الجمعة، 20 فبراير 2009

الحب المستحيل(2)






مممممممممم

كنا وقفنا لحد فين المرة اللى فاتت

اااااه

وقفنا عند الاختفاء المفاجئ للبطل
نكمل بقى..........



عندها بدات البطلة تحكم عقلها ولكن قلبها كان يغلب عليها حيث كانت تصطنع المبررات لكى تبرر اختفاؤة

وعاشت فى الم شديد لمدة يوم كامل وقبل ان ينقضى اليوم.......

رات هاتفها يرن برقم المحبوب

ماذا تفعل ؟

اترد عليه وتوبخة على ما ظنت به ام تنتظر لتعرف ما هو العذر الذى سيقدمة؟

لو انتظرت لمعرفة الاعذار ستسامحة لانها تحبة ولكن لابد ان تفعل شئ تبين به غضبها عما فعل بها

بدأت المكالمة بالصوت الحنون العذب الذى تعود هو على سماعة منها

ولكن كان بجانب رقه صوتها وعذوبة كلامة كان يظهر فى اسلوبها العنف والشده حيث كانت تعبر عن غضبها بالاسلوب الذى تتحدث به

دون ان تتكلم او تخرج اى حرف من فمها يدل على انها غاضبة

كانت مستفذة وذلك كما وصفها البطل

قالت"الوووو.....ازيك ياحبيـــــــــــــبى ....عامل ايه؟؟؟"

رد عليها وصوته فيه نوع من انواع الالم الذى يقطع قلبة وكانة يريد ان يبكى ويبوح بما فى قلبة

تحرك فى قلبها الحنان حين سمعت هذا الصوت بهذة النبرة وااثرتة على نفسها

واخذت تهون عليه وتقول له"فى ايه؟؟؟ مالك؟؟؟ ايه اللى حصل طمنى عليك انا قلقانة اوى..."

قال"انا هبقى كويس لكن اكيد لازم تحفظى على وعدك معايا.."

"انتى وعدتينى امبارح انك عمرك ماهتبعدى عنى ولا هتسيبينى"

"حتى ولو على الاقل ابقى اطمن عليكى من وقت للتانى"

"ياريت ماتحرمنيش من الطلب ده ياريت توافقى علية "

ردت عليه فى عجالة قائلة"لاء بقى طمنى فى ايه ايه اللى حصل يخليك تقول كل ده؟"

"انا عند وعدى معاك دايما وعمرى ماهخلفة اطمن ..بس طمنى فى ايه؟؟؟"

وقد قام هو من قبل ذلك بذكر انه رجل متزوج ولكنه منفصل عن زوجتة واولاده ويعيش وحدة مع ابيه

ولن يعود لزوجتة مرة اخرى لانها لاتفهمة ولا تحسة وان بها كثير من العيوب التى لايستطيع ان يتغاضى عنها

فهو قد تحملها من قبل عشر سنوات من اجل الاولاد ولكنه لم يعد يستطيع تحمل ذلك مرة اخرى



فى صمت منه وقلق منها فكرت البطلة انه من الممكن ان يكون حدث شئ لاحد اولادة او لوالدة فسالتة

قائلة"هو فى حد من الاولاد تعبان؟؟؟ ولا والدك حصل لة حاجة؟؟؟"

قالها"لاء"

قالت " انت تعبان؟؟؟ حاجة حصلت فى الشغل؟؟"

قالها"لاء"

قالت" امال فى ايه بقى قولى"

قال" اوعدينى انك بجد متفهمنيش غلط ولا تفتكرى انى انسان وحش او مش كويس"

"انا حبيتك بجد ومش مستعد بعد مالاقيتك اضيعك من ايدى"

"انتى كنتى حلمى.. لحد ماقابلتك... عمرى ماهفرط فيكى ابدا"

"بس تاكدى انى عمرى ماهأذيكى ودايما هطمن عليكى حتى ولو من بعيد"

"بس انا دايما هشوفك وبكل سهولة وهعرف اخبارك دايما اول بالول"

"ولما تحتاجينى دايما هتلاقينى من غير ماتعرفى انا عرفت منين انك محتاجانى"

تخيلو معى لو ان هذا الكلام يقال من محبوبك لك

ماذا سيدور فى عقلك بعدها فى ماذا ستفكر؟؟

وهل كل مافكرت فيه ستقدر على انك تلتمس الاعذار وتسامح؟

ام انك ستاخذ موقف وتبعد؟

لقد دار فى عقلها انه كان يلعب بمشاعرها وبعد ان عرفها اكتر احبها وقالت فى نفسها"لو كدة ممكن اسامحة"

وفكرت ايضا انه انسان ليس على خلق ويعرف بنات ويصاحب سيدات ولكنها استبعدت هذه الفكرة حيث انها راته بعينها

وعرفت اخلاقة بنفسها

وكل ما تقول له فكرة يقول"لاء مش ده مش ده اللى انتى بتفكرى فيه"

الى ان تعبت من التفكير واحست بالصداع والضغط يعلو عليها واحست بالارهاق من كثرة التفكير

فقالت"قول ياحبيبى فى ايه ومهما بلغ الشئ اللى انت هتقولة ده انا عمرى ماهبعد عنك ولا هسيبك"

"انا هفضل دايما فاكرة وعدى معاك وعمرى ماهأذيك برضو.. انت حبيبى وحلمى وانا ماصدقت لاقيتك"

اطمأن هو عندما سمع هذا الكلام منها وتشجع على البوح بما يخفية

ماذا تتوقعو؟

ماذا يخفى؟

ماذا سيقول؟

قال"حبيبتى وحلم عمرى...... انا بقولك انا دايما هبقى اطمن عليكى بكل سهولة عشان..."

"عشاااان...."

"عشان احنا قرايب"

بدا الصمت على وجهها وعلى ملامحها ولم تعرف سوى ان تنطق بلفظ"هاا؟؟"

قال"احنا قرايب... بقولك احنا قرايب"

قالت"قرايب؟؟ ازاى يعنى؟ مش فهمة"

قالها"انا ابقى....."

قالت" استنى .. استنى... انت.. ايوة انت"

"انت جوزها صح؟؟"

"انت جوز بنت خالتى؟"

"انت جوز بنت خالتى؟"

"اااااااااااااااااااااااااااااااااه"

وبدات هى وهو يشاركها البكاء والانهيار بشدة

فهى تبكى بصوت مرتفع ولا تستطيع ان تتحرك لاى مكان فقد وقعت على الارض من حدة الصدمة

وهو ايضا يبكى ويقول لها "انتى كدة خلاص هتبعدى عنى انتى كدة ضعتى منى انا لاقيتك والقدر ضيعك منى"

قالت"لو سمحت... اقفل وماتتكلمش ولا كلمة دلوقتى"

"اقفل ولما اتصل بيك ابقى رد عليا ... ده لو اتصلت"

"اه.. استنى..... انا بحبك.. ها؟.. بحبك..."

ووضعت السماعة وهى فى حالة يرثى لها حيث كانت غير متحكمة فى اى شئ

كانت لاترى شئ امامها الا حطمتة

ولا تستطيع ان تفعل اى شئ الا البكاء والصراخ

حتى دخلت عليها احد صديقاتها المقربه لها وتقول لها"مالك فيكى ايه؟ ايه اللى حصل"

وقامت صديقتها بوصفها فى هذا الوقت بكلمة"مدمرة"

قالت"صحبتى كانت مدمرة ومكنتش عارفة اعمل لها حاجة"

قامت البطلة بتبديل ملابسها واخذت السيارة وخرجت وحدها فى ظلمة الليل

لاتعرف الى اين تذهب والى من تشتكى لاتعرف ماذا تريد فى الوقت الحالى ؟ وماذا تفعل بعد هذا الوقت؟

ذهبت حيث وجدت نفسها امام النيل والجو مظلم ويكاد الليل ينقضى ليظهر نور الفجر

ومع كل هذا لم تفكر فيما تفعلة من حيث انه صح ولا غلط

اخذت تحدث نفسها وتقارن حبها للحبيب وحرصها على شكلها امام نفسها وامام العيلة وامام بنت خالتها

اخذت تفكر حبها له اكبر ام حبها لبنت خالتها

اتضيع حلما سعت من اجل تحقيقة حلما وصفته بانه حلم عمرها وحياتها

التفكير اخذ من وقتها كثيرا الى ان شاهدت نور الشمس يشرق

وعندها قررت ان تكلمة

وقررت ماذا ستفعل؟ وعرفت ماذا ستقول؟

اخذت التليفون بيديها وقامت بطلب رقم الحبيب الذى سيظل بداخلها حبيب

قائلة"بص بقى انت تنزل تقابلنى دلوقتى حالا"

"مش هقبل اى اعذار هشوفك دلوقتى يعنى هشوفك دلوقتى"

قال"حاضر مسافة الطريق وهكون عندك"

قالت "منتظراك"

وبعد ان جاء وحضر اليها ذهبت اليه مسرعة ومهرولة لترتمى باحضانة

ذهبت ولم تجد اى مبرر لتكف عن البكاء وهى بحضنة الذى وصفتة بالحضن الدافئ

نظرت فى عينية والدموع تنهمر منها على خدها

نظرت اليه بكل الحب والحنان والرقة

نظرت اليه وتحدثة بكل دمعة تنزل منها

قالت"انا مستحيل انساك فى يوم"

"انا لايمكن هقابل حد احبة اوى كدة زى ماحبيتك"

"انا.....انا......ااااااااااه...انا حظى وحش اوى اوى اوى"

هو لا يقاوم دموعها التى شاهدها وكانها نار ينسلخ بها قلبة

لايستطيع ان يسكتها عن البكاء ولا يستطيع ان يقول اى حرف

الا كلمة واحدة قالها بعينية وشفتاه وضمة حضنه الدافئ

قال"بحبك..."

"اقسم بخالق السماء والارض... بحبك"

"ولا يمكن افرط فيكى... لايمكن اسيبك تضيعى من ايدى ابدا"

"انا ماصدقت لاقيتك.... انتى حبيبتى.. وانا انتى"

وضعت اصبعها السبابة على شفتاه وهو يتحدث وقالت"ششششششششششش"

"بس... مش عاوزة اسمع اى كلام"

"كفاية الكلام اللى بسمعة من صوت دقات قلبك ونظرات عيونك"

"انا كمان بحبك ومش ممكن هسيبك تضيع من ايدى ابدا ابدا"



وانطلقا معا للذهاب لاى مكان يتحدثا فيه بهدوء حتى يصلا لحل فى هذة المشكلة

بدات بالكلام قائلة"انت كنت عارف من زمان ومكنتش قايلى؟؟؟"

قال"لاء والله انا عرفت لما شوفت اسمك بالكامل فى البطاقة ورحت سالت زوجتى عليكى وعرفت انك قريبتها"

قالت"طب انت دلوقتى عايش معاهم ولا مع والدك"

قال"انا دلوقتى معاهم فى نفس البيت بس كل واحد فى ناحية واحنا متفقين ع الطلاق"

قالت"لاء بلاش طلاق.... استنى بس شوية اما نشوف المشكلة دى"

قال"اوك يلا نفكر بالراحة"

قالت"طب انت كنت عارف لما كنت معاك اخر مرة وكنت بحكيلك عن همومى وبكيت ادامك؟"

قال"اه وكنت عاوز اقولك فى الوقت ده بس لاقيت حالتك متسمحش انى احكى على شئ يضايقك"

قالت"يعنى انا شفت الكلام فى عينيك ومكنتش عاوزة اسالك عشان اسيبك لحد ماتقولى"

قال"انا طول اليوم بفكر ازاى اقولك.. ونتيجة كدة هيكون ايه.. كنت خايف من رد فعلك.. تبعدى عنى"

قالت"بص انا حسيت ان حبى ليك اكبر من حبى لبنت خالتى بكتير خصوصا انى معرفش بنت خالتى اوى"

"يمكن سبب الخطأده انى مكنتش بزوركم ومعرفتش شكلك خالص لانك كنت مسافر وبقالى حوالى عشر سنين مرحتش هناك"

"وهو دة اللى خلانى معرفش انت قريبى ولا لاء بس لما انت قلت انك قريبى قعدت اجمع بالذاكرة من صور فرح بنت خالتى"

"لحد ما افتكرتك"

"ياااااااااااااااااااااااااااااااااه........قد ايه الدنيا صغيرة اوى"

تنهداااا تنهيده قوية معا وقاللا فى نفس واحد

"طب والعمل؟؟؟"

قالت"ولا حاجة انا قلت لك انى مش هقدر ابعد عنك وسيب بقى الايام تساعدنا اننا نلاقى حل"

قال"حاضر بس انتى زى ماوعدتينى....."

قالت"بسسسسسسس... خلاص بقى يلا نقوم"

وانطلقا معا حتى يذهب كل منهما لعملة

وللحديث بقية

بس المهم دلوقتى عاوزين نفكر فى حل للناس دول

بصراحة انا عاوزاكوا تشاركونى برئيكوا يمكن حل من الحلول اللى هتقولوها ينفع

لكن لسة فى باقى للحكاية

انا عارفة انى طولت عليكو

سورىىىىىىىىىىى




هناك 15 تعليقًا:

حبيبة الروح يقول...

احجزي اول تعليق
لميويههههههههههههههههه وبس

حبيبة الروح يقول...

هيييييييييييييييييييه وده تاني تعليق
بصراحه الحكايه معقده اوي اوي اوي
اقولك علي حاجه
مدام هو كدا كدا كان مقرر يسيب زوجته يبقي هي كدا مش زنبها حاجه
بس المفروض تعرف كمان من بعيد لبعيد كدا مين السبب في الانفصال ده
لازم تعرفه بس من برة ومش حد ياخد باله
وفي نهايه حديثي هذا احب اقولك
ربنا يرزقها بالي فيه الخير
سلام يا قمر

موجة يقول...

حبيبة الروح
______________
والله يامى اللى انتى بتقوليه ده حلو اوى وهو ده اللى البطلة عملتة بعد كدة بس هى خافت انها ممكن لما تقرب من بنت خالتها وتعرف مين سبب الانفصال ممكن تتحيز للحبيب
هنشوف البطلة عملت ايه بعد كدة
شرفتينى ارجوكى افضلى متابعانى عشان تشاركى البطلة التفكير يمكن نلاقى لها حل
سلامى ياقمر

نـــــور يقول...

مش بقولك شغل افلام ياموجتى الغاليه
بجد لو انك مش قولتى القصه حقيقه انا كنت قلت دى روايه

بس المشكله والحل اعتقد فى ايد الوقت
يعنى اعتقد الجزم فى المشكله دلوقت صعب خصوصا ان لسه للحديث بقيه ويبدو ان فى تطورات كتير لسه فى الطريق

مش كده ياعثل؟
باى

موجة يقول...

habiba
________
والله ياحبيبة قلبى ونور عينى انا شايفة ان حتى الوقت مش هيحل الموضوع
بس نامل ان يكون فى حل يرضى الطرفين وميكسرش قلبهم

Maha Shahen يقول...

طبعا انا عارفه انى بقالى كتير مبمرش من هنا انا مبمرش من اى مكان اصلا شكل المواصلات انعدمت من عندى يلا الله المستعان
المهم
القصه انا قريتها كلها لحد ما وصلت لهنا علشان افهم كويس
انتى كتباها بطريقه جميله جدا بجد بوصف المشاهد والمشاعر
لكن الاحداث حساها مستحيله انا قبلت فى الحياه قصص اغرب من الخيال بالفعل
لكن القصه دى وقفتنى ابص ليها وافكر
ممكن انسان يرسم حياته ويخططها كويس وفجاءه يتنازل عن كل دا ويمشى ورا صدفه فتقوده للهلاك وكمان يستعزب الهلاك دا
انا مبشوفش فى تصرفها بعد كل اللي عرفته الا بعض الانانيه
الصدمه مأثرتش عليها وكأنها هتتنازل عن كل شيء فداء لحبها
لكن امتى حبت يمكن الحب ملهوش معاد ولا وقت ولا مكان وممكن يجى فجاءه
بس بالشكل دا اعتقد هيضيع ببساطه
الانسان لو هيقدر يضحى بكل شىء حواليه علشان الحب
طب هى مضحتش مفكرتش وقع الخبر على بنت خالتها حتى لو بقالها سنين مش بتقابلها وحتى لو علاقتهم هامشيه
بس انا مطولش عليكى اكتر غايظنى انا انه عرف انها بنت خالتها من البطاقه ازاى يعنى
العامل المشترك هيكون فى اسم والد أمهات البنتين
ودا مبيكونش فى البطاقه يا موجه عزبه جننتينى هههههههههههه
ولا اقولك همشيها لا نقول المخرج عايز كدا

الاهم من كل دا بقى انك تكملى كتابه ربنا يوفقك علشان اسلوبك جميل فى الطرح

بتمنالك التوفيق واسفه للأطاله
تحياتى

موجة يقول...

nour shahine
_____________
والله يانور ياحبيبتى القصة فعلا غريبة جدا تكاد تكون مستحيل حدوثها لكن هى حدثت بالفعل وموضوع انه عرف انها بنت خالت مراتة من البطاقة لانة شاف اسم العيلة مشابة لاسم عيلة مراتة فسال مراتة عن قرايبها وكدة بقى الكلام جاب بعضة لحد ماعرف
وبعدين موضوع الانانية دى انا شايفة انها طبيعية من الطرفين لانهم الاتنين تعبو جدا لحد مالاقو بعض
ودة من وجهة نظرهم هما الاتنين
ع العموم ماتستعجليش الاحداث هتوضح النهاية
واشكرك جدا لمرورك عندى اللى اتمنى انة يكون بشكل دائم
لانك والله بتنورينى وبتفرحينى لما بشوف تعليقك

أبو العريف يقول...

موجه
بالنسبه لصاحبي لا
الموضوع كده اتغير خالص ودخل في زتون كالاتاتا
وبعدين دي مشكله ليها هي عشان خاطر قريبتها دي ولا قولك تولع قريبتها
المهم الواد بيحبها ولا لا انا خايف يكون طهقان من مراته وقرر ينتقم من اهلها فبدأ ببنت خالتها

اما بخصوص ابو العريف
انا لقيت كل اللي مش عارفيت حاجه زي حالاتي عاملين فيها ابو العريف
فقلت هي جات علي انا كمان هعمل ابو العريف واهو كله تخاريف

موجة يقول...

ابو العريف
___________
اولا
انا مبسوطة اوى يا ابو العريف انك شرفتنى تانى فى المدونة وقريت القصة وشاركت برايك
ثانيا
الواد مش بيلعب بيها ومكنش يعرف انها بنت خالتها الا بالصدفة وعشان كدة الماساه موجودة
امال الحب اسمة الحب المستحيل ليه
ثالثا
بالنسبة لابو العريف يارب تكون اسم على مسمى عشان انا مش عارفة خالص
وعندى حالة مسيطرة عليا انا ومعظم اصحابى اسمها مش عارفة فلما ناس مش عارفة تقابل ناس ابو العريف كدة المعادلة هتبقى موزونة والدنيا هتمشى
واللى يعرف يقول للى مش عارف بقى
ونورتنى بجد بجد
ياريت ماتقطعش الزيارات

نـــــور يقول...

ازيك يامعلمى
واحشنى ياعثل

بصى جيت اطل على بلوجك وقلت ادحرج التماسى

ازيك ياض وازى العيال
سلملى عليهم قولهم طنطكوا حبيبه بتسلم

موجة يقول...

habiba
_________
والله يا اوختشى العيال قارفنى اوى
خدو ياعيال سلموو على طنطكو حبيبة
العيال:
طنط طنط هاتى قش
حبيبة:
امشى ياض منك له لمى عيالك ياختشى عنى
ههههههههههههههههه
وربنا وعليا النعمة بحبك وعليا النعمة بدووووب
على راى شعبولا وايـــــــــــــه...

غير معرف يقول...

أولا : أسلوبك فى الكتابة رائع جدا جدا ...سيبك من المجاملات اللى مش بحبها وقت الجد أبد ...نرجع للقصة
اولا البطل والبطلة فى البداية تعارفوا دون أن يعلموا بأنهم أقرباء أو بالادق نسايب ....
ثانيا هما حبو بعض بعد معرفة كل طرف لظروف الطرف الاخر
ثالثاالعلاقة بين البطلة و بنت خالتها علاقة هشة جدا
رابعا العلاقة بين البطل وزوجتة تكاد تكون على حافة الهاويا أن لم تكن منتهية ...
خامسا البطل أعترف لحبيبتة بالوضع المستجد و ذلك فى الوقت المناسب دون أن يسوفها أو يلعب بمشاعرها أكتر وقت سادسا البطلة غفرت لحبيبها الخطأ غير المقصود سابعا الحب الحقيقى لا يعوض ومن رايى الشخصى إذا تعرضت لهذا الموقف فأنا على أستعداد أن أخسر جميع من أعرفهم أمام كسب من أحب ...وذلك دون الظلم فى حقوق أولادى أو من اعولهم
أخيرا الحل الوحيد والمنطقى والطبيعى لقصة الحب هذة أن تتوج بالزواج دون تأخير .............. ولكن سيادتك وضعتى عنوان الحب المستحيل ومن معنىاة واضح أنة ستكون هناك مفجأة أخرى غير متوقعة تزلزل هذا الحب واخشى أن يكون من أسباب فشل هذا الحب وجود كدبة كبيرة لم تظهر بعد......وفى النهاية تحياتى
حسين النعامى

التميز المثالي للخدمات المنزلية يقول...


شركة تاج للتنظيف بالدمام 0551844053


شركة مكافحة حشرات بالدمام

شركة رش مبيدات بالدمام

شركة تنظيف بالدمام


شركة تنظيف شقق بالدمام


شركة تنظيف فلل بالدمام


شركة رش مبيدات بالخبر


شركة مكافحة حشرات بالخبر



شركة تنظيف شقق بالخبر


شركة تنظيف سجاد بالدمام


شركة مكافحة حشرات بالاحساء

شركة مكافحة النمل الابيض بالاحساء


شركة مكافحة حشرات بالجبيل

شركة مكافحة النمل الابيض بالجبيل


شركة تنظيف منازل بالجبيل

شركة رش دفان بالدمام

شركة مكافحة النمل الابيض بالدمام






رواد الحرمين يقول...


شركة كشف تسربات المياه بالاحساء


شركة كشف تسربات المياه بالخبر


شركة كشف تسربات المياه بالقطيف


كشف تسربات المياه بالاحساء

رواد الحرمين يقول...


شركة كشف تسربات المياه بالاحساء


شركة كشف تسربات المياه بالخبر


شركة كشف تسربات المياه بالقطيف


كشف تسربات المياه بالاحساء