الساعة فى ايدك كم؟
ياعم
الساعة كم؟
هى الساعة 6 ولا الساعة 7
اتغيرت
امتى ده
ياسلااااام
يعنى لسه ساعة كمان عشان معاد عربية الشغل
حلوووو اووى اما الحق انام شوية بقى
هههههههههههههع
لما الحكايه بسيطة كده وسهلة وعرفو يخلو المغرب بدل ما ياذن على 8 ياذن على 7
طب ما يخلو الفجر ياذن على تلاتة الا ربع بدل اربعه الا ربع ويخلو المغرب بقى ياذن على ستة
ياااااااااااااه
ايه الاستخفاف ده
هم يعنى كده خلو ساعات الصيام ااقل ساعة
ولا ايه
بيثبتو لنفسهم انهم بيعرفو يتحكمو بالوقت والزمن
وبدل الشمس ما تطلع سبعة هنخليها تطلع سته وكله بادينا
ماحنا الحكوووووومة
مافيش دولة بتعمل الكلام ده الا مصر
معرفش ايه الحكمة فى كده يعنى
بيوفرو كهربا مثلا
طب مانتو بتقطعو الكهربا كل يوم ساعتين او تلاتة ودى طريقة مفقوسة ومكشوفة لتوفير الكهربا بس سكتنا يعنى وماتكلمناش
اصل انتو الحكومة بقى
وبعدين ناقص ايه تانى
الميه وهى كمان بتتقطع
وشوية شوية وهتعملو لكل فرد حصة من المية
بحيث انه ياكل ويشرب ويستحمة ويغسل هدومة بالحصة دى
واللى هيدلق منه شوية ميه هو المسئوووول
ايوة اللى يفرط فى الحصة بتاعته من المية انا مش مسئوووول
فاضل ايه تانى ياربىىىىىىىى
اه اللى جاى انشاء الله انهم
يعبو الهوا فى ازايز
وكل واحد ماشى فى ايده ازازة وطالع منها خرطوم متوصل على مراخيره
ولا على بوءه وماشى عمال يشم يشم فى الهوا
وبكده محدش يطلب من بابا انه يخرج
يابابا عاوزة اخرج اشم شويه هوا
لاء
ازازتك معاك وخرطومك على بؤءك او فى مراخيرك يبقى كده كله تمام
وبعدين تلاقى الشعب المصرى كله بيغنى بدون حرج
هات الازازة واقعد لااااعبنى الهوا طازة والخرطوم فى وووودنى
اهو بقى
اى كلام والسلام
بس من النهاردة ما فيش حكومة
انا الحكومة
انا الحكووومة
مش هشم هوا
ولا هشرب ميه
ولا هاخر الساعة
وطظ بقى واللى عندهم يعملوة
ما دام انت الحكومه بقى اقدر اطلب اللى انا عاوزاه براحتى
ردحذفبما اننا اصحاب وزملاء بلوجر واحد
1- زياده حصتى فى الميه
2- عدم انقطاع الكهرباء عنى وخصوصا فتره الظهر علشان الجو بيبقى ناااااار
3- زياده فى المرتبات لحسن الاسعار بقيه نااااااار
4- توفير المواصلات الكافيه علشان الزحمه الكتيره
وكفايه كده انهارده بكره اكمل باقى الطلبات
كل سنه وانتى طيبه يا اجمل موجه
رمضان كريم
كل ده يامرمر
ردحذفليها حق الحكومة تمنع المية والهوا والكهربا
كل دى طلبات
بيقولك
ان كان حبيبك عسل ما تلحيسهوش كله
انتى كده
شفطيه كله
ارحمى شوية
ارحميى
كل سنة وانتى بخير
كل عام انتى بكل خير
ردحذفانتى هتتكلمى فى السياسه ولا ايه
دى سياسه عليا
احنا ملناش فيها
هيأخروا الساعه
هيلغوا الساعه
احنا مالنا احنا مستسلمسن ليهم
حتى مفيش احترام لينا
حتى يستفتونا فى الموضوع
د\ه كوم والميه كوم تانى
وكمان الميه بالماتور يعنى لما الكهرباء تنقطع يعنى مفيش ميه ولما الميه تنقطع يعنى الكهرباء مش هتجيب الميه
مش عارف اقول ايه
حاجه تفطر على رأى
ابراهيم عيسى
كل سنه وانتى طيبه
ايه يا موجتى أحنا هندخل فى شغلهم ولا ايه؟؟!!!!!!
ردحذفيقدموا الساعه
يأخروا الساعه
يخفوها خالص
!!!!!!!!!!!!!
يابنتى هما يقرروا وأحنا ننفذ غصب عن الطخين
شكلهم هيجوا يسحبوكى ويسحبونا معاكى
ههههههههههههههههه
ونبى طالما فى طلبات وبما انك الحكومه وانا كمان بطالب زى مرمر بالحاجات البسيطه دى
ههههههههههه
حلوه فكرة يعبوا الهوا فى ازايز وكل واحد ماشى فى ايده ازازة وطالع منها خرطوم متوصل على مراخيره على بوءه وماشى عمال يشمشم فى الهوا
هههههههههه يخرب عقلك
ضحكتينى
موجه كل سنه وانتى طيبه
رمضان كريم
للاسف هترجع تانى بعض رمضان ولا كأن شىء حصل
ردحذفأحنا عاملين زى عرايس الماريونت بيحركونا وبيلعبوا بينا زى ما يحبو
بقا كل شىء متاح فى مصر
اياكى تنسى المقوله الشهيره
أبتسم أنت الأن فى مصر
وهى دى مصر يا عبله وهى دى حكومتنا الجميله
ولسه ياما هنشوف
هع هع هع هع
وعجبى
أزال المؤلف هذا التعليق.
ردحذفهههههههههههه
ردحذفانتى مجنونه وربنا
وكمان مرمر جايه تزودها ههههههههه
تعرفى ياموجه
طبعا رمضان بنعرفه ازاى بالاثبات الفلكى
احنا بقه وانا فى الكليه كنا كنا بنستخدم الاثبات الاحصائى
احصائيا وليس فلكيا
زى ما قلتى كل حاجه بقت بايد الحكومه
والساعه عندى الوقتى
5.17 بالظبط
عارفة ليه بيحصل كل ده..؟؟
ردحذفعشان البيه الموظف (الكسول) مش يحس بعناء الصيام ويتاخر ساعة في النزول للشغل..
حاجة كده وكأن الموظفين دول بيشتغلوا بجد..!!
امال لو كان المرتب بالانتاج بقى كانوا عملوا ايه..؟
متهيالي كل موظف كان دفع للبلد مرتب مش ياخد..!!
كل سنة وانت طيبة
محمود باحث عن حب
ردحذف_______________
سياسه مين يابابا
احنا مبنخافش
ولا بيهمنا
هى من ناحية حاجة تفطر
فانا فطرت خلاص
وبعدين مين ابراهيم عيسى ده
كل سنة وانت طيب
الحب الجميل
ردحذف____________
لا تقلقى يا حبيبتى
انا ليا سوابق فى المواضيع دى وواخده ع المرمطة
وبعدين طلبات ايه تانى
ارحمونى بقى
عجبك موضوع الازايز
طيب هبقى اديكى ازازة زياده
بخرطومين خرطوم ليكى وخرطوم ل لولو
وابقى سلمى ابو على بقى
اتنين حبيبن
ردحذف__________
اه والله ياتوته
هنرجع الساعة تانى بعد رمضان
ويخلو الشمس تطلع الساعة 6 بدل سبعة وكلام كبير
ايوة
يبقى انت اكيد اكيد فى مصر
داليــــــــا
ردحذف_________________
نورتنى بتعليقاتك من جديد ياقمر
وكله بايد الحكوووووووومة
وحشتنى ضحكتك
بزمتك ما وحشكيش الشاعر بتاع خالتك موجه
كما قال الشاعر
لو سالتك انت مصرى تقولى ايه
قولى مصرى وابن ....... تيت
TIMO
ردحذف_______
من ناحيه اللى بيشتغلو بالانتاج
فاحب اقولك ان كل القطاع الخاص شغال بالانتاجيه
لكن ده عشان يضحكو على نفسهم ويضحكو علينا
يلا بقى
نورتنى
ابراهيم عيسى ده
ردحذفرئيس تحرير الدستور
وكمان بيقدم برنامج على ON TV
باسم حاجه تفطر
وكمان برامج كتيره
منها برنامج حمرا
على موجه كوميدى
انا متابع جيد ليه
بس
معلش بقه دوشتك
كل سنه وانتى طيبه
هههههههههههه
ردحذفضحكتينى يا موجتى
بس أيه الكرم دا كله
دى مشاكل انا ممكن اقول عليها بسيطه جدا
ردحذفلكن المشاكل بجد فى الى لسه هييجى
اكيد متبعا السيول الى اجتاحت العالم كلو
واخرها كان فى اسوان والسودان
ومشاكلنا مع دول حوض النيل الى فى يوم من الايام بعد 30 سنه هتكون حصه كل فرد من شعب مصر هتوصل لنصف حصته دلوقتى يعنى مجاعه
وكدا كدا اصلا احنا فى مصر عندنا قرى مبيجلهاش مياه بشهور
اما مشكلها النور دى عندنا من زمان
اتعودنا عليها
اعرف اصدقاء عراقيين وأردنيين وفلسطنيين
مصاحب منهم كتير عشان مجال شغلى
كانو بيقولو ليا احنا لما بنرجع بلدنا ونعرف ان فى فرد من العيله نازل مصر كنا بنقوله لما تنزل وتشوف حاجه مش تستغرب عشان هيا دى مصر
ــــــــــــــــــ
فا محدش يتعب نفسو وتوجعو قلبكم عشان امور احنا بنام عليها كل يوم
واخر كلامى عاوز اوجه رساله لكل المدونيين لأنى انقطعت كتير عنكم انتو وحشنى كتيييير بجد وكل عام وانتم بخير
كل سنه وانتى طيبه
ردحذفكل واحد ياخد باله من ساعته هما يقدموا الساعه ياخروها براحتهم بس اوعوا ياخدوها منكم اللى تاخده الحكومه مابيرجعش هههههههه
محمود(باحث عن حب
ردحذف_____________________
ممممممممممممم
قولت لى بقى مين يطلع ابراهيم عيسى
هى فعلا حاجة تفطر
هو برامج حمرا ده اسم برنامج ولا لون برنامج
ماشى ماشى
ادوشنى برحتك يا محمود
المدونة مدونتك وخد راحتك ع الاخر
الحب الجميل
ردحذف____________
ربنا يفرحك
عدى الجمايل ادينى بضحكك اهو
سلمى لى على ابو علي بقى وقلى له ما يزعلش
هبقى اديله هو لوحده نص خرطوم
ادم المصرى
ردحذف__________
حمد الله ع السلامة يا ادم
عود احمد يا ادم
ويارب ما تغيب تانى كده بدون سابق انذار
عمرو يسرى
ردحذف___________
كل سنة وانت بالف صحة
وانت ساعتك عامله ايه دلوقت
االسلام عليكم ورحمة الله وبركاته
ردحذفالحتة دي بجد تحفة "
يعبو الهوا فى ازايز
وكل واحد ماشى فى ايده ازازة وطالع منها خرطوم متوصل على مراخيره
ولا على بوءه وماشى عمال يشم يشم فى الهوا
وبكده محدش يطلب من بابا انه يخرج
يابابا عاوزة اخرج اشم شويه هوا
لاء
ازازتك معاك وخرطومك على بؤءك او فى مراخيرك يبقى كده كله تمام
وبعدين تلاقى الشعب المصرى كله بيغنى بدون حرج
هات الازازة واقعد لااااعبنى الهوا طازة والخرطوم فى وووودنى
"
ههههههههههههههههههههههههههههههههههههه ههههههههههههههههههههههههههه
بجد بجد ضحكتيني جدااااااااااااا عليها
مدونة جميلة جداً موجة
كل سنة والكل بخير يا جماعه رمضن كريم
ردحذف
ردحذفشركة تاج للتنظيف بالدمام 0551844053
شركة مكافحة حشرات بالدمام
شركة رش مبيدات بالدمام
شركة تنظيف بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالخبر
شركة مكافحة حشرات بالخبر
شركة تنظيف شقق بالخبر
شركة تنظيف سجاد بالدمام
شركة مكافحة حشرات بالاحساء
شركة مكافحة النمل الابيض بالاحساء
شركة مكافحة حشرات بالجبيل
شركة مكافحة النمل الابيض بالجبيل
شركة تنظيف منازل بالجبيل
شركة رش دفان بالدمام
شركة مكافحة النمل الابيض بالدمام