السبت، 31 يناير 2009

عريس لبنانى

هحكيلكو قصة ظريفة خالص
حصلت مع حد اعرفة معرفة شخصية
فى يوم كدة اللهم اجعلة خير لاقيت وحدة عزيزة عليا اوى بتقولى انا متقدملى عريس لبنانى

وال ايه بقى اسمة "جاسى"
قلت لها: يابنتى ع البركة شوفى اخلاقة وبعدين قررى
قالت: اوك
لاقيتها بتتكلم عنة بكل احترام وكل ادب واخلاق
واعجبت بية فعلا
رغم ان هى اصلا مكنتش موافقة ع الارتباط اساسا بس لما ظهر منة حاجات كويسة
اعجبت بشخصيتة واخلاقة
هو كان مفهمها انة فى اكاديمية مش عارفة فين فى اسكندرية وبيدفع تلات الاف دولار عشان ينجح
وحاجات كدة
وعربيتة نوبيرا سودا وعندة بيت فى القاهرة وبيت فى اسكندرية وبيت فى لبنان
ومن بقيت الحاجات اللى عندة ان والدتة مصرية ووالدة لبنانى
وكان ليه اخت اتوفت وهو زعلان عليها اوى
وطبعا صحبتى دى كانت دايما تواسية وتصبرة


صحبتى حبت تسال عليه عشان تتطمن ليه اكتر قبل ماتوافق علية
راحت موكلة راجل ابن حلال من اسكندرية برضو يسالها عليه فى الاكاديمية اللى هو قال عليها
وطبعا النيجة كانت متوقعاها انة شخص محترم وعلى ادب
مش عاوزة كلام


الراجل اللى بيسال على "جاسى "ده قعد فترة طويلة عشان يجيب لها المعلومات اللى هى كانت طالباها
خلال الفترة دى البنت كانت بدات تعجب بيه اكتر واكتر بتسمع منة مواقف حلوة اوى
تخليه يكبر فى نظرها

المهم
فى يوم كدة لاقيت الراجل اللى موكلاه ده بيتصل بيها

ويقولها:
عندى اخبار كويسة اوى عشانك
بخصوص الشاب اللى متقدملك

قالت له:
خير

قالها:
مفيش اى معلومات بالاسم ده فى الاكاديمية

قالت له:

لاء انا مش مصدقة
اكيد انت مدورتش كويس او دورت فى اكاديمية غلط


وقعدت البنت ياعينى تدور على حجج عشان تنقذ بيها صورة الشاب ده
وفى الاخر قالت هو مافيش غير احتمالين


الاول: ان الشاب ده خدعها اما فى اسمة او فى الاكاديمية اللى هو فيها او فى شخصيتة كلها
والتانى:
ان اللى بيسال عليه سال غلط


المهم عملت ايه بقى صحبتى دى


راحت حددت معاد مع "جاسى" وقالت له عاوزة اشوفك
فى الوقت اللى كانت رافضة انها تقابلة نهائى بس هى عملت كدة عشان تتاكد من حاجة
المهم حددت معاه معاد واتقابلو


استلمو بقى المفاجئات


1_لاقيته من غير عربية زى ماهو قالها


واتحجج انه مرضيش يجيبها عشان ميصحش وعيب انها تركب معاه فى العربية وانة خايف عليها
طبعا ما خالش عليها الكلام دة بس سكتت


2_لاقيتة عارف شوارع كتير اوى فى القاهرة

والمفروض انة من اسكندرية وكمان لبنانى يعنى معرفتة ضعيفة بالشوارع دى عملت برضو عبيطة وسكتت


راحت قعدت معاه فى كافية هى اللى اختارتة


وقالت له: انها عاوزة تشوف بطاقتة او اى اثبات شخصية بطريقة يعنى تدل ع الهزار


راح قالها: انه معملش بطاقة


قالت له: امال ايه اللى فى محفظتك دى


قالها: دى صورى انا واختى واخويا


قالت له: اشوفها


وراها الصور
وهى بت زكية ومن حسن حظها انها قلبت الصورة على ظهرها لاقيت اسم مكتوب غير اسم جاسى


طنشت

بس الشك عمال يزيد
المهم لمحت كدة حاجة زى بطاقة او كارنية فى محفظتة


قامت قالت له: دى بطاقتك اهى


قالها:لاء دى مش بطاقة ومرضيش برضو يوريهالها


المهم


هى قالت بقى والله لازم اجيب اخرة النهاردة


راحت قالت له: انا كنت فى الاكاديمية امبارح
وعرفت كل حاجة ممكن تفهمنى ليه كدة
ليه عملت كدة


قالها: عملت ايه واصر على كدبة


بس هى الحت علية الحاح كلة حب عشان يخضع لها
وفعلا البنت نجحت فى انها تخليه يعترف بكل حاجة


وقالها انة مش لبنانى وانه مصرى وانه من الجيزة مش اسكندرية ومعندوش عربية وكمان مش فى الاكاديمية ده مخلص معهد فنى تجارى
وقال كل حاجة بقى ومعندوش اخت متوفية ولا حاجة وكل اللى كان بيحصل كلة كب فى كدب


طبعا هى اتصدمت بس مش اوى لانها كانت واخدة خلفية
راحت حططت فى دماغها انها لازم تاخد بطارها وقبل ماتمشى
وطبعا حجج البنات مش بتخلص
المهم فضلت تتكلم معاه وتحسسة انها بجد اتضايقت من كدة
ولما خرجو من الكافية


حب الواد انة ايه
يمسك ايدها


ههههههههههههههههههههههههههههههههههههههههههههههههههههه
وهنا بدات لحظة الصفر

ههههههههههههههههههههههههههههههههههه


هى بصت له كدة وقامت راحة خبطاه بالالم على وشة
هو طبعا يعنى ماقلكوش انا متخيلة شكلة كان ازاى
ادى اول حاجة
بعدين خد الالم وقالها ليه كدة قالت له عيب وغلط واتحججت واتكسفت
بعدين راح يوصلها عشان تمشى تروح بقى
قبل ماتمشى عمال يقولها بحبك هتوحشينى وهى عماله تقولة طيب
امشى بقى
امشى
مش راضى يمشى
فى واحد من الناس اللى معاها مروحين قالها تعرفية ده ولا بيتعرضلك
قالت له معرفوش عمال ماشى ورايا من الصبح ومش سايبنى فى حالى نزل الراجل ده هو وصحبة
وبعدين بقى
انتو اكيد عارفين الباقى
عينيكو ماتشوف الا النور


وهى خلت العربية تطلع جرىىىىىىىىىىىى ع البيت
وجت تحكيلى وهى بتضحك بطريقة غريبة
وانا طبعا قعدت اضحك على صاحبنا بالله ده وقلت لها يستاهل
عشان بنات الناس مش لعبة
والحمد لله عدت ولسة ياما هنشووووووووووف
واللى يعيش ياما يشوف واللى يلف يشوف اكتر
وفعلا زى ما قلت قبل كدة غريبة النااااااااس غريبة الدنيا ديا