسر

خسرت ما كان لك

خـســـــــرت قـلـبــى !!!

فات اوان الرجووع ... وأصبحت الان تطلب منى ما هو ممنوع

اصبحت تعيش ما كنت اعيشه وحدى على أضواء الشموع

قلبك توحد ... كما توحدت انا وقلبى من قبل

أحسست لوعة حبى ... ولكن بعد ان فات الوقت

والان تطلبـنى ... تريدنى

تريد ان امنحك ما منحتك من قبل

تريد ان اكون لك

فكــيـف هــذا ؟!

كيـف وقد أصبحت على يـديك بسبب جحود قلبك ... بلا قلب

اصبحت بلا قلب وصرت بلا حلم ولا امل او حب

عش وحيدا ... حتى ياتيك ما يؤنس وحدتك

عش وحيدا ... بدونى ... فلن اكون من تملا خلو وسادتك

ولن اتيك ولو اعطيتنى كل ما هو لك

عش وحيدا ... حتى تموت بدونى وحيدا

خواطر موجه

عذرا.....انا استحى .. !!!

2010-09-26T10:23:00.000-07:00

عندما اسرح فى بريق عينيك ..... واترنم لهمس الكلمات بشفتيك

عندما ارى تعبيرات وجهك وانت تدقق بالنظر الى

عندما تهتم لحالى ..... وتحب سؤالى ..... وتحاسبنى على غيابى

وتتألم لفراقى ... حتى ولو لثوانى

عندما ارى لهفتك على رؤيتى ... واشتياقك لسماع اخباريتى

وتسألنى دوما .... ماذا فعلتى فى غيبتى ؟؟ ....

وأجيبك بعينى ودقات قلبى وهمسى لنفسى ... اقول لك : ان عنى لم تغيب

ولم تترك قلبى بدونك وحيد ..... ولم تتخلف عن موعدى فى كل ليله

وفى كل مساء جديد

أقضى معك اجمل الساعات ... واحلى ليالى السهر .... تحت ضوء القمر

افكر فيك... وأناديك .... وأرسل لك سلامى وأشواقى وحيرتى

هل كما يظهر لى .... أتحبنى ؟!

ترد عليا النجوم ... واصوات أوراق الشجر ... وصوت المطر الساقط على النهر

والضى الذى يصنعه القمر .... فيجعل من الماء فضة تتلألأ كحبات الدرر مطمئنة قلبى لحبك

وتزود لى الرغبة فى قضاء عمرى بقربك ..... وأن امنح حياتى لأجلك

وعمل من كل ليله أعيشها معك كتاب اسرد فيه ماذا فعلنا فى ليالى السهر

استمتعت بالهمس فى أذنيك ... والنظر الى بريق عينيك

ورؤية حركة شفتيك .... تهمس قائلة " أحبك حتى اخر العمر "

ما ادفأ لمسة حنان من يديك !! دافئــــــه .... تجعل قلبى يرتعد من شوقى اليك

لم أجد حنان كالذى وجدته بين احضانك..... دفئنى !!!! فانى بدونك.....

كالليل بلا قمر ...... كالبستان بلا شجر ... ك ليله قضيتها بدونك ... دون سهر

الى متى انتظارنا ....؟؟ الى اين سيقودنا صمتنا .....؟؟

الى هلاك حبنا ...!!!

تكلم ....

قولها ....

قولها واريحنى من عذاب الصمت

قولها حتى ارتاح ... ويرتاح قلبى ويدفأ

قولها حتى اكمل عمرى معك

لو مـــــــــــــا لام عليا الخجل

ومـــــــــا لامت عليا النفس

لكنت ارحت قلبى ونفسى .... وقلتها انا اولا

حياء منى .... انتظر سماعها منك

أدبا لا تكبرا..... خجلا لا تعنتا

فلا تكسر حيائى

واعذر خجل عذراء اتعبتها ظروف الحياه

لا تجعلنى اكره هذا الخجل وهذا الحياء الذى سيحرمنى منك وسيطيل انتظارى لك

هيـــــــــــــــــا

تشجع فأنا لك ... اذا اردت !!

تشجع فسوف اكون فى سعادة قربى لك

تشجــــــــع

وقولــــــــها ...... أتحبنى ؟؟!

فى انتظار اجابتك " نعم احبك جدا"

ولد مجرم ..... بنت هبله

2010-09-19T13:09:00.000-07:00

انا كتير عليك واحساسى بيك كان نعمة ضاعت من ايديك

انا كتير عليك وبجد انا استصغرت نفسى فى حبى ليك

عرفت النهاردة انى كان مضحوك عليا

عرفت ان صبرى عليك بجد اهانة ليا

ده كان حبى ليك زمان هو العيب اللى فيا

وكان حبى ليك هو الحاجة الحلوة اللى فيك

دلوقتى حاسه انى معاك ضيعت وقتى كان قلبى انا غلطان وصلح غلطته

ماكنتش فى وعى والنهاردة لما فوقت لاقيت ان حبك ليا زى قلته

فراق الاحباب

2010-09-13T12:29:00.000-07:00

كان لها كل الحياه

وكان يملؤ عليها الدنا

كانا هائمين فى بحر العشق لمنتهاه

وكانا يتصرفان على انهما جسدين لروح واحد

فلا ياكلان الطعام ولا يتجولان فى الاسواق الا معا

وفجاة

تغيرت القلوب

وتبدلت المشاعر

لا تكرهه ولا يكرهها

لا تحب ان تراه بعيدا ولا يحب ان يهجرها

لكن تبدل الحب الى الروتين

تبدلت القوة الجبرية الكامنة فى قلبيهما الى مرض يريدا ان يشفيا منه

مرض لا احب ولا اقدر على بعد

كلما قررت ان تبعد عنه اصتدمت بروحها معه تذهب اليه دون ان تستاذن

كلما قرر ان يقسو عليها وجد الحنان الذى يغلب عليه معها

يبقيان ابد الابدين مع بعض وفى داخلهما غصة؟

ام يقدرا على روحيهما ويفرقا الروحين والقلبين؟

وكما قال الشاعر:

واهو بكرة نقول كانت زكرى وعشنا لنا يومين

طول عمرنا عايشين روح واحده وبقينا روحين

عيد سعيد

2010-09-09T11:20:00.000-07:00

كل سنة والامة الاسلامية كلها بخير

كل سنة وكل الناس مبسوطين وسعدا

هنيئا لمن صام رمضان

فرح الله الصائمون بعيد الفطر المبارك

ماتنسوش العيديه والبلاليــــن

لك ان تتخيل!!

2010-08-30T11:51:00.000-07:00

مين اللى بره؟؟؟؟؟؟

صوت مجهول : أاانىىىى يا ماااااااا

//أانى يا أمااا؟ لا هو انا بقيت أوماااا

انت مين يااااااااااض؟

صوت مجهول : إيوة يااماااا اأنى جبت لك الخضار م السوق اهووو

تف تف تف تف

بتف فى عبى

واتارى؟؟؟؟؟؟؟؟؟

صوت من بعيد نادااااااااااااانى واول ما ناداااااانى جرالى ما جراااالى

اهئ اهئ اهئ اهئ

ترقبو قريباااااا

موجه تخاريف ابو العريف

وش بيطلع لسانة بقى

موجة حزن....قديمة

2010-08-20T12:45:00.000-07:00

اجتمعت كل احزانى فى يوم لم ارى فية المنام

ورأيت الكل يعاتبنى ويوجه ليا الملام

هذا هو حكم الزمن على ام هذه هى خاتمة ايامى

كرهت الدنيا والعيش فيها حتى حبيب قلبى بعيد عنى اراضيها

لماذا اعيش اذا مادمت انسانة غير مرغوب فيها

من الدنيا قلبى ممزق ولم اجد من يجعلنى اصبر عليها

حياتى ليس لها معنى ولا يوجد لها هدف

ياويلتى اظننى اعيش هكذا الى الابد

لا مال لى فيها ولا حتى ولد

ترن ترن

2010-08-15T12:58:00.000-07:00

تررن ترررن

*الووووووو

-سلامو عليكوووو

*وعليكو السلام ..... مين معايا؟؟

-احمد نبيل معايا؟

* مين يافندم؟

- احمد نبيل... انا عاوز احمد نبيل

* لاء يافندم ... النمرة غلط

- بس ده رقم احمد نبيل.... متسجل عندى احمد نبيل

* بقولك يافندم النمرة غلط

- طيب طيب.... انا اسف

* حصل خير ..... مع السلامة

*************************************************************************************

تررن ترررن

*الووووووو

- ايوة

*ايوة ... مين معايا؟

- هو حضرتك لسه شاريه الخط ده جديد؟

* نعم يا فندم؟..... مين معايا؟

- انا احمد نبيل

* .............. ( // اهلا انت شرفت يا سعت البيه )

- بصى الواد دعبس صحبى اتصل بيا وقالى ان نمرتك بترد عليها بنت صوتها حلووو اوووى وبتقولى النمرة غلط وما فيش احمد نبيل

* ايوة يافندم فى حد اتصل وسال على الاسم ده بس الحقيقة انا لسه شاريه الخط ده من يومين

- طاااايب ... بوصى لو حد اتصل يسال عليا بقى ابقى قوليله القصة دى..... ماشى

* ؟؟؟؟؟؟؟؟؟؟!!!!!!!!!!!

*مع السلامة

وحيات امك عاوز تشغلنى سوكورتيرة لتليفونات سعدتك روح ياشيخ منك للى هتاكل زمارة رقبه جوزها

************************************************************************************

تررن ترررن

*الوووووووووو

- حبيب قلبى يامعللللللللللللللللللم (// مين اللى سكران فى نهار رمضان ده)

*الوووووووووووووو

-ولا يا احمد انت صوتك نسون كده ليه؟

*نعم يافندم ؟

- ايه ده ......... لو سمحتى عاوز اكلم احمد (// يادى احمد على ابو اللى جاب ابووووه)

* مين احمد ؟

- احمد ابراهيم

* نعم ؟

- احمد ابراهيم

- احمد ابراهيم كشك

* اسفة جدا ..... النمرة غلط

- طب انا اسف ....... كل سنة وانت طيبه ........ رمضان كريم

* وانت طيب ...... مع السلامة

ايه هو ده !!!!!!!!!!

خلصت انا من ابن نبيل عشان يجينى ابن براااهيم

يالهوووووووى

*************************************************************************************

وهكذا دواليك

تتوالى المكالمات الغلسة

مع انى والله لسه شاريه الخط من يومين وشارياه بعقد متسجل باسمى

فى ايه بقى؟؟؟؟؟؟؟

بس حلوة

اهو بنضحك شويه

****************************************************************************

فك شفرة البوست

اللون البمبى ده انا

اللون البورتوقااانى ده المتحدث الرخم ع المحمووووول

الساعة كام؟

2010-08-11T10:55:00.000-07:00

الساعة فى ايدك كم؟

ياعم

الساعة كم؟

هى الساعة 6 ولا الساعة 7

اتغيرت

امتى ده

ياسلااااام

يعنى لسه ساعة كمان عشان معاد عربية الشغل

حلوووو اووى اما الحق انام شوية بقى

هههههههههههههع

لما الحكايه بسيطة كده وسهلة وعرفو يخلو المغرب بدل ما ياذن على 8 ياذن على 7

طب ما يخلو الفجر ياذن على تلاتة الا ربع بدل اربعه الا ربع ويخلو المغرب بقى ياذن على ستة

ياااااااااااااه

ايه الاستخفاف ده

هم يعنى كده خلو ساعات الصيام ااقل ساعة

ولا ايه

بيثبتو لنفسهم انهم بيعرفو يتحكمو بالوقت والزمن

وبدل الشمس ما تطلع سبعة هنخليها تطلع سته وكله بادينا

ماحنا الحكوووووومة

مافيش دولة بتعمل الكلام ده الا مصر

معرفش ايه الحكمة فى كده يعنى

بيوفرو كهربا مثلا

طب مانتو بتقطعو الكهربا كل يوم ساعتين او تلاتة ودى طريقة مفقوسة ومكشوفة لتوفير الكهربا بس سكتنا يعنى وماتكلمناش

اصل انتو الحكومة بقى

وبعدين ناقص ايه تانى

الميه وهى كمان بتتقطع

وشوية شوية وهتعملو لكل فرد حصة من المية

بحيث انه ياكل ويشرب ويستحمة ويغسل هدومة بالحصة دى

واللى هيدلق منه شوية ميه هو المسئوووول

ايوة اللى يفرط فى الحصة بتاعته من المية انا مش مسئوووول

فاضل ايه تانى ياربىىىىىىىى

اه اللى جاى انشاء الله انهم

يعبو الهوا فى ازايز

وكل واحد ماشى فى ايده ازازة وطالع منها خرطوم متوصل على مراخيره

ولا على بوءه وماشى عمال يشم يشم فى الهوا

وبكده محدش يطلب من بابا انه يخرج

يابابا عاوزة اخرج اشم شويه هوا

لاء

ازازتك معاك وخرطومك على بؤءك او فى مراخيرك يبقى كده كله تمام

وبعدين تلاقى الشعب المصرى كله بيغنى بدون حرج

هات الازازة واقعد لااااعبنى الهوا طازة والخرطوم فى وووودنى

اهو بقى

اى كلام والسلام

بس من النهاردة ما فيش حكومة

انا الحكومة

انا الحكووومة

مش هشم هوا

ولا هشرب ميه

ولا هاخر الساعة

وطظ بقى واللى عندهم يعملوة

بداهة الحريم

2010-08-08T11:21:00.000-07:00

يلا بقى اما نضحك شوية ع الرجالة واللى بيعملوة فى نفسهم

لما انتو مش اد النسا ولا كيد النسا

بتحرجو نفسكم ليه

اتفرجو يا اصدقائى على شوية المواقف الجميله دى اللى بتدل على بداهة الحريم

كنت بتصفح ع النت

لاقيت شوية حاجات لفتت نظرى وضحكتنى وخلتنى واثيق من نفسىىىى

***********************************************

التقى رجل اسمه ،، سليم ،، وأمرأة إسمها وديعة ،، في منزل أحد الأصدقاء

فدخلت كلبة ظريفة وتقدمت إلى السيدة وديعة وصارت تلمس يدها

فقال سليم للمرأة إن هذه الكلبة ،، وديعة ،، ـ !!!!

فأجابته على الفور وقلبها أيضاً ،، سليم ،،ـ

انت اللى بدات والبادى اظلم يا سليم

******************************************

أمرأة تسوق أربع حمير وإذا بشابين سائرين بجانبها

فقالا لها نهارك سعيد يا أم الحمير

فاجابتهما على الفور نهاركم مبارك يا أولادي

ما الست كانت ماشية فى حالها لازم تهزأو كرامه اهاليكو يعنى

******************************************

كانت معركة حامية بين رجل وزوجته عندما مرّ بغل من تحت النافذة

فصاح الزوج أعتقد أن هذا البغل من أقاربك ؟؟

فأجابته على الفور أجل إنه حماي !!

برضو كده تجيب التهزيئ لابوك يا سبع البرومبة ماكنت سكت احسنلك

********************************************

قالت الزوجة للزوج لقد كنا مجانين حينما إشترينا البيانو

قال لها الزوج تكلمي بصيغة المفرد من فضلك

فأجابته على الفور أنت كنت مجنوناً حين إشتريت البيانو

الولية بتجبر بخاطرك وبتقولك احنا كنا

لازم تحرجك يعنى وتواجهك بالحقيقة

******************** ************************
قبل أن يسافر الزوج إلى أفريقيا سأل زوجته ماذا تريدين أن آتي لك من أفريقيا ؟؟؟؟؟؟

قالت له قرد صغير

فسافر الزوج وعاد ولما رأى زوجته تذكر القرد

وضربا كفاً بكف وقال إلهي لقد نسيت أن آتي لك بالقرد من هناك ياحبيبتي

فأجابته الزوجة على الفور بسيطة ياحبيبي وجودك يكفي !!

شفت مالى عليها حياتها ازاى حتى معرفتش تجيب لها بصلاية مشمومة ياراجل
*********************************************

هههههههههههههههههههههههههع

ايوة كده

ادى الحريم والا بلاااااااااااااااااااااااااااااا

رمضان كريم

احنا فى نعمة

2010-08-06T05:05:00.000-07:00

بعد تحيه الاسلام السلام عليكم ورحمة الله وبركاتة

نحمد الله حمدا كثيرا ونشكره على نعمة الاسلام

فالحمد لله الذى جعلنا مسلمين والحمد لله الذى كتب لنا ان نكون من امة سيدنا محمد صلى الله عليه وسلم

خير امه لخير نبى صلوات ربى وسلامه عليه
فاما موضوعى اليوم فعن الدين الاسلامى والمسيحى
منذ يومين تقريبا حكمت عليا ظروف شغلى بان اجلس مع احد المسيحيات وتحدثت معها فى امور كثيرة وتطرقنا فى الحديث الى الدين المسيحى والدين الاسلامى
وبعض الامور كيف تحكم عليها من وجهة نظر الدين المسيحى
واتضح لى الاتى :
طبعا دى مش اول مرة اعرف حد مسيحى او اتكلم معاه
لكن البنت دى اثارت فيا الفضول لان اعرف اكثر عن الدين المسيحى ورايت فى كل من عرفت من المسيحيين بان فيهم صفات مشتركة
كم اتمنى ان تكون هذه الصفات هى صفات البشرية والاولى بهذه الصفات هم المسلمين
امة محمد صلى الله عليه وسلم خير الخلق سيد الاخلاق والقيم الحميده
وجدت فيهم طبع الهدووووووء الحاد ولا يتكلمو الا اذا طلب منهم الكلام وجميعا متمسكين بتعاليم دينهم ومن علم منهم شيئا ينفذه
رايت فيهم حبهم للنبى عيسى والذى يسمونه يسوووع
كل ما نتحدث عن اى امر تقول لى
علمنا يسوع كذا وكذا
فين ده فينا؟
فين حبنا لسيدنا محمد صلى الله عليه وسلم ؟
فين تنفيذنا لتعاليم الرسول وتعاليم الاسلام
عندهم عادى البنت تمشى بشعرها وعادى تلبس نص كم او كده
بس مشفتش فيهم حد بيتجمل بادوات التجميل والمكيااااج اغلبهم على طبيعتهم
لكن عندنا مسلمااااات بالاسم بيلبسو اللى ربنا حرمة"كاسيات عاريات"
وبيحطو فى خلقهم مساحيق انشالله تتحول لمساحيق كاويه تولع فى وشهم
وعند المسيحيين الصلاه مش فرض عليهم بس الصلاه عندهم للتقرب من الله
وبالرغم من كده بيصارعو للتقرب من الله بالطريقة اللى اتولدو لاقو اهاليهم بيعلموهالهم
واحنا ربنا فارض علينا 5 فروض بناخد اجرهم خمسين
وتلاقينا مهملين فى اداء الصلاه
عندهم التسامح ده شئ اساسى
ملاقيتش قبل كده واحده مسيحيه بتشتم صحبتها ولا بتضربها ولا بتعلى صوتها ولا بتقل ادبها
لكن تلاقى اغلب البنات الشلاء مسلمات وتلاقى الالفاظ البذيئة والصوت العالى وقلة القيمة فى بنات الايام دى
يا سبحان الله
بس فى حاجة غريبة كمان لفتت نظرى فى النقاش اللى دار بينى وبينها
سالتها عن الايات التى نزلت تبشر عيسى بن مريم عليه السلام بنزول النبى الامى احمد صلى الله عليه وسلم
لاقيتها بتقول ان مفيش حاجة عندهم فى الانجيل بتدل على البشرى دى
وطبعا عرفت منها انهم بيعتبرو عيسى ابن الله
وفى طائفة تعتبر ان عيسى هو الله
وفى طائفة غير موجوده حاليا وهى تعتبر ان عيسى نبى وان الله واحد
اشهد ان لا اله الا الله وان محمد رسول الله
فسالت نفسى سؤال
هى الناس اللى اتولدت لاقيت اهلها مسيحيين وطبعا الانجيل اللى بيقروه المحرف ما فيهوش حاجة تدل على بشرى النبى الامى
طب الناس دى موصلهاش الدين الحق
لان البيئة اللى عاشو فيها كلها كده
طب هيتحاسبو ازاى بس
الناس دى محدش عرفهم ان دين الاسلام هو الدين الحق
محدش عرفهم ان اخر امة هى امة النبى الامى صلى الله عليه وسلم
اتحيرت جامد
وقعدت ليله كاملة احاول ادور على اى حاجة عن الدين المسيحى ع النت ولاقيت حاجات مفهمتش منها حاجة
معرفش ايه العهد القديم والعهد الجديد
واسامى ناس كده غريبة
بس فى النهاية والهدف من البوست ده هو انى مستخسرة الصفات الجميلة اللى شفتها فى البنت دى متكونش فى بنات الامة الاسلامية
استخسرت انها تكون فى بنت معتنقة دين غير الاسلام
ولن يقبل الله غير الاسلام دينا
والله اعلى واعلم
فى النهاية
" رضيت بالله ربا وبالاسلام دينا وبمحمد صلى الله عليه وسلم نبيا ورسولا"
بقى احنا ربنا اعطانا نعمة الاسلام
فياريت نحافظ على هذة النعمة ونحمد الله عليها
الحمد لله على ما انعمت علينا به

وحووى يا وحووى

2010-08-01T11:53:00.000-07:00

وحوى ياوحوى ايوووحا
وكمان وحوووى ايووحا
رحت يا شعبان وجيت يا رمضان
ايوووحا
ادونا العاده الله يخليكو
الشمعة خلصت الله يخليكو
كل سنة وانتو طيبين ربنا يعيد الايام علينا جميعا بخير
امين

الاجابات النموذجية للامتحان

2010-07-29T12:37:00.000-07:00

اجابة السؤالات كلها على بعضها بدوووون تنويه.......

برحتى بقى مش انا اللى بصحح

؟؟؟؟؟؟؟؟؟؟؟؟

-بالنسبالى اقرب اسم واحب اسم لقلبى وممكن يكون بالنسبة لناس تانيه هو اسم "...محمد..."

وده عشان حاجات كتير اوووى اولها طبعا انه اسم الرسول عليه افضل الصلاة والسلام

وممكن يكون عشان اسم اخويا برضو..محمد...

بس برضو بحب اسم"... يوسف..." عشان اسم ابنى انشاء الله لما يبقى ييجى

الله اعلم

-بالنسبة لموضوع الاصدقاء ده

فده عاوز له بوست خااااااااااااااااااااااااص لانى فعلا كنت فاكرة ان ليا اصدقاء بس للاسف لاقيت ان الصداقة غالبا بتكون فترة مؤقتة

الفترة اللى بتقدر تشوف فيها صديقك بحرية وتقدر تقضى معاه وقت مفروض عليك زى مثلا الدراسة او الشغل او ماشابه ذلك

بس افتكر بالخير بنوتين اصدقائى فعلا

عمرووو معايا

ومهما بيحصل بينا مشاكل بنرجع لبعض وممكن نسيب بعض بالشهر والاتنين وممكن سنة واتنين بس القلوب متحابة وبتحن لبعضها

ليا صحبتى من خماااااااشر سنة اسمها "...علياء..." دى اتجوزت قريب ربنا يبخت لها يارب ويخلف عليها بالخلف الصالح ويهنيها

قولو امين

كانى بشحت عليها

والتانية "...نسمة..." ودى بقى اصغر منى بسنة بس برضو انا بحبها بقالنا ييجى كده تمن سنين ولا حاجة

عمروووو عمرووو يعنى

دووول مش عمرو دوول خللو

فى بقى صداقة جديدة كده بس حاسة انها ممكن تكون وقتية

بس بجد شخصية من الشخصيات اللذيذه اللمحترمة الامينة اللى عرفتها

حد معايا فى الشغل اسمة "...H..." مش هقدر اقول اسمة لان العلاقة بينا ما تسمحش انى استاذن فى استعمال الاسم هنا

اما المقاطيع التانيين دووول لو اتكلمو افتح لهم ارنهم بطوبة ولا حتة حديدة

-اكره من احببت طبعا واكرة اليوم اللى عرفته فيه واكره الحب نفسة

لو اللى انا حبيته مكنش يستاهل الحب ده ولو معرفش يحافظ ع الحب ده انه يقل

اكرهه

طبعا اكرهه

ال اكرهه ال

-حبيبى اللى جرحنى؟؟؟؟؟؟؟؟؟؟

لو شفته؟؟؟؟؟؟؟؟؟؟

مش عارفة هو انا ممكن اعمل ايه

انا بفكر فى السؤال ده من سنتين فاتو بس موصلتش لاجابة

بس اللى ممكن اعمله انى اهرب منه واحاول ما اخليهوش يشوفنى لانى مش هقدر ع المواجهة

حاجة صعبة وهحس طبعا بالخوووف لان جرحة هيبقى الشبح اللى انا شفته وقابلته لما قابلته صدفة

ولا حد فاهم حاجة

-القلب الذى انجرح

اعتقد انه لو قابل قلب تانى عرف يحتويه وعرف يطبطب عليه وعرف كمان يوصل لمكان الحرج ويحطله عليه ميكركرووووم وشاش وقطن وبتاع هيبقى ميت فل وعشرة

وممكن كمان يستخدم الحقن عشان السرعة يديله حقنة عضللللللللللل ويبقى كده الف سلامة عليكوووو

-الانسان دايما مش بيحس بقيمة اللى معاه الا اما يضيع منه ويبعد عنة

عشان هو بنى ادم

ودى من صفات البنى ادمين

بيتبطروو على اللى معاهم

وييجى بعد كده يعدد ويولوول ويقوووول اتاااااااارى "...متعرفش قيمة امك....الا اما تشوف مرات ابوووك...ياحبيبتى يامااا"

-الخيانة طبعا اصعب اصعب اصعب

بس انا عن نفسى ممكن اسامح فى الخيانة لو تم الاعتراف بيها مش اكتشفتها انا

لو اكتشفتها انا مستحيل اسامح ابدا ابدا

اما البعد بيكون صعب جدا جدا طالما تم من غير رضايا وبيتعب جدا

-اكتر حاجة ممكن تخلينى حزينة اوووووى

هى احساسى انى مكتوفة الايدى

مش قادرة اعمل حاجة

وخصوصا بقى لما اكون شايفة ان ليا حق ومش قادرة امد ايدى واخده

يااااااااااه ببقى فى قمة الحزن بجد

-واسعد لحظة فى حياتى

هى لحظة النجاح

لما احس انى كنت بعمل حاجة ونجحت فيها وانجزتها بالشكل اللى بتمناه بتكون اسعد لحظات حياتى

ولما بسمع كلمة شكر او تقدير من حد كبير

_.._.._بالشكل ده تكون تمت بحمد الله اجابات الامتحانات النموذجية

وطبعا الاجابات طولت اووى

بس ده عشان نموذجية بقى وبعدين

برحتىىىىىىىى

مش انا اللى بصحح

منورنى

بشكر كل اللى جاوبو واهتمو ويارب اكون اسعدتكو

امتحااااااان...اجبارى

2010-07-25T11:12:00.000-07:00

ما هو اغلى اسم على قلبك؟

مين اغلى 3 اصدقاء عندك؟

هل يمكن ان تكره من احببت؟

لو شفت حبيبك اللى جرحك صدفة....هتعمل ايه؟ وهتحس باية؟

هل يمكن اصلاح القلب الذى انجرح؟

ليه دايما الانسان مش بيحس بقيمة اللى معاه الا بعد ما يضيع منه؟

ايهما اصعب الفراق ام الخيانة؟

ايه اكتر حاجة ممكن تخليك حزين اوووى؟

ما هى اسعد لحظة فى حياتك؟

الفشل الناااااااجح

2010-07-21T09:03:00.000-07:00

رب ضااااارة نافعة

فعلا المقولة دى صحيحة

بجد

اوقات كتير الانسان بيتأذى من الناس اللى حواليه وبيفتكر ان الاذية دى هتضره فعلا ومش هيقدر يخرج نفسة م اللى هو فيه

مثااااااااااااااااااااااال

واحد بيشتغل فى مجال معين فى الحياه العمليه وكان بيبذل اقصى ما عنده وكل ما فى وسعة عشان يثبت انه اد المسئولية وعشان يثبت انه فعلا يستاهل ثقة الناس فى شغلة ويستاهل انه يكبر فى المجال ده

وفجأة ييجى واحد ابن حراااااام يدمر كل ده فى ثوانى ويدمر حلم كان عايش فيه البنى ادم ده ويحول حياتة لمجرى تانى خالص

وطبعا المشاكل بتجرر مشاكل وكل يوم مشاكل الشغل وعبءة بيزيد عليه لدرجة انة وصل لقرار انه هيسيب الشغل والقرار ده عمرة ما اخده خااااااااالص

يعنى لما ياخده معنى كده انه وصل للحلقووووووم

اوم ايه

قبل ما يمضى استقالته بدقايق يجى شعاع امل ونور من بعيييييييييييييد اوووى ويستناه ويسعى انه يوصل للنور اللى شافه من بعيد ده

وسبحان مغير الاحوال

الشعاع ده فيه امل حياتة وفيه حلمه الوظيفى اللى كان بيتمناه وكان بيدور عليه بأبرة

فعلا رب ضارة نافعة

الحكاية دى حكايتى انا

كنت بشتغل فى غير مجالى وكان نفسى اثبت نفسى فى غير مجالى

لكن الحمد لله الاسفنة اللى جت لى اللى حكيت لكو عنها دى فى البوست اللى فات هى السبب فى تحقيق حلمى الوظيفى اللى كنت بجاهد انى اوصله

والحمد لله اتنقلت من ادارة لادارة تانية

والله وبقيتى مهندسة تخطيط ياموجة

لولوولولولولولووللوىىىىىىىى

الف مبرووووووووك

احلى من الشرف اللحمه

2010-07-09T05:08:00.000-07:00

كما قال الشاعر الموقر والمبجل توفيق الدقن بصوته المرعب والاجش والغريب فى نفس الوقت فى مقولته الشهيرة

احلى من الشرف مفيييييييييييييش .......... يااه يا ااااااه

وكما نحن عارفين ومدركين ان الشرف كان مثل عود الكبريت مبيولعش الا مرة واحده وممكن يولع تانى لو حطينا العود على البوتجاز او على لمبة الجاااااااااااااااز

اما حاليا الشرف مثل الولاااااعة بيولع خمسميت مرة ولما الغاز بيخلص ممكن نملا الولاعة تانى من عند بتاع الولاعات اللى على اول الشارع

بمناسبة هذا الكلام وهذا الحوار احب اقووووووووول واحب ااعلن"حلوة أ أعلن دى" عجبانى اوووى

ايوة نكمل بقى

احب اخبركووووووووو

انى اكتر وحده بتضرب اساااااااافين

والاسافين جمع اسفين

والاسفين ده نوع من انواع البرشام المؤدى الى هلاك الصحة مثل الترامادووول والفياكترا والحاجات دى

المهند بقى

ولله الحمد بالى طووويل جدا بس لكل بنى ادم طاقة و الطاقة يعنى اينرجى"ENERGY"والاينرجى دى ليها نهايه يعنى ايند"END"

ودلوقتى طبعا احنا ماشيين واحده واحده اهوو وبنتعلم كل يوم كلمتين وذلك لتقوية الناس فى اللغة الاجنبيه

وكما علمتم ان الاجانب كلهم دخلو كاس العالم والمانيا للاسف طلعتها اسبانيا

واسبانيا هى اللى هتاخد الكاس بس هولندا مش سهله

ايه الهبل ده

ماعلينا

كله على كله لما تشوفه قووووله

قولوووووووووو

طبعا فى النهاية كلكو مستغربين طريقة الكلام العجيبة والغريبة دى يعنى استراااااانج "STRANGE" وعاوزين تعرفووو ماذا حصل"WHAT'S THE MATAR"

كل اللى حصل انى بتأسفن فى الشغل ولامؤاخذه باخد فى ضرب من تحت لتحت عشان ايه بقى

معرفش

عشان مفيش ضمير

ومفيش شرف

ومفيش لحمة

ولا كبده

والفراخ ماتتتت

وكل سنة وانتو طيبين ورمضان كريم الله اكرم بعده العيد نلبس جديد

ومع السلامو عليكووووووووووووو

مع تحيات اخوكوووو اللمبى اللى بحب انصح كل شاب وكل فيتاه

لاتنحرف ولو اتاسفنت فى الشغل بوس ايد مديرك شعر ودقن وخد على افاك منه وقولو كمان

انا بهنينى

2010-06-23T11:48:00.000-07:00

كل سنة وانتى طيبة ياعبير

بما ان لسة محدش قالهالى يمكن مستنيين لما يوم24/6 ييجى ويقولوها

ويمكن يكونو ناسيين

بس انا فاكرانى يا انا

وبكرة هجيب لى تورتة وجاتوة وبلالين وهفرحك

موجة

طالع بمنظرين

2010-06-19T12:26:00.000-07:00

ايه ياخوانا

فاكرين لما كنا صغيرين وكنا بنسمع افلام لاسماعيل ياسين مثلا وكان يبقى طالع بدورين

زى فيلم اسماعيل ياسين فى الطيران

كان طالع بدور سماعين وحسين

نفس الشكل بالضبط بس باختلاف الاسامى

كنت فى وقت من ذات الاوقات فى ساعة مش متاخرة من الليل

قاعدة فى امانة الله وكنت بقرا بوست لاخونا سووووووو صاحب مدونة عجوز وعندى تلاتين

وده لانى لما بحب اضحك بخش اقرا عنده واضحك واطلع

عادى يعنى

مفيش مشاكل

ام هند بقى

بعد ما خلصت البوست فى امانة الله وضحكت برضو فى امانة الله وكركعت م الضحك شوية وبعد كده هديت وفهمت المقصود م البوست

اذ بيا عاوزة اكتب تعليق ع البوست

شئ عادى يعنى

عادى جدا ان حد يكتب تعليق ع البوست ولا ايه؟

اخش واذ بيا متنحة لمده لا تقل عن

خماشر عشين تلاتين ثانية كده

والاقينى كاتبة تعليق اساسا اصلا

كاتبة اول تعليق كمان

طب ازاااااااااااااااااااااااااى

ازاااااااااااااااااااى

ياناس حد يطسنى بشوية ميه فى وشى ولا فى افايا يمكن افوق

طب ادعك فى عنيا كده يمكن مزغللة شويه ولا حاجة

برضك مفيش

كاتبه تعليق يعنى كاتبة تعليق

تستاهل التتنيح ولا متستاهلش

قلت ما يمكن انا طالعة بمنظرين ولا حاجة

فين وفييييييييييييييييييييين

على ما فهمت بعد ما قريت تعليقى اللى انا كاتبااااااااه

ان فى كمان موجة فى التدوين غيرى

اه والنعمة

فى موجة تانية غيرى

بس فى اختلاااااااااااااف كبير جدا

موجة اللى هى مش انا دى

تبقى ذكر

اه والنعمة

ذكر شوفت فى ملف التعريف بتاعه مكتوب ذكر

وانا الحمد لله انثىىىىىىىىىى والنعمة كمان مرة انثى

وكمان صورته غير صورتى واسم مدونته غير اسم مدونتى

بس قررت ادخل عندة اعرفة بقى انه انا مش انا

وعاوزين نوصل لمعاهدة صلح بينا او نعقد اتفاقية سلام

بحيث ان يغير اسمه او كده بقى

بصو هنعقد اتفاقية بس افكر فى بنودها واعرضها وانشاء الله نوصل لحل وسط يرضى جميع الاطراف

ويبقى الحال كما هو عليه وعلى المتضرر الخروج من البلوجرززززززز

عندى حاله ملل

2010-06-17T08:55:00.000-07:00

معلش ع الغياب بس بجد احساس بالملل فظيع

مسيطر عليا جدا

ومش حاسة انى عاوزة اعمل اى حاجة فى حياتى ولا اتقدم اى خطوة لاى اتجاه

بجد مش عاوزة حاجة ولا عاوزة حد ولا عاوزة غير انى ابعد عن الناس وعن نفسى وعن الكل وابعد بعيد بعيد لحد ما افوق

حاسة انى فى غيبوبة بجد

بس طبعا لان كتير سالووو عليا واستغربو غيابى قلت اطمن الناس بقى انى لسة عايشة الحمد لله وكمان خلصت نفسى م الورطة الاخرانية "الخطوبه"

ال اتخطب ال

هع هع هعع هع هع هع هع هع هع

بس فى مشكلة متمشكلة بستين الف مشكله

كل ما اخلص من حد يجى اللى بعده كاننا فى طابور عيش مثلا

ماعلينا

كل واحد هياخد اللى فيه النصيب ويتقلب زى اللى قبلة

نياااااهاهاهاهاها شريررررررررررة

طبعا فى ناس الفضول ماليها عايزين يعرفو طفشت المحروس ازااااااااااى

عادى جدا جدا قابلتة مرة وعرفت اللى بيفكر فيه وعملت عكسه وبقى لما يجى اروح داخلة نايمة عشان عندى شغل وبتاع وبدات اتنك على امة واخواتة وحركات ارعة من دى

وفى شويه مواقف كوميديه هقولكو عليها

بس مش وقتة بقى

انا جيت اطمن الناس

ومتزعلوش انى مردتش على تعليقات فى البوست اللى فات

بس بجد مش قصدى حد

هى ظروووووف

مخبوطة

2010-06-08T10:30:00.000-07:00

اتخطبت

وبس

محدش يقول مبروك

...........................

ورقة وقلم وكباية شاى

2010-06-03T09:13:00.000-07:00

ياااااااااااه

بقالى كتير نفسى اقعد مع نفسى

واجيب ورقة وقلم وكباية شاى

من ساعة ما اتخرجت مقعدتش مع نفسى ولا مسكت ورقة ولا قلم ولا قعدت بكباية شاى

نفسى احاسب نفسى وارتب افكارى واشوف انا عاوزة ايه

مين ابعد عنة ومين اسيبة ؟

مين اخسرة وما ابكيش علية ومين اكسبة واجيبه ؟

ايه الحاجات الغلط فى حياتى وليه بعملها

وليه عارفة الغلط ومصممة عليه

وليه بعاند فى نفسى وبتعب نفسى بنفسى

ليه مش بدور ع اللى يسعدنى ليه بدور ع اللى يوجع لى قلبى

ليه رافضة الجواز لحد دلوقتى وليه خايفة منه

ولحد امتى هفضل مقضاياها شغل وبس ولامتى هعيش حياتى فى صمت

كم واحد عرفنى من جوه

كم واحد خايفة اخسره

وكم واحد عاوزة ما اعرفوش تانى

ليه بتحصلى مواقف كتير وحشة

وليه بتعامل مع الناس بطريقة انا مش راضية عنها

وليه فكرتى عن الرجالة انهم كلهم خاينين وكلهم بحبو يوضحو ان الستات ادامهم ضعفانين

امتى ربنا ياخد بايدى وارجع راضية عن تصرفاتى من تانى

وامتى بقى احس انى مستقرة فى حياتى

وايه اللى ناقصنى عشان اكون انا

مكونش حد تانى

مش عارفة بقى

زهقت وخلاص

مبقاش عندى ثقة بالناس

وحتى ثقتى فى نفسى فقدتها من زمان

مبقاش عندى حاجة اخاف عليها ولا حاجة اهتم بيها

حياتى بقت صفحة بيضة فى كتاب ومفيهاش اى الوان

رخمت اوى انا عارفة البوست ده

بس انا بديكو فكرة انى ممكن ابعد شويه لحد ما اقرر انا هعمل ايه ولا هيجرالى ايه

بين السماء والارض

فراق

كفاية بقى ....... مصر ضاعت!!!

جمال اللغة العربية

اللهو الخفى

مدرسة الحياة

أكبر خطأ

امراة تقطع عضو رجل

قالت مصادر الشرطة في جنوبي بنغلادش إن امرأة قامت بقطع عضو رجل تقول إنه حاول الاعتداء عليها، وأخذته معها الى مركز للشرطة كدليل إدانة. ووقع الحادث في قرية "ميرزابور"

"انتقام"

امانة الفتايات

عجبى على البشر

قبل الجواز وبعده

حان الان موعد ...................الفراق

رسالة صبر ( كوبى وباست)

بطحته بلاش قتلته

قتلته.....

الانسان والكوباية

شوفووو الفرق

الزواج عام 2020

3عادات سيئة للنساء

خد بالك

............ .... .. ؟ امى

مصدووومه

اكيد مش ده الحل

زهايمر

هــــــــى.....كــــــــــــــــــــــــانت....وهــــــــو

ماذا لو ..........؟؟

وحشتووووووونى

بأى حق

انا فى انتظارك

خســـــــرت قلبــــــــى

عذرا.....انا استحى .. !!!

ولد مجرم ..... بنت هبله

فراق الاحباب

عيد سعيد

لك ان تتخيل!!

موجة حزن....قديمة

ترن ترن

الساعة كام؟

بداهة الحريم

احنا فى نعمة

وحووى يا وحووى

الاجابات النموذجية للامتحان

امتحااااااان...اجبارى

الفشل الناااااااجح

احلى من الشرف اللحمه

انا بهنينى

طالع بمنظرين

عندى حاله ملل

مخبوطة

ورقة وقلم وكباية شاى

قالت مصادر الشرطة في جنوبي بنغلادش إن امرأة قامت بقطع عضو رجل تقول إنه
حاول الاعتداء عليها، وأخذته معها الى مركز للشرطة كدليل إدانة.
ووقع الحادث في قرية "ميرزابور"