بولو لوق...بولو لوق....بغرق

حاسة انى تايهة كدة
ومتلخبطة

كل ما اقعد مع نفسى احس دماغى مش
متظبطة

نفسى اعيش يوم كامل احس فية انى
مظأططة

فى ناس كتير حواليا

واكيد شايفاهم عنيا

لكن قلبى مش شايف

ان حد فيهم يستاهل حنية

مفيش فيهم حد صادق

كلهم كدابين وبيضحكو عليا

كرهت الناس بما فيهم نفسى

وابويا وامى واخويا واختى

عايزة اعيش لوحدى

اضحك او العب او ابكى

اعيش فى الدنيا ديا

بمزاجى وبراحتى

محدش يدخل فى حياتى

سيبونى اعيش لنفسى

تعبت من التوهة اللى انا فيها

وبسال دايما نفسى

امتة افوق من اللى انا فية

امتة ارجع لعقلى

حاسة انى واقفة على مية

موجة تجيبنى وموجة تودينى

مرة تحدفنى ع الشط ومرة

تغرقنى ومرة تحيينى

اغرق واطلع

واطلع واغرق

زهقت بقى سيبيـــنى

ياكل اللى حواليا

ياكل اللى يعرفنى

اللى يشوفنى بغرق

يمد ايدة ليا

ويحاول ينقذنى

ومن الغرق يحوشنى

حتى لو انا مصممة ع الغرق

اضربونى هزأونى

لكن ماتسيبونى

اوعو للغرق تسيبونى