اتركنى لأحزانى
اتركنى لأيامى
اتركنى للسنين التى ضاعت فى اوهامى
اتركنى للعمر الذى ذهب منى هباءا ولا أبالى
اتركنى لأيامى
اتركنى للسنين التى ضاعت فى اوهامى
اتركنى للعمر الذى ذهب منى هباءا ولا أبالى
تركت قلبى للهوا به يلعب وما انت بالهوا دارى
خسرت
نعم خسرت كل شئ والان اندم
والندم فوق احتمالى
ندمت على انك كنت من اختيارى
ولم اجبر عليك ولكنى كنت فى عالم خيالى
تحديت الدنيا والناس وواجهت كل اعصار
ولكنى لا ابكى علية
بل ابكى على حالى
ابكى على احلامى وضياع امالى
وبماذا يفيد البكاء
لقد فات الاوان واصبحت محطمة الامالى
ولكنى لا اهزم ولن استسلم
وسيتحجر قلبى ويتجمد الدم فى شريانى
اتمنى الا اراك سعيدا والا اراك بجوارى
اتمنى ان ينتقم منك الله شر انتقام
اذهب بعيدا عنى لا يبارك للك ربى فى صحة ولا مال
اتركنى لاحزانى
قلبك أبيض يا هندسة .. العفو اشد انواع الانتقام...والنار لو مالقيتش حاجة تاكلها ح تاكل نفسها... وبعدين يا ستي لو عقربة ولا حنش بعد الشر عضوكى وهربو ح تعملى عقلك بعقلهم وتنتقمي؟..الشطارة انك ما تتعضيش تاني ...وخلاص.. اتعلمي مني ياستي بنيجي هنا ناخد على دماغنا وقلبنا ابيض وبنسامح برضة..يالا بقى كله بثوابه
ردحذفايووووووووووووه اسكندرانى
ردحذفايه يابنتى دا
انتى كنتى بتكتبى عنى ولا ايه
يخرب عقلك جبتينى صح
ههههههههههههه
بجد جميله ومستنى أوى
دامت كلماتك ياقمر
بقولك هضيفك عندى عشان أعرف اتبعك بعد أذنك ياقمر
بجد البوست يجنن
نورتينى فى المدونه
كل الحب
رجعت تانى
ردحذفبس ايه يابنتى القسوه اللى فى كلامك دى
ربنا بيسامح أحنا يابشر مش هنسامح
قولى منه لله وخلاص
TARKIEB
ردحذف________
اه والله انت مين اللى قالك انى قلبى ابيض
وبعدين فعلا العفو اشد انواع الانتقام
بس بيقولك العفو عند المقدرة بقى
وبعدين انت بتفول عليا
عاوز عقربة تعضنى
ماشى
انشالله حيه تقرصك بعد العقرب بتاعك ده ما يعضنى
بعد الشر عليا طبعا
ماشى ياعم تركيب
منور برضو
ندمت على انك كنت من أختيارى
ردحذفلم أجبر عليك لكنى كنت فى عالم خيالى
تحديت الدنيا والناس وواجهت كل أعصار
عجبنى مووووت الجزء دا
لم نجبر على شىء ونندم فى نهاية المطاف على الاختيار الخطىء
بجد حلو او البوست
تسلم ايدك
الحب الجميل
ردحذف_____________
انتى اجمل يا روح قلبى
تصدقى بقى ان انتى بترفعى من روحى المعنوية
وبعدين انتى تضيفنى عندك بدون استئذان ده شرف ليا انا يا اجمل مدونة
واقولك القسوة دى جبتها منين
بيقولو فى الاومثال كتر الجفا بيعلم القلب القسا
وانا عارفة ان قلبى قاسى بس من كتر الماسى اللى شوفتها
وزى مانتى عارفة الوحدة لما بتختار حاجة لازم تتحمل عواقبها لوحدها
ولازم تخبى ان اختيارها كان غلط
بس اهو بقى نعمل ايه
الحمد لله
منورانى
وتعليقاتك بجد مشرفانى
بحبك فى الله
بصى بقه ياموجه
ردحذفحاسه بيكى جدا
بس هقلك على حاجه نضمن منين ان ده مكنش شر لينا وربنا بعدنا عنه وامتا هتعرفى ده لما يجى لك واحد كده يستاهل حبك ومشاعرك ده ويحبك ويحافظ عليكى ساعتها هتقولى ياه انا كان عقلى فين لما كنت واهمه روحى انى بحب البنى ادم ده
وبجد ياموجتى لما تبقى حاسه انك مظلومه اوى اوعى تدعى على حد او تتمنى حاجه وحشه لان ربنا لما يعرف نيتك حقك هيروح عند ربنا انما كل الا هطلبه منك قولى لما تكونى مظلومه
حسبى الله ونعم الوكيل
يارب انتا حسبى ونعم وكيلى
وفوضت امرى اليك لله الامر من قبل ومن بعد وشوفى ربنا هيعملك ايه
سلامو عليكو..
ردحذفلكل ليل نهار والازمة اللى متكسرنيش تقوينى حبى واتحبى وارتبطى بشرع الله وسنة رسوله.
لك تحياتى
لماذا ابكى على انسان انانى
ردحذفولكنى لا ابكى علية
بل ابكى على حالى
ابكى على احلامى وضياع امالى
اولا
كلمات منسقه جميله يا مهندسه
ثانيا
احساس جميل ومشاعر تتكلم لوحدها
على الاوراق لو كانت على ورق اقصد^_^
ثالثا
تعليق على المووضوع
بصى بقه
مفيش ندم لانه لا يستحق الندم
لانه هو اللى خسرك
مش العكس
العلق يحكم القلب
ولكن القلب يغلب بعضهن فلا تكونى منهن
انتى اعلى قدر وعقلا من الندم على من لا يستحق دمعه او لسان حال دعوه
الحياه فيها الافضل
وباقى الكوب المليان
ونفكر ازاى نملى الباقى الفاضى
ان شاء الله 6اشهر يمروا على خير عليكى
وتخلصى
ربنا يجبر بخاطرك
السلام عليكم ورحمة الله وبركاته
ردحذفإزيك يا عبير
أخبارك ايه يارب تكونى بخير غاليتى وربنا يسعدك والمسلمين
طبعآ
كنتى من كام يوم مبسوطه وسعيده
وها أنتى اليوم حزينه على من جرحك أو سبب ليكى ألم وحزنك
تعرفى بجد عجبتنى أوووى أخر جمله كتبتيها ألا وهى
*****************************
اذهب بعيدا عنى لا يبارك للك ربى فى صحة ولا مال
اتركنى لاحزانى
*****************************
الشخص اللى زى ده مش تحزنى عشانه لانه مش يستاهل صدقينى
أكيد ربنا بيحبك أووى عشان كده بين ليكى حقيقة الناس اللى مش كويسه
قادر ربنا يبعد عنك الحزن ويرفع عنك الجراح
ربنا وحده منتقم جبار حبيبتى
ومش لوحد اللى اخترتى وندمتى على غلطك لاذم كلنا بنتعلم من اخطائنا ومش نرجعله تانى
بس المطلوب منك عدم الاستسلام للحاله دى
لانه هو ولا همه الوقتى بيضحك ومبسوط وعايش الدور مع واحده تانيه وبيتفرج عليكى من بعيد لبعيد ومبسوط انك حزينه وده فى حد ذاته غلط كبير مش عاوزاكى تيأسى
عجبنى ردك على الحب الجميل وانتى بتقولى ليها
***********************
بيقولو فى الاومثال كتر الجفا بيعلم القلب القسا
وانا عارفة ان قلبى قاسى بس من كتر الماسى اللى شوفتها
وزى مانتى عارفة الوحدة لما بتختار حاجة لازم تتحمل عواقبها لوحدها
ولازم تخبى ان اختيارها كان غلط
بس اهو بقى نعمل ايه
الحمد لله
**************
مش ده كلامك ولا أنا غلطانه
ها؟
يبقا خلاص نبتدى صفحه جديده مع النفس وقولى بس حسبى الله ونعمه الوكيل وشوفى
وأسئلى مجربه أكبر منك وذاقت الظلموشافت ياما كتير وبتتعلم من كل شىء بيحصلها
يلا بقا انا طاولت عليكى جامد
بس مش عاوزه اشوفك حزينه اخدنا ايه من الحزن
منتظره البوست اللى جاى اشوف واحده تانيه
احلى وارق عبير وعبقا وسحرها اللى بينور الدنيا كلها
تحياتى ليكى
أحبك فى الله
مممممممممممم
ردحذفنسيت اشكرك على كلامك الجميل بمدونتى
ربنا يرفع من شأنك ويحفظك يارب
وبجد سعيده انى اتعرفت على مدونتك
دمتى ودام اسمك احلى عبير دائم
مودتى
كل يوم بحب كلامك اكتر من الاول بجد
ردحذفبجد انتي مبدعة اوي
و كلامك لو جرح او فرح او حتى مجرد كلام
بس بجد كله يدل انه من انسانة مليانة صفات لو قلنا عليها يبقى بنظلمها و مش بنوفيها حقها
خلي بالك من نفسك و اتمنى نتكلم قريب
خالص حبي و تقديري
السلام عليكم
ردحذفبجد كلمات جميله بس مليئة بالحزن واليأس
مدونتك جميلة جدا
ياريت تشرفينا فى مدونتنا
اميرات الاسرار
دمتى بخير
داليـــا
ردحذف__________
ونعم بالله يادولى ياحبيبتى
فعلا انا احسن حاجة اعملها انى اقول حسبى ربى
وبعدين ده اكيد حاجة وحشة ربنا بعدها عنى
عارفة ليه لان ربنا مابيجبش حاجة وحشة ابدا
متشكرة اووى على احساسك بيا وتعليقك وكلامك الجميل ده
دمتى بخير
ست*جنى*الحسن
ردحذف__________
شكرا ليكى اختى الغاليه
وربنا يكرمنا ويرضى عنا باذن الله
محمود(باحث عن حب)
ردحذف__________________
اولا بشكرك ع المجاملة الرقيقة دى يامحمود
ثانيا برضو بشكرك ع المجاملة التانية دى
ايه ده بقى انا هرد على تعليقك بس بالشكر ولا ايه
نشوف ثالثا كده
مش بقولك هنقضيها شكر
مواساتك جميله جدا
بس صحيح اشمعنى 6 شهور
هى جريمة سرقة ولا ايه؟؟؟؟؟؟
شذا الروح
ردحذف__________
نورتينى من تانى ياجميل
معلومة تهمك عشان منزعلش من بعض
انتى مش اكبر منى بقى
هه
بس
انتى ادى فى السن
ونفس السنة المولوده فيها انتى
متقوليش صغيرة
:P
بس اقولك بقى على حاجة
جرح الناس اوام بيمر لكن جرح الحبيب بيفضل طول العمر
اتمنى انى انسى وبجد اعيش حياه طبيعية زى بقيت البنات
واحب تانى
بس مش عارفة الامنية دى هتتحقق ولا لاء
ومش عارفة قلبى هتزيد قساوتة ولا هيحن تانى
اقولك خلينى مكبرة دماغى زى مانا بقى وعايشة وخلاص
حبه بضحك حبه بدمع شويه بحزن شويه بفرح
اهى عيشة بقى والسلام
رغيت كتير
برحتى دى مدونتى بقى
نورتينى ياقطتى
مهموهة
ردحذف___________
حبيبة قلبى انا
بلاش تنفخى فيا كده علطول احسن افرقع منك
وانا ماليش قطع غيار
ميرسى ياقمر ع المجاملة دى
واتمنى نتجمع بقى ونتكلم قريب انشاء الله
حبيبتي الجميله موجه
ردحذفكلامك اجمل كلام
بقسوته وبناره
وتعبيراتك بجد رقيقه
اتمنالك مستقبل مشرق مليئ بالحب والأفراح
ساسو
ردحذف______
ربنا يخليكى ليا ياقمر
نورتى المدونه يابطوطة
حبيبتى صباح الحب
ردحذفلاء أنا أكبر منك بس أنا مش حابه أقول سنى الحقيقه انا 31 سنه
وبجد ومش بهظر والله
عامة ده مش المهم
*****************
صدقينى الانسان اللى حبيته ده مش يستاهل تفكرى فيه
لان مافيش اصعب من الجرح اللى هيفضل معلم جوه قلوبنا مهما طال بينا الزمان
أنا مش هنكر انى انجرحت كتير وتعبت كتير وأتسبيت كتير أوووى ويعلم الله على الظلم الواقع عليا وكان من مين من شخص حبيته وأمنته على نفسى اللى هى كانت المفروض نفسه زى ما كا بيقولى
صدقينى معتش حد مخلص الايام دى كلهم بيضحكو على البنات والله وبيضيعوا اوقاتهم ويلا السلام صدقينى حبيبتى والله
أنا الحمد لله ربنا عوضنى بناس شباب وبنات عرفتهم ونعمه الاخوات والصداقه اللى بجد بعيده عن المطامع والكلام الفارغ صدقينى الحب مش بيدوم
وأكيد ربنا هيبعتلك اللى احسن منه وهيكون قريب بس لاذم تكونى اتعلمتى من المرة دى كويس صدقينى الحياة مش بتقف على حد
الاصدقاء احسن مليون مرة من الحبيب على الاقل هتلاقيهم جنبك فى اى وقت وهيمدو ليكى ايديهم بدون تردد جربى بس وانتى تصدقينى
انا اكبر منك وشفت كتير اوووى ولسه بشوف وبحمد الله على كل حال
بلاش تكون السكينه سارقى وعمله زى الطير اللى بيرقص من شدة الأ لم انا حاسه بيكى
عاوزكى تكبرى دماغك بس يكون بجد ومش كلالالالالالالالالالالالالام
يلا بقا انشكحى من قدامى
يالهووووووووووووووى
انا هفضل اعلم فيكى لحد امته
ههههههههههههههه
ربنا يسعدك يارب ويفرحك ياقمر
انتى تستاهلى كل الخير والله
واصبرى وهتشوفى
سى يوووو
امووووووووووواه ليكى يا عبيررررررر
السلام عليكم
ردحذفندم أعتقد أنه تأخر كثيرا
ولكن
يبقي إستعادة ذاتك
أسعدك الله
تقبلي مروري رجاءا
اميرات الاسرار
ردحذف______________
انا فعلا اسفة جدا لانى مخدتش بالى انى مردش على تعليقكم بس اعذرونى غصب عنى العتب ع النظر بقى
عموما اسعدنى تشريفكم ليا
وانشاء الله ازور المدونة بتاعتكم اميرات الاسرار
شذا الروح
ردحذف_____________
حبيبتى وروح قلبى
مش عارفةاشكرك ازاى على النصايح الغليه دى
بجد فرحتينى وحسستينى ان فى حد مهتم بامرى وهمة مصلحتى وحد لبخاف اتجرحزى ماهو اتجرح
بس صدقينى
كلنا فى الهوا سوا
كلنا عايشين عشان ننجرح وننضرب ونتعلم من اخطاءنا
لكن مش بنتعلم من اخطاء غيرنا ابدا
وبعدين انتى برضو مصرةة انك اكبر منى
ماشى ياستى
انتى اكبر منى فى القدر والمكانة مش بالسن
ولو انة بالسن برضو
بحبك بحب اهتمامك بيا
ربنا يخليمى ليا يارب
احمد الصعيدى
ردحذف________________
شرفتنى زيارتك طبعا ياحمد
ولو انك بتقطمنى بكلمة ندم تاخر كتير
بس ارجع واقول كما قال الشاعر:
وتفيد بايــــــــه اااااااااه ياندم ياندم وهتعمل ايه اااااااااه ايه ياعتاب.........
بس خلاص
ارجو دوام المتابعة
عزيزتى موجة
ردحذفكلماتك رائعة فهى من قلب مجروح
لكن لا تدعى نزيف الجرح يزداد
اتمنى لكى حب حقيقى يقدر مشاعرك وإحساسك الرقيق
تحياتى
خسرت
ردحذفنعم خسرت كل شئ والان اندم
والندم فوق احتمالى
ندمت على انك كنت من اختيارى
ولم اجبر عليك ولكنى كنت فى عالم خيالى
تحديت الدنيا والناس وواجهت كل اعصار
رااااائعه جدا ماشاء الله بجد عجبتني قوي
ازيك يا حبيبتى
ردحذفطبعآ انتى اختى حبيبتى ولاذم انصحك
وبالذات اللى ضايق المرار والعذاب
لاذم يحس بالغير
بتمنالك السعاده من كل قلبى
وأوعدينى انك تخلى بالك من نفسك وزى ما قولت
عاوزاكى احلى موجه مجنونه
ولا تحطى اعتبار
ربنا يفرح قلبك يارب ويسعدك
يلا سلام بقا
موووواه
أنا أسف أنا مش أقصد أقطمك
ردحذفأنا بكتب أحساسي هنا بس
وأسف جدا لو أسأت
السلام عليكم ورحمة الله
حساكي جدا بكل كلامك
ردحذفلان تجربتك نفس تجربة صديقتك
بكل القسوة .. وبكل الأنانية
هنصحك زي مابنصح صديقتي ..
الانسان الي كدة بجد ميتبكيش عليه
بالعكس .. بعاده وفراقه رحمة وخير
ومتقوليش انا فوقت متأخر .. ولا الندم فات أوانه
بالعكس .. لكل شئ ميعاده
ولو حتى تأخر قليلا .. متزعليش
لسة فيه وقت
استعيدي ثقتك بنفسك
ولملمي شتات قلبك
وكوني واثقة بأن الي جاي هيكون دايما اجمل
احنا هنا في الدنيا علشان نتعلم
وانتي عارفة .. محدش بيتعلم ببلاش
وعارفة كمان .. أن الضربة الي متموتش .. بتقوي
وكل متكون ضربتك قوية .. هتقومي منها اقوى واقوى
وصدقيني
فراقه خيييييييير كبير ليكي
ربنا يسعد قلبك وقلب صديقتي بكل خير ياااااارب
ويارب اكون ضيفة خفيفة عليكي
تحياتي لكـِ
سارة
ASBANY
ردحذف_________
اهلا وسهلا بيك فى المدونة وتعليقك عندى فرحنى
اشكرك للنصح
تحياتى لشخصك
هوبتى
ردحذف____
نورتينى جدا
وشكرا لتعليقك
دمتى بكل خير
شذا الروح
ردحذف___________
ميرسى ليكى طبعا وربنا مايحرمنى منك ومن قلبك الحنين ده
وبعدين عوزانى مجنونة اكتر من كده
انا مش ناقصة جنان
وعموما بقولك من قلبى تانى
ربنا يخليكى ليا
احمد الصعيدى
ردحذف______________
لاء ياباشا
متزعلش انا بقولك كده عادى بضحك معاك
انت تتكلم زى مانت عايز
المدونة فيها حرية التعبير
وكمان انا ديموقراطية
اى حد يقول اللى هو عايزة بس انا اعمل اللى انا عايزاه
هههههههههههههه
منورنى طبعا يا احمد وبلاش الكلام تاخده بحساسية كده
تابعنى دايما عشان اعرف انوو حليب ياقشطة
saragebaly
ردحذف______________
ربنا يعزك ويحفظك انتى وصحبتك
ويحفظنا جميعا احنا البنات غلابة والله
بس تقولى ايه للذئاب البشرية الوحشين اللى عاوزين ياكلونا
منورانى ياسارة
واتشرفت بيكى فى المدونة
ههههههههههههه
ردحذفيا باش مهندسه
مكتوب فى ملف التعريف
ان حضرتك
هتتخرجى بعد ست شهور
ولا انا فهمت غلط
انا بقه باقى لى سنه واكون مهندس برضو بس مهندس صغنون شويه
هههههههههههههه
فين الجديد
لابد وان اخذ بثأرى حتى تهدا نارى
ردحذفاتمنى الا اراك سعيدا والا اراك بجوارى
اتمنى ان ينتقم منك الله شر انتقام
اذهب بعيدا عنى لا يبارك للك ربى فى صحة ولا مال
شريره شريره يعني
السلام عليكم
ردحذفكلمات جميله مليئة بالحزن والشجن
تسلم ايديكى
ياريت تشرفينا فى مدونتنا
اميرات الاسرار
محمود باحث عن حب
ردحذف______________
ااااااااااااه
قلت لى ملف التعريف
مانا نسيت اكتب انى اتخرجت من زماااااااااان
بقالى كتير اوى
بس عندى دى
وبعدين طب مانت مش متابع لانى كنت كاتبة بوست اسمة مغامرات مهندسة مهسهسة
مكتوب فيه انى شغالة بقى وكده يعنى
عموما ست شهور ست شهور
محصلة بعضها بقت
ابو العريف
ردحذف_____________
اه شريرة عند اللزوم
مع انى شرشرتى دى مبتجيش الا على دماغى
شكرا ليك يابو العريف
الف شكر
اميرات الاسرار
ردحذف_______________
ميرسى اوى ع التعليق
وعلى فكرة انا زورت المدونة
انا متاكده انى سبت تعليق هناك كمان
وحشتينى جيت اسلم عليكى يارب تكونى بخير
ردحذففينك
غايبه عنى ليه
لسه زعلانه ولا خلاص
ها؟
فينك قلقتينى عشانك يارب تكونى بخير
ردحذفازيك يا موجه
ردحذفهو مبدائيا مافيش ثائر بين الاحباب
واكبر عقاب لحبيب خسرك هو انه خسرك كفايه اوى العقاب ده
انه يتحرم منك
عاوزة تعملى فيه ايه تانى اكتر من كده
البوست رائع
دمتى مبدعه
تحياتى
سيدتي
ردحذفأولا أشكر لك مرورك بالمدونة
ثانيا
الامة تمرض ولاتموت ولولا ذلك ما كتب الله لنا النصر في أخر الزمان
يا سيدتي
كل ماتريده اسرائيل هو اليأس الذي كان بين سطور
أعرف أن غيرتك جعلتك تكتبين تلك الاسطر
ولكن لنبدأ
أسعدك الله دوما
(ينتقم منك الله شر انتقام)...دى لوحدها والله كفاية
ردحذفابتسمى .. تحياتى
يووووووووووووووو
ردحذفانا متاخره عليكى اوى وعارفة انك ممكن ترمينى برة المدونة
بس انا بردوا حبيبتك مش ههون عليكى
والله الغيبة ليها ظروفها يا موجتى أعذرينى بقا :)
وبصى بقا لية تخلية هو يتركك ؟؟
متتركية انتى وارمية ورا ضهرك
يا بنتى مفيش حد يستااااااااااااااااااهل صدقينى
حبنى نفسك اكتر وقوليلها محدش يستاهل انك يوم واحد بس تزعلى علية
تصبحى على كل الخير يا قمرايتى