ما هو اغلى اسم على قلبك؟
مين اغلى 3 اصدقاء عندك؟
هل يمكن ان تكره من احببت؟
لو شفت حبيبك اللى جرحك صدفة....هتعمل ايه؟ وهتحس باية؟
هل يمكن اصلاح القلب الذى انجرح؟
ليه دايما الانسان مش بيحس بقيمة اللى معاه الا بعد ما يضيع منه؟
ايهما اصعب الفراق ام الخيانة؟
ايه اكتر حاجة ممكن تخليك حزين اوووى؟
ما هى اسعد لحظة فى حياتك؟
بصو بقى
ردحذفتجاوبو ع الاسئلة
وكل الاسئلة اجبارى
وانا طبعا جاوب عليها بس فى الاخر خالص
وحشششششششششششتينى موووووووووووووووووووووت
ردحذفاخبارك ايه
هروح اقرء واجاوب وارجع
هيييييييييييييييييييييه
ردحذفأنا أول تعليق
تصفيق حاد
خلاص خلاص شكرآ اووى كفايه
انحناء
خلينا نحل بهدوء
بسم الله الرحمن الرحيم
ردحذفأمى بتسلم عليك ويتقولك ؟؟؟؟؟
الاجابه
محمد منير
هع هع هع هع
وحشتينى يا بت انتى مووووووووووووت
ربنا يخليكى ليا
هرجع تانى نبطل هزار
ونرجع
ما هو اغلى اسم على قلبك؟
ردحذفحسام
*************
مين اغلى 3 اصدقاء عندك؟
بصراحه حبيبتى اللى ربنا يسعدها ويوفقها R
وأنتى عبير حبيبتى
وأرق وأطيب واحن قلب بالوجود W
معلهش مش هذكر اسماء من اصحابى غير حروف
*************************
هل يمكن ان تكره من احببت؟
أيون أكره واكره كمان بس لو غلط فيا
واتسبب فى جرح كبير فى اللحظه دى مش هحبه ده أنا اتمنا له الموت فى كل وقت
**************************
لو شفت حبيبك اللى جرحك صدفة....هتعمل ايه؟ وهتحس باية؟
لو معايا سكينه هطعنه مليون مره على جرحه ليااااااااااااااااااااا
******************************
هل يمكن اصلاح القلب الذى انجرح؟
لالالالا عمره ما هيتصلح لانه هيكون نقطه سوده والجرح هيفضل ينزف وعمره ما هيتنسى
لأن الانسان مش بينجرح اوووى غير لما بيحب بالقوووووووووووى
**********************
ليه دايما الانسان مش بيحس بقيمة اللى معاه الا بعد ما يضيع منه؟
أنا كتير بسئل نفسى السؤال ده أنا ندمت على حاجات حلوه كانت فى ايدى وراحت منى بس تعرفى ربنا عوضنى خير
اللهم لك الحمد ولك الشكر يارب
******************************
ايهما اصعب الفراق ام الخيانة؟
هو الاصعب الخيانه
بس الفراق كمان صعب وبيوجع
**************************
ايه اكتر حاجة ممكن تخليك حزين اوووى؟
لما بتظلم وبجد أتظلمت كتير وبكره الظلم ده موت
*********************
ما هى اسعد لحظة فى حياتك؟
أسعد لحظه فى حياتى اللحظه اللى بكون فيها مع نور عيونى ونبض قلبى ودنيتى حسام اللى مالك قلبى وعقلى
ومن هنا هقولها بحببببببببك اوووووووووووووووى
وعمرى ما هنسا اى حاجه حلوه لانها هى دى اسعد لحظاااااااات حياتى
************************
الله عليكى اسئلة روعه جميله موت
وبجد جاوبته من كل قلبى
والله على ما اقول شهيد
يلا بقا انتى كمان عاوزه اشوف ردك على الاسئله عشان اعرفك اكتر واكتر واكتر
ردحذفانا بكلمك وبحبك بس مزاجى بقا اعرف هتجوبى ازااااااااااااااااى
ربنا يخليكى ليا يا حياتى
اتنين حبيبن
ردحذف______________
انتى كمان وحشانى مووووووووت
اتنين حبيبن
ردحذف____________
ايه يابنتى انتى اخدتى البلوج لحسابك ولا ايه
منورة
موجه
ردحذفاهلا يا وزه
الاسئله دى اجبارى
يعنى ما فيش خيارات وطمطميات وبطاطسيات ولا جرجيرات
اوك
السؤال الأول
ماهو اغلى اسم على قلبك ؟
زوجى حبيب قلبى وعمرى
السؤال الثانى
مين اغلى 3 اصدقاء عندك ؟
احب اقول انى ماليش غير صديقه واحده بس بمموووووووت فيها اسمها نوال
لكن كل اللى حواليا هم اصدقاء مدونات ونفسى اتقرب منكم بجد واشوفكم وتكون فى صداقه حقيقيه معاكم عن قرب
السؤال الثالث
هل يمكن ان تكره من احببت؟
لا يمكن اقدر اكره من احببت لان القلب اللى عرف معنى الحب لا يمكن يعرف الكره ابدا
السؤال الرابع
لو شفت حبيبك اللى جرحك صدفة....هتعمل ايه؟ وهتحس باية؟
اكيد مش ح اديله وش لانى ح بقى متلخبطه
وفى حاله توتر وغضب
السؤال الخامس
هل يمكن اصلاح القلب الذى انجرح؟
بيبقى صعب الاصلاح لكن احتمال كبير الجرج يداوى بكلمه حلوه مع مبررات سبب الجرح يمكن يكون غصبن عنه جرحنى بدون قصد
السؤال السادس
ليه دايما الانسان مش بيحس بقيمة اللى معاه الا بعد ما يضيع منه؟
لان فقد الشئ يبقى صعب الاسترداد علشان كده بنحس قوى بقيمة لانه مش ح نقدر نعوضه
يالهووووووووى يا موجه تعبت طيب نكمل بكره
لا خلاص هانت كلها 3 اسئله واخلص
طيب فاصل ونواصل
السؤال السابع
ايهما اصعب الفراق ام الخيانة؟
حسب سبب الفراق
اما الخيانه بتبقى صعبه للغايه لانها بتسبب جرح عميق صعب علاجه ويمكن يكون صعب غفرانه
مقدرش اقول مين فيهم اصعب لانه بيتوقف على سبب الفراق ذى ما قلت
السؤال الثامن
ايه اكتر حاجة ممكن تخليك حزين اوووى؟
الشئ المخزن بالنسبه ليا انى احس انى مهمله من شريك حياتى اواشوف حلم حياتى ينهار قدام عينى
هااااااااانت
السؤال التاسع
ما هى اسعد لحظة فى حياتك؟
اسعد لحظات حياتى لما بكون وسط اخواتى وزوجى وبناتى يجمعنا المحبه والود والرحمه واقدر اسعد شخص حزين
ياااااااااه يا موجه
الاسئله ارهقنى قوووى
ياللا يا قمر كوبايه عصير مانجو حالا لحسن نشفتى ريقى
ويسلام لومعاها حته جاتوه
ابقى ادعيلك
ربنا يسعدك يا قمر
أزال المؤلف هذا التعليق.
ردحذفاتنين حبيبن
ردحذف_____________
ايوة يا عم حسام
محدش ادك بقى
غلى اسم على قلبها
اوعدنا يارب
بحييكى على صراحتك فى الاجابة
وبجد اجاباتك عجبتنى اوووى وضوحها وبساطتها
MRMR
ردحذف____
معلشى بقى يا جميل
الاسئلة اجبارى مش اختيارى
اهاااااااااااااا
ربنا يخليلك اخواتك وعيلتك وزوجك شريك حياتك
ويجعلك دايما مبسوطة ومحققة كل اهدافك
يلا روحى اشربى لك عصير برتقال بقى فى الصيف ده
مانجا ايه
هو ده اوان المانجه
ايون أخدته لحسسسسسسسسابى
ردحذفحد عنده مانع
اللى هيدخل هنا فى متفجرات وضرب نار واسلحة دمار شامل
كله يبعد عن هنا
المدونه فيها سم قاتل
هههههههههه
اى خدمة شوفتى ازاى بخلى اصحابنا يدخلوا فى امان
مبسوطه ياقلبى انها عجبتك والله
ردحذفلان دى الحقيقه
ربنا يسعدك ويسترك يارب
امووووووووووووووووووووووواه
موجه
ردحذفهجاوب بس لما افوق لك وافوق لأسألتك
سلام
موجه... اية الأمتحان المفاجأ دة
ردحذفبس دة فيه أسألة مش فى المنهج (:(:
هنجاوب و أمرنا لله (:
أسم غالى عليا هو اسم ملاكى
اغلى تلت أصدقاء
فيليب... ملاك .... مايكل
مش هعمل حاجة هسلم و أبتسم مش علشان ابين ان مفيش حاجة و انه مجرحنيش يعنى ابان قوى لأ
علشان مش هكون شايل منه
مش عارف انا لسه قلبى منجرحش
الخيانة اصعب بكتيييير الفراق ممكن يكون لأسباب كتير أسوئها افضل كثيرا من ان حد يخونك
عدم أحساس الناس بيا عدم أحساسهم بحبى ليهم و تقديرى
أسعد لحظة
لما يجيلى ردها (:(:
بأيوة طبعا(:
يا رب انجح (:
تسلم ايدك (:
اجاوب ولا لا
ردحذفطبعا هجاوب حتي لو في احتلال.........موش مدونه مصريه:))
1\ستيته حسب الله الحمش..بحبها فالله وبعتبرها امي دائما
2\نيما الانتيما...ستيته بردو...منون درويش صاحبه مدونه واحد شاي
3\لا...للاسف مابعرفشي اكره
الله اعلم اذا كانت ميزه ولا عيب بس دي انا
4\هقولو كفايه كلمه حسبي الله ونعم الوكيل
وهسيبو لربنا وانا عرفه ان ربنا هياخدلي حقي
5\ممكن بس محتاج كتير اوي وكمان ناس عرفاك صح وقفه جنبك
6\لانه هو كدا...طبيعته كدا
عجول بطبعه دائما...فلما بيتضيع منه حاجه موش بيحمد ربنا علي وجودها بيقتقدها ويقول ياريت اللي جري ماكان
7\الخيانه...جرح دائم ينذف من القلب
8\احس فيوم ان من كتر ذنوبي موش قدره استحملها ولا استحمل ان ربي غضبان عليا
9\نفسي نفسبي...احج واموت ادفن جنب الرسول صلي الله عليه وسلم...لحظتها هبقي سعيده جدا
ولما بشوف اللي حوليا فرحانين ومبسوطين
يلا خلصت اهو
لو سمحت بقي اخد كااااااااام.؟؟
أغلى اسم على قلبى ... أسماء اللى بحبهم ... "ماما وأختى"
ردحذفأغلى 3 أصدقاء ... لا يوجد أصدقاء حقيقيين وخصوصا بين البنات
مقدرش أكره من أحببت .... الا اذا عمل مصييييبة كبيييييييرة أوى... بس برده بيفضل جوا الواحد حاجة بتنبض كدة مهما عمل...
لو شفت حبيبى اللى جرحنى صدفه.... معرفش أبدا هعمل ايه... رد الفعل أكيد هيكون وقتى
*يمكن اصلاح القلب الذى انجرح... اذا قابله قلب تانى كبيييير يحبه أوى ويحترمه أوى ويحس بيه أوى أوى أوى وياخده لدنيا تانية تغير حياته كلها..
*دايما الانسان مش بيحس بقيمة اللى معاه الا لما يضيع منه.... عشان دى طبيعة البشر....لما بتكون الحاجة فى ايديهم بيحسوا انهم ملكوها وبتاعتهم ومش هتروح منهم أبدا مهما حصل .. دايما بصين تحت رجليهم.... مبيبصوش أبدا لقدام ... مش بيفوقوا الا لما الحاجة دى تروح منهم
*الاتنين صعبين الفراق والخيانة... بس الأصعب "الخيانة" .. فى الفراق الواحد بيمشى وجواه ذكريات جميلة للشخص ده بس الظروف هيه اللى فرقت بينهم... انما الخيانة بتسيب وجع لا يمكن يمحيه الزمن.
أكتر حاجة ممكن تخلينى حزينة أوى ...فراق ناس بحبهم ويحبونى أوى .... والكذب والخيانة من ناس كان عندى ثقة فيهم ..دول بيموتونى
أسعد لحظة فى حياتى...لما بكون مع الناس اللى بحبهم ... ولما بسعد شخص بأى حاجة بسيطة... ولما بحقق نجاح معين فى شغلى
ها.... هتدينى كام على عشرة؟؟؟
اجابة السؤال الاول
ردحذفما هو اغلى اسم على قلبك ؟
الاجابه
بنوتى لولو
ـــــــــــــــــــــــــ
اجابة السؤال التانى
مين اغلى 3 اصدقاء عندك؟
فى المدونه كلكم اصدقاء غالين عليا وبدون ذكر اسماء عشان منساش حد
وفى الحياه الشخصيه كتيررررروالجديد مارو
ـــــــــــــــــــــــ
السؤال التالت
هل يمكن ان تكره من أحببت؟
الاجابه
لالالالالالالالالالالالالالا
لا يمكن وعلى تجربه بقول لا
ــــــــــــــــــــــــ
السؤال الرابع
لو شفت حبيبك اللى جرحك صدفة....هتعمل ايه؟ وهتحس باية؟
الاجابه
لما يحصل معايا الموقف دا هبقه اجاوب مش موجود فى المنهج عندى
بس يمكن تكون الاجابه ابكى لان قلبى ضعيف
ــــــــــــــــــــــــ
السؤال الخامس
هل يمكن اصلاح القلب الذى انجرح؟
الاجابه
يمكن ومش يمكن حسب قلب كل واحد وحسب الاصلاح شكله ايه
الجرح ممكن يخف بس بيسيب اثر وممكن الاثر يتلاشى مع مرور الايام
ــــــــــــــــــــــ
السؤال السادس
ليه دايما الانسان مش بيحس بقيمة اللى معاه الا بعد ما يضيع منه؟
الاجابه
لانه بيكون ضاع منه خلاص والقيمه بتروح معاه
ــــــــــــــــــــــ
السؤال السابع
ايهما اصعب الفراق ام الخيانة؟
الاجابه
مقدرش اقول انهى الاصعب لان الاتنين اصعب من بعض
جايز يكون الفراق احسن شوى على اساس بيسيب ذكرى جميله جوا القلوب ويمكن القلوب تتلاقى من تانى
اما الخيانه فصعبه لانها بتسيب جرح فى القلب من الصعب ان نداويه
ـــــــــــــــــــــــــ
السؤال التامن
ايه اكتر حاجة ممكن تخليك حزين اوووى؟
الاجابه
لما اشوف دموع لولو فى عيونها
ـــــــــــــــــــــــ
السؤال الاخير
ما هى اسعد لحظه فى حياتك
الاجابه
ابتسامه وفرحة لولو واشوفها مبسوطه دايما
ـــــــــــــــــ
كل امتحان وانتى طيبه يا موجه
اتنين حبيبن
ردحذف_____________
برحتك ياروح قلبى
خدى اللى انتى عاوزاه ومالكيش دعوة محدشهقدر يكلمك
المدونة مدونتك والبلوجر تبعنا
الحب الجميل
ردحذف__________
برحتك ياقلبى مستنياكى ومستنيه اشوف اجاباتك
RAMY
ردحذف______
هتاخد 9 على 10 يارامىى
غلاسة بقىىىىى
وربنا يفرح قلبك ويجيلك ردها بايووووة طبعا
SONY2000
ردحذف_________
اهلا طبعا بيك هنا فى المدونة بتاعتى
واول حاجة تيجى فى امتحان
يلا عشان لما تعرفى النتيجة تيجى علطوول
اقولك بقى تاخدى كام
تاخدى ياستى امتياااااااااااااااااز
اجاباتك جميله
ربنا يحفظك تابعينى دايما
SHAIMAA
ردحذف________
والله ياشوشو ياحبيبتى انا قريت اجاباتك اكتر من مرتين
وف كل مرة بحس انى بقراها لاول مرة
كلامك جميل
لو عاوزة تبقى فى اسعد لحظات حياتك زى ما قولتى انك بتفرحى لما بكونى سبب سعادة ناس
اسعيدنى بزيارتك ليا ومتابعتك للمدونه
بجد كلامك حلو
الحب الجميل
ردحذف_____________
اخيرا حنيتى وجاوبتى
على فكرة مفيش مدرس بيسيب تلاميذه كده يجاوبو وقت ما يحبو كلام من ده
الاستاذة موجة مش هتتكرر تانى
صدقينى
ربنا يخلى ليكى لولو ويفرحك بيها وتشوفى
ايما فرحتها وضحكتها
بوسى لى لولو بقى
يعنى اول زيارة ليا هنا الاقى امتحان واجبارى الاجابه كمان
ردحذفماشى يا ست موجه بس على فكرة انا هاجوب بصراحه جدا بس المقابل طبق المحشى اتفقنا
أزال المؤلف هذا التعليق.
ردحذفاغلى اسم على قلبى هو
ردحذفحبيب قلبى وروحى وعمرى كله
****************************
اغلى اصدقائى هما
ناس متعرفهموش بصراحه
****************************
لا يمكن ان اكره من احب الا اذا
كرهنى هو او جرحنى او خانى
****************************
لو شوفت حبيبى بعد ما جرحنى
بصراحه مش عارفه
بس على حسب نوع الجرح اذا كان جرح عميق فاكيد هحاول انى ارد له نفس الجرح وبأى طريقه او احسسه انه مش ليه معنى فى حياتى ولا ليه لازمه فى الدنيا وان حبى ليه كان غلطه وهو ما يستاهلهوش حتى لو كنت لسه بحبه
******************************
هل يمكن اصلاح القلب الذى انجرح؟
اكيد
يمكن للانسان العاقل السيطرة على قلبه وان يداوى جروحه ويزيل اثارها من حياته
عشان الحياه لم تتوقف عندما انجرح قلبه
***************************
ليه دايما الانسان مش بيحس بقيمة اللى معاه الا بعد ما يضيع منه؟
علشان هو بيكون قضى معاه معظم اوقاته وعاش معاه فترة طويله واتعود عليه بحلوة او بمرة
فلما بيبعد عنه بيحن دايما ليه وبيحس انه كان كل حاجه فى حياته وانه يتمنى ان يعيش معه حتى لو كان ايه اللى حصل وبيعرف اد ايه وجوده فى حياته شىء مهم جدا جدا
******************************
ايهما اصعب الفراق ام الخيانة؟
الخيانه اصعب
الفراق انواع كتير جدا
ممكن لقدر الله الواحد يموت بعد الشر
طبعا وده قضاء ربنا سبحانه وتعالى
وممكن الواحد يتجوز وده قسمه ونصيب
وممكن ما يكنش فى تفاهم بين الاتنين فيحصل فراق بالاتفاق
وهو فى النهايه شىء صعب جدا اذا تم بين قلبين
اما الخيانه مش ليها غير معنى واحد بس وهى خــــيــــانـــه
يعنى يحس الشخص انه اتقتل واتهزم واتجرح فى مشاعرة واحاسيسه وكرامته وكبريائه وهما الاهم طبعا
الفراق ما باليد حيله
اما الخيانه فهى انكسار
*********************************
اكتر حاجه تخلينى حزينه اوى
انى احس دايما انى بحبك اكتر ما بتحبنى دايما بكون حزينه من ده
*****************************
اسعد لحظه فى حياتى
عندما يقول لى احبك او يا حبيبتى
*****************************
على فكرة برغم انى الاسئله بجد صعبه ومش كنت عايزة اجاوب عليها
الا انى استمتعت جدا جدا بيها وسعيده جدا بكل اجابتى عليها عشان بصراحه
فين بقى طبقى المحشى يا بنتى ههههههههه
جوجو عاشقه الاحزان
أزال المؤلف هذا التعليق.
ردحذفgogo!sf
ردحذف_______
ايه الناس اللى داخله على طبق دى
هو احنا فينا من كده
لاااااااا
انت متعرفنيش انا بخيله موووووووت
gogo!sf
ردحذف___________
بجد انا سعيده جدا باجاباتك دى
لانى فعلا حسيت انها طالعة من قلبك ودخلت قلبى علطول
بس كنت عاوزة اعرف اسم حبيب قلبك
شوفى بقى
هتنقصى درجة عشان مقولتيش
يبقى كده هتاخدى طبق المحشى قرديحى من غير لحمة
ابقى زورينى وتابعينى دايما
انا بقي مستني اعرف اجاباتك
ردحذفعشان اغش منها
الاسئله دى صعبه اوى
ردحذفاستمتعت بااجابتكم كلكم
كان نفسى اجاوب بس كنت ها نكد عليكوا نكد رهيب
كونى بخير
ابو العريف
ردحذف____________
اللى يخش وشوف الاسئلة.......... يجاااااوب مش يستنى يغش الاجابات
الشوكة الناعمة
ردحذف________________
الاسئلة مش صعبة ولا حاجة على الطالب اللى مذاكر
لكن تقول ايه بقى
يوم الامتحان يكرم المرء او يهااان
نورتينى على كل حال
اريد ان اسألكم لكن اريد اجابة ليست لشىء
ردحذفانا احب انسانة و هى تحبنى و الله جعلنا نحب بعضنا فيه فهى فى غاية الطيبة و لكن هناك انسانة اخرى تحبنى لا اعلم كيف اقول لها لا استطيع جرحها و لم اقول لها شىء و اتعجب كيف احبتنى رغم انها ليست من بلدى و لا رأتنى لا اقول انه مستحيل فحبيبتى احببتها و شعرنا ببعضنا قبل نعلم اشعر بكل المها ان بكت اعلم انها تبكى فى لحظة بكائها و ان تألمت او تعبت اعلم فورا اننا بروحنا قد مزجنا تحت صراط عرشه نتقابل بعد صلاتنا و النوم تنتقل روحنا اليه و هذا ما اجعلنى اعود للحب بعد كم من بعد وهم حبين جرحو فؤادى و جعلونى لا ارى حبا فى الدنيا كنت ابحث عن من تشعر بى كأنى ابحث عن شىء خيالى و أنا مؤمن به و قد وجدته و لكن هذه الانسانة الاخرى هى ايضا مكسورة الفؤاد من بلد اخرى غير بلدى و انا لا استطيع التكلم معاها او الاسترسال فى الكلام لانها تكون خيانة منى لمن احبها و خطيبتى ماذا افعل كيف نعم انا احب روحها و طيبتها فى هى انسانة طيبة و أتمنى لها الهداية فى كل شىءو أشعر انها تحتاج رعايةو حب لان كل من حولها طامعا فيها لانها جميلة و غنية و لكنى لا أستطيع ان أترك من أشعر بهاو حبيبتى كيف لا أجرحها و أوضح لها و لا أستطيع ان اعلقها بى أيضا و لكنى خائف على قلبهاو مشاعرها ان تجرح و تجرح نفسها و السلام عليكم
اللهم اجعل لى أجابة على لسان عبد من عبادك و من وحى حبك و رحمتك أرحمنا جميعا يا رب
ردحذف
ردحذفشركة تاج للتنظيف بالدمام 0551844053
شركة مكافحة حشرات بالدمام
شركة رش مبيدات بالدمام
شركة تنظيف بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالخبر
شركة مكافحة حشرات بالخبر
شركة تنظيف شقق بالخبر
شركة تنظيف سجاد بالدمام
شركة مكافحة حشرات بالاحساء
شركة مكافحة النمل الابيض بالاحساء
شركة مكافحة حشرات بالجبيل
شركة مكافحة النمل الابيض بالجبيل
شركة تنظيف منازل بالجبيل
شركة رش دفان بالدمام
شركة مكافحة النمل الابيض بالدمام