الدواااااااام لله وحدة

ظاهرة منتشرة جدا الايام دى

ظاهرة موت الفجأة

انتشر الموت فجاة وبدون اسباب ودى طبعا من علامات الساعة اللى نبينا محمد صلى الله علية وسلم اخبرنا بيها
وطبعا كل مسلم عارف ومتيقن ان الدوام والبقاء لله وحدة

وعشان كدة عاوزين نجتهد ونبدا بقى نعمل حاجة تنفعنا لليوم اللى مش عارفينة امتة

عندى مثل صغير هضربه ليكو:

لما يكون اى حد عندة مقابلة مع رئيس عمل مثلا عشان يتقدم لوظيفة
قبلها بمدة بيقعد مع نفسة يدرب نفسة ع الاسئلة اللى هيتسئلها ويحضر لها اجابات مقنعة
ويبذل قصارى جهده فى انه يقدم احلى ماعندة
طب ده عشان يعمل انترفيوو مع رئيس الشغل عشان يلتحق بوظيفة مثلا

امال بقى اللقاء اللى مستنينا
والاسئلة اللى احنا عارفينها وعافين احنا هنتسال فى ايه
وبرضو عارفين الاجابات
بس للاسف مش بندرب نفسنا عليها
وكمان عارفين ان فى النهاية هيتم قبولنا للالتحاق بجنة ربى

عارفين اننا هنتسال من ربك؟؟؟؟
ما دينك؟؟؟؟
من رسولك؟؟؟؟؟
وعارفين الاجابات

بس تعالى بقى وانت قدام الملائكة الكرام اللى هيسالوك
هل هتقدر تجاوب؟
هل هتعرف تقدم قدراتك وتقنعهم انك مسلم ومؤمن على حق؟

ده يتوقف على اعمالك اللى انت عملتها فى الدنيا

طبعا انا مش بقول كلام جديد
كلنا عارفين اللى انا بقولة ده
لكن انا بقول للتذكرة والذكرى تنفع المؤمنين

وكمان عشان مرت عليا حادثة اثرت فيا اوى

ربنا يرحم الاموات جميعا ويرحمنا اذا صرنا الى ما صارو اليه
وندعو الله ان يمن على اهل الفقيد بالصبر والسلوان واتمنى من الله ان يهدينى ويهدى جميع الشباب المسلمين الى مايرضية ويتقبلنا ربى بقبول حسن
اللهم امين......