الأربعاء، 9 مارس 2011

الزواج عام 2020




تقدر تتخيل الجواز بعد 10 سنين او اكتر هيكون ازاى

 كل واحد فينا هيتخيّل حاجة مختلفة عن التاني، 
وبصراحة كده ده تخيل واحد ضحكنى وقلت انقلهولكو 
تخيّل الزواج عام 2020.. يمكن يكون كده ويمكن لأ..

بيرن جرس الباب يروح صاحب البيت يفتح يلاقي الجماعة جايين على الموعد بالظبط،
الجماعة اللي همّ الشاب واسمه “سمير” وإمه وأبوه، جايين يخطبوا البنت واسمها “سارة
… بيرحّب بيهم أبو سارة، وبعد السلام والكلام ومرحبا فيكم وكيف الحال، وبدور الحوار التالي:
 **************************************************************
أبو سارة: ها يا سمير،  بتشتغل ايه يابنى ؟
سمير: انا بشتغل في مجال الانترنت.

أبو سارة: مُبرمج يعني؟ ما شاء الله.. ممتاز.
سمير: لا يا عمّي انا مش مبرمج.

أبو سارة: أكيد مُصمّم غرافيك بقى .. المجال ده له مستقبل كبير.
سمير: لا عمّي انا حاليا مشرف منتدى الأغاني في موقع “كراكيب دوت كوم” وقريباً هأمسك إشراف منتدى المسلسلات التركية في موقع “سلامتك من الهسهس دوت نت”.

أبو سارة: مشرف ازاى يعني؟
سمير: يعني انا بضيف مواضيع وبحط أغاني وبعمل اشتراكات بأسماء وهمية عشان أحرّك المنتدى وكده يعني.

أبو سارة: والله منا فاهم حاجة ..  يعني بيدفعولك اد ايه فى  الشهر في الشغل ده ؟
سمير: لا يا عمّي أنا اللي بدفع لصاحب المنتدى عشان اكون مشرف.. بس قريباً هافتتح المنتدى الخاص بتاعي.

أبو سارة: ومنتداك الخاص هيكون مكتبه فين ؟
سمير: حالياً من البيت ولما الله يفتحها علينا بستأجرله مكتب.

أبو سارة: المنتدى ده هتستفيد منّه فى ايه ؟
سمير: ازاى  هأستفيد منّه ؟ ده سؤال ياعمى..؟!.. انا هأفتح المنتدى وأحط فيه برامج ومسلسلات وألعاب والأعضاء هيشتركوا فيه ويبقى منتدى مشهور جداً.

أبو سارة: يعني العضو هيدفع كم اشتراك؟
سمير: لا يا عمّي.. العضو مش هيدفع اشتراك.. أنا هدفعله عشان يشترك.

أبو سارة: لا حول ولا قوة إلا بالله.. يعني مصدر رزقك منين يا بنى ؟
سمير: لمّا يكبر المنتدى وأنشره على فيس بوك راح تيجيني إعلانات بالهبل.

أبو سارة: والله منا فاهم حاجة .. طيب انتا محوّش كم؟
سمير: أنا يا عمّي ومش عايز أخبّي عليك، عندي حاليا 99 دولار في Google Adsense ووعدوني يبعتولي الشيك بعد شهرين وده هيكون وضعي المادي ممتاز، حتى اذا عايز بجيبلك براءة ذمة من Paypal.عشان تتاكد 


أبو سارة: يارب عدى الليلة دى على خير بس.. طيب انتا عرفت سارة بنتي منين ؟
سمير: تعرفت على سوسو بالـ Facebook، وكنا نبعت مسجات ونعمل لبعض poke أحيانا..

أبو سارة: ويعني معرفة النت بتكفي انك تيجي تخطبها؟
سمير: آآآه يا عمّي.. ما انتا مش عارف.. انا جبت 80% في الـ quiz بتاع سوسو.

أبو سارة: وايه هو الـ كويز ده ؟
سمير: معقول يا عمي ما تعرفش كويز Do you know me? على Facebook؟

أبو سارة: لا معرفوش.. وبعدين مين سوسو دى ؟
سمير: يا الله يا عمي.. معقول كمان ما تعرفش ان سارة اسمها سوسو على Facebook؟

أبو سارة: لا معرفش انو سارة اسمها زفت.
سمير (بكل بُرود): انتا زعلت يا عمي؟

أبو سارة (بعصبية): تعرف لو فضلت قدامي كمان 10 ثواني انا هعمل فيك ايه ؟
سمير (بإبتسامة غبية): أكيد هتضيفني على facebook وتكتبلي على الـ wall بتاعي، صح؟ :lol:
أبو سارة: براااااااااااااااا.
طبعا أبو سمير وإمّه اتكسفو من ابنهم ومشيو بعد أول سؤالين

هناك 22 تعليقًا:

ويكا يقول...

ده على اساس ان ابو سمير وامه مش مشتركين فى الفيس بوك هما كمان ؟؟!!


يا بنتى 2020 يعنى غالبا احنا ابو سمير وامه يعنى مش هنبقى مشتركين وبس لاااا
دا احنا هيبقى عندنا منتديات كماااااان

هههههههههه

سندباد يقول...

بسم الله ماشاء الله
فكرة جميلة ياموجه تسلم بنات افكارك بس بلاش نعيب في الفيس بوك لانه كان السبب في نجاح الثورة وبقينا احرار من القهر بعد سنين
تحياتي لفكرك الراقي
تقديري واحترامي

موجة يقول...

ويكا
_________
ماشى يابو سمير
انشاءالله هكون انا ام سارة ولا ايه
تحياتى ليك يا بشمهندس

موجة يقول...

هى مش بنات ولا صبيان افكارى والله ياسندباد
لانه موضوع منقول

عمرنا منقول حاجة ع الفيس بوك
غير كل خير
احنا مش اد بتوع الثورة
تحياتى

ندا منير يقول...

ههههههههههههه

جامدة موت

بس فى رايى دا يمكن كان زمان ودلوقتى

لكن انا متفائلة جدا الفترة اللى جاية باذن الله هيبقى الوضع العام حلو وكله هيبقى تمام
والشباب نفسهم هيبقى عندهم وعى وثقافة وباذن الله كل واحد ياخد حقه فعلا

sony2000 يقول...

ياعيييني علي التخيييييل
جبتيها صح
ولسا هتستني
مهو بيحصل فيهلا

الا انتي الفيس بوك بتاعك اسمو ايه؟؟:))

mrmr يقول...

هههههههههههه

اضحكتينى وانا ماليش نفس اضحك

تسلمى يا قمر

ثـــوره الــغضب يقول...

ههههههههههههههه

بوست هايل موجه

وحشتنى مدونتك جدا وزعلان منك عشان مش بتيجى جايز انتى كمان زعلانه ولا ايه

ثـــوره الــغضب يقول...

سوووووووووووووووووووووووووووووووووووورى

همس الحنين يقول...

مساء العطر موجه

هههههههههه

وبجد سمير دا تحفة

موضوع جميل ودمه خفيف

دمتِ بإبتسامة

تحياتي

موجة يقول...

ندا منير
__________
اتمنى التفاؤل ده يتحقق
نورتينى

موجة يقول...

sony2000
_________

اسمو tota bebo
بس انا مش من متابعينه اووى

موجة يقول...

mrmr
________
اضحكى اضحكى محدش واخد منها حاجة

موجة يقول...

ثـــوره الــغضب
_______________

انت ما بتجيش
بس ربنا مايجيب زعل
انت انا بعتز بيه
هزورك اكيد


دونت وررررررررررررررررررررى

موجة يقول...

همس الحنين
__________
نورتينى يا جميل
داومى

شهد الكلمات يقول...

ههههههههههههههههههه

حلوة جداااااااااااااااا

ممكن ده قبل الثورة لكن بعد الثورة متهايقلي الوضع هايختلف

تحياتي الخالصة

BNT ELISLAM يقول...

هههههههههههههههههههه


حلوه اواوى اوى اوى
على راى ويكا احنا هنبقى ام وابوه سمير ساره


تسلمى ياقمرايه

موجة يقول...

شهد الكلمات
______________

نورتينى بتعليقك
ممكن فعلا قبل الثورة
اما نشوف بعد الثورة ايه اللى هنصادفة

موجة يقول...

BNT ELISLAM
______________

ماشى يا ام سمير
نورتينى يا قمر

التميز المثالي للخدمات المنزلية يقول...

شركة رش مبيدات بالدمام


شركة مكافحة حشرات بالدمام


شركة تنظيف شقق بالدمام


شركة تنظيف فلل بالدمام



شركة مكافحة حشرات بالخبر



شركة تنظيف شقق بالخبر


شركة تسليك مجارى بالدمام


شركة تنظيف بالدمام


شركة تنظيف سجاد بالدمام


شركة مكافحة حشرات بالاحساء


شركة مكافحة النمل الابيض بالاحساء


شركة مكافحة حشرات بالجبيل


شركة مكافحة النمل الابيض بالجبيل


شركة تنظيف منازل بالجبيل


شركة تنظيف شقق بالجبيل


شركة مكافحة النمل الابيض بالدمام


شركة تنظيف مجالس بالدمام

taag company يقول...


شركة تاج للتنظيف بالدمام 0551844053



شركة رش مبيدات بالدمام


شركة مكافحة حشرات بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف بالدمام


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام







elmnzel يقول...


افضل شركة مكافحة حشرات بالمدينة المنورة


اذاا كنت بالمدينة المنورة و تبحث عن افضل شركة مكافحة حشرات بالمدينة المنورة لن تجد افضل من شركة المنزل شركة مكافحة حشرات بالمدينة المنورة باعلي مستوي من الخدمة و الخبرة و افضل طرق التخلص النهائي من الحشرات باحدث اجهزة و معدات الرش الحديثة التي يستخدمها افضل فريق عمل متخصص تعتمد عليه شركة المنزل في مكافحة النمل الابيض بالمدينة المنورة باقوي المبيدات الامريكية و الامانية بافضل لااسعار بالمدينة المنورة

مكافحة النمل الابيض بالمدينة المنورة


http://elmnzel.com/pest-control-medina/