الدنيا بتخرب مش بتتصلح
الوقت مش فى صالحنا
العرب كلهم انشغلو داخليا
وسابو حدود بلدهم للاغراب
نشر فى صحيفة اسرائيلية
" اسرائيل تسمح ل 700 جندى مصرى بالتواجد داخل سيناء"
" اسرائيل لا توافق على زياده عدد الجنود المصريين فى سيناء"
هنفووووق امتى
لما نبص نلاقى ناس اغراب هم اللى فى البلد
وهم اللى بيتحكمو فينا
لما ناخد على دماغنا من الاجانب الامريكان وغيرهم وغيرهم
هنشتغل امتى
وهنشتغل فين
فى ملكنا وارضنا
ولا فى ملكنا وارضنا بتحكمات غيرنا
بلاش نعيش ايام ماجربنهاش
وهى ايام الاحتلال
كل واحد مابقاش يعرف يعمل حاجة غير انه يتبطر على رئيسة
ويعمل مظاهرات
هى دى المرجله يارجاله
هى دى مظاهر الحضارة اللى حاربنا عشانها
هو ده الاصلاح اللى مات كتير عشانه
انك تعلى صوتك وتتكلم بهمجيه وتوقف اقتصاد بلد كاملة
دوله بحالها
دى البلد بقيت سايبة
مبقاش ليها كبير
هنكبر لمين وهنسمع كلام مين
اضراب السواقين
اضراب العمال
اضراب موظفين
اغلاق البنوك
ايه هنقف امتىىى
حد يجاوبنى اخرتها ايه؟؟
اشمعنى الكلام ده مش موجود الا فى الدول العربية فقط
ليه ماسمعناش عن الحاجات دى فى اى دولة اجنبية
اقولكو ليه؟
عشان الفتنة مستهدفة البلاد المسلمة فقط
بما فيهم ايران
حتى لو مش عرب
بس فيهم مسلمين
حتى لو شيعة
الامريكان واسرائيل ماتعرفش غير ان ملتهم الاسلام
الفتنة دى منظمة ومرتبه ولها هدف
ياريت نفوق
وزى ما كنا شباب 25 يناير اللى ابهرنا العالم بصمودنا وبقوتنا
لازم نكون رجالة وجدعان كمان فى اننا نتصدى للخراب ونقف فى وشه
ونقوله الدول العربية مش هتخرب
مصر مش هتخرب
بس نقف وقفة رجالة شباب واعى فاهم عارف عدوه اللى بره زى ماعرف عدوه اللى جوه
يلا يا شباب ايدينا فى ايدين بعض
ونبدا بالتغيير
يلا كلنا يبقى لينا دوووور
كل واحد يبدا بنفسة
ويقول للى يعرفه
اشتغل واتعب وانتج واعلا واسبق كل خطوة بالف ميل
عشان اللى عاش فى الايام دى يعلم اولاده اللى جايين اننا رجاله فى 73 ورجاله فى 2011
للاسف اغلبنا لا يعلم ثقافة الاعتصام أو التعبير عن الرأي
ردحذف_________
فالاعتصام في نظر كثير من الناس هو ترك العمل من أجل إفساد العام والخاص ولعل هذا يحدث لعدم نظرتنا إلى المستوى البعيد بل ننظر أفسل قدمينا فقط
________
نتمنى أن نتعلم تلك الثقافات حتى لا ننحدر في قيعان الخراب ويأتي يوم نقول فيه "عيوب ثورة 25 يناير"
_________
خالص تقديري لفكرك وقلمك
بالتوفيق دائما
تقبلي مروري
Casper
بجد عندك حق
ردحذفعوذين ننبهههم
مش هينفع زياده
الا لما الكل يشتغل
بأذن الله ربنا معانا
ياريت الكل يعرف ان وقف الحال مش هو اللى ح يجيب نتيجه ويغير
ردحذفالكل بيتظاهروا لاجل مصلحه شخصيه ياريت قبل ما نبص لمصلحه نفسنا نبص لمصر اللى شبابها سفكوا دمائهم من اجلها
احنا مقمناش بالثوره علشان نخرب البلد قمنا بالثوره من اجل التغيير للافضل والاعتصامات والتظاهرات دى للاسف ضد التقدم والنهوض ببلدنا
شكرا لطرحك الموضوع يا قمر
بس اللي اعرفه انك كنتي ضد الثورة اصلا يا موجه
ردحذفانا معاكي في كل مخاوفك
بس الاول نبقي احرار
وبعدين كله هيبقي تمام
السلام عليكم
ردحذفمدونتك وحشتنى جدا
ندعو الله ان ان مصر تفضل فى امن وامان بشعبها الطيب
المصريين طيبين جدا فضلو سنين كتمين فى نفسهم لحد ما الكبت ده خرج فجأه مع شباب الثوره عشان كدا الاعتصمات امام المصالح الحكوميه والمؤسسات الخاصه بقت ظاهره غريبه جدا اكنهم كانو فى زجاجه غطاها مغلق وانكسرت فجأه
بجد انا مع انى رافض ده ولكن انا متعاطف مع الناس دى الناس دى كانت بتعيش بليوم يعنى لو قعد يوم ممكن يجوع
بجد كان الله فى عون المصريين
وتحيه وفاء وتقدير لشهداء مصر الشرفااااااااااااء
مين يسمع ؟
ردحذفالحرية ليها ضوابط
للاسف مبنعرفش نستخدمها صح
للاسف البعض ركب الموجة فوق اشلاء الشهداء و دخل مرحلة جمع الغنائم
ردحذفللاسف البعض ركب الموجة فوق اشلاء الشهداء و دخل مرحلة جمع الغنائم
ردحذفللاسف احنا لسه في كي جي 1 في حاجات كتير وعلي العموم كل مرحلة ليها عيوبها ومميزاتها احنا الحمدلله عدينا مرحلة الخوف والصمت والترويح والفزاعات اللي كان عملها النظام الفاسد اللي بنسمع كل يوم فضايح عليه وما خفي كان اعظم انا وجهة نظري ان دي مرحلة او فترة وهاتعدي مش عارف ليه انا متفاءل ان بكرة هايكون افضل وده علي غير العادة يعني
ردحذفنحاول نهدي بس وانشالله خير
وانا معاكي ان اللي بيحصل ده غلط جدا طبعا وانشالله تعدي علي خير
اسف علي الاطالة
تقديري واحترامي
يا استاذه موجه
ردحذفانا زعلت اوى منك وجى وانا زعلان
لأنك اتهمتينى ووصفتى نفسك انك بتخافى على مصر اكتر مننا
ومعلومه تنيه مفيش حد فى التحرير دلوقتى معلوماتك كانت غلط احنا مشينا من بدرى
وتانى حاجه شباب الثوره او شباب الاعتصام مش همجيين وعيب توصفيهم كدا لأن دول الى شرفوكى وشرفو بلدك كلها امام العالم من المحيط الى الخليج
احنا بعد خطاب التنحى وبعد حل مجلسى الشعب والشورى مشيينا اما مظاهرات يوم الجمعه دى كانت جمعه النصر وتنديد بباقى مطالبنا الى هيا الافراج عن باقى المعتقلين والتحقيق مع رؤوس الفساد بس
فهمتى يا موجه وارجو متوصفيش الوصف ده تانى
لو حبيتى تعلقى بلاش مملكه الزمن الجميل لأنى مش بخشها مدونتى الان ثوره الغضب
Casper
ردحذف__________
بحييك على تعليقك
وفعلا اى واحد مش عاجبه حاجه بقى يلم شوية ناس ويقول معتصم
يارب نعرف واجباتنا زى ماعرفنا حقوقنا
sony2000
ردحذف_________
ربنا معانا يارب
ويعلى البلد وشبابها واهلها
يارب ننتبه بقى
mrmr
ردحذف_________
والله يامرمر انا فعلا مبسوطة باللى وصلنا ليه من انجازات
بس مش كل الشباب اللى فى مصر هم شباب 25 يناير
فى شباب بجد ما يعرفش غير شرب الحشيش ومعاكسة البنات وقلة الادب
عشان كده همى ان شبابنا النضيف يبعد نفسة عن الشبهات ومايخليش الجماعة المتطرفين يستغلو حماسهم عشان يمشو امورهم الشخصية
شكرا ليكى يا جميل
غير معرف
ردحذف_________
يا استاذ غير معروف انا مكنتش ضد الثورة
انا كنت ضد وقف الحال والمخاوف اللى كلنا كنا بنبات فيها ونصحى فيها
كنت ضد عدم الامان اللى احنا بقينا فيه
كنت ضد الحرق والسرقة والنهب وكنت ضد الحرق الاعتداءات غير المشروعة
شكرا ليك يا .....
ادمـ الـــمصرى
ردحذف________________
تحيه ليك يا ادم
وتحيه لكل شباب مصر العظماء
اللى فعلا غيرو وسجلو تاريخ جديد لبلدنا
ربنا يوفقنا جميعا
منور مدونتى دايما
Ms Venus
ردحذف__________
اتمنى نبدا نتعلم كل ضوابط الحياه عشان نعيش احسن
شكرا لمرورك
ابراهيم رزق
ردحذف______________
وهو ده اللى انا بتكلم فيه
اللى داخل يلملم فى ارباح الثورة من غير ما يكون له حق فيها
اشكرك لمرورك
سندباد
ردحذف_________
يارب تعدى بسرعة عشان نرجع نعيش فى امان زى الاول واكتر بقى
يارب يا سندباد
منورنى دايما
ادمـ الـــمصرى
ردحذف________________
بدايه كده يا ادم
بلاش زعل
ما احبش تكون زعلان منى او من كلام قلته
والاختلاف فى الراى لا يفسد للود قضية
خلينى اوضح لك اللى اقصده عشان ماتزعلش
انا ما قلتش انى بحب مصر اكتر منكو
كل ابن من ابناء اى ست بيقول انا بحب ماما اكتر
ده اللى تفهمة انى حتى لو قلت كده ده بدافع الوطنية
مش بدافع مين اكتر من مين
ومش بدافع تقليل حبك للوطن
تانى حاجة الناس كانو فى التحرير واشتبكو مع قوات الجيش عشان مش عايزين يمشو
والناس دوول انا ماقلتش انهم شباب 25 يناير
بس ناس تانيين انا وانت عارفينهم
ولحد يوم الجمعة اللى فاتت كان فى ناس بتدعو للتجمع فى التحرير تانى
ايا كان التجمع للاحتفال او للمظاهرة فهو وقف طريق ووقف حال
ما شفتش الحرمية اللى بيروحو يسرقو المحافظ بتاعت جثث عاملة حوادث طريق
انا كنت بتكلم على كده
على البلطجية اللى هيدخلو بحجه الاحتفال ويبداو يمارسو هوايتهم فى السطو على الناس
انا يشرفنى شباب 25 يناير ويشرفنى انى اكون من جيلهم
وبحبكو كلكو يا شباب 25 يناير عشان عملتو حاجة عظيمة تستاهلو التكريم عليها
ارجوك تكون فهمت قصدى وارجو تطمنى على زعلك وتقول انه خلاص مافيش زعل
احنا اخوات وانا ممكن عشان بخاف على اخويا اضربه واحرمة من نزول الشارع
وانا بخاف عليكو يا اخواتى
جمعــــة الحســاب 25 فـــبرايـــــر
ردحذفمظاهرات مليونية في ميدان التحرير وكل المدن المصرية
الشعب يريد
مجلـــس رئاســـــي
حكومـــة إنقــــــــاذ
محاكمــة مبــــارك
سيتبع ذلك الدعوة إلى إضراب عام وعصيان مدني شامل حتى تتحقق مطالب الثورة
النظام كما هو لم يتغير ، لم تتم محاسبة الفاسدين .. تم حبس أربع أغبياء كباش فداء فقط ، أين زعماء العصابة الكبار؟
أين عمر سليمان الذي هرب أموال مصر للفاسدين حينما كان رئيسا للمخابرات؟
أين صفوت الشريف؟
أين زكريا عزمي؟
أين فتحي سرور؟
أين أين أين عشرات الفاسدين؟
النظام مازال موجوداً بكل قوته في الحكومة ، المحافظات ، المحليات ، الأحياء ، وزارة العار الداخلية وأمن الدولة القذر مازال يمسك بالمعارضين حتى اللحظة ؟ إذن اين هو التغيير ؟ بل أين الثورة التي تدعي أنك تحميها يا جيشنا العظيم؟
الجيش في كل بقاع الدنيا لم ولن يهزم شعباً مهما أوتي من قوة .. مستحيل مستحيل .. وهذا هو السبب الرئيسي في حسن تعامل الجيش مع المتظاهرين لأنه ليس لديه أكثر من هذا أمام ملايين المتظاهرين ، إن فعل غير هذا سوف يخسر خسارة رهيبة لا يطيقها ، فقد هرب قبله جيش البوليس الذي يفوقه عشرات المرات فماذا عساه أن يفعل الجيش مع شعب ثائر؟ لقد رأينا جميعنا على الفضائيات تعامل الجيش وضرب المتظاهرين الذين تبقوا في ميدان التحرير منذ أيام لأنهم قلة.
جيشنا العظيم يحمي الفساد .. يحمي مبارك وأعوانه في شرم الشيخ .. يمارسون حياتهم بشكل طبيعي كأن شيئاً لم يكن .. وكأن النظام لم يسقط .. يسعون إلى امتصاص الثورة وتطويقها .. ولكن لن نترك لهم هذه الفرصة أبدا .. نازلين نحقق أهداف ثورتنا بنفسنا بالمظاهرات المليونية والإضرابات والعصيان المدني.
http://ibnbahya.blogspot.com/
http://www.facebook.com/event.php?eid=185218911516253
الجاسوس الذي أحب اسرائيل
ردحذفهذه حقيقة الفرعون الكرتوني الذي حكم مصر الكنانة.. اصح يا مصر
http://boukerchmohamed.unblog.fr/2010/01/31/1610-28
يلا كلنا يبقى لينا دوووور
ردحذفكل واحد يبدا بنفسة
ويقول للى يعرفه
اشتغل واتعب وانتج واعلا واسبق كل خطوة بالف ميل
عشان اللى عاش فى الايام دى يعلم اولاده اللى جايين اننا رجاله فى 73 ورجاله فى 2011
عندك حق فعلا لازم نشتغل ونساعد بعض ونكون ايد واحدة عشان مصر امنا ترجع احسن من الاول بكتيير
موجة اسعدنى كثيرا تواجدى فى مدونتك
وساتابعها كثيراا ان شاء الله
تحياتى لقلمك الثائر ........
شركة رش مبيدات بالدمام
ردحذفشركة مكافحة حشرات بالدمام
شركة تنظيف شقق بالدمام
شركة تنظيف فلل بالدمام
شركة مكافحة حشرات بالخبر
شركة تنظيف شقق بالخبر
شركة تسليك مجارى بالدمام
شركة تنظيف بالدمام
شركة تنظيف سجاد بالدمام
شركة مكافحة حشرات بالاحساء
شركة مكافحة النمل الابيض بالاحساء
شركة مكافحة حشرات بالجبيل
شركة مكافحة النمل الابيض بالجبيل
شركة تنظيف منازل بالجبيل
شركة تنظيف شقق بالجبيل
شركة مكافحة النمل الابيض بالدمام
شركة تنظيف مجالس بالدمام