من يوم 25/4/2009
عملت حاجة حلوة اوى
ال ايه بقى بستعد للامتحانات
ونفسية الواحد ال يعنى مدمرة ومش متحملة حد يفتح بقة معايا
قووم ايه
رحت جايبة ورقة خضرا من الورق بتاع اللوح ده
والورقة دى كانت عندى من بواقى شغل فى الكلية
خنصرتها وقلت استغلها فى حاجة مفيدة
ورحت جايبة قلم اسود سبورة
وقلت اكتب فى اللوحة دى حاجة تخلى اللى يشوفنى ميتكلمش
رحت كاتبة
ممنوع الدخول لغير طلبة بكالريوس لمدة لاتقل عن ثلاثة شهور من تاريخ اليوم
ورحت معلقاها على باب الاوضة بتاعتى
وقلت بس كدة
تلكيكة حلوة
عشان اللى يدخل
افش غلى فية بقى
والحجة موجودة
انا معلقة يافطة
وفعلا
اللوحة دى عملت احلى شغل
بقيت اقفل باب الاوضة بتاعتى
ومحدش هيقدر يهوب ناحيتها
بس هو لمدة يومين اتنين بس
وبعدها
راح بابا شايل اللوحة
وقالى
ايه ياختى اللى انتى حاطاه ده
رحت ردة علية قايلالة
يابابا بقى
متسيبها
قال طيب
ماشى انا مش هكسر بخاطرك
بس ابقى شوفى مين هينفذ اللى فيها
قلت لة يابابا ده مكتوب لكل الناس
الا انت ياحبيبى
قالى ماشى
ان كان كدة ماشى
ورحت معلقاها تانى
تيجى ماماا
يدور نفس الحوار
ياماما كلة الا انتى ياحبيبتى
ده الكلام ده مش ليكى
وتتعلق اللوحة
على باب الاوضة
ويتبدل حالها
بدل ممنوع الدخول الا لطلبة بكالريوس
بقى ممنوع دخول طلبة بكالريوس
وخصوصا انا
ودى بقى حكايتى مع اللوحة
وارجوكو ياجماعة
ادعولى بشدة انا واللى زيي
عشان الايام دى
بجد ربنا يعلم بحالنا
ميرسى ليكو كلكو متشكرة على دعواتكو مقدما
هههههههههههههههههههههه
ردحذفبحجز وبضحك وهاجى ارد
بصى يا موجة ربنا يخليلك بابا وماما يارب مكنش لازم لوحة يا اوختى منى منك كنت اعلقها جوة الأودة مش من برة
ردحذفهههههههههههههه
والله انتوا عيلة زى السكر
لسة زعلولة منى بقا :$
خلاص ميبقاش قلب بولكة سودة
وادى الميل يا بنوتى
ردحذفcrazy_girl_2026@yahoo.com
واحد صاحبي كان كاتب علي اوضته
ردحذفقسم العماره
موجة
ردحذفاتمنى لك التوفيق و يا رب تنجحي
بس النجاح لا يأتي من دون استذكار و مراجعة شدي حيلك و خلي توكلك على الله
مودتي
ربنا معاكى وان شاء الله خير
ردحذفاعملى الاعليكى وربنا هيكرمك ان شاء الله
ربنا يقف جنبك يابنتى
ردحذفههههههههههههههههههههههه
ردحذفضحكتيني اوي
بتتلككي عشان ماتذاكريش
ربنا يوفقك ان شاء الله ياقمر وتبقي باشمهندسه قد الدنيا
موجه
ردحذفبوست جميل قوى والله يا موجه وجاى فى وقته
لأنى والله فى حاله بتخلينى أتلكك على أى حاجه عشان أضحك نفسى أضحك قوى عشان أنسى
وبجد البوست بتاعك ضحكنى قوى
وفى نفس الوقت بدعيلك والله
ربنا يوفقك يارب ويكرمك وتحققى كل اللى بتحلمى بيه
لكى كل تحياتى
ربنا معاكى يا قمر
ردحذفطيب انا لو جيت هدخل بجد ولا بنصب زى مانصبتى عليهم؟
ردحذفبس انا رأيى امنعى اى حاجه من ريحتنا
مش اى حاجه بعيدعننا !!
بلا هم انا اعصابى اتدمرت
ان شاء الله احلامك كلها هتتحقق بأذن الله
ردحذفبس نفسى ألومك على حاجه انتى كنتى جيه مدونتى وانتى قرفانه اصلك علقتى تعليق لو مكنتيش علقتى كان افضل ليا ليا كدا يبنتى عملتلك ايه انا
محسيسانى انك دخله حرب
ردحذففى ايه يا بشمهندسه دى مجرد امتحان عادى زى كل السنين وبعد ما تتخرجى هتندمى على الخروج الى اطقع والجامعه والشله والمواصلات والحركات
حتى لما تشتغلى هتلاقى ان جو الشغل مختلف خالص عن جو الجامعه
وبعدين موضوع اللوحه دى يرجع للشخصيه
وواضح انهم كلهم كلهم فى البيت شخصيتهم قويه الا واحده
وكلنا عارفينها
انتى كان فاضل تقولى لعم متولى بتاع العرقوس اللوحه دى للناس كلها الا انت ياعم متولى علشان اكل عيشك
وبعدين تعالى هنا
انتى بتقولى فى التعليق الى عندى قول الكلام ده ليها
انا معنديش ليها
حياتى بلا ليها
مع خالص التمنيات بالنجاح والتوفيق
تحياتى
ههههههه
ردحذفلوحه جميله أوي
ربنا يكرمك ان شاء الله وييسر الصعب
سهر
ردحذف________
حبيبة قلبى انا فرحانة اوى عشان عرفت ميلك واخيرا هعرف ايه اللى مضايقك
وانا ضيفتك عندى خلاص
ايقى اقبلى الاضافة بقى
ماشى
امووووووووووة
ابو العريف
_______________
والله فكرة برضو
اكتب على اوضتى
قسم هندسة صناعية
عشان اللى يقرا يفهم اللى جوة دى شكلها ايه
assafo anaroze
___________________
ميرسى على الدعوات الجميلة دى
وع النصيحة الغالية دى
بس ليا عندك طلب ونفسى تحققهولى
نفسى اعرف اكتب اسمك بنفسى
ممكن تترجمه ليا
او تقولهولى حرف حرف
والله بتكلم جد ياريت تلبيلى الطلب ده
امبارح كان عمرى عشرين
__________________________
ربنا يخليك يارب
وانشاء الله ربنا يعينى ويعين كل اللى زيي
بس انت كمان اعمل اللى عليك وادعيلى
مدحت محمد
________
نورتنى يافندم
وميرسى ع الدعوة ياباباتى
شباك موارب
___________
ههههههههههههه
يصراحة اه بتلكك
وربنا يخليكى يارب
وتفضل الضحكة منورة وشك كدة دايما
الشاعر الحزين
_____________
تنسى ايه بس ياعلاء
تعالى احضر معانا يوم واحد ف الكلية وانت تنسى اسمك
جرب انت بس ومش هتندم
ربنا يهديك للخير ويريح بالك
MaNoOoSh
____________
ميرسى اوى
وبجد منورانى
نـــــــــــــور
____________________
عيب عليكى يانور
دى اللوحة دى معمولة للناس كلها الا انت ياحبيبتى
دانتى حبيبتى يابت
انتى
لاء لالاء
مش معقول
انتى بتشكى فى كدة يانور
:)
ادم المصرى
__________
انا يشكرك يادم على الدعوة
بس متزعلش منى يادم
ياريت بجد متزعلش انا مقصدش
momken
____________
جرى ايه يامستحيل
هو فى ايه
مالك قارش ملحتى ليه
كل ما جى اعمل حاجة تتريق عليها
لاء بقولك ايه
دانت متعرفنيش بقى
وعمووما مش هتكلم معاك هنا فى مدونتى
استنى عليا اما تنزل يوست ولا حاجة
وانا هحرمك تتريق على الخلق تانى
وبعدين جاى تقول انت عايش من غير ليها
امال الشحتفة اللى فى البوست دى ايه
احمد ابو العلا
_________________
ربنا يخليك يا احمد يارب
أه من بكالريوس
ردحذفنفسي أغمض وأفتح ألاقي بين إيديا شهادة التخرج
وفعلاً أنا مش عاوز حد يفتح بقي معايا خااااااالص
بس من غير ورق همه بيحترموا نفسيهم ومحدش بيقرب لأوضة المجنون ..
ربنا يوفقك يارب ياموجة وتجيبي حاجة حلوة كده وتتخرجي وترتاحي باه
ردحذفشكلك شقيانة يا عيني
ربنا معاكي
مودتي
هههههه ربنا معاكى ويوفقك يارب
ردحذفههههههههه ضحكتيني بس حلوه الفكره
ردحذفعموما ربنا يوفقك يارب و تتخرجي
موجة
ردحذفعلى عيني :
اسافو اناروز كلمة امازيغية تعني " مشعل الامل "
مودتي
د/ياسر عبد الفتاح
ردحذف___________________
انا عارفةان الحال من بعضة
بس ربنا يوفقنا جميعا وننتهى على خير
يارب
كاتب مصرى
____________
اه والله شقيانة شقيانة وطلعان عينى وروحى
دعواتكو لينا
ربنا يخليكو
يارب تنجحو كلكو يارب
ايوشة
____
ميرسى ليكى ياقمر
meme
________
هههههههههه
هم يهأهأ
وهم يهئ هئ
ربنا ينور وشك دايما بالضحك
دعواتكو باستمرار
assafo anaroze
_________________
اسافو اناروز
مممم
شكرا يااااااااا
برضو الاسم صعب اوى
اشمعنى بقى الاسم الصعب ده
الا صحيح
هو كلمة "امازيغية " دى يعنى ايه؟؟؟
والله مجرب كل تلك الألعيب ومحتنفع غير المذاكرة
ردحذفشدي حيلك هانت
ويبقى التواصل
موجة
ردحذفالامازيغية لغة زيها زي العربية و الفرنسية و الهيروغليفية و السيريانية و الانجليزية
لو عاوزة تتعرفي شيئا على هذه اللغة في بوست عندي في المدونة وهو اول بوست يتحدث عن اللغة الامازيغية
مودتي
ربنا معاكي يا لوزة ويوفقك
ردحذف
ردحذفشركة تاج للتنظيف بالدمام 0551844053
شركة مكافحة حشرات بالدمام
شركة رش مبيدات بالدمام
شركة تنظيف بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالخبر
شركة مكافحة حشرات بالخبر
شركة تنظيف شقق بالخبر
شركة تنظيف سجاد بالدمام
شركة مكافحة حشرات بالاحساء
شركة مكافحة النمل الابيض بالاحساء
شركة مكافحة حشرات بالجبيل
شركة مكافحة النمل الابيض بالجبيل
شركة تنظيف منازل بالجبيل
شركة رش دفان بالدمام
شركة مكافحة النمل الابيض بالدمام